ᒪᒃᑯᒃᓯᕙᓪᓕᐊᑎᓪᓗᒋᑦ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

ᒪᒃᑯᒃᓯᕙᓪᓕᐊᑎᓪᓗᒋᑦ

ᓱᓕᙱᑦᑐᑦ ᐊᒻᒪ ᓱᓕᔪᑦ

ᐱᕙᓪᓕᐊᔪᑦ

  • ᐊᖏᕐᕋ
  • ᐃᓕᖕᓂ ᐅᐱᒋᓗᑎᑦ
  • ᑎᒥᑦᑎᐊᕙᒃ

ᑭᓲᕙ ᕿᑐᕐᙱᐅᕈᓐᓇᖅᓯᔪᖅ?

ᓄᑕᕋᐅᓚᐅᖅᖢᑕ ᒪᒃᑯᒃᓯᕙᓪᓕᐊᓪᓗᑕ, ᑎᒥᕗᑦ ᐊᓯᔾᔨᖅᐸᓪᓕᐊᓕᓲᖑᕗᖅ, ᐃᓐᓇᐅᑉ ᑎᒥᐊᓂᒃ ᑎᒥᑖᖅᐸᓪᓕᐊᓕᖅᖢᑕ. ᑖᓐᓇ ᐊᓯᔾᔨᕐᓂᖅ−ᒪᒃᑯᒃᓯᕙᓪᓕᐊᓂᖅ−ᐅᑭᐅᑦ ᖃᔅᓯᐊᕐᔪᖕᓂ ᐊᑐᖅᑕᐅᓲᖑᕗᖅ. ᒪᒃᑯᒃᓯᕙᓪᓕᐊᓪᓗᓂ ᐃᓱᒫᓗᖕᓇᖅᑐᖅ ᓇᓗᓕᕐᓇᖅᖢᓂᓗ, ᑭᓯᐊᓂ ᐃᓐᓇᕈᖅᐸᓪᓕᐊᓂᑦᑎᓐᓄᑦ ᐊᑕᑐᐃᓐᓇᖅᑐᖅ. ᑭᒃᑯᓕᒫᑦᑎᐊᓄᑦ ᐊᑐᖅᑕᐅᓲᖅ−ᐊᖑᑎ ᐊᒻᒪ ᐊᕐᓇᑦ, ᐃᓚᖏᓪᓗ ᐊᔾᔨᒋᔭᐅᙱᑦᑐᒻᒪᕆᐅᓪᓗᑎᒃ. ᐱᒻᒪᕆᐅᕗᖅ ᓂᕆᑦᑎᐊᖃᑦᑕᕆᐊᒃᓴᖅ, ᐃᖃᐃᓕᓴᖃᑦᑕᕐᓂᖅ, ᓯᓂᑦᑎᐊᖃᑦᑕᕐᓂᕐᓗ ᑕᒪᑐᒥᖓ ᐊᖅᑯᓵᖅᓯᑎᓪᓗᑕ, ᐃᓅᓯᑦᑎᓐᓂ ᖃᓄᓗᒃᑖᖅ ᑎᒥᕗᑦ ᐱᕙᓪᓕᐊᑎᓪᓗᒍ ᓯᓂᑦᑎᐊᖏᓐᓇᕆᐊᖃᓲᖑᒐᑦᑕ.

ᐊᖑᑎᑦ ᒪᒃᑯᒃᓯᕙᓪᓕᐊᓲᖑᕗᑦ ᐅᑭᐅᖃᓕᕌᖓᑕ 9−ᒥ 15−ᒧᑦ. ᓄᓕᐊᕈᓐᓇᐅᑎᖏᑦ ᐃᒃᐱᒋᖃᑦᑕᖅᐸᓪᓕᐊᓕᖅᑎᓪᓗᓂᒋᑦ ᐱᔾᔪᑕᐅᖃᑕᐅᕗᖅ ᐊᖑᑎᑦ ᑎᒥᖏᑦ ᐊᓯᔾᔨᖅᐸᓪᓕᐊᓕᕌᖓᑕ. ᐃᒡᔪᐃᑦ ᐃᒡᔪᖃᐅᑎᒦᓲᖑᕗᑦ.

ᒪᒃᑯᒃᓯᕙᓪᓕᐊᓂᖅ ᐃᓄᖕᓄᑦ ᐊᔾᔨᒌᙱᑦᑐᒃᑯᑦ ᐱᓂᐊᕐᓂᕆᔭᐅᓲᖑᕗᖅ. ᐊᑐᓂ ᐊᖑᑎᑦ ᐊᔾᔨᒌᙱᑦᑐᓂᒃ ᐊᓯᔾᔨᖅᐸᓪᓕᐊᓲᖑᖕᒪᑕ ᐃᓚᖏ ᐱᓴᕋᐃᑦᑐᑦ ᐃᓚᖏᑦ ᐱᓇᓵᖅᑐᑦ, ᑭᒃᑯᓕᒫᑦ ᐊᔾᔨᒌᙱᒻᒪᑕ.

ᐊᖕᒪᓃᑦ

  • ᐅᓱᒃ ᐊᒻᒪ ᐃᒡᔪᐃᑦ ᐊᖏᒡᓕᕚᓪᓕᓲᑦ

ᑎᒃᓴᖃᑦᑕᕐᓂᖅ

  • ᐅᓱᒃ ᐊᕿᒐᔪᒃᐳᖅ. ᐊᖑᑎᑦ ᑎᒃᓴᓕᓲᖑᕗᑦ ᐊᐅᖕᒥ ᑕᑕᒃᑳᖓᑦ ᐅᓱᒃ ᐳᕕᓕᖅᖢᓂ ᑎᒃᓴᓕᓲᖑᕗᑦ.
  • ᖃᓄᐃᔮᙱᑦᑐᖅ ᖃᖓᒥᐊᑦᑎᐊᖅ ᑎᒃᓴᓕᕋᓗᐊᕈᓂ, ᖃᓄᑐᐃᓐᓇᑦᑎᐊᖅ ᐱᔾᔪᑎᖃᕐᓗᓂ. ᖃᔅᓯᑲᓪᓛᓗᐃᑦ ᑎᒃᓴᓕᖅᑐᑦ 2 ᒥᓂᑦ−ᑐᐃᓐᓇᕈᓗᒃ ᑎᒃᓴᓲᖑᖕᒪᑕ.
  • ᒪᒃᑯᒃᓯᕙᓪᓕᐊᓕᖅᑎᓪᓗᒋᑦ, ᐊᖑᑎᑦ ᓱᕙᓪᓕᐊᔾᔪᑎᖏᑦ ᖃᐸᓕᐅᕈᑕᐅᓲᖑᕗᑦ (ᐃᔭᕈᕙᐅᔭᖅ ᓄᑕᕋᓛᒃᓴᖅ ᐊᒻᒪ ᖃᐸᒃ) ᐅᓱᖓᒍᑦ ᖃᐸᖕᒥ ᐊᓂᔪᖃᖅᐸᒃᖢᓂ.

ᑎᒃᓴᖅᓴᕐᓂᖅ

  • ᒪᒃᑯᒃᓯᕙᓪᓕᐊᓕᖅᑎᓪᓗᒋᑦ, ᖃᔅᓯᑲᓪᓚᑦ ᐊᖑᑎᑦ ᐊᕐᓇᐃᓪᓗ ᐃᒻᒥᓂᒃ ᑎᒃᓴᖅᓴᓲᖑᕗᑦ−ᐊᑯᓐᓈᖏᑦᑎᒍᑦ ᓱᒃᓴᓗᒃᖢᑎᒃ. ᑕᐃᒪᐃᓕᐅᖅᖢᓂ ᓱᖁᑕᐅᙱᑦᑐᖅ ᖃᓄᐃᙱᑦᑐᖅ, ᐊᓕᐊᓇᐃᖦᖢᓂᓗ.

ᑕᑭᓂᖏᑦ ᐊᒻᒪ ᐅᖁᒪᐃᓐᓂᖏᑦ

  • ᑕᒃᖠᕚᓪᓕᓲᑦ
  • ᓄᒃᑭᒃᐹᓪᓕᓲᑦ.

ᐃᓱᒪᒋᔭᑦ ᐊᒻᒪ ᐃᒃᐱᒋᔭᑦ

  • ᐃᒃᐱᒋᔭᖅ ᐊᓯᔾᔨᖅᓴᕋᐃᓕᕐᓗᓂ; ᐃᒃᐱᒋᔭᖅ ᐃᒃᐱᖕᓇᕐᓂᖅᓵᓘᖅᑰᔨᓕᕐᓗᓂ
  • ᓄᓕᐊᕐᓂᕐᒥᒃ ᐃᓱᒪᕙᓕᕐᓗᓂ ᐃᒃᐱᒍᓱᒃᐸᒡᓗᓂᓗ
  • ᐃᒃᐱᒋᔭᕗᑦ ᐊᓯᔾᔨᖃᑦᑕᖅᐳᖅ, ᑭᓯᐊᓂ ᑲᒪᓇᖅᓯᖅᑰᔨᔪᓐᓇᖅᐳᖅ ᐅᕝᕙᓘᓐᓃᑦ ᐊᐅᓚᓐᓇᓱᒋᐊᒃᓴᖅ ᐊᔪᕐᓇᖅᓯᓗᓂ. ᐊᖒᑉ ᑎᒥᖓ ᐊᓯᔾᔨᖅᐸᓪᓕᐊᓕᕈᓂ ᓱᖏᐅᑎᓗᓂᐅᒡᓗ ᐊᓯᔾᔨᖅᐸᓪᓕᐊᓂᖓ, ᐊᖑᑦ ᐃᒃᐱᒋᔭᒥᓂᒃ ᐊᐅᓚᑦᑎᔪᓐᓇᕐᓂᖅᓴᐅᓕᕐᓂᐊᖅᐳᖅ.

ᐅᕕᓂᒃ

  • ᐅᖅᓱᐊᕿᑲᑕᓲᑦ ᐅᕕᓂᕐᓗᓕᖅᖢᑎᒃ−ᒪᕿᑎᒐᕐᓂᒃ−ᑐᓄᐊᒍᑦ, ᑮᓇᖓᒍᑦ, ᐊᒻᒪ ᖁᖓᓯᐊᒍᑦ. ᐅᕕᓂᕐᓗᒍᑕᐅᓕᓲᑦ ᐱᓗᐊᕐᓂᖅᓴᐅᓕᕈᑎᒋᔪᓐᓇᖅᑕᖏᑦ.
    • ᒪᕿᑎᑉᐸᒃᖢᒋᑦ−ᕿᓕᕈᖃᓕᕐᓇᖅᑐᑦ
    • ᐅᕕᓂᒃᓯᐅᑎᑦ ᐅᖅᓱᖅᑎᕈᑎᑦ
    • ᓯᕿᓂᕐᒦᓗᐊᖃᑦᑕᕐᓂᖅ
    • ᐃᓱᒫᓗᖃᑦᑕᕐᓂᖅ
  • ᐅᑯᐊ ᐅᕕᓂᑦᑎᐊᕆᓕᖅᐹᓪᓕᕐᓇᖅᑐᑦ
    • ᑮᓇᐃᑦ ᐅᐊᓴᖅᐸᒡᓗᒍ ᐅᓪᓛᒃᑯᑦ ᐊᒻᒪ ᐅᓐᓄᐊᒃᑯᑦ ᐅᐊᓴᐅᓯᖅᓯᒪᔪᒧᑦ
    • ᐃᓱᒫᓗᖕᓂᕆᔭᐃᑦ ᐊᐅᓚᓪᓗᒍ (ᓯᓂᑦᑎᐊᖅᐸᒡᓗᑎᑦ, ᓂᕆᑦᑎᐊᖅᐸᒡᓗᑎᑦ, ᐃᖃᐃᓕᓴᖅᐸᒡᓗᑎᑦ)
    • ᐃᓗᐊᖅᓴᐃᔨᒧᑦ ᐅᖃᖃᑎᖃᖅᐸᒡᓗᑎᑦ (ᐊᒥᓱᓂᒃ ᑮᓇᖅᓯᐅᑎᑕᖃᕐᒪᑦ ᐃᓅᓕᓴᐅᑎᑕᖃᖅᖢᓂᓗ ᐃᑲᔫᑎᔪᓐᓇᖅᑐᓂᒃ)

ᓂᐱᖏᑦ

  • ᐃᒡᒋᐊᖏᑦᑎᒍᑦ ᓄᒃᑭᓲᖑᖕᒪᑕ; ᖃᑎᑦᑐᖅᐹᓪᓕᓲᑦ. ᐃᓚᖏᑦ ᐊᖑᑎᑦ ᐃᒡᒋᐊᖃᕐᕕᐊᒍᑦ “ᕿᖓᙳᐊᖅᑖᓲᖑᓪᓗᑎᒃ”

ᓄᔭᖅ, ᒥᖅᑯᖅ ᐊᒻᒪ ᑎᒥᐅᑉ ᑎᐱᖓ

  • ᓄᔭᖅ, ᒥᖅᑯᖅ ᓇᐅᒃᑯᕈᓘᔭᖅ ᑎᒥᒃᑯᑦ ᐱᕈᓲᖑᕗᖅ: ᓴᒡᕕᒃᑯᑦ, ᑮᓇᒃᑯᑦ, ᑐᓄᒃᑯᑦ, ᓂᐅᒃᑯᑦ, ᐅᓂᒃᑯᑦ, ᐊᒻᒪ ᐊᑯᓐᓈᒃᑯᑦ.
  • ᐊᐅᒪᔮᕐᓂᖅᓴᐅᓲᖑᕗᑦ ᐊᔾᔨᒌᙱᑦᑐᓂᒡᓗ ᑎᐱᖃᓕᖅᖢᑎᒃ.

ᖃᔅᓯᑲᓪᓚᑦ ᐊᕐᓇᐃᑦ ᒪᒃᑯᒃᓯᕙᓪᓕᐊᓲᖑᕗᑦ ᐅᑭᐅᑲᖅᑎᒋᓕᕌᖓᑕᒥᒃ 7-ᒥ 13−ᒧᑦ. ᐊᕐᓇᐃᑦ ᓄᓕᐊᕈᒪᔪᓐᓇᐅᑎᖏᑦ ᐱᔾᔪᑎᖃᐅᕈᓘᔭᓲᖑᕗᑦ ᐊᕐᓇᐅᑉ ᑎᒥᐊ ᐊᓯᔾᔨᖅᐸᓪᓕᐊᓂᖓᓄᑦ. ᒪᓐᓂᖃᐅᑎᑦ ᐊᕐᓇᐅᔾᔪᑕᐅᖕᒪᑕ.

ᒪᒃᑯᒃᓯᕙᓪᓕᐊᓲᖑᕗᑦ ᐃᓄᐃᑦ ᐊᔾᔨᒌᙱᑦᑐᒃᑯᑦ. ᐊᑐᓂ ᐊᕐᓇᐃᑦ ᐊᓯᔾᔨᖅᐸᓪᓕᐊᓲᖑᕗᑦ ᐊᔾᔨᒌᙱᑦᑐᒃᑯᑦ. ᐃᓚᖏᑦ ᐊᓯᔾᔨᖅᓴᕋᐃᑦᑐᑦ, ᐃᓚᖏᑦ ᐊᓯᔾᔨᕐᓇᓵᓲᑦ. ᐃᓄᓕᒫᑦ ᐊᔾᔨᒌᒃᑐᖃᙱᑦᑐᑦ.

ᑎᒃᓴᖅᓴᕐᓂᖅ

  • ᒪᒃᑯᒃᓯᕙᓪᓕᐊᓕᖅᑎᓪᓗᒋᑦ, ᖃᔅᓯᑲᓪᓚᑦ ᐊᖑᑎᑦ ᐊᕐᓇᐃᓪᓗ ᐃᒻᒥᓂᒃ ᑎᒃᓴᖅᓴᓲᖑᕗᑦ−ᐊᑯᓐᓈᖏᑦᑎᒍᑦ ᓱᒃᓴᓗᒃᖢᑎᒃ. ᑕᐃᒪᐃᓕᐅᖅᖢᓂ ᓱᖁᑕᐅᙱᑦᑐᖅ ᖃᓄᐃᙱᑦᑎᐊᖅᑐᖅ, ᐊᓕᐊᓇᐃᖦᖢᓂᓗ.

ᐃᓱᒪᒋᔭᑦ ᐊᒻᒪ ᐃᒃᐱᒋᔭᑦ

  • ᐃᒃᐱᒋᔭᖅ ᐊᓯᔾᔨᖅᓴᕋᐃᓕᕐᓗᓂ; ᐃᒃᐱᒋᔭᖅ ᐃᒃᐱᖕᓇᕐᓂᖅᓵᓘᖅᑰᔨᓕᕐᓗᓂ
  • ᓄᓕᐊᕐᓂᕐᒥᒃ ᐃᓱᒪᕙᓕᕐᓗᓂ ᐃᒃᐱᒍᓱᒃᐸᓕᕐᓗᓂᓗ
  • ᐃᒃᐱᒋᔭᑦ ᐊᓯᔾᔨᖅᐸᓪᓕᐊᑎᓪᓗᒋᑦ ᓈᒻᒪᒃᑐᖅ, ᑭᓯᐊᓂ ᓱᖏᐅᙵᙱᖦᖢᒋᑦ ᐊᐃᓐᓇᕈᔫᖅᑰᔨᔪᖅ ᐊᐅᓚᑦᑕᕆᐊᒃᓴᕐᓗ ᓇᓗᓇᒐᓚᒃᖢᑎᒃ ᑎᒥᐊ ᓱᖏᐅᓴᕙᓪᓕᐊᑎᓪᓗᒍ ᐊᓯᔾᔨᖅᐸᓪᓕᐊᔪᓄᑦ, ᐊᕐᓇᐃᑦ ᖃᐅᔨᑦᑎᐊᕐᓂᖅᓴᐅᔪᓐᓇᖅᐳᑦ ᐃᒃᐱᒋᔭᖏᓐᓂ.

ᐅᕕᓂᒃ

  • ᐅᖅᓱᐊᕿᑲᑕᓲᑦ ᐅᕕᓂᕐᓗᓕᖅᖢᑎᒃ−ᒪᕿᑎᒐᕐᓂᒃ−ᑐᓄᐊᒍᑦ, ᑮᓇᖓᒍᑦ, ᐊᒻᒪ ᖁᖓᓯᐊᒍᑦ. ᐅᕕᓂᕐᓗᒍᑕᐅᓕᓲᑦ ᐱᓗᐊᕐᓂᖅᓴᐅᓕᕈᑎᒋᔪᓐᓇᖅᑕᖏᑦ.
    • ᒪᕿᑎᑉᐸᒃᖢᒋᑦ−ᕿᓕᕈᖃᓕᕐᓇᖅᑐᑦ
    • ᐅᕕᓂᒃᓯᐅᑎᑦ ᐅᖅᓱᖅᑎᕈᑎᑦ
    • ᓯᕿᓂᕐᒦᓗᐊᖃᑦᑕᕐᓂᖅ
    • ᐃᓱᒫᓗᖃᑦᑕᕐᓂᖅ
  • ᐅᑯᐊ ᐅᕕᓂᑦᑎᐊᕆᓕᖅᐹᓪᓕᕐᓇᖅᑐᑦ
    • ᑮᓇᐃᑦ ᐅᐊᓴᖅᐸᒡᓗᒍ ᐅᓪᓛᒃᑯᑦ ᐊᒻᒪ ᐅᓐᓄᐊᒃᑯᑦ ᐅᐊᓴᐅᓯᖅᓯᒪᔪᒧᑦ
    • ᐃᓱᒫᓗᖕᓂᕆᔭᐃᑦ ᐊᐅᓚᓪᓗᒍ (ᓯᓂᑦᑎᐊᖅᐸᒡᓗᑎᑦ, ᓂᕆᑦᑎᐊᖅᐸᒡᓗᑎᑦ, ᐃᖃᐃᓕᓴᖅᐸᒡᓗᑎᑦ)
    • ᐃᓗᐊᖅᓴᐃᔨᒧᑦ ᐅᖃᖃᑎᖃᖅᐸᒡᓗᑎᑦ (ᐊᒥᓱᓂᒃ ᑮᓇᖅᓯᐅᑎᑕᖃᕐᒪᑦ ᐃᓅᓕᓴᐅᑎᑕᖃᖅᖢᓂᓗ ᐃᑲᔫᑎᔪᓐᓇᖅᑐᓂᒃ)

ᓂᐱᖏᑦ

  • ᖃᑎᑐᓂᖅᓴᐅᕌᕐᔪᓕᓲᑦ.

ᐃᕕᐊᖏᑦ

  • ᐃᕕᐊᖐᒃ ᐱᕈᖅᐸᓪᓕᐊᓕᓲᖑᕗᑦ, ᐃᓛᓐᓂᒃᑯᑦ ᐳᕕᓕᓲᑦ ᒪᐃᓲᖑᓪᓗᑎᒡᓗ. ᒧᓕᖃᕐᕕᖓ ᕿᕐᓂᖅᓯᕚᓪᓕᓲᖑᕗᖅ. ᖃᓄᐃᙱᑦᑎᐊᖅᐳᕐᓗ ᐃᒡᓗᐊ ᐃᕕᐊᖏᖓ ᒥᑭᓐᓂᖅᓴᐅᒐᓗᐊᖅᐸᑦ ᐃᒡᓗᐊᓂ. ᐃᓚᖏᑦ ᐃᕕᐊᖏᖅᑖᖅᐸᓪᓕᐊᔪᑦ ᐃᕕᐊᖏᓕᓴᖅᓯᒪᔪᒪᓲᖑᕗᑦ ᐃᓚᖏᓪᓗ ᐊᑐᕈᒪᕙᙱᖦᖢᑎᒃ.

ᓄᔭᖏᑦ ᐊᒻᒪ ᑎᒥᖏᑦᑕ ᑎᐱᖏᑦ

  • ᓄᔭᐃᑦ, ᒥᖅᑯᐃᑦ ᐱᕈᓲᖑᕗᑦ ᐅᓂᒃᑯᑦ ᐊᒻᒪ ᐊᑯᓐᓈᒃᑯᑦ
  • ᐊᐅᒪᔾᔭᒃᓴᕋᐃᓐᓂᖅᓴᐅᓕᓲᑦ ᑎᐱᖃᐅᔭᓕᖅᖢᑎᒡᓗ

ᑕᑭᓂᖏᑦ ᐊᒻᒪ ᐅᖁᒪᐃᓐᓂᖏᑦ

  • ᑕᒃᖠᕚᓪᓕᓲᑦ; ᓯᕝᕕᐊᖏᑦ ᓯᓕᒃᓯᓂᖅᓴᐅᓪᓗᑎᒃ
  • ᓯᕝᕕᐊᖅᑯᖅᑐᓯᔪᓐᓇᖅᑐᑦ, ᐅᒃᐸᑎᖅᑯᖅᑐᓯᓗᑎᒃ, ᐊᒻᒪ ᖁᒃᑐᕋᖅᑯᖅᑐᓯᓗᑎᒃ.
  • ᐃᓚᖏᑦ ᐊᕐᓇᐃᑦ ᖁᐃᒃᑎᖅᑰᔨᒋᔪᑦ ᓴᓗᒃᑎᓴᕈᒪᓂᖅᓴᐅᓕᓲᖑᕗᑦ, ᑭᓯᐊᓂᑦᑕᐅᖅ ᓯᕝᕕᐊᖅᑯᖅᑐᓯᒐᓗᐊᕐᓗᓂ ᖃᓄᐃᙱᑦᑐᖅ ᑎᒥ ᐊᓯᔾᔨᖅᐸᓪᓕᐊᔪᒧᑦ ᒪᓕᑐᐃᓐᓇᓲᖑᖕᒪᑦ ᐃᓐᓇᕈᖅᐸᓪᓕᐊᔪᒧᑦ.

ᓇᓗᓇᐃᒃᑯᑕᓪᓗᐊᑕᐅᔪᖅ ᐃᓐᓇᕈᖅᐸᓪᓕᐊᓂᕐᒧᑦ ᐊᐅᓈᓕᖅᐸᓪᓕᐊᑎᓪᓗᒋᑦ ᐅᕝᕙᓘᓐᓃᑦ ᐊᐅᓈᖃᑦᑕᓕᖅᑎᓪᓗᒋᑦ.

ᑭᓲᒻᒪ?

ᒪᓐᓂᓕᐅᕐᕖᒃ ᓴᓇᓲᒃ ᑎᒥᐅᑉ ᐊᐅᓚᔾᔭᐃᔨᖏᓐᓂᒃ ᑐᖅᑯᐃᓲᖑᓪᓗᑎᓗ ᒪᓐᓂᓂᒃ. ᑎᒥᐅᑉ ᐊᐅᓚᔾᔭᐃᔨᖏᑦ ᐃᑲᔪᓲᑦ ᒪᓐᓂᓂᒃ ᐱᕈᖅᐸᓪᓕᐊᕐᓂᖏᓐᓄᑦ ᐊᒻᒪᓗ ᐊᑐᐃᓐᓇᐅᕙᓪᓕᐊᓐᓂᖏᓐᓄᑦ. ᑕᖅᑭᑕᒫᑦ ᐊᑕᐅᓯᐊᕐᓗᑎ, ᒪᓐᓂᓕᐅᕐᕖᒃ ᐊᓂᐊᑎᑦᓯᓲᑦ ᒪᓐᓂᒥᒃ ᐃᓪᓕᐊᑉ ᐃᐱᐅᑕᖓᓄᑦ. ᑎᒥᐅᑉ ᐊᐅᓚᔾᔭᐃᔨᖏᑦ ᐃᔾᔪᔪᓂᒃ ᖄᐹᓕᐅᓲᖅ ᑕᖃᕐᓂᒃ ᐃᓪᓗᐊᑉ ᐃᓗᐊᓂ. ᑕᐃᔭᐅᓲᖑᓪᓗᓂ ᐃᓪᓕᐊᑉ ᖄᕈᕕᐊᖓᓂ. ᓇᔾᔨᔪᖃᓕᕋᐃᒻᒪᑦ, ᐱᐊᕋᖅ ᑕᕝᕙᓂ ᐱᕈᖅᐸᓪᓕᐊᓲᖅ.

ᓇᔾᔨᓕᖅᑐᖃᙱᑉᐸᑦ, ᑎᒥᖓ ᐊᓂᐊᑎᑦᓯᓲᖅ ᐃᓪᓗᐊᑉ ᖄᕈᕕᐊᖓᓂ ᒪᓐᓂᖓᓂᓗ. ᑕᒪᓐᓇ ᑕᐃᔭᐅᓲᖑᕗᖅ ᐊᐅᓈᕐᓂᕐᒥᑦ.

ᖃᓄᑎᒋ?

ᖃᓄᑎᒋ?

ᐊᐅᓈᕐᕕᒋᖃᑦᑕᖅᑕᖓ ᐱᒋᐊᓱᖅ ᓯᕗᓪᓕᖅᐹᖅ ᐅᓪᓗᖓᓂᑦ ᐊᐅᓈᕐᓗᓂ ᑭᖑᓪᓕᖅᐹᒻᒧᑦ ᐅᓪᓗᖓᓄᑦ ᓯᕗᓂᖓᓂ ᑭᖑᓪᓕᕐᒥ ᐊᐅᓈᓕᕐᓂᖓᓄᑦ—25-ᓂᒃ 35-ᐸᓗᓐᓄᑦ ᐅᓪᓗᓄᑦ.

ᑭᒃᑯᓕᒫᑦ ᐊᔾᔨᒌᙱᒻᒪᑕ, ᑭᓯᐊᓂ ᐊᐅᓈᕐᓇᒐᔪᓲᖅ ᐱᖓᓱᓂᒃ ᐅᓪᓗᓂᑦ 7-ᓄᑦ ᐅᓪᓗᓄᑦ. ᑕᐃᒪᐃᒐᔪᓲᖑᓪᓗᑎ, ᒪᕐᕉᓐᓂᒃ ᐊᓘᑎᕐᔪᐊᓂ (30 mL) ᐊᐅᒻᒥ ᐲᔭᐃᓐᓇᖅᑐᖅ.

ᐊᐅᓈᖃᑦᑕᕐᓂᖅ ᖃᖓ ᐱᒋᐊᓲᖑᒻᒪ?

ᐊᐅᓈᖃᑦᑕᓕᕆᐊᓲᑦ ᐃᓐᓇᕈᖅᐸᓪᓕᐊᑎᓪᓗᒋᑦ. ᖃᐅᔨᒪᔪᖃᖏᑦᑐᖅ ᖃᖓᓪᓚᕆᒃᑯᑦ ᐱᒋᐊᕋᔭᕐᒪᖔᑦ—ᑭᒃᑯᓕᒫᑦ ᐊᔾᔨᒌᙱᒪᑕ. ᐊᒥᓱᑦ ᐱᔭᐃᓲᖑᒻᒪᑕ ᖃᑯᖅᑕᒥᒃ ᐅᕝᕙᓘᓐᓃᑦ ᖁᖅᓱᖅᑕᒥᒃ ᒪᕿᒥᒃ ᖃᕐᓕᕋᓛᖏᓐᓄᑦ, ᓇᓗᓇᕈᓐᓃᓲᖅ ᐊᐅᓈᓛᓕᕐᓂᖓᓂ ᒫᓐᓇᕈᓗᒃ.

ᐋᓐᓂᐊᕐᓂᖅ

ᐊᐅᒻᒥ ᐲᔭᐃᓪᓗᓂ ᐊᐅᓈᕐᓂᕐᓂ ᐋᓐᓂᓇᙱᑦᑐᖅ. ᐃᓚᖏᑦ ᐊᑯᐊᙳᖃᑦᑕᖅᑐᑦ ᐅᕝᕙᓘᓐᓃᑦ ᓈᙳᓕᖃᑦᑕᖅᑐᑦ ᐊᐅᓈᓚᐅᙱᑎᓪᓗᒋᑦ ᐊᒻᒪ ᐊᐅᓈᖅᑎᓪᓗᒋᑦ. ᑕᐃᒪᐃᓕᕈᕕᑦ, ᐊᑐᕐᓗᒋᑦ:

  • ᐄᔭᒐᕐᓂᒃ ᓲᕐᓗ ᐋᑦᕕᐅᒥᒃ (Advil)
  • ᐊᑐᕐᓗᓂ ᐆᓇᖅᑐᒥᒃ ᐴᖅᓯᒪᔪᒥ ᓇᕐᒦᐅᑕᕆᓗᒍ
  • ᐃᖃᐃᓕᓴᔾᔫᒥᖃᑦᑕᕐᓗᑎ
  • ᓴᐃᓕᖓᓗᓂ ᐅᕝᕙᓘᓐᓃᑦ ᓂᐱᖃᙱᑦᑐᒦᓪᓗᓂ

ᐊᐅᓚᑦᓯᓂᕐᒥᑦ ᐊᐅᓈᕐᓂᕐᒥᒃ

ᐊᑐᓂ ᐃᓄᒃ ᓂᕈᐊᕆᐊᖃᖅᑐᖅ ᓇᓖᕌᕈᑎᑦᓴᒥᒃ ᓈᒻᒪᒋᔭᒥᓂᒃ. ᐊᐱᖅᑯᑎᑦᓴᖃᖅᑲᑕ, ᐋᓐᓂᐊᓯᐅᖅᑎᒥ ᐅᕝᕙᓘᓐᓃᑦ ᑕᑎᒋᔪᓐᓇᖅᑕᖓᓂ ᐅᖃᖃᑎᖃᕈᓐᓇᖅᑐᖅ.

ᐊᐅᓈᖅᑎᓪᓗᒍ ᐴᕆᐊᓕᒃ

Tampon

ᒥᑭᖦᖢᓂ ᖃᓪᓗᓈᖅᑕᐅᔮᖅᖢᓂ ᓯᒥᒃᖂᖃᖓᓄᑦ ᓈᒻᒪᒃᖢᓂ ᐊᐅᓈᖅᑐᒧᑦ ᐃᔅᓰᔭᕈᑎ.

  • ᖂᖃᖓᓃᑦᑐᓐᓇᖅᑐᖅ ᐃᑲᕐᕌᑦ 4−ᒥ 6-ᒧᑦ, ᐊᐅᖃᖅᑎᒋᓂᖓ ᒪᓕᒡᓗᒍ.
  • ᐊᔾᔨᒌᙱᑦᑐᓂᒃ ᐊᖏᓂᖃᖅᑎᒋᔪᑦ ᐋᖅᑭᒃᓯᒪᓂᖃᖅᑎᒋᔪᓪᓗ, ᐊᐅᓈᖅᑐᒧᑦ ᓈᒻᒪᒃᓯᓕᖅᑕᐅᓯᒪᓪᓗᑎᒃ.
  • ᑎᑎᕋᖅᓯᒪᔪᑦ ᒪᓕᒋᐊᓖᑦ ᒪᓖᓐᓇᐅᔭᕆᐊᖃᖅᑐᑦ.
  • ᓂᐅᕕᖅᐸᒡᓗᒋᑦ ᓂᐅᕕᕐᕕᖕᒥ ᐅᕝᕙᓘᓐᓃᑦ ᓂᐅᕕᕐᕕᕋᓛᕐᒥ ᐅᕝᕙᓘᓐᓃᑦ ᐄᔭᒐᖅᑖᕐᕕᖕᒥ.

ᑰᑖᒃᓯ

ᐃᒋᑦᑕᕆᐊᓖᑦ ᑰᑖᒃᓯᑦ ᐊᐅᓈᖅᑐᒧᑦ ᐃᒡᒍᑏᑦ, ᐊᑖᒍᑦ ᓂᐱᑦᑕᐅᑎᖃᖅᖢᑎᒃ ᖃᕐᓕᕋᓛᓄᑦ ᓂᐱᑎᒐᐅᓪᓗᑎᒃ.

  • ᐊᔾᔨᒌᙱᑦᑐᓂᒃ ᐊᖏᓂᖃᖅᑎᒋᔪᑦ ᐋᖅᑭᒃᓯᒪᓂᖃᖅᑎᒋᔪᓪᓗ
  • ᓂᐅᕕᖅᐸᒡᓗᒋᑦ ᓂᐅᕕᕐᕕᖕᓂᒃ ᐅᕝᕙᓘᓐᓃᑦ ᓂᐅᕕᕐᕕᕋᓛᓂᒃ ᐅᕝᕙᓘᓐᓃᑦ ᐄᔭᒐᖅᑖᕐᕕᖕᓂᒃ.

ᐊᑐᒃᑲᓐᓂᕈᓐᓇᖅᑐᑦ ᐃᖢᐊᕈᑎᑦ

Re-usable pads

ᖃᓪᓗᓈᖅᑕᐅᔭᑦ ᑰᑖᒃᓯᑦ ᐊᐅᓈᖅᑐᒧᑦ ᐃᒡᒍᑏᑦ; ᓵᒻᒪᕆᒃᑐᐃᓪᓗ ᖃᕐᓕᕋᓛᓄᑦ ᓂᐱᑎᑦᑕᕆᐊᓖᑦ

  • Cᐊᔾᔨᒌᙱᑦᑐᓂᒃ ᐊᖏᓂᖃᖅᑎᒋᔪᑦ ᐋᖅᑭᒃᓯᒪᓂᖃᖅᑎᒋᔪᓪᓗ.
  • ᐅᐊᓴᒐᒃᓴᐅᔪᑦ ᐊᑐᖅᑕᐅᒃᑲᓐᓂᕈᓐᓇᖅᑐᓪᓗ ᖃᔅᓰᖅᓱᑲᓪᓚᒃᖢᑎᒃ; ᑮᓇᐅᔭᖅᑐᕐᓇᙱᓐᓂᖅᓴᖅ.
  • ᐃᑭᐊᖅᑭᕕᒃᑯᑦ ᓂᐅᕕᐊᕆᔭᒃᓴᑦ ᐅᕝᕙᓘᓐᓃᑦ ᓴᓇᔭᒃᓴᐅᔪᑦ. ᐃᓕᓐᓂᐊᕈᑎᒃᓴᑦ

ᐊᐅᓈᕐᕕᒃ ᐴᕆᐊᓕᒃ

Menstrual cup

 

ᐃᒥᐅᑎᕋᓛᖅᑐᑦ ᐋᖅᑭᒃᓯᒪᓪᓗᓂ ᖂᖃᕐᒧᑦ ᓈᒻᒪᒃᓯᓕᖅᓯᒪᓪᓗᓂ ᐊᐅᓈᖅᑐᒧᒃ ᐴᒃᓴᖅ.

  • ᖂᖃᕐᒦᑦᑐᓐᓇᖅᑐᑦ ᐃᑲᕐᕋᓄᑦ 12−ᓄᑦ.
  • ᐅᐊᓴᒐᒃᓴᐅᔪᑦ ᐊᑐᒃᑲᓐᓂᒐᒃᓴᐅᓪᓗᑎᒡᓗ.
  • ᐊᔾᔨᒌᙱᑦᑐᓂᒃ ᐊᖏᓂᖃᖅᑎᒋᔪᑦ ᐋᖅᑭᒃᓯᒪᓂᖃᖅᑎᒋᔪᓪᓗ ᓂᕕᐊᖅᓵᓅᖓᔪᑦ/ᐃᓐᓇᕐᓅᖓᔪᓪᓗ.
  • ᐃᑭᐊᖅᑭᕕᒃᑯᑦ ᓂᐅᕕᐊᕆᔭᒃᓴᑦ: Diva cup, Lunette cup, Eva cup.