ᐃᑲᔪᖅᑕᐅᔭᕆᐊᖃᖅᐲᑦ?

ᑭᓇᓕᒫᑦᑎᐊᖅ ᖃᓄᐃᙱᑦᑎᐊᕐᓗᓂ ᐱᖃᑎᖃᕆᐊᖃᖅᐳᖅ ᐊᒻᒪ ᓴᐳᑎᓇᓱᐊᑦᑎᐊᖅᐸᒡᓗᓂ ᓄᓕᐊᕐᓂᒃᑯᑦ. ᐅᑯᐊ ᐱᖃᓯᐅᑎᓪᓗᒋᑦ ᐋᓐᓂᖅᓯᖅᑕᐅᕙᙱᓪᓗᓂ ᐊᒻᒪ ᐅᓲᑉ ᐴᖏᓐᓂᒃ, ᓯᖓᐃᓐᓇᙱᑦᑐᓂᒃ, ᑐᐊᕕᕐᓇᖅᑐᖅᓯᐅᑎᓂᒃ ᓯᖓᐃᓐᓇᙱᑦᑐᓂᒃ, ᐊᒻᒪ ᐊᑦᑕᕐᓇᙱᑦᑐᒃᑯᑦ ᓄᑕᕋᒃᓴᐃᖅᑕᐅᓂᕐᒧᑦ ᐊᑐᐃᓐᓇᖃᖅᑎᑕᐅᕙᒡᓗᑎᒃ.

ᑭᒃᑯᑐᐃᓐᓇᑦᑎᐊᑦ ᐱᖃᑎᒌᒃᑐᑦ ᐋᓐᓂᖅᓯᖅᑕᐅᔪᓐᓇᖅᐳᑦ. ᑕᒪᓐᓇ ᑎᒥᒧᑦ ᐱᐅᙱᑉᐳᖅ ᓈᒻᒪᙲᓐᓇᐅᔭᖅᖢᓂᓗ. ᐋᓐᓂᖅᓯᖅᑕᐅᖃᑦᑕᕈᕕᑦ, ᐳᐃᒍᖅᑕᐃᓕᒋᑦ ᑕᐃᒪᐃᑎᑦᑎᙱᓐᓇᕕᑦ. ᑭᓇᑐᐃᓐᓇᕐᒧᑦ ᑕᑎᒋᔪᓐᓇᖅᑕᕐᓄᑦ ᐅᖃᓪᓚᖃᑦᑕᕆᑦ, ᐋᓐᓂᐊᕐᕕᓕᐊᖅᐸᒡᓗᑎᑦ, ᐃᓄᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᐸᓖᓯᒃᑯᓐᓄᑦ/ ᑲᑎᕕᒃ ᓄᓇᓕᓕᒫᑦ ᐸᓖᓯᒃᑯᖏᓐᓄᑦ ᐅᖄᓚᓗᑎᑦ.

ᐃᓚᒌᓄᑦ ᐋᓐᓂᖅᓯᖅᑕᐅᕙᒃᑐᓄᑦ ᕿᒫᕝᕕᒃᑕᖃᖅᐳᖅ ᐅᑯᓇᓂ ᓄᓇᓕᖕᓂ:

  • ᐃᖃᓗᒃᑑᑦᑎᐊᖅ, ᓴᐃᓐᑦ ᒪᐃᑯᓪ ᕿᒫᕝᕕᒃ: (867) 983-5232
  • ᐃᖃᓗᐃᑦ ᕿᒫᕝᕕᒃ: (867) 979-4500
  • ᑰᒑᕈᒃ ᐃᓚᒌᓄᑦ ᕿᒫᕝᕕᒃ: (867) 769-6100
  • ᖁᕐᓗᖅᑐᕐᒥ ᐊᕐᓇᐃᑦ ᕿᒫᕝᕕᖓ: (867) 982-3210
  • ᑲᖏᖅᖠᓂᕐᒥ, ᑲᑕᐅᔭᖅ ᑲᑐᔾᔨᖃᑎᒌᑦ ᕿᒫᕝᕕᒃ: (867) 645-2214

ᓄᓇᔅᓯᓐᓂ ᕿᒫᕝᕕᒃᑕᖃᙱᑉᐸᑦ, ᐸᓖᓯᒃᑯᓐᓄᑦ ᐃᓄᓕᕆᔨᒃᑯᓐᓄᓪᓘᓐᓃᑦ ᐊᐱᕆᔪᓐᓇᖅᐳᑎᑦ ᓄᓇᔅᓯᓐᓂ.

ᐆᒧᖓ ᖃᐅᔨᒋᐊᕈᓐᓇᕆᕗᑎᑦ ᓄᓇᔅᓯᓐᓂ ᐃᓚᒌᓂᒃ ᐋᓐᓂᖅᓯᖅᑕᐅᕙᒃᑐᓂᒃ ᐃᑲᔪᖅᑎ..

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓚᒌᑦ ᐋᓐᓂᖅᓯᖅᑕᐅᕙᒃᑐᑦ ᒥᒃᓵᓄᑦ:
ᓄᓇᕗᑦ ᒐᕙᒪᖓᓂ ᐃᓄᓕᕆᔨᒃᑯᑦ

ᐃᓄᑑᙱᑦᑐᑎᑦ. ᐊᒃᓱᕈᕐᓇᖅᑐᖅᓯᐅᕈᕕᑦ ᐅᕝᕙᓘᓐᓃᑦ ᐃᓱᒪᒃᑯᑦ ᐊᑲᐃᓪᓕᐅᖃᑦᑕᕈᕕᑦ, ᐃᑲᔪᖅᑕᐅᔪᓐᓇᖅᐳᑎᑦ. ᑕᑎᒋᔪᓐᓇᖅᑕᕐᓄᑦ ᐅᖃᓪᓚᖃᑦᑕᕐᓗᑎᑦ−ᐃᓚᖕᓄᑦ, ᐱᖃᓐᓇᕆᔭᕐᓄᑦ, ᐃᓐᓇᕐᒧᑦ, ᐃᓅᓯᓕᕆᔨᒧᑦ, ᐃᓕᓴᐃᔨᒧᑦ, ᐃᓄᓕᕆᔨᒧᑦ, ᐃᓱᒪᓕᕆᔨᒧᑦ, ᐅᕝᕙᓘᓐᓃᑦ ᐃᖢᐊᖅᓴᐃᔨᒧᑦ.

ᐃᓱᒪᒍᕕᑦ ᐅᕝᕙᓘᓐᓃᑦ ᓇᒡᓕᒋᔭᕐᓂᒃ ᐃᓱᒪᔪᖃᖅᐸᑦ ᐃᒻᒥᓂᒃ ᐋᓐᓂᕈᒪᓗᓂ, ᑲᒪᑦᓯᐊᖅᑐᑦ ᐅᖄᓚᕝᕕᒃᓴᐅᕗᑦ ᐅᕝᕙᓘᓐᓃᑦ ᑐᐊᕕᕐᓇᖅᑐᓄᑦ ᐅᖄᓚᕝᕕᒃᓴᖅᑕᖃᖅᐳᖅ, ᐋᓐᓂᐊᕐᕕᓕᐊᑲᐅᑎᒋᓗᑎᓪᓘᓐᓃᑦ.

ᐅᖃᓪᓚᖃᑎᖃᕈᒪᒍᕕᑦ, ᐅᖄᓚᔪᓐᓇᖅᐳᑎᑦ:

  • ᓄᓇᕗᒻᒥ ᑲᒪᑦᓯᐊᖅᑐᒃᑯᑦ ᐅᖄᓚᕝᕕᒃᓴᖅ
    ᐃᖃᓗᐃᑦ: 867-979-3333
    ᓇᓂᑐᐃᓐᓇᖅ ᑲᓇᑕᒥ: 1-800-265-3333
  • Kids Help Phone
    1-800-668-6868
  • ᐃᖃᓗᖕᓂ ᐃᓱᒪᓕᕆᔨᒃᑯᑦ
    ᐊᑭᖃᙱᑦᑐᖅ: 1-888-331-5900
  • ᐃᓕᓴᖅᓯᕕᒃ ᑲᑐᔾᔨᖃᑎᒌᑦ
    1-888-331-4433 (ᓇᒡᒐᔾᔭᒥ−ᐅᓗᑐᐃᓐᓇᕐᒧᑦ 8:30-5:00)
  • ᓄᓇᓕᖕᓂ ᖃᓄᐃᙱᑦᑎᐊᖅᑐᓕᕆᔨᑦ ᐅᕝᕙᓘᓐᓃᑦ ᐅᖁᒪᐃᓐᓂᕐᓂᐊᕐᕕᖕᒧᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ:

ᕿᑐᕐᙱᐅᕈᓐᓇᖅᓯᓂᖅ ᐃᓐᓇᕈᖅᐸᓪᓕᐊᔪᒧᑦ ᐃᓚᒋᔭᐅᑐᐃᓐᓇᖅᐳᖅ. ᑲᒪᓇᖅᑐᒥᒃ ᐃᒃᐱᒋᖃᑦᑕᓕᕋᔭᖅᑐᑎᑦ, ᓇᓗᓕᐅᒪᓗᑎᑦ, ᐅᕝᕙᓘᓐᓃᑦ ᑲᑉᐱᐊᓱᒡᓗᑎᑦ ᑎᒦᑦ ᓱᖏᐅᑎᓇᓱᓕᖅᑎᓪᓗᒍ ᐊᓯᔾᔨᖅᐸᓪᓕᐊᓕᖅᑐᓄᑦ.

ᐳᐃᒍᖅᑕᐃᓕᒋᑦ ᐃᓄᑑᙱᓐᓇᕕᑦ. ᐃᓛᓐᓂᒃᑯᑦ ᐃᓐᓇᕐᒧᑦ ᐅᖃᖃᑎᖃᖅᖢᓂ ᐃᑲᔪᕐᓂᖃᕈᓐᓇᖅᐳᖅ—ᐊᖓᔪᖅᑳᓐᓄᑦ, ᐃᓚᖕᓄᑦ, ᐃᖢᐊᖅᓴᐃᔨᒧᑦ, ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓕᓴᐃᔨᒧᑦ.

ᐅᑯᓄᖓ ᑲᓱᕐᕕᖕᓄᑦ ᑕᑯᒋᐊᕈᓐᓇᖅᐳᑎᑦ ᕿᑐᕐᙱᐅᕈᓐᓇᖅᓯᔪᑦ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ: 

ᓯᕘᕋᕖᑦ ᐅᕝᕙᓘᓐᓃᑦ ᓇᓗᓕᐅᒪᓪᓗᑎᑦ ᐊᕐᓇᐅᓃᑦ ᐊᖑᑎᐅᓃᓪᓘᓐᓃᑦ ᐱᔾᔪᑎᒋᓪᓗᒍ ᐊᒻᒪ ᐊᖑᑕᐅᖃᑎᓕᒃ/ᐊᕐᓇᐅᖃᑎᓕᒃ, ᐅᕝᕙᓘᓐᓃᑦ ᐊᓯᖕᓂᒃ ᑕᐃᒪᐃᑦᑐᒥᒃ ᖃᐅᔨᒪᔭᖃᖅᐲᑦ? ᑭᓇᑐᐃᓐᓇᑦᑎᐊᖅ ᐃᒃᐱᒋᔭᐅᔭᕆᐊᖃᖅᐳᖅ−ᐊᕐᓇᐅᒐᓗᐊᕈᓂ ᐊᖑᑕᐅᒐᓗᐊᕈᓂ ᐊᒻᒪ ᐊᖑᑕᐅᖃᑎᓕᒃ/ᐊᕐᓇᐅᖃᑎᓕᒃ.

ᐃᒻᒥᓂᒃ ᐊᓯᒥᓂᓪᓗ ᐃᒃᐱᒋᑦᑎᐊᕐᓂᖅ ᐊᐃᑉᐸᕇᖕᓂᒃᑯᑐᐊᖑᙱᑦᑐᖅ ᐅᖃᓕᒫᒐᖅ ᐅᓂᒃᑳᖅᑐᐊᑦᑎᐊᕙᐅᕗᖅ ᒪᒃᑯᒃᑐᑦ ᒥᒃᓵᓅᖓᓪᓗᓂ ᓄᓇᕗᒻᒥ ᓄᓕᐊᕐᓂᕐᒥᒃ ᐊᒻᒪ ᑲᑎᙵᖃᑎᒌᓂᒃ ᐱᔾᔪᑎᖃᖅᖢᓂ.

ᓄᓇᓕᖕᓃᑦᑐᑦ ᒪᒃᑯᒃᑐᓕᕆᔨᑦ ᐃᑲᔫᑎᒃᓴᓂᒃ ᐱᓕᕆᐊᒃᓴᖃᖅᑎᑦᑎᔪᓐᓇᖅᐳᑦ ᒪᒃᑯᒃᑐᓄᑦ ᑐᕌᖓᔪᓂᒃ ᐅᖃᐅᓯᖃᕐᓗᑎᒃ LGBTTQ-ᖑᓂᐅᑉ ᒥᒃᓵᓄᑦ ᐊᒻᒪ ᐃᑲᔪᖅᑐᐃᓂᕐᒥᒃ ᐃᓄᖕᓄᑦ ᐊᓯᔾᔨᕈᑕᐅᔪᑦ, ᐊᓯᖏᓐᓂᒡᓗ ᓄᓕᐊᕐᓂᕐᒥᒃ ᐱᔾᔪᑎᓕᖕᓂᒃ.

  • ᐊᖑᑦ ᐅᕝᕙᓘᓐᓃᑦ ᐊᕐᓇᐅᑉ ᒥᒃᓵᓄᑦ ᐃᓕᑦᑎᕚᓪᓕᕈᓐᓇᖅᐳᑎᑦ ᐊᒻᒪ ᓄᓕᐊᕐᓂᕐᒥᒃ. ᓄᓕᐊᖃᑎᖃᕈᒪᓂᖅ ᐊᒻᒪ ᐊᐃᑉᐸᖃᕋᓱᐊᕐᓂᖅ..
  • ᑭᓇᑐᐃᓐᓇᕐᒧᑦ ᐅᖃᖃᑎᖃᕆᑦ ᑕᑎᒋᔭᕐᓄᑦ—ᐃᓅᓯᓕᕆᔨᒧᑦ, ᐃᓕᓴᐃᔨᒧᑦ, ᐃᖢᐊᖅᓴᐃᔨᒧᑦ, ᐅᕝᕙᓘᓐᓃᑦ ᐃᓱᒪᓕᕆᔨᒧᑦ. ᐃᓐᓇᕐᒥᒃ ᑐᓴᖅᑎᑦᑎᓗᑎᑦ ᓵᓚᓯᐊᖑᖃᑦᑕᖅᑐᒥᒃ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐋᓐᓂᖅᑕᐅᖃᑦᑕᖅᑐᒥᒃ ᖃᐅᔨᒪᔭᖃᕈᕕᑦ.
  • ᐃᓅᑉ ᐃᓱᒪᓕᐊᕆᔭᖓᓂᒃ ᐃᒃᐱᒍᓱᒃᐸᒡᓗᑎᑦ ᐊᐃᑉᐸᖃᕋᓱᖕᓂᖓ ᐅᕝᕙᓘᓐᓃᑦ ᐊᕐᓇᐅᓂᖓ/ᐊᖑᑕᐅᓂᖓ ᐅᖃᐅᓯᐅᖁᙱᒃᑯᓂᐅᒃ.
  • ᐅᖃᐅᔾᔭᐅᒍᕕᑦ ᐊᕐᓇᐅᓂᖓᓂ/ᐊᖑᑕᐅᓂᖓᓂ ᐱᔾᔪᑎᖃᕐᓗᓂ ᐅᕝᕙᓘᓐᓃᑦ ᐊᐃᑉᐸᖃᕋᓱᐊᕐᓂᕐᒥᒃ ᐃᑲᔪᖅᑐᕐᓗᒍ. ᐃᒃᐱᒋᑦᑎᐊᕐᓂᕋᕐᓗᒋᑦ, ᖃᓄᐃᒃᑲᓗᐊᖅᐸᑦ.
  • • ᐃᑲᔪᖅᑕᐅᔪᒪᔪᓄᑦ ᐅᖄᓚᕝᕕᒃᓴᖅ.
  • ᓄᓇᕗᒻᒥ ᑲᒪᑦᓯᐊᖅᑐᒃᑯᑦ ᐅᖄᓚᕝᕕᒃᓴᖅ
    ᐃᖃᓗᐃᑦ: 867-979-3333
    ᓇᓂᑐᐃᓐᓇᖅ ᑲᓇᑕᒥ: 1-800-265-3333
  • Kids Help Phone
    1-800-668-6868

ᓯᒡᒐᓕᐊᖅ, ᐋᖓᔮᕐᓇᖅᑐᖅ ᐊᒻᒪ ᐃᒥᐊᓗᒃ ᐅᐃᕐᕆᓐᓇᖅᑐᒻᒪᕆᐊᓘᕗᑦ. ᓄᖅᑲᕈᓐᓇᐃᓪᓕᓐᓇᖅᐳᑦ ᐱᖃᑦᑕᓕᕐᓗᓂ, ᑭᓯᐊᓂ ᐃᑲᔪᖅᑕᐅᔪᓐᓇᖅᐳᑎᑦ. ᑭᓇᑐᐃᓐᓇᕐᒧᑦ ᐅᖃᖃᑎᖃᕆᑦ ᑕᑎᒋᔭᕐᓄᑦ—ᐃᓚᖕᓄᑦ, ᐱᖃᓐᓇᕆᔭᕐᓄᑦ, ᐃᓅᓯᓕᕆᔨᒧᑦ, ᐃᓕᓴᐃᔨᒧᑦ, ᐃᖢᐊᖅᓴᐃᔨᒧᑦ, ᐅᕝᕙᓘᓐᓃᑦ ᐃᓐᓇᕐᒧᑦ.