ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ ᓴᖅᑭᑎᓐᓃᓪᓗ

ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ ᖃᓄᖅ ᐅᕙᑦᑎᓐᓂ ᑕᑯᓂᖅᑎᒑᖅᑐᖅ−ᐊᖑᑦ, ᐊᕐᓇᖅ, ᑕᒪᒃᑭᖅᑑᒃ, ᑖᒃᑯᐊᖑᙱᑦᑑᒃ, ᓇᐅᒃᑯᑐᐃᓐᓇᕐᓘᓐᓃᑦ ᐊᖑᑕᐅᖕᒪᖔᑦ ᐊᕐᓇᐅᖕᒪᖔᑦ ᐃᓗᓕᖏᑎᒍᑦ. ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᓴᖅᑭᔮᖅᑎᑦᑎᓂᖅ ᖃᓄᐃᓕᐅᕆᐊᖃᑦᑕᕈᑎᑦᑎᒍᑦ, ᐊᓐᓄᕌᖅᓯᒪᓂᖅᑎᒍᑦ, ᐅᖃᓪᓚᖕᓂᒃᑯᓪᓗ ᑕᑯᑎᓪᓗᒋᑦ ᐊᓯᕗᑦ ᑭᓲᓂᑦᑎᓐᓂ. ᐃᓛᓐᓂᒃᑯᑦ ᑎᒥᐅᑉ ᐃᓚᖏᑦ ᐊᔾᔨᖃᖅᑐᑦ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᕈᑎᒥᒃ ᓴᖅᑭᑎᑕᑎᒍᓪᓗ, ᐃᓛᓐᓂᒃᑯᓪᓗ ᖃᐅᔨᒪᓇᙱᑦᑐᖅ. 

ᑎᒥᐅᑉ ᐃᓚᖏᑦ ᐊᔾᔨᒌᖏᑉᐸᑕ ᐃᓅᑉ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖓ ᓴᖅᑭᔮᕐᓂᖓᓄᓪᓘᓐᓃᑦ, ᐃᖕᒥᓂᒃ ᑕᐃᑐᐃᓐᓇᕆᐊᓖᑦ ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᑕᒪᒃᑮᖓᔪᖅ. ᑐᑭᓕᐅᕐᓗᒍ, ᐃᓄᒃ ᐊᖑᑎᑎᑐᑦ ᑎᒥᓕᒃ ᑭᓯᐊᓂ ᐃᖕᒥᓂᒃ ᑕᐅᑐᒃᑐᖅ ᐊᕐᓇᐅᓂᕐᒥᓂᒃ; ᐃᓄᒃᓘᓐᓃᑦ ᐊᕐᓇᑎᑐᑦ ᑎᒥᓕᒃ ᑭᓯᐊᓂ ᐃᖕᒥᓂᒃ ᑕᑯᔪᖅ ᐊᖑᑕᐅᓂᕐᒥᓂᒃ. ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᑕᒪᒃᑮᖓᔪᖅ ᐃᓄᒃ ᐃᒃᐱᒋᓲᑦ ᐃᓅᓚᐅᕐᓂᕐᒥᓂᒃ “ᑕᒪᙵᔪᒥᒃ ᑎᒥᖃᕐᖢᑎᒃ”.

ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᑕᒪᒃᑮᖓᔪᓄᑦ ᐃᓄᖕᓄᑦ, ᐃᒃᐱᖕᓂᐊᓂᖅ ᑭᓱᑭᐊᖅ ᐊᔾᔨᒋᖏᑕᖓ ᐊᑐᓕᕆᐊᕐᙵᑐᐃᓐᓇᕆᐊᓕᒃ ᐱᕈᖅᐸᓪᓕᐊᓕᓵᖅᑎᓪᓗᒋᑦ. ᓄᑕᖅᑲᑦ ᐋᖅᑭᒃᓯᓲᑦ ᑭᓲᓂᕐᒥᓂᒃ ᖃᐅᔨᒪᓇᕈᑎᓂᒃ ᕿᓚᒻᒥᐅᔪᒃᑯᑦ. ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᑕᒪᒃᑮᖓᔪᓄᑦ ᒪᒃᑯᒃᑐᑦ ᐃᓂᖃᖅᑐᑦ ᐃᑲᔪᖅᓱᖅᑕᐅᓂᕐᒥ ᐊᕙᑎᓕᖕᒥ ᓴᖅᑭᔮᖅᑎᑦᑎᔪᓐᓇᖅᑐᑦ ᖃᑕᙳᑎᒥᖕᓄᑦ, ᐱᖃᓐᓇᕆᔭᒥᖕᓄᑦ, ᐊᓯᖏᓐᓄᓪᓗ ᓴᐃᓕᔾᔪᑎᒋᒍᓂᐅᒃ. ᑭᓯᐊᓂᑦᑕᐅᖅ, ᐅᓄᖅᑐᑦ ᒪᒃᑯᒃᑐᑦ ᐃᓐᓇᐃᓪᓗ ᐃᓯᖅᓯᒪᐃᓐᓇᓲᑦ ᐊᓐᓄᕌᒃᑯᕕᖕᒥ ᐱᙱᓐᓂᕋᕐᓗᑎᒃᓘᓐᓃᑦ ᓱᓕᔪᒥᒃ ᑭᓲᓂᖏᓐᓂ ᖃᐅᔨᒪᓇᕈᑎᓂᒃ ᓲᖃᐃᒻᒪ ᐃᒃᐱᒋᖕᒪᑕ/ᖃᐅᔨᒪᖕᒪᑕ ᖃᑕᙳᑎᖏᑦ, ᐱᖃᓐᓇᕆᔭᖏᑦ, ᓄᓇᓕᖓᓗ ᐃᒃᐱᒍᓱᑦᑎᐊᔾᔮᖏᓐᓂᖏᓐᓂ ᓈᒻᒪᒋᓗᒍᓗ ᑖᓐᓇ.  

ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᑦ ᐃᓅᖃᑎᒌᓄᑦ ᓈᒻᒪᒃᑐᑦ ᑭᓱᓂᒃ ᐃᓄᐃᑦ ᓂᕆᐅᒋᔭᖏᓐᓂ ᑕᐅᑐᒃᖢᒋᓪᓗ “ᓴᙱᔪᖅ ᑎᒥᒃᑯᑦ” ᐅᕝᕙᓘᓐᓃᑦ “ᐊᕐᓇᑎᑑᖅᑐᖅ”. ᐃᓅᓂᖏᓐᓂ, ᐃᓄᐃᑦ ᑕᐅᑐᒃᑐᑦ ᑐᑭᓯᐊᓪᓗᑎᒃᓗ ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᖏᓐᓂ ᖃᑐᙳᑎᒥᑎᒍᑦ, ᐱᕙᓪᓕᐊᔪᒃᑯᑦ, ᐊᓯᖏᓐᓄᓪᓗ ᐃᓚᖏᓐᓄ ᐃᓄᖕᓄᑦ. ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᑦ ᐊᐃᕋᕆᔭᐅᔪᑦ ᐃᓕᖅᑯᓯᑐᖃᒃᑯᑦ, ᐊᓱᐃᓛᒃ ‘ᐱᖅᑯᓯᑐᖃᖅ’ ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᑦ ᐃᓄᖕᓄᑦ ᐃᓅᖏᑦᑐᓄᓪᓗ ᐊᔾᔨᒌᖏᑦᑐᑦ ᓇᐅᒃᑯᑐᐃᓐᓇᕈᓘᔭᖅ. ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᑦ ᐊᖏᒃᓕᓲᖑᖕᒥᔪᑦ, ᐱᔪᒪᓕᖅᑎᑕᐅᔪᑦ ᐊᓯᔾᔨᖅᑐᓄᑦ ᐊᑐᒐᒃᓴᓄᑦ ᓄᑖᖑᖅᐸᓪᓕᐊᔪᓄᑦ, ᐃᓕᖅᑯᓯᕐᓄᑦ ᐱᒻᒪᕆᒋᔭᕐᓄᓪᓗ, ᐃᓕᖅᑯᓯᕐᓄᑦ ᐅᖃᐅᓯᕐᓄᓪᓗ, ᐊᓯᖏᓐᓄᓪᓗ ᐱᔾᔪᑎᓄᑦ. 

ᒪᒃᑯᖕᓂᕐᓂ ᐊᕐᕌᒍᖏᓐᓂ, ᒪᒃᑯᒃᑐᑦ ᐱᒋᐊᓕᓲᑦ ᐊᐱᕆᓗᑎᒃ ᓂᕈᐊᕐᓗᑎᒃᓗ ᐊᔾᔨᒌᖏᑦᑐᓂᒃ ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᓂᑦ. ᓂᕈᐊᑐᐃᓐᓇᕆᐊᓖᑦ ᐱᓂᖅᓴᐅᓇᓱᒃᓗᒍ ‘ᐱᖅᑯᓯᑐᖃᖅ’ ᐃᓕᖅᑯᓯᖏᓐᓂ. ᑐᑭᓂᐅᕐᓗᒍ, ᒪᒃᑯᒃᑐᑦ ᓄᑲᑉᐱᐊᑦ ᖃᐅᔨᑐᐃᓐᓇᕆᐊᓖᑦ ᖁᕕᐊᒋᓂᕐᒥᓂᒃ ᓂᕿᓕᐅᕐᓂᖅ, ᒥᖅᓱᕐᓂᖅ, ᐱᙳᐊᖃᑎᖃᕐᓂᕐᓘᓐᓃᑦ ᒥᑭᑦᑐᓂᒃ ᓄᑕᖅᑲᓂᒃ; ᒪᒃᑯᒃᑐᑦ ᓂᕕᐊᖅᓵᑦ ᐱᓗᐊᕈᓐᓇᖅᑐᑦ ᑭᒃᓕᓯᓂᐊᕈᑎᓂᒃ, ᐱᙳᐊᕈᓯᕐᓂᒃ, ᐊᖑᓇᓱᖕᓂᕐᓂᒃᓘᓐᓃᑦ. 

ᒪᒃᑯᒃᑐᑦ ᐱᓗᐊᖅᑕᐅᓗᐊᕋᓱᒋᓕᖅᐸᑕ ᐋᖅᑭᒍᑎᑎᑕᐅᓇᓱᒃᓗᑎᒃ ᐃᓕᖅᑯᓯᖏᓐᓂ, ᐊᒃᓱᕈᕈᑎᖃᕐᓂᖅᓴᐅᔪᓐᓇᖅᑐᑦ ᓄᒫᓱᖕᓂᕐᒧᑦ. ᐱᒻᒪᕆᐅᔪᖅ ᒪᒃᑯᒃᑐᓄᑦ ᑲᔪᓯᑎᑦᑎᓗᑎᒃ ᖃᓄᐃᓕᐅᕈᑎᓂᒃ ᐱᔪᒪᔭᖏᓐᓂᒃᓗ ᖁᕕᐊᓱᒍᑎᒋᓗᓂᔾᔪᒃ ᐃᓅᓂᕐᒧᑦ. ᑎᒍᓯᓂᖅ “ᓴᙱᔪᖅ ᑎᒥᒃᑯᑦ” ᐅᕝᕙᓘᓐᓃᑦ “ᐊᕐᓇᑎᑑᖅᑐᖅ”ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐃᓕᖅᑯᓯᕆᔭᕆᐊᔪᓄᑦ ᐊᒃᑐᐊᓂᖃᙱᑦᑐᖅ ᐃᓅᑉ ᐊᐃᑉᐸᖃᕐᓂᕐᒧᑦ ᖃᐅᔨᔾᔪᑎᖓᓂᒃ. 

ᑕᑯᔪᓐᓇᖅᑐᑎᑦ ᐃᓚᒋᔭᖏᓐᓂ ᑎᑎᖅᑲᑦ LGBTTQA. ᓇᖏᕈᑎᖃᖅᑐᑦ ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᐱᕆᔾᔪᑎᓕᒃ ᐊᒻᒪ ᑕᐱᕇᖕᓂ.

ᖃᐃᕋᔪᐊᕇᒃ: ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎ ᐊᕐᓇᖅ ᐱᔪᒪᓂᖃᖅᑐᖅ ᐊᓯᖓᓂᒃ ᐊᕐᓇᓂᑦ
ᒪᓃᓕᑎᑕᕇᒃ: ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎ ᐊᕐᓇᖅ ᐱᔪᒪᓂᖃᖅᑐᖅ ᐊᓯᖓᓂᒃ ᐊᕐᓇᓂᑦ
ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ: ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎ ᐃᓄᒃ ᐱᔪᒪᓂᖃᖅᑐᖅ ᑕᒪᒃᑮᓂᒃ ᑭᓲᓂᓕᖕᓂ−ᐊᖑᑦ ᐊᕐᓇᒧᑦ ᐊᖑᒻᒧᓪᓘᓐᓃᑦ; ᐊᕐᓇᖅ ᐊᖑᒻᒧᑦ ᐊᕐᓇᒧᓪᓘᓐᓃᑦ
ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ ᑭᓲᖃᑎᒋᔭᒥᓂᒃᓘᓐᓃᑦ ᐊᐃᑉᐸᕇᖕᓂᖅ: ᐃᓄᒃ ᐃᓅᓪᓗᓂ ᐊᕐᓇᑐᑦ ᑎᒥᖃᕐᖢᓂ ᐃᒃᐱᖕᓂᐊᓪᓗᓂ ᐊᖑᑕᐅᖅᑰᔨᓪᓗᓂ; ᐃᓄᒃ ᐃᓅᓪᓗᓂ ᐊᖑᑎᑐᑦ ᑎᒥᖃᕐᖢᓂ ᐃᒃᐱᖕᓂᐊᓪᓗᓂ ᐊᕐᓇᐅᖅᑰᔨᓪᓗᓂ. ᑖᓐᓇ ᐱᔾᔪᑎᓕᒃ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᕐᒥ ᐊᒻᒪ ᓴᖅᑭᔮᕈᑎᖏᓐᓂ, ᐱᙱᖔᕐᖢᒍ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎ. ᐊᕐᓇᖅ ᐊᖑᑎᐅᑉ ᑎᒥᖓᓃᑦᑐᖅ ᐱᔪᒪᓂᖃᕈᓐᓇᖅᑐᖅ ᐊᖑᑎᓄᑦ ᐊᓯᖏᓐᓄᓪᓘᓐᓃᑦ ᐊᕐᓇᓄᑦ; ᐊᖑᑦ ᐊᕐᓇᐅᑉ ᑎᒥᖓᓃᑦᑐᖅ ᐱᔪᒪᓂᖃᕈᓐᓇᖅᑐᖅ ᐊᕐᓇᓄᑦ ᐊᓯᖏᓐᓄᓪᓘᓐᓃᑦ ᐊᖑᑎᓄᑦ.
ᒪᕐᕉᖕᓂᒃ ᐅᒃᐱᕈᓱᖕᓂᓕᒃ: ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᐃᕋᔪᐊᕇᑐᐃᓐᓇᕆᐊᓕᑦ, ᒪᓃᓕᑕᕇᒃ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᑦ, ᐊᓯᖏᓐᓂᒃᓘᓐᓃᑦ ᐊᕐᓇᐅᓂᓖᑦ ᐊᖑᑎᐅᓂᓖᑦ.
ᐊᐱᕆᔾᔪᑎᓕᒃ: ᐃᓄᒃ ᖃᐅᔨᒫᓂᑦᑎᐊᙱᑦᑐᖅ ᐊᐃᑉᐸᖃᕈᒪᓂᖏᓐᓄᑦ ᖃᐅᔨᖃᑎᒌᒍᑎᓂᑦ ᐊᒻᒪᓘᓐᓃᑦ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᕐᒥ.
ᑕᐱᕇᖕᓂᖅ: ᐃᒪᐃᑦᑑᙱᑦᑐᖅ ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ ᐃᓄᒃ ᐃᑲᔪᖅᓱᐃᔪᖅ ᓇᖏᕈᑎᖃᖅᑎᑦᑎᓪᓗᓂᓗ ᐱᔪᓐᓇᕐᓂᖏᓐᓂ ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ (LGBTTQ) ᐃᓄᐃᑦ.

ᐃᓅᖃᑎᒋᒍᑎᑦᑎᓐᓂ, ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ (LGBTTQ) ᐃᓄᐃᑦ ᐃᒃᐱᖕᓂᐊᔪᓐᓇᖅᑐᑦ ᐊᒃᓱᕈᖅᑎᑕᐅᓂᕐᒥᓂᒃ ᓈᒻᒪᖁᔭᐅᓪᓗᑎᒃ. ᐱᙱᙳᐊᒐᔪᒃᑐᑦ ᐃᔨᖅᓯᓯᒪᓗᑎᒃᓘᓐᓃᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ ᓲᖃᐃᒻᒪ ᐃᓕᖅᑯᓯᖏᓐᓄᑦ ᐅᒃᐱᕐᓂᒃᑯᑦ ᐊᑐᕆᐊᓕᖏᑎᒍᑦ ᐃᓅᖃᑎᒌᖕᓂᕐᒧᓪᓗ ᐃᓕᖅᑯᓯᒃᑯᑦ. ᐃᓚᖏᓐᓂ ᖃᑕᙳᑎᒌᓂ ᓄᓇᓕᖏᓐᓂᓗ ᐃᓄᐃᑦ ᐃᒃᐱᖕᓂᐊᓂᖃᑦᑎᐊᙱᑦᑐᑦ, ᖃᓄᖓᓴᖃᑦᑕᖅᑐᑦ, ᐱᑦᑎᐊᙱᕐᔪᐊᕐᓗᑎᒃᓘᓐᓃᑦ ᑕᐃᒃᑯᓄᖓ ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ ᐃᓄᖕᓄᑦ.

ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ ᒪᒃᑯᒃᑐᑦ ᐃᓱᒪᑐᐃᓐᓇᕆᐊᓕᑦ ᐱᙳᐊᕆᐊᖃᕐᓂᕐᒥᓂᒃ ᐃᒃᐱᒋᓗᑎᒃ ᑭᓱᓗᕿᓂᒃ ᐃᒃᐱᒋᓪᓚᑦᑖᖏᑕᒥᓂᒃ, ᑭᓲᓗᑎᒃᓘᓐᓃᑦ ᑕᐃᒪᐃᑦᑑᖏᑎᓪᓗᒋᑦ. ᐊᓯᐊᒍᑦ ᐅᖃᐅᓯᒃᑯᑦ, ᐃᒃᐱᒋᑐᐃᓐᓇᕆᐊᓖᑦ ᐃᓅᔭᕆᐊᖃᕐᓂᕐᒥᓂᒃ ᓴᒡᓗᓯᒪᔪᒥᒃ; ᐃᔨᖅᓯᓯᒪᔭᕆᐊᖃᕐᓂᕐᒥᓂᒃ ᓱᓕᔪᒥᒃ ᓇᖕᒥᓂᕐᒥᓂᒃ, ᖃᑕᙳᑎᖏᓐᓄᓪᓘᓐᓃᑦ ᐱᖃᓐᓇᕆᔭᖏᓐᓄᓪᓗ.

ᐊᑕᐅᑦᑎᒃᑯᑦ, ᐃᓅᖃᑎᒋᒍᑎᕗᑦ ᐃᓕᑦᑎᓯᔪᑦ ᐃᒃᐱᖕᓂᐊᑦᑎᐊᕐᓂᕐᒥ ᒪᑐᐃᖓᓗᓂᓗ ᐊᔾᔨᒌᖏᑦᑐᓄᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ. ᓴᖅᑭᑉᐸᓪᓕᐊᓂᖅ ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ ᐃᓄᐃᑦ ᐅᖃᐅᓯᕆᒍᓂᔾᔪᒃ  ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ. ᐅᖃᐅᔾᔨᑐᐃᓐᓇᕈᓐᓇᖅᑐᑦ ᖃᑕᙳᑎᑐᐊᒥᓂᒃ ᖃᓂᒋᔭᖏᓐᓂᒃᓗ ᐱᖃᓐᓇᕆᔭᖏᓐᓂ, ᑕᐅᑐᒃᑕᐅᑎᑦᑎᐊᕈᓐᓇᖅᑐᓪᓘᓐᓃᑦ ᑭᒃᑯᑐᐃᓐᓇᕐᓄᑦ. 

ᐃᑲᔪᖅᓱᖅᑕᐅᓂᖅ ᖃᑕᙳᑎᖏᓐᓂ, ᐱᖃᓐᓇᕆᔭᖏᓐᓂ, ᓄᓇᓕᖏᓐᓂᒃᓗ ᐱᔭᕆᐊᖃᖅᑐᖅ. ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ ᒪᒃᑯᒃᑐᑦ ᐃᑲᔪᖅᓱᖅᑕᐅᑦᑎᐊᙱᑦᑐᑦ ᐊᑦᑕᕐᓇᖅᑐᒦᓐᓂᖅᓴᐅᔪᑦ ᑭᓱᓄᒃᑭᐊᖅ ᓲᕐᓗ ᐃᓕᓐᓂᐊᕈᓐᓃᕐᓂᖅ, ᐋᖓᔮᕐᓇᖅᑐᓕᕆᓂᖅ ᐃᒥᐊᓗᓕᕆᓂᕐᓗ, ᓄᒫᓱᖕᓂᖅ, ᐃᖕᒥᓃᕐᓂᕐᓗ. 

ᐃᓕᑦᑎᔭᕆᐊᖃᖅᑐᒍᑦ ᐃᒃᐱᒋᑦᑎᐊᖅᓯᔪᓐᓇᕐᓗᑕ ᐃᑲᔪᖅᓱᐃᓗᑕᓗ ᐃᓄᓕᒫᓂᒃ, ᐱᔾᔪᑎᒋᙱᓪᓗᒋᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ.