Angutit nutarannualiurutingit

Makpiglugu hivumun ayuiqyuumigiangani angutip ingilgutainik timim mighaagun.

Ilitugiyuumiqlugu Angutip Timaa

Nutaraliurutikhainut ilanga angutip timaani pipkaiyut angutmun qauviahuklutik nuliqinikkut mihingnautait, pipkaiyuq kuyagiamini, uvalu piliuffaqlutik piliuqlutik qapukmik naupkaqtaarutaa mannikmik. Ingilgutait angutip ilangit takunavyaktu uvalu ilait tkaunaitut timimi.

Makpiglugu hivumun ayuiqyuumigiangani angutip ingilgutainik.

Iluani angutip timinngani

  • 1Igyuup qapuliurutinga

    Angutit malruuknik igyuup qapuliurutiqaqtut—taiyauyullu qapuliurutimik—iluani igyuup puungani. Igyuup qapuliurutinga piliuqpaktuq qapukmik angutitlu timiup aulajjayingit ukunatitut piliurut qapukmik. Piliurut qapukmik munarininnga uuminnga qiturngiurunnaqhiyuq.

  • 2Qivyatut kaimallurittutut tunngavik hilataani igyunganit

    Tuattuq, kaimallurittutut turhuaq atayuq tamainnut igyukmut. Qapuk talvani ittut talvanngalu anikpat is igyuup qapuliurutingani.

  • 3Vas deferens

    Tigumiaqtuq qapukmik atauttikuurnaittumik uumannga qivyatut kaimallurittutut tunngavik hilataani igyunganit, upalungaiyaqtuq anigiami uhukmit.

  • 4Qapukmit imaqaqtut unalu nunudjutlu qiniqhinainnit

    Taimaa qapukmik qaangiraangat hapkuninnga hapkunuuna iluliit, anipkaivaktut imaqutanik ikayuriami qapukmik talvaniiraaqpagiami iluani arnap uttungani. Atauttimut, imaqutangit qapungalu piliuqpaktuq qapukmik.

  • 5Quivik

    Turhuaq tigumiaqtaa qapukmik quiplunilu uhukkut. Qapunga anivaktuq uhukmit taimaa angut anitiliraangami qapunganik.

Hilataani angutip timingani—ingilrutit

  • 1Uhuk

    Uhuk aqittuugaluaq. Taimaa angut uumaigaangat, amihut auk maqivaktuq uhukminut. Talvannga naptuttitpaktuq—uumaiyuq.

  • 2Uhuup Nuvua

    Qaliriikhimayuq uvinik qaangani ittuq uhuup. Ilangit angutit uhungit nuvua piiqtauvaktut—ayurnaittuq pilakniq piiqtauyuq uhuup nuvuanik biibiutillugit. Angutit uhungani nuvualgit ihuarhiyakhait quitinnagu, uarahualirumi, iliurainahuaqqalluuniit uhuup puunganik.

  • 3Igyuup puungani

    Hukanganngittuq uvinikmik puuriyaa igyuup qapuliurutinga unalu qivyatut kaimallurittutut tunngavik hilataani igyunganit, nivingayuq ataani uhuk.

  • 4Itiq

    Angmaumaninnga nuluup, talvani anaq (anaq) anivaktuq.