ᓄᓕᐊᕐᓂᖅ ᐱᐊᕋᑦᓴᑖᕐᑌᓕᓗᓂ

ᓄᓕᐊᓚᖓᒋᐊᒥᒃ ᑐᑭᑖᑐᐊᕈᕕᑦ, ᓴᐳᒻᒥᓯᒪᑦᓯᐊᖏᓐᓇᓕᒫᕆᐊᖃᕐᖁᑎᑦ ᓄᓕᐊᕐᓂᑯᑦ ᐋᓐᓂᐊᑖᕆᔭᐅᒍᓐᓇᑐᓂᑦ. ᓴᐳᒻᒥᒋᐊᖃᕐᓱᑎᓪᓗ ᐱᐊᕋᑦᓴᑖᕐᑌᓕᓗᑎᑦ ᐱᐊᕋᕐᑖᓂᕐᒧᑦ ᐊᑐᐃᓐᓴᐅᖏᓐᓂᓕᒫᕐᓂ.

ᐅᓲᑉ ᐴᖏᑦ ᖃᓂᐅᓪᓗ ᐴᖏᑦ - ᑎᒥᒃᑯᑦ ᐱᔭᐅᒌᒃᑯᑏᑦ - ᓴᐳᒻᒥᓯᐊᕈᓐᓇᓂᕐᐹᑦ ᓄᓕᐊᕐᓂᑯᑦ ᐋᓐᓂᐊᑖᖑᒍᓐᓇᑐᓂᑦ. ᐅᓲᓪᓗ ᐴᖓ ᐱᐊᕋᑦᓴᑖᕇᒃᑯᑎᐅᒍᓐᓇᓱᓂ.

ᐊᒥᓱᓂᒃ ᐱᐊᕋᕐᑖᕇᒃᑯᑎᖃᕐᒥᔪᖅ ᑭᓯᐊᓂ ᓄᓕᐊᕐᓂᑯᑦ ᐋᓐᓂᐊᑖᕇᒃᑯᑎᐅᖕᖏᑐᑦ. ᑕᑯᒋᐊᕈᓐᓇᑐᑎᑦ ᑕᒃᑯᐊ ᐊᑐᐊᒌᑦ ᐃᓱᐊᓂ. ᐊᒥᓱᑦ ᐱᐅᓂᕐᐸᐅᓂᕃᓲᑦ ᑎᒥᒃᑯᑦ ᐱᔭᐅᒌᒃᑯᑎᓂᒃ ᐃᓱᐊᕐᓂᐸᐅᓂᕃᑦᓱᑎᒃ ᐋᓐᓂᐊᑖᕐᑌᓕᓂᕐᒧᑦ ᐱᐊᕋᑦᓴᑖᕐᑌᓕᓂᕐᒧᓗ.

ᐅᑯᐊ ᐊᖑᑎᐅᑉ ᐴᖓᓂᒃ ᐊᑐᕈᓰᑦ ᓇᓗᓇᖕᖏᑐᑦ:

ᐊᑐᕋᑦᓴᖅ 1

ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.

ᐊᑐᕋᑦᓴᖅ 2

ᐅᓱᒃ ᓯᑎᓕᑉᐸᑦ (ᑎᑦᓴᓕᕐᐸᑦ) ᐱᒋᐊᕐᓗᑎᑦ. ᐅᕕᓂᖓ ᐅᓲᑉ ᓄᓱᓪᓗᒍ, ᑭᐱᔭᐅᓯᒪᖕᖏᑐᐊᕐᐸᑦ.

ᐊᑐᕋᑦᓴᖅ 3

ᐅᓲᑉ ᐴᖓ ᑲᐅᑎᑎᓪᓗᒍ.

ᐊᑐᕋᑦᓴᖅ 4

ᐅᓱᓕᒫᖅ ᐴᕐᓗᒍ ᒥᓕᑕᐅᑎᑦᓯᐊᓗᒍ ᐊᒡᒐᐱᑦ ᐃᓪᓗᐊᓄᑦ.

ᐊᑐᕋᑦᓴᖅ 5

ᖃᐯᕇᕈᕕᑦ, ᐅᓲᑉ ᐴᖓ ᑎᒍᒥᐊᕐᓗᒍ ᐅᑦᓱᒥᑦ ᐲᓯᒍᕕᐅᒃ ᓈᕕᔨᐊᕆᑦᑌᓕᓗᒍ. ᐲᕐᓗᒍ ᖃᐸᑦᑕᖃᕐᓂᖓ ᑎᒍᒥᐊᕐᓗᒍ.

ᐊᑐᕋᑦᓴᖅ 6

ᐅᓲᑉ ᐴᖓ ᐊᑐᕇᕈᕕᐅᒃ ᓴᓂᖃᐅᑎᒨᕐᓗᒍ, ᖁᕐᕕᒨᖕᖏᑐᖅ. ᑖᑦᓱᒥᖓᑦᓭᓇᖅ ᐅᓲᑉ ᐴᖓᓂᒃ ᐊᑐᕆᐊᓪᓚᒍᓐᓇᖏᑦᑐᑎᑦ.

ᐊᑐᕈᓰᑦ ᐊᖑᑎᐅᑉ ᐊᕐᓇᐅᓗ ᐴᖏᓐᓂᒃ.

ᐅᓲᑉ ᐅᑦᓲᓗ ᐴᖏᑦ ᐊᑐᕐᓂᖃᑦᓯᐊᕈᓐᓇᑐᑐᐊᑦ ᐊᑐᑦᓯᐊᑕᐅᑐᐊᕋᒥᒃ. ᐅᑯᐊ ᒪᓕᓪᓗᒋᑦ ᐱᐊᕋᑦᓴᑖᕐᑌᓕᒍᓐᓇᑐᑎᑦ ᓄᓕᐊᕐᓂᑯᓪᓗ ᐋᓐᓂᐊᑖᕐᑌᓕᓗᑎᑦ.

  • ᓴᓂᕐᕙᓯᒪᑦᓯᐊᓗᒍ ᓂᓪᓕᓇᓪᓗᐊᖏᑦᑐᒥ ᓴᓗᐊᖓᑦᓯᐊᑐᒥ ᓯᕿᓐᓂᕌᕐᑕᐅᖏᑦᑐᒥ. ᖁᐊᕐᑎᒍᓐᓇᖏᑦᑌᑦ ᐅᕐᖂᓗᐊᕐᑐᒦᑎᒍᓐᓇᓇᒍᓗ.
  • ᖃᖓᒃᑯᑦ ᐊᑐᕐᖃᔦᕆᐊᖃᕐᒪᖔᑦ ᐅᓪᓗᖓ. ᐅᓪᓗᖓ ᖄᖏᐅᑎᓯᒪᑉᐸᑦ ᐊᑐᕈᓐᓇᖏᑦᑌᑦ.
  • ᐴᕐᓯᒪᕐᖃᕆᐊᖃᕐᑐᑦ ᐊᑑᑎᓚᐅᕐᓇᒃ. ᐴᑦ ᐊᑐᕐᓂᖃᑦᓯᐊᕈᓐᓇᑐᑦ ᒥᓕᑦᓯᒪᐅᑎᐅᒍᑎᒃ ᑭᓯᐊᓂ.
  • ᖃᐅᓯᓕᕐᑎᕆᐊᓪᓚᐅᑎ ᓯᖁᑦᑎᓂᐊᖕᖏᒪᑦ ᐊᓕᑦᑐᓂᐊᖏᒻᒪᑦ ᐊᑐᑦᓯᐊᓂᕐᓴᐅᓂᐊᕐᒪᑦ.
  • ᐴᕐᒥ ᐊᑕᐅᓯᕕᓪᓗᒍ ᐊᑐᕐᓗᑎᑦ. ᓴᓂᖃᐅᑎᒨᕐᓗᒍ ᐊᑐᕇᕈᕕᐅᒃ - ᖁᕐᕕᒨᖕᖏᑐᖅ. ᓄᓕᐊᕆᐊᑕᒫᑦ ᓄᑖᒥ ᐴᖃᑦᑕᓗᑎᑦ.
  • ᑌᒪᖕᖓᑦ ᐴᕐᓯᒪᓗᑎᑦ. ᐴᕐᓯᒪᖕᖏᑯᕕᑦ ᓄᓕᐊᕐᓂᑯᑦ ᐋᓐᓂᐊᑖᕈᓐᓇᑐᑎᑦ ᐱᐊᕋᑦᓴᑖᕈᓐᓇᓱᑎᓪᓗ. ᐴᑦ ᓴᐳᒻᒥᒍᑏᑦ ᒥᓕᑦᓯᒪᐅᑏᑦ ᓄᓕᐊᕐᓂᑯᑦ ᐋᓐᓂᐊᑖᖑᒍᓐᓇᑐᓂᑦ.
  • ᐊᑕᐅᓯᐊᕐᓗᒍ ᐅᓲᑉ ᐴᖓ ᐊᑐᕐᓗᒍ. ᐊᑕᐅᑦᓯᑯᑦ ᐊᖑᑎᓯᐅᑎᒥᒃ ᐊᕐᓇᓯᐅᑎᓂᓪᓗ ᐴᕐᓯᒪᒍᓐᓇᖏᑦᑐᑎᑦ ᐊᖑᑎᓯᐅᑏᓐᓂ ᐊᕐᓇᐅᓯᐅᑏᓐᓂᓗ ᐊᑕᐅᑦᓯᑰᕐᑎᓯᒍᓐᓇᒥᓇᒃ.

ᐃᓄᐃᑦ ᐃᓚᖏᑦ ᖁᓄᓪᓕᓲᑦ ᕿᓪᓕᑐᔭᖓᓄᑦ. ᖁᓄᓪᓕᑐᐊᕋᒥᒃ ᖃᓯᓕᓕᓲᑦ, ᐅᖏᓚᓕᕐᓱᑎᒃ ᐳᓪᓕᓕᕐᓱᑎᓪᓘᓃᑦ ᐴᕐᒥᒃ ᐊᑐᕐᑐᕕᓂᐅᑦᓱᑎᒃ. ᖁᓄᓪᓕᕈᕕᑦ ᐁᑉᐯᓗᓐᓃᑦ ᖁᓄᓪᓕᐸᑦ ᐆᑦᑐᕈᓐᓇᑐᑎᑦ ᐊᓯᐊᓂᒃ. ᐋᓐᓂᐊᓯᐅᕐᑎᒧᑦ ᓇᓪᓕᑳᑎᓪᓗᑎᑦ ᐃᑲᔪᕐᑕᐅᒍᓐᓇᑐᑎᑦ.

ᐊᕐᓇᐅᑉ ᐴᖓ ᖃᐅᓯᓕᕐᑎᓯᒪᒌᕐᑐᖅ ᐱᐊᑦᑑᒌᕐᑐᖅ, ᐃᓱᒋᒃ ᑕᒪᒋᒃ ᐊᑕᒍᑎᖃᕐᓱᑎᒃ. ᖃᐯᕐᕆᐅᒍᓐᓇᑐᖅ ᓄᓕᐊᕐᓂᒥᓂ ᖃᐯᕐᑎᓗᒍᓗ.

ᐊᑐᕋᑦᓴᖅ 1

ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.

ᐊᑐᕋᑦᓴᖅ 2

ᖃᐅᓯᓕᕐᑎᕈᑎᒋᐊᓪᓚᑕᑦᓯᒍᓐᓇᑌᑦ.

ᐊᑐᕋᑦᓴᖅ 3

ᐊᑕᒍᑎᖏᑦ ᐃᓕᑦᓯᐊᓗᒋᑦ.

ᐊᑐᕋᑦᓴᖅ 4

ᐅᑦᓲᑉ ᐴᖓ ᐅᑦᓱᒋᑦ ᐃᓗᐊᓅᕐᓗᒍ.

ᐊᑐᕋᑦᓴᖅ 5

ᐃᓅᒑᒃᑭᓄᑦ ᐴᖅ ᑐᕐᖁᓗᒍ ᐊᕗᖓᐅᓕᒍᓐᓇᕕᓕᒫᖓᓄᑦ ᑲᐅᑎᑎᑦᓯᐊᓗᒍ. ᐴᖅ ᐊᐅᓚᑦᔭᕈᓇᐅᑎᑦᑌᓕᑦᓯᐊᓗᒍ. ᓯᓚᑖᓂ ᐊᑕᒍᑎᖓ ᐅᑦᓲᑉ ᓯᓚᑖᓃᒋᐊᓕᒃ.

ᐊᑐᕋᑦᓴᖅ 6

ᓄᓕᐊᕐᓂᓂ ᐅᓱᒃ ᐴᑉ ᐱᓗᐊᓃᑎᑦᓯᐊᓗᒍ. ᐅᓱᒃ ᑕᐅᒪᙰᓐᓵᑎᑦᑌᓕᓗᒍ. ᐅᓱᒻᒧᓗ ᐴᑦ ᑫᒥᑕᐅᓪᓗᐊᑌᓕᓗᓂ ᐅᑦᓲᑉ ᐃᓗᐊᓂ.

ᐊᑐᕋᑦᓴᖅ 7

ᓄᓕᐊᕐᑕᐅᒌᕈᕕᑦ ᐴᖅ ᐲᕐᓗᒍ. ᓯᓚᓪᓕᖓ ᐊᑕᒍᑎᖓ ᒪᑐᕐᖄᓗᒍ ᐊᒧᓯᓗᒍ.

ᐊᑐᕋᑦᓴᖅ 8

ᐴᖅ ᐊᑐᑫᓐᓇᑌᑦ ᓴᓂᖃᐅᑎᒨᕐᓗᒍ ᖁᕐᕕᒨᖕᖏᑐᖅ. ᑖᑦᓱᒥᖓᑦᓭᓇᖅ ᐊᑐᕈᓐᓇᖏᑦᑐᑎᑦ.

ᐅᑦᓲᑉ ᐴᖓᓂᒃ ᐊᑐᕆᐅᕐᓴᕈᓐᓇᑐᑎᑦ ᓄᓕᐊᕐᓗᑎᑦ ᐊᑐᒪᐅᕐᓇᒃ. ᐃᓱᐊᕆᔭᕐᓂᒃ ᐋᕐᕿᖃᕐᓗᑎᑦ - ᐅᑯᖓᓗᑎᑦ, ᓇᓚᓗᑎᑦ ᓂᑯᕐᕋᓗᑎᓪᓘᓃᑦ ᓂᐅᑉᐱᑦ ᐃᓪᓗᐊ ᐃᑦᓯᕙᐅᑕᒦᑦᑎᓗᒍ. ᐅᑦᓲᑉ ᐴᖓᓂᒃ ᐊᑐᕈᓐᓇᑐᑎᑦ ᑫᕙᓪᓚᒍᓰᑦ ᓯᑕᒪᐅᔪᕐᑐᑦ ᓯᕗᓂᖓᒍᑦ ᓄᓕᐊᓚᐅᕐᓇᒃ.

ᐊᑐᕈᓰᑦ ᐊᖑᑎᐅᑉ ᐊᕐᓇᐅᓗ ᐴᖏᓐᓂᒃ.

ᐅᓲᑉ ᐅᑦᓲᓗ ᐴᖏᑦ ᐊᑐᕐᓂᖃᑦᓯᐊᕈᓐᓇᑐᑐᐊᑦ ᐊᑐᑦᓯᐊᑕᐅᑐᐊᕋᒥᒃ. ᐅᑯᐊ ᒪᓕᓪᓗᒋᑦ ᐱᐊᕋᑦᓴᑖᕐᑌᓕᒍᓐᓇᑐᑎᑦ ᓄᓕᐊᕐᓂᑯᓪᓗ ᐋᓐᓂᐊᑖᕐᑌᓕᓗᑎᑦ.

  • ᓴᓂᕐᕙᓯᒪᑦᓯᐊᓗᒍ ᓂᓪᓕᓇᓪᓗᐊᖏᑦᑐᒥ ᓴᓗᐊᖓᑦᓯᐊᑐᒥ ᓯᕿᓐᓂᕌᕐᑕᐅᖏᑦᑐᒥ. ᖁᐊᕐᑎᒍᓐᓇᖏᑦᑌᑦ ᐅᕐᖂᓗᐊᕐᑐᒦᑎᒍᓐᓇᓇᒍᓗ.
  • ᖃᖓᒃᑯᑦ ᐊᑐᕐᖃᔦᕆᐊᖃᕐᒪᖔᑦ ᐅᓪᓗᖓ. ᐅᓪᓗᖓ ᖄᖏᐅᑎᓯᒪᑉᐸᑦ ᐊᑐᕈᓐᓇᖏᑦᑌᑦ.
  • ᐴᕐᓯᒪᕐᖃᕆᐊᖃᕐᑐᑦ ᐊᑑᑎᓚᐅᕐᓇᒃ. ᐴᑦ ᐊᑐᕐᓂᖃᑦᓯᐊᕈᓐᓇᑐᑦ ᒥᓕᑦᓯᒪᐅᑎᐅᒍᑎᒃ ᑭᓯᐊᓂ.
  • ᖃᐅᓯᓕᕐᑎᕆᐊᓪᓚᐅᑎ ᓯᖁᑦᑎᓂᐊᖕᖏᒪᑦ ᐊᓕᑦᑐᓂᐊᖏᒻᒪᑦ ᐊᑐᑦᓯᐊᓂᕐᓴᐅᓂᐊᕐᒪᑦ.
  • ᐴᕐᒥ ᐊᑕᐅᓯᕕᓪᓗᒍ ᐊᑐᕐᓗᑎᑦ. ᓴᓂᖃᐅᑎᒨᕐᓗᒍ ᐊᑐᕇᕈᕕᐅᒃ - ᖁᕐᕕᒨᖕᖏᑐᖅ. ᓄᓕᐊᕆᐊᑕᒫᑦ ᓄᑖᒥ ᐴᖃᑦᑕᓗᑎᑦ.
  • ᑌᒪᖕᖓᑦ ᐴᕐᓯᒪᓗᑎᑦ. ᐴᕐᓯᒪᖕᖏᑯᕕᑦ ᓄᓕᐊᕐᓂᑯᑦ ᐋᓐᓂᐊᑖᕈᓐᓇᑐᑎᑦ ᐱᐊᕋᑦᓴᑖᕈᓐᓇᓱᑎᓪᓗ. ᐴᑦ ᓴᐳᒻᒥᒍᑏᑦ ᒥᓕᑦᓯᒪᐅᑏᑦ ᓄᓕᐊᕐᓂᑯᑦ ᐋᓐᓂᐊᑖᖑᒍᓐᓇᑐᓂᑦ.
  • ᐊᑕᐅᓯᐊᕐᓗᒍ ᐅᓲᑉ ᐴᖓ ᐊᑐᕐᓗᒍ. ᐊᑕᐅᑦᓯᑯᑦ ᐊᖑᑎᓯᐅᑎᒥᒃ ᐊᕐᓇᓯᐅᑎᓂᓪᓗ ᐴᕐᓯᒪᒍᓐᓇᖏᑦᑐᑎᑦ ᐊᖑᑎᓯᐅᑏᓐᓂ ᐊᕐᓇᐅᓯᐅᑏᓐᓂᓗ ᐊᑕᐅᑦᓯᑰᕐᑎᓯᒍᓐᓇᒥᓇᒃ.

ᐃᓄᐃᑦ ᐃᓚᖏᑦ ᖁᓄᓪᓕᓲᑦ ᕿᓪᓕᑐᔭᖓᓄᑦ. ᖁᓄᓪᓕᑐᐊᕋᒥᒃ ᖃᓯᓕᓕᓲᑦ, ᐅᖏᓚᓕᕐᓱᑎᒃ ᐳᓪᓕᓕᕐᓱᑎᓪᓘᓃᑦ ᐴᕐᒥᒃ ᐊᑐᕐᑐᕕᓂᐅᑦᓱᑎᒃ. ᖁᓄᓪᓕᕈᕕᑦ ᐁᑉᐯᓗᓐᓃᑦ ᖁᓄᓪᓕᐸᑦ ᐆᑦᑐᕈᓐᓇᑐᑎᑦ ᐊᓯᐊᓂᒃ. ᐋᓐᓂᐊᓯᐅᕐᑎᒧᑦ ᓇᓪᓕᑳᑎᓪᓗᑎᑦ ᐃᑲᔪᕐᑕᐅᒍᓐᓇᑐᑎᑦ.

ᖃᓂᐅᑉ ᐴᖓ ᓄᓕᐊᕐᓂᑯᑦ ᐋᓐᓂᐊᑖᕇᒃᑯᑎᐅᒍᓐᓇᑐᖅ. ᐅᑦᓱᒥᒃ ᐃᑎᕐᒥᓗ ᒥᓕᑦᓯᒪᑎᑦᓯᓱᓂ ᖃᓂᕐᒥᓄᑦ ᓄᓕᐊᕐᓂᒥᓂ. ᐅᑯᐊ ᒪᓕᓪᓗᒋᑦ ᓇᒻᒥᓂᖅ ᓴᓇᒍᓐᓇᑐᑎᑦ. ᑭᑦᔭᐅᑏᖃᕆᐊᖃᕐᑐᑎᑦ ᐊᖑᑎᓯᐅᑎᒥᓪᓗ ᐅᓲᑉ ᐴᖓᓂᒃ.

ᐊᑐᕋᑦᓴᖅ 1

ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.

ᐊᑐᕋᑦᓴᖅ 2

ᑭᑦᔭᐅᑏᓐᓄ ᐃᓱᐊ ᓇᑲᓪᓗᒍ ᓄᕗᐊᓗ, ᓯᒃᑭᑕᓕᐊᕆᓗᒍ.

ᐊᑐᕋᑦᓴᖅ 3

ᖃᓂᐅᑉ ᐴᖓ ᐅᑦᓱᒥᒃ ᒥᓖᑎᓪᓗᒍ ᐃᑎᕐᒥᓗᓐᓃᑦ ᐊᔭᑉᐹᓯᓗᒍ. ᐃᕝᕕᑦ ᓄᓕᐊᖃᑏᓪᓘᓃᑦ ᐊᑕᑎᑦᓯᓯᐊᕆᐊᓕᒃ ᑎᒍᒥᐊᑦᓯᐊᓗᒍ ᐊᑐᑦᓯᐊᓚᖓᖕᖏᒪᑦ ᑌᒣᖕᖏᑯᓂ. ᑖᑦᓱᒥᖓᑦᓭᓇᖅ ᖃᓂᕐᓂᒃ ᐴᖃᕐᑎᓯᒍᓐᓇᖏᑦᑐᑎᑦ ᒧᒥᑎᒍᓐᓇᓇᒍᓗ.