Nuliarniqmut Piyut

Aadlatqiilik Nuliarniqmut Piyut.

Inuk angutaukpat arnanik aliagilluaqtut arnaugumikluuniit aliagilluaqtait angutinik Aliagilluaqtait angutaugumi arnanik, arnaugumi angutinik; taiyauyullu ‘angutiinaqnut piyuq arnainnaqnut piyuq’
Angutit angutautiqalluarumayut arnat arnautiqalluarumayut Aliagilluaqtut inuknik aadjikutariyaanik; arnat aliagilluaqtait arnat, angutit aliagilluaqtait angutinik; taiyauyullu ‘Maniilititariik’
Angutinik arnanik nuliayuktuq Aliagilluaqtait angutinik arnaniklu; arnat aliagilluaqtait arnat angutillu; angutit aliagilluaqtait angutit arnatlu; taiyauyut ‘tamainnik aliagiyait’
Nuliarumangittuq Nuliarnigiumangittuq kinamik
Amihunut aliagilluaqtuq Aliagilluaqtait kinaliqaak humaangittuq kinaugumi, angutit, arnat, unaluuniit angutit, arnat kinauyaakhaanik

Inuulramminguraangat, inuulrammiit mihigimaliqtut nuliaqtaaqtumik ihumayut. Taimaa inuulrammiit qiniqtut hapkuninnga mihigiyamiknik, aliagilluaqniaqtait inuit aadjikutariyaanik angutaugumi arnanik arnaugumittauq angutinik. Imaatut ingittuq angutiinaqnut piyuq arnainnaqnut piyuq, Maniilititariik, Angutinik arnanik nuliayuktuq. Angikliyuumiraangapta, inuit ilihimaliqtut nulialluarumayanginnik naunaiqhugulu. 

Ilangit inuit nuliayuittuqluuniit. Hapkuat inuit nuliarumangittut, kihimi mihigiyait piqpagiyut aadlanut inuknut, angutinut arnanullu. Ilangit inuit amihunut aliagilluaqtut. Hapkuat inuit angmaumayut piqatigiikniqmut amihunut inuknik, tahapkuanginnangittuq ilitariyauyut angutinik arnanikluuniit. Angutinguqhimayunik arnangurhimayunik inuinnauniaqtut angutaukpat arnanik aliagilluaqtut arnaugumikluuniit aliagilluaqtait angutinik, Angutit angutautiqalluarumayut arnat arnautiqalluarumayut, angutinik arnanik nuliayuktuq, nuliayuittuqluuniit.

Inuit pingittait Nuliarniqmut Piyut; pitquhigigaptitku kinauyaakhaptiknik.