ᓄᓕᐊᕐᓂᒃᑯᑦ ᐱᑦᑎᐊᖏᓐᓃᑦ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

  • ᐊᖏᕐᕋ
  • ᐃᓕᖕᓂ ᐅᐱᒋᓗᑎᑦ
  • ᖃᓄᐃᙱᓪᓗᑎᒃ ᐱᖃᓐᓇᕇᒍᓰᑦ

ᐊᔾᔨᒌᖏᑦᑐᑦ ᖃᓄᐃᓕᖓᓂᖏᑦ ᐱᖃᓐᓇᕇᒍᓰᑦ

ᐃᓅᓯᑦᑎᓐᓂ, ᐊᑐᖃᑦᑕᖅᑐᒍᑦ ᐊᔾᔨᒌᖏᑦᑐᓂᒃ ᖃᓄᐃᓕᖓᓂᕐᓂ ᐱᖃᓐᓇᕇᒍᓯᕐᓂ. ᐊᑐᓃᖓᔪᑦ ᖃᓄᐃᓕᖓᓂᖏᑦ ᐱᖃᓐᓇᕇᒍᓰᑦ ᖃᓄᐃᙱᓪᓗᑎᐅᔪᓐᓇᖅᑐᑦ ᖃᓄᐃᓪᓗᑎᒃᓘᓐᓃᑦ. ᐃᓚᖏᑦ ᐱᖃᓐᓇᕆᒍᓰᑦ ᑲᑎᙵᕈᓘᔭᖅᑐᑦ ᑕᒪᒃᑮᓄᑦ.

ᐱᔪᒪᔭᖓᓂ ᓇᒡᓕᒍᓱᖕᓂᖅ ᐃᒃᐱᒋᓂᖅ ᐊᔾᔨᐅᙱᑦᑐᒥᒃ ᐊᒃᑑᑎᓕᖕᒥ ᐃᓄᖕᒧᑦ. ᐊᑐᕈᓐᓇᖅᑐᖅ ᐊᑐᙱᑦᑐᓐᓇᖅᑐᕐᓗ ᓄᓕᐊᕐᓂᖅ.
ᐱᖃᓐᓇᕇᖕᓂᖅ ᑭᓇᑭᐊᖅ ᐅᒃᐱᕆᔭᐃᑦ, ᐃᒃᐱᒋᑦᑎᐊᖅᑕᐃᑦ, ᐃᒃᐱᒋᔭᐃᓪᓗ.
ᖃᑕᙳᑎ (ᑎᒍᐊᖑᐊᖅ) ᐊᓈᓇ, ᐊᑖᑕ, ᐊᓃᑦ, ᓇᔭᐃᑦ, ᐊᑦᑕᐃᑦ/ᐊᕐᓇᕐᕖᑦ, ᐊᒃᑲᐃᑦ/ᐊᖓᐃᑦ, ᐃᓪᓗᐃᑦ, ᑲᒪᔩᑦ, ᐊᓯᖏᓪᓗ ᖃᓂᓪᓚᑦᑖᖏᑦᑐᑦ ᖃᑕᒍᑏᑦ.  
ᐱᔪᓐᓇᖅᑎᐅᔪᑦ ᖃᓄᐃᑦᑑᓂᖏᓐᓄᑦ ᐃᓕᓴᐃᔨ, ᐃᓅᓯᓕᕆᔨ, ᐸᐃᕆᔨ, ᐱᙳᐊᕈᑎᓄᑦ ᑲᒪᔨ, ᐸᓖᓯ, ᐃᓱᒪᑕᖅ, ᐋᓐᓂᐊᕕᖕᒥ ᐃᖅᑲᓇᐃᔭᖅᑎ, ᐊᖓᔪᖅᑳᖅ ᐊᓯᖏᓪᓘᓐᓃᑦ ᐃᓐᓇᐅᓂᖅᓴᑦ ᖃᑕᖑᑎᓂ, ᐊᔪᕆᖅᓱᐃᔨᑦ, ᐊᓯᖏᓪᓗ. ᑭᓇᑭᐊᖅ ᑕᑎᒋᔭᑦ; ᑭᓇᑭᐊᖅ ᐱᔪᓐᓇᖅᑎᐅᔪᖅ ᐃᓕᖕᓄᑦ. 

ᐃᒃᐱᒍᓱᑦᑎᐊᕐᓂᖅ

ᐃᒃᐱᒍᓱᑦᑎᐊᕐᓂᖅ ᑐᙵᕕᐅᕗᖅ ᐱᖃᓐᓇᕇᒍᓯᓕᒫᓂᑦ. ᐃᒃᐱᒍᓱᑦᑎᐊᕐᓂᖅ ᐱᔾᔪᑎᖃᖅᐳᖅ ᐃᓅᖃᑎᒥᓂᒃ ᐱᑦᑎᐊᕐᓗᓂ ᑕᑯᑎᓪᓗᒋᓪᓗ ᐱᒻᒪᕆᐅᓂᖏᓐᓂ ᐱᒋᔭᐅᔪᒪᓂᖏᓐᓂᒃᓗ ᑭᓇᐅᓂᖏᓐᓂ.
ᐅᒃᐱᕐᓇᕐᓂᖅ ᐃᓄᒃ ᐅᒃᐱᕈᓱᑦᑎᐊᖅᑐᖅ ᐊᓯᖓ ᐃᓄᒃ ᑕᑎᒋᔭᒃᓴᐅᓂᖓᓂᒃ ᐅᒃᐱᕐᓇᕐᖢᓂᓗ.
ᓱᓕᓂᖅ ᐊᑐᓂ ᐃᓄᐃᑦ ᑕᐃᒪᐃᓐᓂᕋᕈᓐᓇᖅᑐᑦ ᑕᒻᒪᕈᑎᒃ ᓂᕆᐅᒋᓗᓂᔾᔪᒃᓗ ᐊᓯᖓ ᐃᓄᒃ ᐊᔾᔨᖓᓂ ᐱᓗᓂ. ᐊᑐᓂ ᐃᓄᐃᑦ ᑐᓴᖃᑎᒌᒍᓐᓇᖅᑐᑦ ᑭᓱᒥᒃ ᐃᓱᒪᒋᔭᖏᓐᓂ, ᓂᕆᐅᒋᓗᓂᔾᔪᒃᓗ ᐊᓯᖓ ᐃᓄᒃ ᒥᑕᐅᑎᖃᖏᓪᓗᓂ.
ᐃᑲᔪᕐᓂᖅ ᐃᓄᒃ ᐊᑐᐃᓐᓇᐅᖃᑦᑕᖅᐳᖅ ᐊᓯᐊᓄᑦ ᐃᓄᖕᒧᑦ, ᖁᕕᐊᓇᖅᑐᒃᑰᕐᖢᑎᑦ ᖁᕕᐊᓇᙱᑦᑐᒃᑰᕐᖢᑎᒃ.
ᐊᔾᔨᒌᒃᑎᑦᑎᓂᖅ ᒪᕐᕉᒃ ᐃᓅᒃ ᑐᓴᐅᒪᖃᑎᒌᒃᖢᑎᒃ ᖃᓄᖅᑑᕈᑎᓄᑦ ᖃᓄᐃᓐᓂᐊᕐᒪᖔᕐᒥᓂᒃ ᑭᓇᒥᒃᓗ ᑲᑎᙵᖃᑎᖃᕐᓂᐊᕐᓂᕐᒥᓂᒃ. ᐃᓄᒃ ᐊᑕᐅᓯᖅ ᖃᓄᖅᑑᖅᑎᑐᐊᖑᔭᕆᐊᖃᙱᑦᑐᖅ.
ᐊᔾᔨᒌᖏᑦᑐᒃ ᓇᑭᙶᕐᓂᖏ ᐃᓄᐃᑦ ᐊᑐᓂ ᓇᖕᒥᓂᖅ ᐃᓅᓯᖃᕐᒪᑕ−ᐱᖃᓐᓇᕆᔭᑦ, ᖃᑕᙳᑏᑦ, ᐱᓕᕆᒐᔪᒃᑕᖏᑦ−ᐊᓯᐊᓃᖦᖢᑎᒃ ᐊᓯᐊᑕ ᐃᓅᑉ. ᐃᓄᐃᑦ ᐊᑐᓂ ᓴᐃᓕᔾᔪᑎᖃᖅᑐᑦ ᐱᓕᕆᓪᓗᑎᒃ ᐱᖃᑎᒋᙱᖦᖢᒍ ᐊᓯᐊ ᐃᓄᒃ, ᐃᓚᐅᓪᓗᑎᒃ ᓄᑖᑦ ᓄᑕᐅᙱᑦᑐᓐᓄ ᖃᓄᐃᓕᐅᕈᑎᑦ, ᐊᓯᖏᓐᓂᒃᓗ ᐱᖃᓐᓇᕇᒍᓰᑦ.
ᑐᓴᐅᒪᖃᑎᒌᑦᑎᐊᕐᓂᖅ ᐅᖃᓪᓚᒍᓐᓇᖅᑐᑎᑦ ᒪᑐᐃᖓᓗᑎᑦ ᐊᓯᐊᓄᑦ ᐃᓄᖕᒧᑦ ᖃᓄᑐᐃᓐᓇᑦᑎᐊᖅ ᑭᓱᓕᒫᓂᒃᓗ, ᖃᐅᔨᒪᓗᑎᓪᓗ ᐃᖅᑲᖅᑐᐃᖃᑦᑕᙱᑦᑐᑦ ᐃᓕᖕᓂᒃ. ᐃᒃᐱᖕᓂᐊᔪᑎᑦ ᐊᓰᑦ ᑐᓴᖃᑦᑕᖅᑐᖅ ᖃᓄᖅ ᐅᖃᖅᑕᕐᓂᒃ ᐱᓪᓚᑦᑖᕆᓪᓗᓂᐅᒃᓗ.
ᖁᕕᐊᓱᖃᑎᖃᕐᓂᖅ ᖁᕕᐊᒋᔭᑦ ᑲᑎᙵᖃᑎᒋᓪᓗᒍ ᐊᓯᐊ ᐃᓄᒃ, ᖁᕕᐊᓱᖃᑎᒌ)ᖑᔪᓯ ᑲᑎᙵᓪᓗᓯ.
ᐊᑦᑕᕐᓇᖅᑐᒦᖏᓐᓂᖅ ᓴᐃᓕᔾᔪᑎᖃᖅᑐᑎᑦ ᐱᖃᑎᒋᓪᓗᒍ ᐊᓰᑦ ᐃᓄᒃ; ᖃᐅᔨᒪᒐᕕᑦ ᐋᓐᓂᔾᔮᖏᑖᑎᑦ.

 

ᐱᖃᑎᒌᑦᑎᐊᙱᓐᓂᐅᑉ ᖃᓄᐃᑦᑑᓂᖏᑦ

ᓯᖕᓇᓂᖅ ᐊᑲᕆᔭᐅᖃᑦᑕᙱᒃᑯᕕᑦ ᐊᓯᖏᓐᓂᒃ ᐃᓅᖃᑎᖃᕋᓱᖕᓂᕐᓄᑦ.
ᑲᑎᙵᐃᓐᓇᕈᒪᓗᐊᕐᓂᖅ ᐱᖃᑎᒋᔭᐅᖏᓐᓇᕈᒪᓗᑎᑦ ᖃᖓᓕᒫᑦᑎᐊᖅ ᐊᓯᖕᓂᓪᓗ ᑲᑎᙵᖃᑎᖃᕈᓐᓇᐃᓪᓕᓗᑎᑦ
ᐊᒃᓱᐊᓗᒃ ᑭᐅᓘᑎᖃᑦᑕᕐᓗᓯ ᐃᓅᒃ ᒪᕐᕉᒃ ᐅᓇᑕᐃᓐᓇᖃᑦᑕᕐᓗᑎᒃ
ᐃᒃᐱᒍᓱᒃᑲᓗᐊᕐᓗᑎᑦ ᓱᖁᑎᒋᔭᐅᙱᓪᓗᑎᑦ ᐃᒃᐱᒋᔭᑎᑦ ᐃᓱᒪᒋᔭᐅᕙᙱᓪᓗᑎᒃ ᐊᒻᒪ ᐃᖢᐃᓪᓕᕋᓗᐊᕈᕕᑦ ᐃᒃᐱᒋᔭᐅᖅᑰᔨᕙᙱᓪᓗᑎᑦ.
ᑲᑉᐱᐊᓵᖅᑕᐅᓂᖅ ᐃᓕᕋᑦᑖᖅᑕᐅᖃᑦᑕᕈᕕᑦ ᐊᐅᓚᑕᐅᕙᒡᓗᑎᓪᓗ ᖃᓄᐃᓕᐅᖁᔭᐅᓗᑎᑦ ᐱᓕᕆᐊᕆᔪᒪᙱᑕᕐᓂᒃ.
ᓴᐱᓕᖅᑕᐃᓕᓂᖅ ᑭᓇᑐᐃᓐᓇᖅ “ᐋᒃᑳᖅᑕᐅᔪᒪᓱᐃᑦᑑᓗᓂ” ᐊᒻᒪ ᖃᓄᐃᓕᐅᖅᑎᑦᑎᓇᓱᐃᓐᓇᖅᐸᒡᓗᓂ.
ᐸᓯᔭᒃᓴᐅᓇᓱᒋᓂᖅ ᑭᓇᑐᐃᓐᓇᕐᒧᑦ “ᐋᑳᕐᓗᑎᑦ” ᐱᐅᔪᓐᓃᖅᑎᑕᐅᓇᓱᖅᑰᔨᓗᑎᑦ ᐅᕝᕙᓘᓐᓃᑦ ᑭᓱᑐᐃᓐᓇᕐᒥᒃ ᐊᖏᖃᑎᒋᙱᑕᕐᓂᒃ.
ᑎᒥᒃᑯᑦ ᐋᓐᓂᖅᓯᖅᑕᐅᓂᖅ ᑎᒥᒃᑯᑦ ᐋᓐᓂᖅᓯᖅᑕᐅᖃᑦᑕᕈᕕᑦ.

ᖃᓄᐃᓪᓗᑎᒃ ᐱᖃᓐᓇᕇᒍᓯᕐᓂ, ᐃᓄᒃ ᐊᑕᐅᓯᖅ−ᐱᓂᕐᓗᖃᑦᑕᖅᑐᖅ−ᐊᐅᓚᑦᑎᓪᓗᓂ ᐊᓯᐊᓂᒃ ᐃᓄᖕᒥᒃ ᐊᔾᔨᒌᖏᑦᑐᑎᒍᑦ ᐋᖅᑭᒃᓯᒪᔪᑎᒍᑦ ᐱᓂᕐᓗᖕᓂᒃᑯᑦ. 

ᑎᒥᒃᑯᑦ ᐱᓂᕐᓗᖕᓂᖅ

ᐃᓄᒃ ᐋᓐᓂᖅᓯᖃᑦᑕᖅᑐᖅ, ᐊᔭᒃᓯᖃᑦᑕᖅᑐᖅ, ᐸᑎᒃᓯᖃᑦᑕᖅᑐᖅ, ᑎᒍᓯᑲᒻᒪᖃᑦᑕᖅᑐᖅ, ᑮᓯᖃᑦᑕᖅᑐᖅ, ᕿᓱᒃᓯᖃᑦᑕᖅᑐᖅ, ᕿᒥᓴᐃᓇᓱᖃᑦᑕᖅᑐᖅ, ᐊᕿᓯᖃᑦᑕᖅᑐᖅ, ᐊᒻᒪᓘᓐᓃᑦ ᐊᑐᖃᑦᑕᖅᑐᖅ ᓱᒐᐃᒃᑯᑎᓂᒃ ᐊᓯᒥᓄᑦ. 

ᐃᒃᐱᖕᓂᐊᓂᒃᑯᑦ ᐱᓂᕐᓗᐃᓂᖅ

ᑖᓐᓇ ᐊᑐᖃᑦᑕᖅᑐᖅ ᐅᓄᖅᑐᒃᑯᑦ ᐋᖅᑭᒃᓯᒪᔪᑎᖑᑦ ᓯᕘᕋᓵᕆᕐᔪᐊᕈᓐᓇᕐᖢᓂᓗ. ᐊᒃᓱᕈᕐᓇᕐᓂᖅᓴᖅ ᑕᑯᓪᓗᓂ ᖃᐅᔨᔾᔪᑎᓂᒃ ᐃᒃᐱᖕᓂᐊᓂᒃᑯᑦ ᐱᓂᕐᓗᒃᑕᐅᔪᓂ ᓲᖃᐃᒻᒪ ᐃᓄᒃ ᓱᙴᔭᙱᑦᑐᖅ, ᑭᓕᖅᓯᒪᖏᑦᑐᖅ, ᓇᐱᓯᒪᙱᑦᑐᖅ, ᕿᓕᕈᖃᙱᑦᑐᕐᓘᓐᓃᑦ. 

  • ᐱᓂᕐᓗᒃᑎ ᐃᕆᐊᓛᖅᐸᒃᖢᓂ ᐊᓯᐊᓄᑦ ᐃᓄᖕᒧᑦ, ᐊᑦᑎᕐᓘᑎᕐᐸᒃᖢᓂᐅᒃ, ᒥᑕᐅᑎᒋᓪᓗᓂᐅᒃᓘᓐᓃᑦ.
    “ᑐᑭᖃᑦᑎᐊᙱᑦᑐᕈᓘᔪᑎᑦ ᐱᐅᙱᓪᓛᓗᒃᖢᑎᓪᓗ! ᐊᓯᒥ ᓇᒡᓕᒋᔾᔮᖏᑖᑎᑦ!” 
  • ᐱᓂᕐᓗᒃᑎ ᑲᑉᐱᐊᓵᕆᓪᓗᓂ ᐋᓐᓂᖅᓯᓂᐊᕐᓂᕐᒥᓂᒃ ᐊᓯᐊᓂ ᐃᓄᖕᒥᒃ, ᓇᒡᓕᒋᓛᖏᓐᓂ, ᐃᖕᒥᓂᒃᓘᓐᓃᑦ.
    “ᕿᒪᒃᑯᕕᖓ, ᐃᖕᒥᓂᒃ ᐋᓐᓂᕐᓂᐊᖅᑐᖓ!”
    “ᐱᖁᔭᓐᓂᒃ ᐱᙱᒃᑯᕕᑦ, ᑭᒃᑯᓕᒫᑦ ᐅᖃᐅᑎᓂᐊᖅᑕᒃᑲ ᑐᓴᖅᑕᐅᖁᓯᒪᙱᑕᓕᒫᕐᓂ!” 

  • ᐱᓂᕐᓗᒃᑎ ᓄᖅᑲᖅᑎᑦᑎᓗᓂ ᐊᓯᐊᓂ ᐃᓄᖕᒥ ᑕᑯᖃᑦᑕᖁᔨᙱᓪᓗᓂ ᐱᖃᓐᓇᕆᔭᖏᓐᓂ, ᐅᖃᐅᑎᕙᒃᓗᒍ ᖃᓄᖅ ᐊᓐᓄᕌᖅᓯᒪᔭᕆᐊᒃᓴᖅ, ᒪᓕᑲᑕᒃᐸᒃᓗᓂ, ᐅᖃᓗᒃᕕᒌᓐᓇᐅᔭᕐᓗᒍ, ᐱᕕᖃᖅᑎᑦᑎᙱᓪᓗᓂ ᐃᓄᑑᓂᕐᒥ.
    “ᓇᒡᓕᒋᒍᕕᖓ, ᑕᑯᖃᑦᑕᕈᓐᓃᕋᔭᖅᑕᑎᑦ ᐱᖃᓐᓇᕆᔭᑎᑦ ᖃᑕᙳᑎᑎᓪᓗ, ᐅᕙᖓᑐᐊᖑᔪᖅ ᐱᓯᒪᔭᕆᐊᖃᕐᑕᕐᓂ.”
    “ᑭᓇᒥᒃ ᐱᐅᒃᓴᖅᑎᑦᑎᓇᓱᒃᐱᑦ ᑖᔅᓱᒧᖓ ᐊᕐᓇᙴᔾᔪᑎᒧᑦ? ᐊᓯᐊᓂᒃ ᐊᑎᔭᖅᑐᕆᑦ!” 

  • ᐱᓂᕐᓗᒃᑎ ᓯᖕᓇᓗᐊᒪᔮᓲᖅ ᖃᓄᐃᓕᐅᓲᕐᓘᓐᓃᑦ ᐊᓯᐊ ᐃᓄᒃ ᓯᖕᓇᑎᓐᓇᓱᒃᖢᒍ. 

ᑮᓇᐅᑎᒍᑦ ᐱᓂᕐᓗᖕᓂᖅ

ᐃᓄᒃ ᐊᓯᒥᓂᒃ ᑮᓇᐅᔭᖅᑖᕈᑎᖃᖅᑎᑦᑎᓇᓱᙱᖦᖢᓂ; ᐱᓗᐊᖅᑐᒥ ᑮᓇᐅᔭᖃᙱᓗᐊᖅᑎᑦᑎᓪᓗᓂ ᐊᕕᖁᓇᒍ ᐱᒋᔭᖓᓂᒃ.

  • ᐱᓂᕐᓗᒃᑎ ᐊᐅᓚᑦᑎᓲᖅ, ᑮᓇᐅᔭᒃᑯᕕᖕᒥ, ᐊᖅᓵᖅᖢᒍ ᐊᓯᐊᑕ ᐃᓅᑉ ᐊᑭᓕᖅᑕᐅᔾᔪᑎ ᑮᓇᐅᔭᒃᓴᖓᓂᒃ, ᐊᑐᕐᓂᕐᓗᒃᖢᓂᓗ ᑮᓇᐅᔭᓂᒃ−ᐸᑦᑕᒃᖢᓂ, ᐊᑭᓖᕙᙱᖦᖢᓂ ᐊᑭᓕᒐᒃᓴᓂᒃ. 

ᖃᕋᓴᐅᔭᒃᑯᑦ ᐱᓂᕐᓗᖕᓂᖅ

ᕙᐃᔅᐳᒃ, ᐃᓐᔅᑕᒍᕌᒻ, ᐃᕐᖐᓐᓈᖅᑎᑦᑎᓂᒃᑯᓪᓗ ᑐᓴᖅᑎᑦᑎᔾᔪᑎᒥᒃ ᐊᔪᕐᓇᙱᑦᑐᑯᓘᑎᑦᑎᔪᖅ ᐊᒃᑐᐃᓗᓂ ᐱᖃᓐᓇᕆᔭᖏᓐᓂ ᖃᑕᙳᑎᖏᓐᓂᒃᓗ. ᐊᔪᕐᓇᙱᑦᑐᑯᓘᑎᑦᑎᖕᒥᔪᑦ ᐊᑐᕐᓗᑎᒃ ᖃᕋᓴᐅᔭᓂᒃ ᐱᓂᕐᓗᒃᓗᑎᒃ ᐃᓄᖕᓂᑦ. ᑭᓇᑭᐊᖅ ᐃᓯᕈᑎᓪᓗᓂ ᐊᓯᐊᑕ ᓇᖕᒥᓂᕆᔭᖓᓄᑦ−ᖃᐅᔨᒋᐊᖅᐸᒃᖢᒍ ᐅᖃᓘᑎᖓ ᐃᓄᖕᓄᓪᓗ ᐱᕙᓪᓕᐊᔪᖏᑦ. 

  • “ᑭᓇᐅᖕᒪ ᒪᓐᓂ? ᖃᓄᐃᒻᒪ ᐊᖑᑦ ᐱᐅᒃᓴᐃᓐᓇᐅᔭᖅᐸ ᕙᐃᔅᐳᒃᒥ ᐊᔾᔨᐊᖑᐊᖁᑎᖕᓂ?” 
  • ᖃᐅᔾᔪᒃ ᐅᖃᓘᑎᕕᑦ ᒪᒃᐱᕈᑎᖓ.” “ᖃᓄᐃᒻᒪᑦ?” “ᖃᓄᐃᒻᒪᐅᙱᑦᑐᖅ? ᐃᔨᖅᓯᒪᔭᖃᕋᕖᑦ?”
  • “ᐱᖃᑎᒪ ᓇᒃᓯᐅᔾᔨᕕᒋᓵᑦᑎᐊᖅᑖᖓ ᐅᒥᖓ ᐊᓐᓄᕌᖃᙱᑦᑐᒥᒃ ᐊᔾᔨᖑᐊᒥᒃ. ᓇᒃᓯᐅᑎᓂᐊᖅᑕᕋ ᐱᖃᓐᓇᕆᔭᓕᒫᓐᓄᑦ!” “ᖃᐅᔨᒪᕚ?” “Hᐊ hᐊ ᐋᒃᑲᑦᑎᐊᒻᒪᕆᒃ!”

ᑐᓂᓯᖃᑦᑕᐅᑎᓂᖅ ᓇᒡᓕᒍᓱᖃᑎᒌᖑᐊᓂᒃ ᐊᔾᔨᖑᐊᓂᒃ ᐊᓯᒥᖕᓄᑦ ᐱᕋᔭᖕᓂᐅᔪᖅ ᐊᔾᔨᖑᐊᖅ ᐃᓚᐅᑎᑦᑎᒃᐸᑦ ᐅᑭᐅᑭᓗᐊᖅᑐᒥᒃ. ᐱᕋᔭᖕᓂᐅᖕᒥᔪᖅ ᓇᒃᓯᐅᔾᔨᔨ ᐱᖃᙱᑉᐸᑦ ᐱᖁᔨᓯᒪᔪᒥᒃ ᐃᓄᖕᒥᑦ ᐊᔾᔨᐊᖑᐊᒦᑦᑐᒥᒃ.