ᐊᖑᑎᑦ ᕿᑐᕐᖏᐅᕈᑎᖏᑦ

ᑎᒃᑯᐊᖅᑑᑦ ᐊᖑᑎᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.

ᐃᓕᓐᓂᐊᒃᑲᓐᓂᕐᓂᖅ ᐊᖑᑎᐅᑉ ᑎᒥᖓᓂ

ᕿᑐᙱᐅᕈᑎᐅᔪᒧᑦ ᐊᖑᑎᐅᑉ ᑎᒥᖓᓐᓂ ᐱᔪᓐᓇᖅᑎᑦᑎᕗᖅ ᐊᖑᑎᓂᑦ ᐊᓕᐊᓇᐃᒍᓱᖕᓂᕐᒥ ᐊᐃᑉᐸᕇᖕᓂᕐᒧᑦ ᑯᔭᖕᓂᕐᒥᑦ ᐊᒻᒪᓗ ᒪᕿᓂᕐᒧᑦ,ᐊᒻᒪᓗ ᓴᓇᓪᓗᓂ ᖃᐸᖕᒥᑦ ᐃᓄᒃᓴᙳᖅᑎᑦᑎᔪᓐᓇᖅᑐᒥ ᐊᕐᓇᐅᑉ ᒪᓐᓂᖏᓐᓂ. ᑯᔭᖕᓂᕐᒧᑦ ᐊᐅᓚᔾᔪᑎᖏᓐᓂ ᐊᖑᑎᒧᑦ ᑕᑯᒃᓴᐅᕗᑦ ᐃᓚᖏᑦ ᐊᒻᒪᓗ ᐃᔨᖅᓯᒪᒐᓚᒃᖢᑎᒃ ᑎᒥᐅᑉ ᐃᓗᖓᒍᑦ.

ᑎᒃᑯᐊᖅᑑᑦ ᐊᖑᑎᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.

ᐊᖑᑎᑦ ᑎᒥᖏᑦᑕ ᐃᓗᖏᑦ

  • 1ᐃᒡᔪᖏᑦ

    ᐊᖑᑎᑦ ᒪᕐᕉᖕᓂ ᐃᒡᔪᖃᖅᐳᑦ, ᐃᒡᔪᖃᕐᕕᖓᑕ ᐃᓗᐊᒍᑦ. ᐃᒡᔪᐃᑦ ᒪᕿᒥᒃ ᐊᓂᑎᑦᑎᓲᑦ ᐃᔭᕈᕙᐅᔭᖅ ᓄᑕᕋᓛᒃᓴᓂᒃ ᐊᒻᒪ ᑎᒥᖏᑦᑕ ᓱᕙᓪᓕᐊᔾᔪᑎᖏᓐᓂᒃ. ᑎᒥᐅᑉ ᓱᕙᓪᓕᐊᔾᔪᑎᖏᑦ ᒪᒃᑯᒃᓯᕙᓪᓕᐊᔪᓂᒃ ᓴᖅᑭᑉᐸᓪᓕᐊᓲᖑᕗᑦ.

  • 2ᐃᒡᔪᐊᑕ ᖄᖓ

    ᓵᖦᖢᓂ, ᐃᒧᓪᓘᓪᓗᓂ ᐃᒡᔫᖕᓄᑦ ᐴᖅ. ᐃᔭᕈᕙᐅᔭᐃᑦ ᓄᑕᕋᓛᒃᓴᑦ ᐊᓂᓲᖑᕗᑦ ᐃᒡᔪᖕᓂᙶᖅᖢᑎᒃ.

  • 3ᖃᐸᐅᑉ ᐊᖅᑯᑎᖓ

    ᐃᔭᕈᕙᐅᔭᖅ ᓄᑕᕋᓛᒃᓴᖅ ᐊᓂᓲᖑᕗᖅ ᖃᐸᖃᐅᑎᒥᒃ, ᐅᓱᐊᓂ ᐊᓂᓂᐊᓕᕌᖓᑦ.

  • 4ᖃᐸᓕᐅᕈᑎᑦ ᐊᒻᒪ ᐃᒡᔫᑉ ᕿᓕᖅᓯᓇᖓ

    ᐃᔭᕈᕙᐅᔭᖅ ᓄᑕᕋᓛᒃᓴᖅ ᑖᒃᑯᑎᒎᓇᖅ ᐊᖅᑯᓵᓕᕌᖓᑦ, ᖃᐸᒥᒃ ᐊᓂᔪᖃᓲᖑᕗᖅ ᐃᔭᕈᕙᐅᔭᖅ ᓄᑕᕋᓛᒃᓴᖓᑕ ᐆᒪᔾᔪᑖ ᐊᑯᓂᐅᓂᖅᓴᕐᓗ ᐊᕐᓇᐅᑉ ᖂᖃᖓᓃᑦᑐᓐᓇᕈᑖ. ᐊᑕᐅᑦᑎᒃᑯᑦ, ᖃᐸ ᐊᒻᒪ ᐃᔭᕈᕙᐅᔭᖅ ᓄᑕᕋᓛᒃᓴᖅ ᖃᐸᓕᐅᓲᖑᕗᑦ.

  • 5ᖁᕐᕆᕕᒃ

    ᖃᐸᒧᑦ ᐊᒻᒪ ᐃᑎᕈᕐᒧᑦ ᐊᖅᑯᑖ. ᖃᐸ ᐊᖑᒻᒥ ᐊᓂᓲᖑᕗᖅ ᒪᕿᔭᕌᖓᑦ.

ᐊᖑᑎᐅᑉ ᑎᒥᖓᑕ ᖄᖓ−ᐊᖕᒪᓂᖏᑦ

  • 1ᐅᓱᒃ

    ᐅᓱᐃᑦ ᐊᕿᒐᔪᒃᐳᑦ, ᐊᖑᑦ ᑎᒃᓴᓕᖅᐸᑦ, ᐅᓱᐊ ᐊᐅᖕᒥ ᑕᑕᓲᖑᕗᖅ. ᑎᓯᒃᑎᑉᐸᒃᖢᓂ−ᑎᒃᓴᓕᖅᖢᓂ.

  • 2ᐅᓲᑉ ᖄᖓ

    ᐅᓲᑉ ᖄᖓ ᐅᓱᖕᒧᑦ ᖄᖑᕗᖅ. ᐃᓚᖏᑦ ᐊᖑᑎᑦ ᐅᓱᖏᑦᑕ ᓄᕗᖏᑦ ᓇᑲᑕᐅᓲᑦ−ᐃᓅᓵᖅᑎᓪᓗᒋᑦ ᐅᓱᖏᑦ ᖄᖏᑦ ᐲᖅᑕᐅᓲᖑᓪᓗᑎᒃ. ᐊᖑᑎᑦ ᐅᓱᖏᑦ ᖄᓖᑦ, ᖁᐃᓂᐊᓕᕌᖓᑕ ᖁᒻᒧᒃᑎᑦᑕᕆᐊᖃᓲᖏᑦ, ᐅᕕᓂᖕᓂᐊᓕᕌᖓᑕᓗ, ᐅᕝᕙᓘᓐᓃᑦ ᐅᓲᑉ ᐴᖓᓂ ᐊᑎᓇᓱᓕᕌᖓᑕ.

  • 3ᐊᒥᖅᑕᒃ

    ᖃᓱᖓᓪᓗᓂ ᐅᕕᓂᒃ ᐃᒡᔪᖃᕐᕕᐅᓪᓗᓂ, ᐊᒻᒪᖃᐸᒃᑯᕕᐅᓪᓗᓂ, ᐅᓲᑉ ᐊᑖᓂ ᓂᕕᖓᓪᓗᓂ.

  • 4ᐃᑎᖅ

    ᐅᒃᐸᑎᐅᑉ ᐊᖕᒪᓂᐊ, ᐊᓇᕐᕕᐅᓲᖅ.