ᐊᐃᑉᐸᕇᒍᓯᒃᑯᑦ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

  • ᐊᖏᕐᕋ
  • ᐃᓕᖕᓂ ᐅᐱᒋᓗᑎᑦ
  • ᖃᓄᐃᙱᑦᑎᐊᕐᓗᓂ ᐊᐃᑉᐸᕇᖕᓂᖅ

ᐊᐃᑉᐸᖃᕈᒪᖃᑦᑕᕐᓂᖅ

ᐊᐃᑉᐸᖃᕈᒪᖃᑦᑕᕐᓂᖅ ᐊᔾᔨᒋᙱᑕᖓ ᐃᓅᑉ ᑭᓲᓂᖓᓂ. ᐊᐃᑉᐸᖃᕈᒪᖃᑦᑕᕐᓂᖅ ᐱᔾᔪᑎᖃᕐᑐᖅ ᐃᓅᑉ ᐃᒃᐱᖕᓂᐊᕐᓂᖕᒧᑦ ᓄᓕᐊᕐᓂᖕᒧᑦ ᐱᔪᒥᒋᓪᓗᓂᐅ ᐊᓯᖏᓐᓄ. ᐊᒥᓱᓄ ᐃᓄᖕᓄᑦ, ᐊᐃᑉᐸᕆᔪᒪᕙᒃᑕᖏ ᓄᓕᐊᕐᓗᓂᔾᔪᒃ ᐊᓯᔾᔨᑐᐃᓐᓇᕆᐊᓖᑦ. ᑕᐃᒎᓯᑦ ᐅᖃᐅᓯᓕᑦ ᐊᐃᑉᐸᖃᕈᒪᖃᑦᑕᕐᓂᑦ ᐅᑯᐊ:

ᑕᒪᐃᓐᓅᙱᑦᑐᖅ ᐱᔪᒥᒋᔭᓕᒃ ᐃᓄᖕᓂᑦ ᐊᔾᔨᒋᙱᑕᒥᓂᒃ ᑭᓲᓂᖏᓐᓄᓪᓘᓐᓃᑦ.
ᐊᔾᔨᒥᓅᕐᑐᑦ  ᐱᔪᒥᒋᔭᓕᒃ ᐃᓄᖕᓂᑦ ᐊᔾᔨᒥᓂ ᑭᓲᖃᑎᒥᓂᓪᓘᓐᓃᑦ.
ᖃᐃᔪᕋᕇᒃ ᐊᕐᓇᐃᑦ ᐊᕐᓇᐅᖃᑎᒥᓂ ᐱᔪᒥᒋᔭᓕᑦ.
ᑕᒪᐃᓐᓅᕐᑐᖅ ᐱᔪᒥᒋᔭᓕᒃ ᑕᒪᐃᓐᓂ ᐊᕐᓇᓂᑦ/ᐊᖑᑎᓂᑦ.
ᑭᓇᑐᐃᓐᓈᕐᑐᖅ ᐱᔪᒥᒋᔭᓕ ᖃᓄᐃᑦᑐᑐᐃᓐᓇᐅᒐᓗᐊᕈᓂ, ᐊᕐᓇᐅᓂᕐᓘᓐᓃᑦ ᐊᖑᑕᐅᓂᕐᓘᓐᓃᑦ, ᑭᓲᓂᕋᕐᑐᓂᓪᓘᓐᓃᑦ.
ᓄᓕᐊᕐᐸᙱᑦᑐᖅ ᓄᓕᐊᕐᓂᖕᒧᑦ ᐱᔪᒥᒋᔭᖃᔮᙱᑦᑐᖅ ᑭᓇᑐᐃᓐᓇᒥ.

 

ᒪᒃᑯᒃᓯᓕᕐᑎᓪᓗᒋᑦ, ᐃᓅᓱᒃᑐᐃᑦ ᓄᓕᐊᕐᓂᖕᒥᑦ ᐃᒃᐱᒍᓱᓕᕐᐸᓪᓕᐊᖃᑦᑕᕐᑐᑦ. ᐃᓅᓱᒃᑐᐃᑦ ᖃᐅᔨᓕᕌᖓᒥᒃ ᐃᒃᐱᒋᔭᒥᓂᒃ, ᐱᔪᒥᒋᔭᖃᑐᐃᓐᓇᕆᐊᓕᑦ ᐊᔾᔨᒥᓂ ᐊᔾᔨᒋᙱᑕᒥᓂᓪᓘᓐᓃᑦ. ᑐᑭᖃᙱᓚᖅ ᐃᓄᒃ ᑕᒪᐃᓐᓅᙱᒻᒪ, ᐊᔾᔨᒥᓅᙱᒻᒪ, ᑕᒪᐃᓐᓅᕐᒪᓪᓘᓐᓂᑦ. ᐃᓐᓇᕈᕐᐹᓪᓕᕋᒥᒃ, ᐅᔾᔨᕈᓱᒃᔫᒥᓕᕐᖢᑎᒃ ᑐᑭᓯᐅᒪᓕᕐᖢᑎᒃᓗ ᐱᔪᒥᒋᕙᒃᑕᒥᓂᒃ.

ᐃᓚᖏᑦ ᓄᓕᐊᕐᓂᖃᕈᒪᕙᙱᓚᑦ, ᓄᓕᐊᕈᒪᓂᖃᖏᓪᓗᑎᒃ ᓄᓕᐊᕈᒪᕙᙱᓪᓗᑎᒃᓗ. ᑭᓯᐊᓂ, ᐱᐅᒃᓴᕈᓐᓇᑐᐃᓐᓇᕆᐊᓕᑦ ᓱᓕ ᐅᖓᔭᖃᕐᐸᒃᓗᑎᒃᓗ ᐊᓯᒥᓂᒃ ᐃᓄᖕᓂᑦ. ᐃᓚᖏᑦ ᑭᒃᑯᑐᐃᓐᓇᕐᓅᖅᑐᑦ, ᐊᐃᑉᐸᖃᕈᓘᔭᓲᑦ ᐊᔾᔨᒌᙱᑦᑑᑎᓂᑦ, ᐊᖑᑎᑐᐃᓐᓇᐅᙱᑦᑐᓂ ᐊᕐᓇᑐᐃᓐᓇᐅᙱᑦᑐᓂᓪᓘᓐᓃᑦ. 

ᐃᓄᐃᑦ ᓂᕈᐊᕐᓯᒪᙱᑦᑐᑦ ᓄᓕᐊᕈᒪᕙᒃᑕᖏᓐᓂ; ᑕᐃᒪᐃᑐᐃᓐᓇᕋᑦᑕ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᐅᕗᙵᐅᓗᑎ (ᑲᓱᕐᕕ “ᓄᓕᐊᕐᓂᖕᒧᑦ ᐃᑲᔪᖅᑕᐅᕕᒃ” ᖃᐅᔨᒋᐊᕐᕕᒃᓵᓂ).
 

 

LGBTQ+ ᓇᐃᒡᓕᑎᖅᓯᒪᔪᖅ ᐃᓄᖕᓂᑦ ᑕᑯᔭᐅᓚᐅᕐᓯᒪᔪᒃᓴᐅᕗᖅ. ᑎᑎᖅᑲᖏᑦ ᑐᑭᓕᑦ ᖃᐃᔪᕋᕇᒃ, ᒪᓃᓕᑕᕇᑦ, ᑕᒪᐃᓐᓅᕐᑐᑦ, ᐊᓯᐊᖑᔪᒪᔪᑦ, ᓇᓗᓕᐅᒪᔪᓂᓪᓗ. ᐅᓇ + ᑐᑭᖃᕐᑐᖅ ᐊᔾᔨᒌᙱᓐᓂᖏᓐᓂᑦ ᓄᓕᐊᕐᒪᖕᓂᑦ ᐊᒻᒪᓗ ᑭᓲᓂᖏᑦ ᐃᓚᐅᙱᑦᑐᑦ ᓇᐃᒡᓕᑎᕐᓯᒪᔪᒥᑦ. ᐊᒥᓱᑦ ᐃᓄᐃᑦ ᐊᑐᖃᑦᑕᕐᑐᑦ ᓇᓗᓕᐅᒪᔪᓂ ᑕᒪᐃᓐᓅᖓᔪᒥ ᐅᖃᐅᓯᖃᕐᖢᑎᒃ ᓄᓕᐊᕐᓂᓕᕆᓂᖕᒥᑦ ᑭᓲᖕᒪᖔᖏᓐᓂᓪᓘᓐᓃᑦ ᑕᒪᐃᓐᓅᙱᑦᑐᓄ ᐊᓯᐊᓂᓪᓘᓐᓃᑦ. ᐋᓕ ᐊᑐᕐᑕᐅᓲᑦ ᑭᒡᒐᖅᑐᐃᕙᒃᑐᓂ (ᐃᑲᔪᖅᑐᔪᑦ) ᐱᔪᓐᓇᐅᑎᖏᓐᓂᑦ ᐊᔾᔨᐅᙱᑦᑐᓂ ᐱᔪᒥᒋᖃᖅᐸᒃᑐᓂᑦ.

ᐃᓄᖕᓂᑦ, LGBTQ+ ᐃᓄᐃᑦ ᑕᒪᐃᓐᓅᙱᑯᔭᐅᖅᑰᔨᑐᐃᓐᓇᕆᐊᓕᑦ. ᕿᐱᓗᓲᑦ ᐃᔨᕐᓯᒪᓪᓗᓂᔾᔪᒃᓘᓐᓃᑦ ᐱᔪᒥᒋᕙᒃᑕᖏᓐᓂᑦ ᖃᓄᐃᑦᑑᓂᖏᓐᓂᓪᓗ ᐃᓄᖕᓂᑦ ᑕᐃᒪᖁᔭᐅᙱᓐᓂᖏᓐᓄᑦ ᐃᓱᒪᒋᔭᐅᔪᓄᓪᓗ. ᐃᓚᖏᓐᓂᑦ ᐃᓚᒌᑦ ᓄᓇᓖᓪᓗ, ᐃᓄᐃᑦ ᐃᒃᐱᒍᓱᑦᑎᐊᙱᑦᑐᑦ, ᓵᓚᓯᐊᕋᓱᒃᐸᒃᖢᑎᒃ, ᐋᓐᓂᖅᑎᕆᓇᓱᒃᐸᒃᖢᑎᒃᓗ LGBTQ+ ᐃᓄᖕᓂᑦ. 

ᐱᒻᒪᕆᐅᕗᖅ ᐃᒃᐱᒋᑦᑎᐊᕐᓗᒋᑦ ᐃᑲᔪᖅᑐᕐᓗᒋᓪᓗ ᑕᒪᖕᒥᒃ ᐃᓄᐃᑦ ᖃᓄᐃᑦᑐᓂ ᐱᔪᒪᔭᖃᕐᐸᒃᑲᓗᐊᕈᑎᒃ ᑭᓲᓂᖕᒥᓂᒃᓗ. 

ᓴᖅᑭᓕᕐᖢᓂ ᐅᖃᓕᕐᖢᓂ ᓈᒻᒪᒋᓕᕐᖢᓂᓗ ᐃᒻᒥᒥ ᐱᔪᒥᒋᕙᒃᑕᖏᓐᓂᑦ ᐃᓚᓕᐅᑎᓪᓗᓂᔾᔪᒃᓗ ᖃᐅᔨᔭᑎᒃ ᐃᒻᒥᒥ ᓇᖕᒥᓂᖅ ᐃᓅᓯᖓᓄ ᐃᓅᖃᑎᖏᓄᓪᓗ, ᐃᓚᐅᓪᓗᓂ ᑐᓴᖅᑎᑦᑎᓂᖅ ᐊᓯᒥᓂ ᑐᓴᕐᑎᑦᑎᔪᒪᒃᐸᑕ. ᓴᖅᑭᓕᕐᖢᓂ LGBTQ+ ᑲᑉᐱᐊᓇᕈᓐᓇᕐᑐᖅ ᐅᐊᑲᓪᓚᐅᓈᕐᓯᓐᓇᕐᖢᓂᓗ, ᐱᓗᐊᕐᖢᓂ ᐃᓄᒃ ᖃᐅᔨᒪᙱᑉᐸᑦ ᐃᓄᐃᑦ ᖃᓄᐃᓐᓇᔭᖕᒪᖔᖏᑦ. ᓴᖅᑭᑉᐸᓪᓕᐊᓂᖅ ᐃᒻᒥᒥ−ᓈᒻᒪᒋᓕᕐᓇᕐᐸᓪᓕᐊᓲᖅ. 

ᐃᓄᐃ ᐃᓕᑦᑎᕙᓪᓕᐊᔪᑦ ᐃᒃᐱᒍᓱᖕᓂᖕᒥᑦ ᐅᒃᑯᐃᖓᔾᔫᒥᓕᕐᖢᑎᒃᓗ ᖃᓄᑐᐃᓐᓇᖅ ᐱᔪᒥᒋᔭᖃᓲᓂ ᖃᓄᐃᑦᑑᓂᖏᓐᓂᓪᓗᑦ. ᐃᑲᔪᖅᓱᕐᑕᐅᓂᖅ ᐃᓚᒥᑦ, ᐱᖃᓐᓇᕆᔭᒥᑦ, ᓄᓇᓕᖕᒥᑦ ᐱᔭᕆᐊᖃᓪᓚᕆᒃᑐᖅ ᐱᕈᖅᐸᓪᓕᐊᑎᑦᑎᓂᐊᕐᓗᓂ ᐅᓗᕆᐊᓇᙱᑦᑐᒥᑦ ᐃᓚᓕᐅᔾᔨᔾᔫᒥᔪᓂᓪᓗ ᐃᓄᖕᓂ. ᐃᓕᑦᑎᒃᑲᓐᓂᕈᒪᒍᕕᑦ ᐃᑲᔫᑎᒃᓴᓂ ᐱᔾᔪᑎᓕᑦ ᓴᖅᑭᓕᕐᓗᓂ ᐱᔪᒥᒋᔭᓪᓗ, ᐅᕗᙵᐅᓗᑎᑦ (ᑲᓱᕐᕕᐊᓄ “ᐱᔪᒥᒋᔭᖃᕐᓂᖕᒧᑦ ᐃᑲᔪᖅᑐᐃᓂᖅ” ᐃᑲᔫᑎᒃᓴᑦ ᒪᒃᐱᒐᖓ).