Nuliarniq taimaa ...

Nuliarniq kangiqhidjutait aallatqiiktut. Inuup nuliarutait ilagijait tamaita inmik angajuqqaaminin pidjutiqaqtait nuliarnirmun, nuliarnikkut kangiqhidjutait, arnaq/angut inmik naunaitkutainit hingainirmun nutaranirmullu. Nuliarniq anginiqaqtuq ilangani tamaita inuujunun. Nuliarniq aallatqiinik pidjutikhaqaqtuq amihunik, tamaitaungittut atuqtauvaktut uqautavakhugilluuniin. Inuup nuliarnikkut aanniaqtailidjutait ilagijaainmik timimikkut, ihumamun, mihingnautinun, inuqatigiingnirmun, inmiklu inuuhittiarutikhamingnun. Nuliarnikkut aanniartailiniq anginiqaqtuq tamainnun anniaqtilidjutikhanun inuuhittiarutikhamullu.

Pihimagaluaqhuni nuliarniq kangiqhidjutaanun tamainnut pidjutinun uqarijait qulaani, ilagijaalu nuliarnikkut hulilukaarutikhainik – nuliaqtunun. 
 

Inmikkut allamutluuniit kahagakhutik nuliarniq Inuk kahagaktutq inmik inilrutimingnik (uttuk/uttuk uhukluuniin) nuliarnirmun aliagijait.
Qaritaujakkut Nuliarniq Aturlugit inugatik algatikluuniin inuup ingilrutainun (uttuk/uttuk uhukluuniin).
Qanirmi Nuliaqniq Aturlugu qaniq, umilruq, uqarluuniin inuup ingulrutainnun (uttuk/uttuk uhukluuniin).
Uttukkut Nuliaqniq Ililugu uhuk uhunguarluuniin uttungmun.
Itikkut Nuliaqniq Ililugu uhuk uhungnuarluuniin itirmun (angamani nullungni).

 

Anginiqaqtuq ilihimajaami taimaa nuliarnirmun hulilukaarutainik pidjutauttaaqtut nuliarnirmun hiamitirtunun aannirutinik (STI-nik) hingaijumangittumik hingaijunulluuniin. Hingainnaittumik aanniarutiniknaittumiklu nuliarnikkut (STI-nik) pihuirlutik—nuliaqhimaittumik. Nuliarnahuaruvit, atuqpaklugit qajangnaitkutikhanik (qaritaujakkut takujakturvia una QAJANGNAITQIJAK NULIARNIRMUN makpirvia.

Inmikkut allamutluuniit kahagakhutik nuliarniq qajangnaitqijak nuliarnirmun taimaa inuk hingainnaittumun aanniarutinirnirmullu STI-mik inmikkut allamutluuniit kahagakhutik nuliarniq. Inmikkut allamutluuniit kahagakhutik nuliarniq inuup pijumagumi pittaaqtaa. Atuqtaunginnaqtuq amihullu inuit (tamangmik anutit arnallu) pijumavlutik inmikkut allamutluuniit kahagakhutik nuliarpaktut. Inmikkut allamutluuniit kahagakhutik nuliarniq atuqtaunginnartuq aanniarnaitturlu pidjutikhaq inungnun pidjutikhaq naunaiqhilutik inmik nuliarutikhamingnun naunaiqhilutik kitut ihuarijamingnik kitullu nakuunginmangaata.