ᐊᐃᑉᐸᕇᖕᓂᖅ ᐃᒪᐃᑦᑐᖅ ...

“ᐊᐃᑉᐸᕇᖕᓂᖅ” ᑐᑭᖃᕈᓐᓇᖅᑐᖅ ᐅᓄᖅᑐᓄᑦ ᐊᔾᔨᒌᖏᑦᑐᓄᑦ ᐱᖁᑎᓄᑦ. 

ᐊᕐᓇᐅᑉ ᐊᖕᒪᓂᖓᒍᑦ ᐊᐃᑉᐸᕇᖕᓂᖅ ᐴᖅᑎᓪᓗᒍ ᐅᓱᒃ ᐊᐃᑉᐸᕇᖕᓂᕐᒧᓪᓘᓐᓃᑦ ᐱᙳᐊᖅ ᐊᕐᓇᐅᑉ ᐊᖕᒪᑎᓐᓂᖓᓄᑦ
ᖃᓂᒃᑯᑦ ᐊᐃᑉᐸᕇᖕᓂᖅ ᖃᓂᖅ ᐅᖃᕐᓗ ᐊᒃᑐᕐᖢᑎᒃ ᓯᓚᐃᕐᕆᓗᒍᓗ ᐊᐃᑉᐸᕇᒍᑏᑦ, ᓯᓚᑖᓃᑦᑐᑦ ᐃᓚᖏᑦ ᐊᕐᓇᒧᑦ ᐊᖑᒻᒧᓪᓗ ᕿᑐᕐᙱᐅᕈᑎᖏᑦ 
ᐃᑎᒃᑯᑦ ᐊᐃᑉᐸᕇᖕᓂᖅ ᐴᖅᑎᓪᓗᒍ ᐅᓱᒃ ᐊᐃᑉᐸᕇᖕᓂᕐᒧᓪᓘᓐᓃᑦ ᐱᙳᐊᖅ ᐃᑎᕐᒧᑦ, ᒪᒃᐱᖓᓂᖅ ᐅᒃᐸᑎᒥ
ᐸᓂᖅᑐᒥ ᐃᖏᐅᖅᓴᕐᓂᖅ ᐊᐃᑉᐸᕇᒍᑎᒧᑦ ᐊᒃᑐᐊᓚᑦᑎᓂᖅ ᐊᐅᓚᔮᖅᑎᓪᓗᒍ ᐅᕕᓂᒃᑯᑦ ᐊᒃᑐᐊᙱᓪᓗᓂ
ᐃᓄᒐᙳᐊᒃᑯᑦ ᐊᒡᒐᒃᑯᓪᓘᓐᓃᑦ ᐱᓕᕆᐊᖃᕐᓂᖅ ᐊᒡᒐᐃᑦ ᐃᓄᒐᙳᐊᓪᓗ ᐊᒃᑐᖅᓯᓗᑎᒃ ᓯᓚᐃᕐᕆᓗᒍᓗ ᐊᐃᑉᐸᕇᒍᑏᑦ
ᐃᖕᒥᓂᒃ ᐱᓕᕆᓂᖅ ᐃᖕᒥᓂᒃ ᐱᓕᕆᓂᖅ ᑐᑭᖃᖅᑐᖅ ᐊᒃᑐᐊᓂᖅ ᓇᖕᒥᓂᖅ ᐊᐃᑉᐸᖃᕈᑎᓂᒃ ᐊᐃᑉᐸᕇᖕᓂᕐᒧᑦ ᐊᓕᐊᓇᐃᒍᓱᖕᓂᕐᒧᑦ.

ᐊᕐᓇᐅᑉ ᐊᖕᒪᑎᓐᓂᖓ, ᖃᓂᖅ, ᐃᑎᕐᓗ ᐊᐃᑉᐸᕇᖕᓂᖅ ᐱᑎᑦᑎᔪᓐᓇᖅᑐᓕᒫᑦ ᐊᐃᑉᐸᕇᖕᓂᒃᑯᑦ ᖁᐱᕐᕆᓂᕐᓂ (STIs). ᐊᕐᓇᐅᑉ ᐊᖕᒪᑎᓐᓂᖓᒍᑦ ᐊᐃᑉᐸᖃᕐᓂᖅ ᐱᑎᑦᑎᔪᓐᓇᕐᒥᔪᑦ ᕿᑐᕐᖓᒃᓴᖅᑖᕐᓂᕐᒥ. ᖃᐅᔨᒪᓇᑦᑎᐊᖅᑐᑐᐊᖅ ᐊᑐᕐᓗᓂ ᕿᑐᕐᖓᒃᓴᖅᑖᖅᑕᐃᓕᒪᓗᓂ ᐊᐃᑉᐸᕇᖕᓂᒃᑯᓪᓗ ᖁᐱᕐᕆᑦᑕᐃᓕᒪᓗᓂ ᐱᙱᓪᓗᓂᑐᐊᖅ−ᐊᐃᑉᐸᖃᖃᑦᑕᙱᓐᓂᖅ. ᐊᐃᑉᐸᖃᖃᑦᑕᕈᕕᑦ, ᐃᖕᒥᓂᒃ ᓴᐳᑎᓗᑎᑦ.

ᐃᖕᒥᓂᖅ ᐱᓕᕆᓂᖅ

ᐃᖕᒥᓂᒃ ᐱᓕᕆᓂᖅ ᑐᑭᖃᖅᑐᖅ ᐊᒃᑐᐊᓂᖅ ᓇᖕᒥᓂᖅ ᐊᐃᑉᐸᖃᕈᑎᓂᒃ ᐊᐃᑉᐸᕇᖕᓂᕐᒧᑦ ᐊᓕᐊᓇᐃᒍᓱᖕᓂᕐᒧᑦ. ᓈᒻᒪᒃᑐᖅ ᐋᓐᓂᐊᖃᕐᓇᙱᖦᖢᓂᓗ ᐊᑐᒐᒃᓴᖅ ᐊᖑᑎᓄᑦ ᐊᕐᓇᓄᓪᓗ ᐃᓕᑦᑎᓗᓂ ᑭᓱ ᐊᐃᓕᐊᓇᐃᒻᒪᖔᑦ ᑭᓱᓗ ᐊᓕᐊᓇᐃᙱᓐᕝᒻᒪᖔᑦ. 

ᐃᖕᒥᓂᒃ ᐱᓕᕆᓂᖅ ᐊᑐᖅᑕᐅᒐᔪᒃᑐᖅ; ᐅᓄᕐᓂᖅᓴᑦ ᐃᓄᐃᑦ ᐊᑐᖃᑦᑕᖅᑕᖓᑦ−ᐊᖑᑦ ᐊᕐᓇᕐᓘᓐᓃᑦ. ᑕᒻᒪᖓᙱᑦᑐᒥᒃ ᑕᒻᒪᖓᔪᒥᒃᓘᓐᓃᑦ ᐊᑐᒐᒃᓴᖅᑕᖃᙱᑦᑐᖅ ᐃᖕᒥᓂᒃ ᐱᓕᕆᓂᕐᒥ. ᓇᖕᒥᓂᕐᒨᖓᔪᖅ ᐱᖁᑎᐅᔪᖅ. ᕿᒥᕐᕈᓗᓂ; ᐱᓕᕆᐊᖃᕐᓗᓂ ᑕᒻᒪᒐᖅᑰᔨᖏᑦᑐᒥᒃ ᐱᐅᔪᒥᒃᓗ ᐃᓕᖕᓄᑦ. 

ᑭᓇᑐᐃᓐᓇᖅ ᐃᓐᓇᐅᓗᐊᙱᑦᑐᖅ ᒪᒃᑯᓗᐊᕋᓂᓘᓐᓃᑦ ᐃᖕᒥᓂᒃ ᐱᓕᕆᓂᕐᒥ. ᐱᕈᓕᓵᖅᑐᑦ ᓄᑕᖅᑲᑦ ᕿᒥᕐᕈᓲᑦ ᑎᒥᒥᓂᒃ. ᐃᓐᓇᕈᖅᐸᓪᓕᐊᓕᕐᓂᕐᒥ, ᐱᔾᔪᑎᖓᑕ ᑎᒥᒦᑦᑐᑦ ᐊᐅᓚᔾᔪᑎᖏᑦ ᒪᒃᑯᒃᑐᓂᑦ ᐃᖕᒥᓂᒃ ᐱᓕᕆᒐᔪᒃᑎᑦᑎᔪᑦ. ᓈᒻᒪᒃᑐᖅ ᐋᓐᓂᐊᖃᕐᓇᙱᖦᖢᓂᓗ. 

ᐃᖕᒥᓂᒃ ᐱᓕᕆᓂᖅ ᐊᑦᑕᕐᓇᙱᓛᖑᔪᖅ ᐋᖅᑭᒃᓯᒪᓂᖓᒍᑦ ᐊᐃᑉᐸᕇᖕᓂᖅ. ᕿᑐᕐᖓᒃᓴᖃᓕᕈᓐᓇᙱᑦᑐᑎᑦ ᐱᔪᓐᓇᙱᖦᖢᑎᓪᓗ ᐊᐃᑦᑐᕐᓗᐃᓗᑎᓪᓘᓐᓃᑦ ᐊᐃᑉᐸᕇᖕᓂᒃᑯᑦ ᖁᐱᕐᕆᓯᓂᕐᒥ. ᐃᖕᒥᓂᒃ ᐱᓕᕆᓂᖅ ᒪᕐᕉᓪᓗᑎᒃ ᐱᔪᒪᔫᒃ ᐃᓅᒃ ᐃᖕᒥᓂᒃ ᐱᓕᕆᓗᑎᒃ ᑕᐅᑐᖃᑦᑕᐅᑎᓗᑎᒃ.