ᐱᕙᓪᓕᐊᔪᑦᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖏᕐᓯᒪᖕᒪᑕ ᐊᑐᕐᑕᐅᔭᕆᐊᓕᖕᓂᑦ ᐋᓐᓂᐊᖃᖕᓇᙱᑦᑐᓕᕆᓂᖕᓂᑦ, ᐃᓚᐅᓪᓗᓂ ᐊᓯᔾᔨᖅᐸᓪᓕᐊᓂᖕᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ, ᐃᓚᐅᓪᓗᓂ ᐱᓚᒃᑐᕐᑕᐅᓂᖅ, ᐱᔪᓐᓇᕐᑐᓄᑦ ᓄᓇᕗᒻᒥᐅᓄᑦ. ᐅᖃᖅᑎᑦᑎᔩ, ᐊᓯᔾᔨᖅᐸᓪᓕᐊᔪᓄᑦ ᐊᒃᑐᐊᓂᓖᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑲᒪᒋᔭᐅᒋᐊᖃᓲᑦ ᐊᔾᔨᒌᙱᑦᑑᑕᐅᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᔾᔪᓯᕐᒧᑦ ᐱᔨᑦᑎᕋᐅᑎᑦ ᒪᑯᓇᙵᑦ ᑲᒪᒋᔭᐅᒋᐊᖃᓲᑦ ᐃᓱᒪᒥᒍᑦ ᐋᓐᓂᐊᕈᑎᓖᑦ ᑲᒪᒋᔭᐅᓗᑎᒃ, ᑎᒥᐅᑉ ᐊᐅᓚᔾᔭᐃᔨᖓ ᑲᒪᒋᔭᐅᓗᑎᒃ, ᐱᓚᒃᑐᐃᔨᓄᑦ. ᐃᓄᐃᑦ ᐊᑐᕐᐸᑕ ᓈᒻᒪᒋᔭᐅᔪᓂ ᐊᓯᔾᔨᖅᐸᓪᓕᐊᓂᖕᒧᑦ ᐱᔨᑦᑎᕋᐅᑎᓂᑦ ᐊᔪᙱᑦᑐᑦ ᐊᑭᓕᕐᑕᐅᓂᐊᕐᑐᓂ ᐊᓯᔾᔨᖅᐸᓪᓕᐊᓂᖕᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑎᒍ.
ᐱᓚᒃᑕᐅᓂᖅ ᓇᓖᕌᒐᒃᓴᐅᕗᖅ ᐃᑲᔪᕐᓂᐊᕐᓗᓂ ᐊᓯᔾᔨᖅᐸᓪᓕᐊᔪᓄ ᖃᓄᐃᓗᐊᕈᓐᓃᕐᑎᑕᐅᓗᓂ ᑭᓲᖔᕈᒪᓗᐊᕌᓗᖕᓂᖏᓐᓄ ᐊᒃᓱᕉᑎᖃᑕᖃᕐᐸᑦ. ᐃᓚᖏᑦ ᐱᔨᑦᑎᕋᕐᑕᐅᔪᖅ ᑭᓲᖔᕈᒪᓗᐊᕐᓂᖕᒧᑦ ᐊᒃᓱᕉᓴᒍᑎᓕᑦ, ᐱᓚᒃᑕᐅᔭᕆᐊᖃᕐᐳᑦ ᐃᓅᓕᓴᕐᑕᐅᔭᕆᐊᖃᕐᖢᓂᓗ ᖃᓄᐃᓗᐊᕈᓐᓃᕐᑎᓪᓗᒋᑦ ᑭᓲᖔᕈᒪᓗᐊᕐᓂᖕᒧᑦ ᐊᒃᓱᕉᑎᖏᑦ. ᐃᓄᐃᑦ ᐊᓯᔾᔨᖅᐸᓪᓕᐊᓂᖏᑦ ᐊᔾᔨᒌᙱᓚᑦ. ᐊᒥᓱᓂ ᐊᔾᔨᒌᙱᑦᑑᑎᓂᑦ ᐱᓚᒃᑐᐃᔪᓐᓇᕐᑐᑦ ᐃᑲᔪᕐᓂᐊᕐᓗᑎᒃ ᐊᓯᔾᔨᖅᐸᓪᓕᐊᔪᓄ ᐱᔨᑦᑎᕋᕐᑕᐅᔪᓪᓗ ᓂᕈᐊᕈᓐᓇᕐᖢᑎᒃ ᓇᓕᐊᖕᓂᑦ, ᑎᑎᕋᕐᓯᒪᔪᑦ ᐅᓇᓂ, ᐊᑲᐅᓯᕚᓪᓕᖁᓪᓗᒋᑦ ᐊᒃᓱᕉᑎᖏᑦ.
- ᐃᕕᐊᖏᒃᑯᑦ ᐊᖏᒡᓕᒋᐊᕐᑕᐅᓗᑎᒃ
- ᐃᕕᐊᖐᖅᑕᐅᓗᓂ ᓴᒡᕕᐊᓗ ᐋᖅᑭᒃᓱᖅᑕᐅᓗᓂ
- ᐃᓪᓕᐊᖏᖅᑕᐅᓂᖅ
- ᐃᒡᓕᐊᖏᖅᑕᐅᓂᖅ
- ᐃᒡᔪᐃᖅᓯᓂᖅ
- ᐅᓱᓕᐅᕐᑕᐅᓂᖅ
- ᐅᑦᑐᓕᐅᕐᑕᐅᓂᖅ
- ᐅᓱᖓ ᓴᓇᔭᐅᓂᖓ
ᐊᓯᖏᑦ ᐊᑭᓕᕐᑕᐅᔪᓐᓇᕐᑐᑦ ᐱᔨᑦᑎᕋᐅᑎᑦ ᐃᓚᖃᕐᑐᑦ, ᑭᒡᓕᖃᕋᓂ:
- ᑎᒥᐅᑉ ᐊᐅᓚᔾᔭᐃᔨᖓᓄ ᐃᓅᓕᓴᐅᑎ
- ᐃᓱᒪᓕᕆᔨᒃᑯᑦ ᐱᔨᑦᑎᕋᐅᑎᖏᑦ
ᐅᖃᖃᑎᖃᕆᑦ ᐋᓐᓂᐊᓯᐅᑎᒥ ᑐᑭᓯᒋᐊᒃᑲᓐᓂᕐᓗᑎᒃ ᐊᓯᔾᔨᖅᐸᓪᓕᐊᓂᖕᒨᖓᔪᓄ ᐱᔨᑦᑎᕋᐅᑎᓂᑦ.