ᐃᓱᒪᒧᑦ ᐋᓐᓂᐊᖃᕐᑕᐃᓕᒪᔾᔪᑎ

ᐃᓱᒪᒧᑦ ᐋᓐᓂᐊᖃᕐᑕᐃᓕᒪᔾᔪᑎ ᐃᓅᑉ ᖃᓄᐃᓕᖓᓂᖓᓃᑦᑐᖅ ᐃᓱᒫᓗᒋᓪᓗᒋᑦ ᐃᒃᐱᖕᓂᐊᓂᖏᑦ ᐃᓱᒪᒥᒍᓪᓗ ᖃᓄᐃᙱᑦᑎᐊᕐᓂᖅ. ᐃᓚᒋᔭᖓ ᐋᓐᓂᐊᖃᕐᓇᙱᑦᑐᓕᒫᑦᑕ ᖃᓄᐃᙱᑦᑎᐊᕈᑎᓕᒫᑦᑕᓗ, ᐃᓚᐅᑎᑦᑎᖕᒥᔪᖅ ᑎᒥᒥᒃ ᐅᒃᐱᕈᓲᑎᓂᒃᓗ ᐋᓐᓂᐊᖃᕐᓇᙱᑦᑐᓕᕆᓂᕐᓂ. 

ᐃᓱᒪᒧᑦ ᐋᓐᓂᐊᖃᕐᑕᐃᓕᒪᔾᔪᑎ ᐊᑐᕐᓂᐅᔪᖅ ᖃᓄᐃᙱᑦᑎᐊᕐᓂᕐᒥ, ᐃᓄᒃ ᐃᒪᐃᑦᑐᓐᓇᕐᓗᓂ: 

  • ᖃᐅᔨᓗᒋᑦ ᓇᖕᒥᓂᖅ ᐱᔪᓐᓇᕐᓂᖏᑦ
  • ᕿᓄᐃᓵᕈᓐᓇᕐᓗᓂ ᑕᖃᓇᒐᔪᒃᑐᓂᑦ ᐃᓅᓯᕐᒥ
  • ᐱᓕᕆᐊᖃᕐᓗᓂ ᐊᑑᑎᔪᓂᒃ ᐱᓕᕆᐊᓂᑦ
  • ᑐᓂᓯᒪᓗᑎᒃ ᓄᓇᓕᖏᓐᓄᑦ 

ᐊᔾᔨᒌᖏᑦᑐᑦ ᐃᓕᖅᑯᓰᑦ ᐃᓅᓯᕐᒥᓗ ᐊᑐᖅᑐᑦ ᐊᒃᑑᑎᓲᑦ ᐃᓱᒪᒧᑦ ᐋᓐᓂᐊᖃᕐᑕᐃᓕᒪᔾᔪᑎᒥᒃ−ᐱᐅᔪᒃᑯᑦ ᐱᐅᙱᑦᑐᒃᑯᓪᓗᓐᓃᑦ. ᓲᕐᓗ ᐃᒪᓐᓇ: 

  • ᐊᒃᑐᐊᒋᔭᖃᕐᓃᑦ ᐃᓄᖕᓂᑦ ᐊᕙᑎᖕᓃᑦᑐᓂᑦ
  • ᐋᖅᑭᒃᓱᐃᓂᖅ ᐱᔭᕇᖅᓯᓃᓪᓗ ᑐᕌᒐᕐᓂᑦ
  • ᐃᖕᒥᓂᒃ ᐱᔪᓐᓇᑦᑎᐊᕐᓂᖅ
  • ᑲᒪᒋᔭᖃᕈᓐᓇᕐᓂᖅ ᑕᖃᓇᖅᑐᓂ
  • ᐱᕕᒃᓴᖅᓯᐅᕈᓐᓇᕐᓂᖅ ᐃᒪᓐᓈᖅᑐᕈᑎᓂᒃᓗ
  • ᐱᐅᔪᓂᒃ ᐃᓱᒪᔪᓐᓇᕐᓂᖅ
  • ᖁᕕᐊᒋᔭᖃᕐᓂᖅ ᐃᓅᓯᕐᒥ

ᐃᓱᒪᒧᑦ ᐋᓐᓂᐊᖃᖅᑕᐃᓕᒪᔾᔪᑎ, ᑎᒥᒃᑯᑦ ᐋᓐᓂᐊᖃᖅᑕᐃᓕᒪᔾᔪᑎ, ᐊᒻᒪ ᐅᒃᐱᕆᔭᒃᑯᑦ ᐋᓐᓂᐊᖃᕐᑕᐃᓕᒪᔾᔪᑎ ᐊᒃᑐᐊᓂᓖᓐᓇᐃᑦ. ᑐᑭᓕᐅᕐᓗᒍ, ᐃᓄᒃ ᐱᖃᑎᖃᕐᓂᒃᑯᑦ ᖁᐱᕐᕆᓯᒪᔪᖅ (STI) ᐃᒃᐱᖕᓂᐊᑐᐃᓐᓇᕆᐊᓕᒃ ᓯᕘᕋᓂᕐᒥ, ᑲᑉᐱᐊᓱᖕᓂᕐᒥ, ᐊᒻᒪ ᓄᒫᓱᖕᓂᕐᒥ. ᑖᒃᑯᐊ ᐃᒃᐱᖕᓂᐊᓃᑦ ᐋᖅᑭᒃᓯᑐᐃᓐᓇᕆᐊᓖᑦ ᑎᒥᒃᑯᑦ ᖃᐅᔨᒪᓇᕈᑎᓂᒃ ᓲᕐᓗ ᐊᓂᖅᑎᕆᑦᑎᐊᕈᓐᓃᕐᓂᖅ, ᖃᐅᓯᓕᑲᑕᖕᓂᖅ, ᓱᒃᑲᓂᖅᓴᒥᒃᓗ ᐆᒪᑎᖓ ᑎᒡᓕᕐᓂᖃᓕᕐᓗᓂ. 

ᐋᓐᓂᐊᖃᕐᑕᐃᓕᒪᓂᖅ ᑐᑭᖃᖅᑐᖅ ᑲᒪᑦᑎᐊᕐᓂᖅ ᑎᒥᖕᓂ, ᐅᒃᐱᕆᔭᕐᓂ, ᐊᒻᒪᓗ ᐃᓱᒪᒧᑦ ᐋᓐᓂᐊᖃᖅᑕᐃᓕᒪᔾᔪᑎᖕᓂ.