ᐱᖁᔨᕗᖔᕈᑦ

ᐱᖁᔨᕗᖔᕈᑦ ᑐᓂᓯᓂᐅᔪᖅ ᐱᔪᓐᓇᖅᑎᑦᑎᓪᓗᓂᓗ ᑭᓱᒥᑭᐊᖅ ᐱᓕᕆᓂᐊᕐᓗᓂ. ᐊᐃᑉᐸᕇᖕᓂᕐᒧᑦ, ᐱᖁᔨᕗᖔᕈᑦ ᑐᑭᖃᖅᑐᖅ ᒪᕐᕉᒃ ᐃᓅᒃ ᐃᓱᒪᖅᓱᕐᖢᑎᒃ ᐱᔪᓐᓇᖃᑦᑕᐅᑎᔫᒃ ᐃᖕᒥᖕᓄᑦ ᐊᐃᑉᐸᐲᖕᓂᕐᒧᑦ ᖃᓄᐃᓕᐅᕐᓂᕐᒧᑦ−ᐊᒃᑐᖃᑦᑕᐅᑎᓂᖅ, ᑯᓂᒃᓴᕐᓂᖅ, ᐊᐃᑉᐸᕇᖕᓂᕐᓗ. 

ᐊᐃᑉᐸᕇᖕᓂᕐᒧᑦ ᐱᖁᔨᕗᖔᕈᑦ ᐃᓚᐅᑎᑦᑎᔪᖅ ᐱᖓᓱᓂᒃ ᐊᑐᕆᐊᕆᐊᓂᒃ, ᐊᑐᓚᐅᙱᑎᓪᓗᒍ ᐊᑐᖅᑎᓪᓗᒍᓗ ᐊᐃᑉᐸᕇᖕᓂᕐᒧᑦ ᖃᓄᐃᓕᐅᕈᑎ.

 

ᐱᔪᓐᓇᙱᑦᑐᑎᑦ ᐱᖁᔨᕗᖔᕈᒻᒥᒃ ᑭᓇᒥᑭᐊᖅ ᓄᑭᖃᙱᑦᑐᒥᒃ ᓯᓂᒃᑐᒥᒃᓘᓐᓃᑦ.

ᑭᓇᑭᐊᖅ ᕿᐊᒃᐸᑦ, ᓂᐱᖃᙱᑉᐸᑦ, ᐊᔭᒃᓯᕆᓗᓂᓘᓐᓃᑦ, ᐱᔪᒪᔭᕆᐊᖃᙱᑦᑐᑎᑦ ᐱᖁᔨᕗᖔᕈᒻᒥ. ᐅᖃᕐᕕᒋᔪᓐᓇᖅᑕᑦ ᐃᓄᒃ ᖃᐅᔨᓇᓱᒃᓗᑎᑦ ᑭᓱᒧᑦ ᐅᓚᕕᓴᖅᑕᐅᖕᒪᖔᑦ. 

ᐱᖁᔨᕗᖔᕈᑦ ᐱᒻᒪᕆᐅᖃᑕᐅᔪᖅ ᖃᓄᐃᙱᑦᑎᐊᕐᓗᓂ ᐊᐃᑉᐸᕇᒍᓯᕐᓂ. ᐊᔪᕈᓐᓃᖅᓴᕐᓗᒍ ᐊᐱᕆᓂᖅ−ᓈᓚᖕᓂᖅ−ᐃᒃᐱᒋᑦᑎᐊᕐᓂᖅ ᐊᐃᑉᐸᕇᒍᓯᓕᒫᖕᓂᒃ−ᐊᐃᑉᐸᕇᖕᓂᒃᑯᑐᐊᖑᙱᑦᑐᖅ. ᑕᐅᑐᒃᓗᒍ ᑖᓐᓇ ᓇᐃᑦᑐᖅ ᑕᕐᕆᔮᒃᓴᖅ ᑕᑯᒃᓴᐅᑎᑦᑎᔪᖅ ᖃᓄᖅ ᐊᔪᕈᓐᓃᖅᓴᕈᓐᓇᕐᒪᖔᑦ ᐱᖁᔨᕗᖔᕈᒻᒥ ᑭᓱᒥᑭᐊᖅ ᐊᔪᕐᓇᙱᑦᑐᑯᓗᖕᒥ ᑏᑐᖅᑎᑦᑎᓂᕐᒥ ᑭᓇᒧᑭᐊᖅ.