ᓴᐳᑎᓇᓱᐊᒃᑲᓐᓂᕐᓂᖅ ᓄᓕᐊᕐᓂᒃᑯᑦ

ᐊᐃᑉᐸᕇᖃᑎᖃᕈᒪᓕᕈᕕᑦ, ᐃᓕᖕᓂᒃ ᓴᐳᒻᒦᓐᓇᐅᔭᕆᐊᖃᖅᑐᑎᑦ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ. ᐱᔭᕆᐊᖃᕐᒥᔪᑎᑦ ᓴᐳᒻᒥᓗᑎᑦ ᐃᓕᖕᓂᒃ ᓯᖓᐃᓕᖅᑕᐃᓕᒪᓗᑎᑦ ᐱᔭᕇᖅᓯᒪᓕᕈᕕᑦ ᑭᓯᐊᓂ ᓄᑕᕋᓛᖃᕈᓐᓇᕐᓂᕐᒥᒃ.

ᐅᓲᑉ ᐴᖏᑦ ᖃᓂᕐᒧᓪᓗ ᓴᐳᒻᒥᔾᔪᑏᑦ−ᐊᑐᒐᒃᓴᑦ ᐱᑎᑦᑎᓲᑦ ᑐᓗᕈᑎᓂᒃ−ᑐᓂᓯᓲᑦ ᐱᐅᓛᓂᒃ ᓴᐳᒻᒥᔾᔪᑎᓂᒃ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ. ᐅᓲᑉ ᐴᖏᑦ ᐱᑎᑦᑎᓲᖑᖕᒥᔪᑦ ᐃᓚᖓᓂ ᓯᖓᐃᓕᙱᓐᓂᕐᒥᒃ.

ᐅᓄᖅᑐᑦ ᓯᖓᐃᓕᖅᑕᐃᓕᔾᔪᑎᑦ ᐄᔭᒃᑲᖏᑦ ᐊᑐᒐᒃᓴᑦ ᐱᑎᑦᑎᓲᑦ ᓴᐳᒻᒦᑎᑦᑎᖏᓐᓂᕐᒥᒃ ᐊᐃᑉᐸᕇᖕᓂᕐᒧᑦ ᖁᐱᕐᕈᖅᑖᕐᓂᕐᒥ. ᐅᓄᖅᑐᑦ ᐃᓄᐃᑦ ᐅᒃᐱᕈᓱᒃᑐᑦ ᐱᐅᓛᖑᔪᖅ ᐊᑐᒐᒃᓴᖅ ᑎᒥᒧᑦ ᑐᓗᕈᑎᐅᔪᖅ ᐃᓚᖃᕐᓗᓂ ᓯᖓᐃᓕᔾᔭᐃᒃᑯᑎᒥᒃ. 

ᐅᕝᕙᐅᑯᐊ ᐊᑐᕐᐸᓪᓕᐊᔾᔪᑎᑦ ᐊᑐᕐᓂᐊᕐᓗᓂ ᐊᖑᑎᒧᑦ ᐅᓲᑉ ᐴᖓᓂᒃ:

ᐊᓪᓗᕈᑎ 1

ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ, ᐅᔾᔨᖅᓱᕐᓗᑎᑦ ᒪᒃᐱᕐᓗᒍ.

ᐊᓪᓗᕈᑎ 2

ᐱᒋᐊᕆᐊᓕᒃ ᐅᓱᖓ ᑎᓯᒡᓕᑎᓪᓗᒍ (ᑎᒃᓴᓗᓂ). ᐅᓲᑉ ᖄᖓ ᐅᕕᓂᒃ ᐸᐅᖓᖅᑎᓪᓗᒍ.

ᐊᓪᓗᕈᑎ 3

ᐅᓲᑉ ᐴᖓᑕ ᖄᖓᒍᑦ ᐳᔾᔪᒡᓗᒍ.

ᐊᓪᓗᕈᑎ 4

ᐊᒡᒐᕕᑦ ᐱᖃᑖᓄᑦ ᑕᒃᐸᐅᙵᖅᑎᑉᐸᓪᓕᐊᓗᒍ ᐅᓱᖕᓄᑦ ᐃᓕᓯᒪᔪᖅ.

ᐊᓪᓗᕈᑎ 5

ᒪᕿᐊᓂᒃᑯᕕᑦ, ᐅᓲᑉ ᐴᖓ ᐱᓯᒻᒥᓗᒍ ᐅᑦᑐᖕᒥᑦ ᐲᓕᕈᕕᐅᒃ ᒪᕿᕈᔪᖓ ᐊᓂᑎᑦᑕᐃᓕᓗᒍ. ᐅᔾᔨᖅᓱᕐᓗᒍ ᐲᖅᑎᓪᓗᒍ, ᐊᑖᒍᑦ ᑎᒍᒥᐊᕐᓗᒍ ᒪᕿᖓ ᐃᓗᐊᓃᑎᓐᓇᕐᓗᒍ.

ᐊᓪᓗᕈᑎ 6

ᐅᓲᑉ ᐴᖓ ᐊᑐᓵᖅᑐᖅ ᐊᒃᑕᕐᕕᖕᒧᐊᕐᓗᒍ, ᖁᕐᕕᖕᒧᐊᙱᓪᓗᒍ. ᐅᓲᑉ ᐴᖓᓂ ᐊᑐᐊᓂᒃᑐᒥᒃ ᐊᑐᒃᑲᓐᓂᖅᑕᐃᓕᑦᑎᐊᕆᑦ.

ᐊᑐᒐᒃᓴᑦ ᐊᑐᕐᓂᕐᒧᑦ ᐊᖑᒻᒧᑦ ᐊᕐᓇᒧᓪᓗ ᐴᕐᓂ

ᐴᑦ ᐊᑑᑎᖃᓛᖑᔪᑦ ᐊᑐᑦᑎᐊᕈᕕᒋᑦ. ᐊᑐᕐᓗᒋᑦ ᑖᒃᑯᐊ ᐊᑐᒐᒃᓴᑦ ᐱᖁᓪᓗᒍ ᓯᖓᐃᓕᖏᓪᓗᑎᑦ ᓴᐳᒻᒥᓗᑎᓪᓗ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ.

  • ᐃᓕᑦᑎᐊᖅᓯᒪᓗᒋᑦ ᓂᒡᓕᓇᐅᔭᖅᑐᒧᑦ, ᐸᓂᖅᑐᒥ ᐃᓂᒥ ᓯᕿᓐᓂᙱᓐᓂᕐᒥᒃᓗ. ᖁᐊᖅᑎᑦᑕᐃᓕᓗᒋᑦ ᐆᓇᖅᓯᓗᐊᖅᑎᑦᑕᐃᓕᓗᒋᓪᓗ. 
  • ᖃᐅᔨᒋᐊᕐᓗᒍ ᐊᑐᕈᓐᓃᕈᑎᒃᓴᖓᑕ ᐅᓪᓗᖓ. ᐊᑐᙱᓪᓗᒋᑦ ᐊᑐᕈᓐᓃᕈᑎᒃᓴᖓᑕ ᐅᓪᓗᖏᓐᓄᑦ ᑎᑭᓯᒪᔪᑦ ᐴᑦ. 
  • ᐴᖅ ᐊᑎᓗᒍ ᐊᐃᑉᐸᕇᒍᑎᑦ ᐊᒃᑐᓚᐅᙱᑎᓪᓗᒋᑦ. ᐴᑦ ᐊᑑᑎᖃᑐᐃᓐᓇᖅᑐᑦ ᐋᖅᑭᒃᐸᑕ ᑐᓗᕈᑎᖃᙱᓪᓗᑎᒃ ᐊᑯᓐᓂᖓᓂ ᐊᐃᑉᐸᕆᒍᑎᑦ. 
  • ᐅᖅᓱᖅᑎᒃᑲᓐᓂᕐᓗᒍ ᐃᑲᔪᖁᓪᓗᒍ ᓱᕋᒃᑕᐃᓕᓗᑎᒃ ᐊᔪᕐᓇᙱᓐᓂᖅᓴᐅᑎᓪᓗᒍᓗ ᐊᑐᕐᓗᒋᑦ.  
  • ᐊᑐᕐᓗᑎᑦ ᐴᕐᒥ ᐊᑕᐅᓯᐊᑐᐃᓐᓇᕐᓗᒍ. ᐃᒋᑲᐅᑎᒋᓗᒍ ᐊᒃᑕᑰᓯᕝᕕᖕᒧᑦ ᐊᑐᐊᓂᑐᐊᖅᐸᑦ−ᖁᕐᕕᖕᒨᖏᑦᑐᖅ. ᐊᑐᕐᓗᑎᑦ ᓄᑖᒥᒃ ᐴᕐᒥ ᐊᑕᐅᓯᐅᑦᑕᖅᑐᒃᑯᑦ ᐊᐃᑉᐸᕇᖕᓂᕐᒧᑦ ᖃᓄᐃᓕᐅᕐᓂᕐᒥ. 
  • ᐊᑐᐃᓐᓇᐅᔭᕐᓗᑎᑦ ᐴᕐᒥ ᑕᐃᒪᐃᑕᒫᑦ. ᓴᐳᒻᒥᔾᔪᑎᖃᙱᓪᓗᓂ ᐊᐃᑉᐸᕇᖕᓂᖅ ᐊᑦᑕᕐᓇᖅᑐᒦᑎᑦᑎᔪᓐᓇᖅᑐᖅ ᐃᓕᖕᓂᒃ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ ᓯᖓᐃᓕᕐᓂᕐᒥᒃᓗ. ᐴᑦ ᑎᒥᒃᑯᑦ ᑐᓗᕈᑎᓕᐅᖃᑦᑕᖅᑐᑦ ᐱᐅᓛᖑᓪᓗᓂᓗ ᓴᐳᒻᒦᓂᕐᒥ ᐊᐃᑉᐸᕇᖕᓂᒃᑯᑦ ᖁᐱᕐᕆᓂᕐᒥ. 
  • ᐊᑐᕐᓗᑎᑦ ᐴᕐᒥ ᐊᑕᐅᓯᐊᑐᐃᓐᓇᕐᓗᒍ ᑕᐃᒪᐃᑐᐊᕋᖓᕕᑦ. ᐊᑐᓚᐅᖅᓯᒪᙱᓪᓗᑎᑦ ᐊᖑᑎᓄᑦ ᐊᕐᓇᓄᓪᓗ ᐴᓂᒃ ᐊᑕᐅᑦᑎᒃᑯᑦ, ᐅᕝᕙᓘᓐᓃᑦ ᒪᕐᕉᒃ ᐊᖑᒻᒧᑦ ᒪᕐᕉᒃᓘᓐᓃᑦ ᐊᕐᓇᒧᑦ ᐴᓂᒃ ᐊᑕᐅᑦᑎᒃᑯᑦ.

ᐃᓚᖏᑦ ᐃᓄᐃᑦ ᐱᐅᒋᒋᑕᖃᕐᒪᑕ ᐃᓚᕈᑎᓕᖕᒥ ᐴᕐᓂᑦ. ᖃᐅᔨᒪᓇᕈᑎᖏᑦ ᐱᐅᒃᓴᙱᓐᓂᕐᒧᑦ ᐃᓚᐅᑎᑦᑎᔪᑦ ᐆᓐᓂᕐᒥ, ᐅᖏᓚᖕᓂᕐᒥ, ᐳᓪᓕᕐᓂᕐᒥᒃᓘᓐᓃᑦ ᐊᑐᓚᐅᖅᑎᓪᓗᒋᑦ ᐴᕐᒥ. ᐃᒡᕕᑦ ᐱᖃᑏᓪᓘᓐᓃᑦ ᐃᓱᒪᒃᐸᑦ ᐱᐅᒃᓴᙱᓐᓇᓱᒋᓗᓂ, ᐊᑐᕆᐊᖔᕐᓗᒋᑦ ᐃᓚᕈᑎᖃᙱᑦᑐᑦ ᐴᑦ. ᐅᖃᐅᔾᔨᓗᓂ ᐃᓗᐊᖅᓴᐃᔨᒥᒃ ᐃᑲᔪᖅᑕᐅᔪᒪᓗᓂ ᓈᒻᒪᒋᔭᖏᓐᓄᑦ.

ᐊᕐᓇᒧᑦ ᐴᖅ ᐅᖅᓱᖅᑎᕈᑎᖅᓯᒪᕙᒌᖅᑐᖅ ᓱᓪᓗᓕᖓᐅᔭᔪᖅ, ᓇᒡᒍᐊᕐᒥᙳᐊᖃᕐᖢᓂ ᐃᓱᖏᒃᑎᒍ, ᒪᑐᓯᒪᓪᓗᓂᓗ ᐱᖃᑖᑕ ᐃᓱᐊᒍᑦ. ᐱᓲᖅ ᖃᐸᒃᒥ ᒪᕿᓚᐅᙱᑎᓪᓗᒍ, ᒪᕿᑎᓪᓗᒍ, ᒪᕿᐊᓂᒃᑎᓪᓗᒍᓗ.

ᐊᓪᓗᕈᑎ 1

ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ, ᐅᔾᔨᖅᓱᕐᓗᑎᑦ ᒪᒃᐱᕐᓗᒍ.

ᐊᓪᓗᕈᑎ 2

ᐱᐊᒍᑎᓕᒃᑲᓐᓂᕈᓐᓇᖅᑐᖅ.

ᐊᓪᓗᕈᑎ 3

ᓇᒡᒍᐊᕐᒥᖓ ᓇᕿᓯᒪᓗᒍ ᐃᓱᐊᒍᑦ.

ᐊᓪᓗᕈᑎ 4

ᐅᑦᑐᒃᐱᑦ ᐃᓗᐊᓄᐊᕐᓗᒍ ᓲᕐᓗ ᐃᖢᐊᕈᑎᑎᑐᑦ.

ᐊᓪᓗᕈᑎ 5

ᑎᑮᑦ ᐃᓗᐊᓄᑦ ᐴᕐᓗᒍ ᓇᒡᒍᐊᕐᒥᖓᓗ ᑕᐅᓄᖓᓕᒫᑦᑎᐊᖅ ᐊᔭᒡᓗᒍ. ᐅᐃᔾᔮᖅᑎᑦᑕᐃᓕᓗᒍ ᐴᖅᑕᐃᑦ. ᓯᓚᑖᓃᑦᑐᖅ ᓇᒡᒍᐊᕐᒥᒃ ᐅᑦᑐᒃᐱᑦ ᓯᓚᑖᓃᖏᓐᓇᕐᓗᒍ.

ᐊᓪᓗᕈᑎ 6

ᑯᔭᒃᑎᓪᓗᓯ, ᐅᓱᖓ ᐴᖅᑎᑦᑎᐊᕐᓗᒍ. ᐅᑦᑑᑉ ᐴᖓᑕ ᐊᒻᒪ ᐅᑦᑐᒃᐱᑦ ᐊᑯᓐᓂᖓᓄᐊᖅᑎᑦᑕᐃᓕᓗᒍ. ᐊᒻᒪᓗ, ᐅᑦᑑᑉ ᐴᖓ ᐅᑦᑐᒃᐱᑦ ᐃᓗᐊᓄᑦ ᐊᔭᒃᑕᐃᓕᓗᒍ.

ᐊᓪᓗᕈᑎ 7

ᑯᔮᓂᒃᑯᔅᓯ, ᐅᔾᔨᖅᓱᕐᓗᒍ ᐲᖅᑎᓪᓗᒍ ᐴᖅ. ᓯᓚᑖᓃᑦᑐᖅ ᓇᒡᒍᐊᕐᒥᖓ ᐅᐃᔾᔮᖅᑎᓪᓗᒍ ᒪᕿᖓ ᐊᓂᑎᑦᑕᐃᓕᒪᓗᒍ ᐊᒻᒪᐃᓛᒃ ᓱᒃᑲᐃᑦᑐᒥᑦ ᐊᓂᑎᑉᐸᓪᓕᐊᓕᕐᓗᒍ.

ᐊᓪᓗᕈᑎ 8

ᐊᑐᓵᑕᓯ ᐴᖅ ᐊᒃᑕᕐᕕᖕᒧᐊᕐᓗᒍ, ᖁᕐᕕᖕᒧᐊᙱᓪᓗᒍ. ᐴᕐᒥᒃ ᐊᑐᐊᓂᒃᑐᒥᒃ ᐊᑐᒃᑲᓐᓂᖅᑕᐃᓕᑦᑎᐊᕆᑦ.

ᐊᔪᕈᓐᓃᖅᓴᕐᓗᑎᑦ ᐃᓕᓯᓂᕐᒥ ᐴᕐᒥ ᐅᑦᑐᖕᓄ, ᐊᑐᓚᐅᙱᓐᓂᕐᓂ ᓯᕗᓪᓕᖅᐹᒥ ᐊᐃᑉᐸᕇᖃᑎᑲᖅᑎᓪᓗᑎᑦ. ᓇᓂᓯᓗᑎᑦ ᐃᖢᐊᕆᔭᕐᓂᒃ ᐋᖅᑭᐅᒪᓂᕐᒥ−ᐊᓪᓛᖓᓗᓂ ᐃᖏᕐᓚᐅᔭᖅᓯᒪᓗᓂ, ᓇᓪᓚᖓᓗᓂ, ᓇᖏᕐᓗᓂᓘᓐᓃᑦ ᐃᓯᒐᒃᐱᑦ ᐃᒡᓗᐊ ᐃᒃᑎᕙᐅᑕᕐᒦᓪᓗᓂ. ᐃᓗᐊᓃᑎᑦᑎᔪᓐᓇᖅᑐᑎᑦ ᐴᕐᒥᒃ ᑎᑭᓪᓗᒍ 8 ᐃᑲᕐᕋᑦ ᐊᐃᑉᐸᕇᖃᑎᖃᓚᐅᙱᓐᓂᕐᓂ.

ᐊᑐᒐᒃᓴᑦ ᐊᑐᕐᓂᕐᒧᑦ ᐊᖑᒻᒧᑦ ᐊᕐᓇᒧᓪᓗ ᐴᕐᓂ

ᐴᑦ ᐊᑑᑎᖃᓛᖑᔪᑦ ᐊᑐᑦᑎᐊᕈᕕᒋᑦ. ᐊᑐᕐᓗᒋᑦ ᑖᒃᑯᐊ ᐊᑐᒐᒃᓴᑦ ᐱᖁᓪᓗᒍ ᓯᖓᐃᓕᖏᓪᓗᑎᑦ ᓴᐳᒻᒥᓗᑎᓪᓗ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ.

  • ᐃᓕᑦᑎᐊᖅᓯᒪᓗᒋᑦ ᓂᒡᓕᓇᐅᔭᖅᑐᒧᑦ, ᐸᓂᖅᑐᒥ ᐃᓂᒥ ᓯᕿᓐᓂᙱᓐᓂᕐᒥᒃᓗ. ᖁᐊᖅᑎᑦᑕᐃᓕᓗᒋᑦ ᐆᓇᖅᓯᓗᐊᖅᑎᑦᑕᐃᓕᓗᒋᓪᓗ. 
  • ᖃᐅᔨᒋᐊᕐᓗᒍ ᐊᑐᕈᓐᓃᕈᑎᒃᓴᖓᑕ ᐅᓪᓗᖓ. ᐊᑐᙱᓪᓗᒋᑦ ᐊᑐᕈᓐᓃᕈᑎᒃᓴᖓᑕ ᐅᓪᓗᖏᓐᓄᑦ ᑎᑭᓯᒪᔪᑦ ᐴᑦ. 
  • ᐴᖅ ᐊᑎᓗᒍ ᐊᐃᑉᐸᕇᒍᑎᑦ ᐊᒃᑐᓚᐅᙱᑎᓪᓗᒋᑦ. ᐴᑦ ᐊᑑᑎᖃᑐᐃᓐᓇᖅᑐᑦ ᐋᖅᑭᒃᐸᑕ ᑐᓗᕈᑎᖃᙱᓪᓗᑎᒃ ᐊᑯᓐᓂᖓᓂ ᐊᐃᑉᐸᕆᒍᑎᑦ. 
  • ᐅᖅᓱᖅᑎᒃᑲᓐᓂᕐᓗᒍ ᐃᑲᔪᖁᓪᓗᒍ ᓱᕋᒃᑕᐃᓕᓗᑎᒃ ᐊᔪᕐᓇᙱᓐᓂᖅᓴᐅᑎᓪᓗᒍᓗ ᐊᑐᕐᓗᒋᑦ.  
  • ᐊᑐᕐᓗᑎᑦ ᐴᕐᒥ ᐊᑕᐅᓯᐊᑐᐃᓐᓇᕐᓗᒍ. ᐃᒋᑲᐅᑎᒋᓗᒍ ᐊᒃᑕᑰᓯᕝᕕᖕᒧᑦ ᐊᑐᐊᓂᑐᐊᖅᐸᑦ−ᖁᕐᕕᖕᒨᖏᑦᑐᖅ. ᐊᑐᕐᓗᑎᑦ ᓄᑖᒥᒃ ᐴᕐᒥ ᐊᑕᐅᓯᐅᑦᑕᖅᑐᒃᑯᑦ ᐊᐃᑉᐸᕇᖕᓂᕐᒧᑦ ᖃᓄᐃᓕᐅᕐᓂᕐᒥ. 
  • ᐊᑐᐃᓐᓇᐅᔭᕐᓗᑎᑦ ᐴᕐᒥ ᑕᐃᒪᐃᑕᒫᑦ. ᓴᐳᒻᒥᔾᔪᑎᖃᙱᓪᓗᓂ ᐊᐃᑉᐸᕇᖕᓂᖅ ᐊᑦᑕᕐᓇᖅᑐᒦᑎᑦᑎᔪᓐᓇᖅᑐᖅ ᐃᓕᖕᓂᒃ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ ᓯᖓᐃᓕᕐᓂᕐᒥᒃᓗ. ᐴᑦ ᑎᒥᒃᑯᑦ ᑐᓗᕈᑎᓕᐅᖃᑦᑕᖅᑐᑦ ᐱᐅᓛᖑᓪᓗᓂᓗ ᓴᐳᒻᒦᓂᕐᒥ ᐊᐃᑉᐸᕇᖕᓂᒃᑯᑦ ᖁᐱᕐᕆᓂᕐᒥ. 
  • ᐊᑐᕐᓗᑎᑦ ᐴᕐᒥ ᐊᑕᐅᓯᐊᑐᐃᓐᓇᕐᓗᒍ ᑕᐃᒪᐃᑐᐊᕋᖓᕕᑦ. ᐊᑐᓚᐅᖅᓯᒪᙱᓪᓗᑎᑦ ᐊᖑᑎᓄᑦ ᐊᕐᓇᓄᓪᓗ ᐴᓂᒃ ᐊᑕᐅᑦᑎᒃᑯᑦ, ᐅᕝᕙᓘᓐᓃᑦ ᒪᕐᕉᒃ ᐊᖑᒻᒧᑦ ᒪᕐᕉᒃᓘᓐᓃᑦ ᐊᕐᓇᒧᑦ ᐴᓂᒃ ᐊᑕᐅᑦᑎᒃᑯᑦ.

ᐃᓚᖏᑦ ᐃᓄᐃᑦ ᐱᐅᒋᒋᑕᖃᕐᒪᑕ ᐃᓚᕈᑎᓕᖕᒥ ᐴᕐᓂᑦ. ᖃᐅᔨᒪᓇᕈᑎᖏᑦ ᐱᐅᒃᓴᙱᓐᓂᕐᒧᑦ ᐃᓚᐅᑎᑦᑎᔪᑦ ᐆᓐᓂᕐᒥ, ᐅᖏᓚᖕᓂᕐᒥ, ᐳᓪᓕᕐᓂᕐᒥᒃᓘᓐᓃᑦ ᐊᑐᓚᐅᖅᑎᓪᓗᒋᑦ ᐴᕐᒥ. ᐃᒡᕕᑦ ᐱᖃᑏᓪᓘᓐᓃᑦ ᐃᓱᒪᒃᐸᑦ ᐱᐅᒃᓴᙱᓐᓇᓱᒋᓗᓂ, ᐊᑐᕆᐊᖔᕐᓗᒋᑦ ᐃᓚᕈᑎᖃᙱᑦᑐᑦ ᐴᑦ. ᐅᖃᐅᔾᔨᓗᓂ ᐃᓗᐊᖅᓴᐃᔨᒥᒃ ᐃᑲᔪᖅᑕᐅᔪᒪᓗᓂ ᓈᒻᒪᒋᔭᖏᓐᓄᑦ.

ᖃᓂᕐᒧᑦ ᓴᐳᒻᒥᔾᔪᑎ ᓴᐳᒻᒥᒃᖠᕈᓐᓇᖅᑐᖅ ᐃᓕᖕᓂᒃ ᐅᓄᖅᑐᓄᑦ ᐊᐃᑉᐸᕇᖕᓂᕐᒧᑦ ᖁᐱᕐᕈᓂᒃ. ᒪᑐᓯᒪᓪᓗᒍ ᐅᑦᑐᒃ ᐃᑎᕐᓘᓐᓃᑦ ᖃᓂᒃᑯᑦ ᐊᐃᑉᐸᕇᖕᓂᕐᒥ. ᒪᓕᒃᓗᒋᑦ ᐅᑯᐊ ᐊᔪᕐᓇᙱᑦᑐᑯᓗᐃᑦ ᒪᓕᒋᐊᖃᖅᑐᑦ ᓇᖕᒥᓂᖅ ᓴᓇᓗᑎᑦ. ᑭᔾᔭᐃᑎᖃᕆᐊᖃᖅᑐᑎᑦ ᐊᖑᑎᓄᓪᓗ ᐴᕐᒥ.

ᐊᓪᓗᕈᑎ 1

ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ ᐅᓲᑉ ᐴᖓᓃᑦᑐᖅ.

ᐊᓪᓗᕈᑎ 2

ᐊᑖᓂ ᑭᔾᔭᕐᓗᒍ ᐊᒻᒪ ᐅᓲᑉ ᐴᖓᑕ ᐊᑖᓃᑦᑐᖅ ᑭᐱᓗᒍ, ᑭᑉᐹᕆᒃᓯᑎᓪᓗᒍ ᐅᕝᕙᓘᓐᓃᑦ ᑐᐊᓯᐅᒪᓕᖅᑎᓪᓗᒍ.

ᐊᓪᓗᕈᑎ 3

ᖃᓂᕐᒥᑦ ᓴᐴᓗᑕᕐᒥᑦ ᐊᑎᓂᐊᓕᕈᕕᑦ, ᑕᓯᑎᓪᓗᒍ ᐅᑦᑐᒃᑯᑦ ᐅᕝᕙᓘᓐᓃᑦ ᐃᑎᒃᑯᑦ ᐃᓕᑦᑎᐊᕆᐊᕐᓗᒍ. ᐊᐃᑉᐸᖅᐱᓪᓘᓐᓃᑦ ᐃᒡᕕᓪᓘᓐᓃᑦ ᐱᓯᒥᑦᑎᐊᖏᓐᓇᕆᐊᖃᖅᑕᖓ ᑕᕝᕗᖓ, ᐊᑐᕈᓐᓇᔾᔮᙱᑦᑐᖅ ᐱᓯᒻᒥᙱᒃᑯᓂ. ᖃᓂᕐᒥᑦ ᓴᐴᓗᑕᒥᑦ ᐊᑐᒃᑲᓐᓂᖃᑦᑕᙱᓪᓗᓯ ᐅᕝᕙᓘᓐᓃᑦ ᐃᒡᓗᐊᓄᑦ ᓵᑎᑉᐸᙱᓪᓗᒍ.