ᐃᓱᒪᒃᑯᑦ ᖃᓄᐃᖕᖏᓯᐊᕐᓂᖅ

ᐃᓅᑉ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᖓ ᐃᑉᐱᓂᐊᕐᓂᖏᓐᓅᓕᖓᔪᖅ ᐃᓱᒪᖓᓄᓪᓗ. ᖃᓄᐃᖕᖏᓯᐊᕐᓂᕆᒋᐊᓕᓕᒫᑦᑎᓄᑦ ᐱᑐᑦᓯᒪᔪᖅ ᑎᒥᑦᑎᓄᑦ ᐋᓂᕐᓂᑎᒍᓪᓗ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᖅ.

ᐃᓱᒪᒃᑯᑦ ᖃᓄᐃᖕᖏᓯᐊᕐᓂᖅ, ᐃᓅᑉ ᐃᒣᑦᑑᒍᑎᒋᒍᓐᓇᑕᖓ:

  • ᐱᒍᓐᓇᓂᕐᒥᒃᓂ ᖃᐅᔨᒪᑦᓯᐊᕈᓐᓇᑐᖅ
  • ᐅᖁᒣᓪᓕᐅᕋᓗᐊᕋᒥ ᐃᓅᓯᕐᒥᓂ ᐊᓂᒍᐃᒍᓐᓇᓯᐊᕐᑐᖅ
  • ᐱᓇᓱᐊᑦᓯᐊᕈᓐᓇᑐᖅ
  • ᓄᓇᓕᒻᒥᓂᒃ ᐃᑲᔪᕐᓯᒪᒍᓐᓇᑐᖅ

ᐱᐅᓰᑦ ᐃᓅᓯᕐᒥᓗ ᐊᑑᑎᔪᑦ ᐃᓱᒪᒥᒃ ᓱᕐᕃᓲᑦ - ᐃᓱᐊᕐᑐᒥᒃ ᐃᓱᐃᑦᑐᒥᓪᓗ.
ᐆᑦᑐᕋᐅᑏᑦ:

  • ᐃᓄᖃᑎᖃᕐᓂᖅ
  • ᑐᕌᒐᓕᐅᕐᓂᖅ ᐱᒍᓐᓇᓯᓂᕐᓗ
  • ᐱᒍᓐᓇᑐᕆᓂᖃᑦᓯᐊᓂᖅ
  • ᐅᖁᒣᒋᔭᒥᓂᒃ ᓵᖕᖓᓯᒍᓐᓇᓂᖅ
  • ᓇᓪᓕᑳᓂᖅ ᑐᑭᑖᕐᓂᓗ
  • ᐃᓱᒪᑦᓯᐊᓂᖅ
  • ᐃᓅᓯᕐᒥᒃ ᐊᓕᐊᒋᔭᖃᕐᓂᖅ

ᐃᓱᒪᒃᑯᑦ ᖃᓄᐃᖕᖏᓯᐊᕐᓂᖅ, ᑎᒥᒃᑯᑦ ᖃᓄᐃᖕᖏᓯᐊᕐᓂᖅ ᐊᓂᕐᓂᑯᓪᓗ ᐱᑐᑦᓯᒪᔪᐃᓐᓇᐅᕗᑦ. ᐆᑦᑐᕋᐅᑎᒋᓗᒍ ᐃᓄᒃ ᓄᓕᐊᕐᓂᑯᑦ ᐋᓐᓂᐊᑖᕐᑐᕕᓂᖅ ᓯᕘᕋᓕᓲᖅ, ᑲᑉᐱᐊᓱᑦᓱᓂ ᑲᕙᕐᓱᓂᓗ. ᑌᒣᑦᑑᓕᕋᒥ ᑎᒥᖓ ᐃᓱᐃᓪᓕᐅᓕᓲᖅ ᐊᓂᕐᑎᕆᑦᓯᐊᕈᓐᓀᓱᓂ, ᐊᐅᒃᑲᓂᓕᕐᓱᓂ ᐆᒻᒪᑎᖓᓗ ᓱᑲᑦᑐᒥᒃ ᑎᓪᓕᑕᓕᕐᓱᓂ.

ᖃᓄᐃᖕᖏᓯᐊᕐᓂᖅ ᑐᑭᖃᕐᐳᖅ ᑎᒥᒥᓂᒃ, ᐊᓂᕐᓂᒥᓂᒃ ᐃᓱᒪᒥᓂᒃ ᑲᒪᒋᔭᖃᑦᓯᐊᓂᕐᒥᒃ.