ᐊᕐᓇᐃᑦ ᕿᑐᕐᖏᐅᕈᑎᖏᑦ

ᑎᒃᑯᐊᖅᑑᑦ ᐊᕐᓇᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.

ᐃᓕᓐᓂᐊᒃᑲᓐᓂᕐᓂᖅ ᐊᕐᓇᐅᑉ ᑎᒥᖓᓂ

ᕿᑐᙱᐅᕈᑎᑦ ᐊᕐᓇᐅᑉ ᑎᒥᖓᓂ ᑐᓂᓯᔪᓐᓇᖅᐳᖅ ᐊᓕᐊᓇᐃᑦᑎᐊᖅᑐᒥ ᐊᐃᑉᐸᕇᖕᓂᕐᒧᑦ ᐃᒃᐱᒍᓱᖕᓂᐅᔪᒥᑦ, ᐱᔪᓐᓇᖅᑎᑦᑎᓪᓗᓂ ᐊᐃᑉᐸᕇᖕᓂᕐᒧᑦ ᑯᔭᖕᓂᕐᒥᑦ, ᒪᕿᓂᕐᒧᑦ, ᓯᖓᐃᓕᕐᓗᓂ ᐊᒻᒪᓗ ᐃᕐᓂᓗᓂ. ᑭᓇᑐᐃᓐᓇᖅ ᐊᕐᓇᖅ ᐱᒋᐊᖅᓯᒪᔪᖅ ᐊᐅᓈᕐᓂᕐᒥᑦ ᐊᖑᑎᐅᑉ ᐃᔭᕈᔭᐅᕙᒋᑦ ᐃᓄᒃᓴᙳᖅᑎᑦᑎᒍᓂ ᒪᓐᓂᖏᓐᓂ.

ᑕᒪᕐᒥᒐᓚᒃ ᐃᓚᒋᔭᐅᔪᑦ ᐅᑦᑐᖓᓂ ᐃᓂᒋᔭᖓᓂ ᐊᕐᓇᐅᑉ ᑎᒥᖓᓂ ᓴᓇᕗᖅ ᕿᑐᙱᐅᕈᑎᑦ ᐱᓕᕆᔾᔪᓯᐅᔪᒥᑦ. ᕿᑐᙱᐅᕈᑎᑦ ᐱᓕᕆᔾᔪᓯᐅᔪᑦ ᑕᒪᒃᑮᓂ ᓯᓚᑖᒍᑦ ᐊᒻᒪᓗ ᐃᓗᐊᒍᑦ ᐃᓚᖃᐅᖅᐳᖅ. ᐊᑐᓂ ᐃᓅᓕᓴᐃᓂᕐᒧᑦ ᐊᑎᖃᖅᐳᑦ ᐊᒻᒪᓗ ᐊᒥᓱᐊᓗᖕᓂ ᐃᓄᖕᓂ ᐊᑎᖃᖅᑎᑕᐅᕙᒃᐳᑦ.

ᑎᒃᑯᐊᖅᑑᑦ ᐊᕐᓇᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.

ᐃᕕᐊᒌᒃ

ᓄᓕᐊᖅᑎᓪᓗᒋᑦ ᑎᓯᒃᑎᓲᑦ; ᓄᑕᕋᓛᒧᓪᓗ ᐊᒫᒪᒡᕕᐅᓲᖅ, ᓄᑕᕋᓛᕐᒧᑦ ᐊᒫᒪᒃᑎᑦᑎᕕᒃ.

ᐊᕐᓇᐃᑦ ᑎᒥᖏᑦᑕ ᐃᓗᖏᑦ

  • 1ᐊᕐᓇᐅᑉ ᒪᓐᓂᖃᐅᑎᖏᑦ

    ᐊᕐᓇᓕᒫᑦ ᒪᕐᕉᖕᓂᒃ ᒪᓐᓂᖃᐅᑎᖃᖅᑐᐃᓐᓇᐅᕗᑦ, ᐃᒡᓕᐊᑉ ᐊᕙᑖᓂᑦᑑᒃ. ᒪᓐᓂᖃᐅᑎᑦ ᐅᓄᖅᑐᓂᒃ ᒪᓐᓂᖃᕐᕕᐅᕗᑦ ᑕᖅᑭᑕᒫᓪᓗ ᐊᑕᐅᓯᕐᒥᒃ ᐊᓂᔪᖃᖅᐸᒃᖢᓂ ᐃᒡᓕᐊᑉ ᐃᐱᐅᑕᖓᓂ−ᓄᑕᕋᓛᒃᓴᙳᕐᓗᓂ.

  • 2ᐃᒡᓕᐊᑉ ᐃᐱᐅᑕᖏᑦ

    ᑲᑎᙵᔾᔪᑕᐅᕗᑦ ᒪᓐᓂᖃᐅᑎᒧᑦ ᐊᒻᒪ ᐃᒡᓕᐊᕐᒧᑦ. ᒪᓐᓃᑦ ᐃᖏᕐᕋᓲᖑᕗᑦ ᐃᒡᓕᐊᑉ ᐃᐱᐅᑕᖓᓂ ᐃᒡᓕᐊᒧᑦ.

  • 3ᐃᒡᓕᐊᖅ

    ᐊᕐᓇᐅᑉ ᐃᓗᐊᓃᑦᑐᖅ ᓄᑕᕋᓛᕐᒧᑦ ᐱᕈᕐᕕᐅᓲᖅ. ᒪᓐᓂᒃ ᐊᖑᑎᐅᓪᓗ ᐃᔭᕈᕙᐅᔭᖓ ᓄᑕᕋᓛᒃᓴᖅ ᑲᑎᒃᑳᖓᑕ, ᐊᕐᓇᖅ ᓯᖓᐃᓕᓲᖑᕗᖅ.

  • 4ᐃᒡᓕᐊᑉ ᐹᖓ

    ᐃᒡᓕᐊᒨᖓᔪᖅ ᑐᐊᓐᓂᐅᓪᓗᓂ ᐃᒡᓕᐊᑉ ᐃᓱᐊᓃᑦᑐᖅ ᖁᖅᑲᕐᒧᑦ ᐊᑕᓪᓗᓂ.

  • 5ᖂᖅᑲᖅ

    ᐊᖕᒪᓂᖅ ᐊᑕᓪᓗᓂ ᐃᒡᓕᐊᒧᑦ ᑎᒥᐅᑉ ᓯᓚᑖᓄᓪᓗ. ᑕᕝᕘᓇ ᐊᐅᓇᓲᑦ ᐊᒻᒪ ᖁᐃᓲᑦ. ᐅᓱᖕᒥ ᐴᕐᕕᐅᓲᖑᒋᓪᓗᓂ ᓄᓕᐊᖅᑎᓪᓗᒋᑦ.

  • 6ᖁᕐᕆᕕᒃ

    ᐊᖕᒪᓂᖅ ᐃᑎᕈᕐᒧᑦ ᐊᖅᑯᑕᐅᓪᓗᓂ ᓇᑲᓱᖕᒥᙶᖅᑐᒥᒃ ᑎᒥᐅᑉ ᓯᓚᑖᓅᖓᓪᓗᓂ.

ᐊᕐᓇᐅᑉ ᑎᒥᐊᑕ ᓯᓚᑖ−ᐊᖕᒪᓃᑦ

ᐊᕐᓇᐃᑦ ᐊᖕᒪᓂᖃᖅᐳᑦ ᐊᑯᓐᓈᖏᑦᑎᒍᑦ. ᖁᕐᕆᕕᒃ, ᖂᖃᖅ, ᐊᒻᒪ ᐃᑎᖅ.

  • ᐅᓗᐊᙳᐊᖅ

    ᐊᕐᓇᐅᑉ ᐅᑦᑐᐊ ᑕᑯᒃᓴᐅᔪᓕᒫᒧᑦ ᑕᐃᒎᓯᖅ.

  • 1ᐊᖕᒪᓂᐅᑉ ᓴᓂᕌᓃᑦᑑᒃ

    ᓴᓂᕌᓃᑦᑑᒃ ᒪᕐᕉᓪᓗᑎᒃ: ᐊᓃᕐᓂᖅᓴᖅ, ᐃᔾᔪᓂᖅᓴᐅᓪᓗᓂ ᒪᑐᓯᒪᔾᔪᑕᐅᓪᓗᓂ ᐅᓗᐊᙳᐊᒧᑦ; ᐃᓗᐊᓃᓐᓂᖅᓴᖅ ᓵᓐᓂᖅᓴᐅᓪᓗᓂ ᐊᖕᒪᓂᕐᒧᑦ ᒪᑐᓯᒪᔾᔪᑖ ᖁᕐᕆᕕᖕᒧᓪᓗ.

  • 2ᐅᕕᐅᖅ

    ᑖᓐᓇ ᒥᑭᖦᖢᓂ ᐅᓗᐊᙳᐊᕐᒦᑦᑐᖅ ᓄᓕᐅᖅᖢᓂ ᐃᒃᐱᖕᓂᕈᑕᐅᓲᖅ.

  • 3ᖂᖃᕐᒧᑦ ᐊᖕᒪᓂᖅ

    ᓄᓕᐊᖅᑎᓪᓗᒋᑦ ᐅᓱᒃ ᐃᓗᐊᓄᐊᓲᖅ; ᐊᐅᓇᓕᕌᖓᓪᓗ ᐊᕐᓇᖅ ᑕᕝᕘᓇ ᐊᐅᓇᓲᖅ; ᐃᕐᓂᓱᒃᑎᓪᓗᒍᓗ ᓄᑕᕋᓛᖅ ᑕᕝᕘᓇ ᐊᓂᓲᖅ.

  • 4ᐃᑎᖅ

    ᐅᒃᐸᑎᒦᑦᑐᖅ ᐊᖕᒪᓂᖅ, ᐊᓇᕐᕕᐅᓲᖅ.