ᐃᑦᓯᒎᕐᓂᑯᑦ ᖃᓄᐃᑦᑑᓂᖅ

ᐊᑦᓯᒎᕈᓰᑦ ᐊᑦᔨᒌᖕᖏᑑᕗᑦ.

ᐊᖑᑎᓗ ᐊᕐᓇᓗ ᐊᕐᓇᐅᒍᓂ ᐊᖑᑎᒧᑦ ᐊᖑᑎᐅᒍᓂ ᐊᕐᓇᒧᑦ ᑌᔭᐅᓲᖑᒻᒥᔪᖅ ‘ᐱᐅᓯᕐᓱᑐᖅ’
ᐊᖑᑎᐅᖃᑎᒥᓂᒃ ᐊᕐᓇᐅᖃᑎᒥᓂᒃ ᐃᑦᓯᒍᓱᑦᑐᖅ ᐊᖑᑎᖑᖃᐅᑎᒥᓂᒃ ᐊᕐᓇᐅᖃᑎᒥᓂᒃ ᐃᑦᓯᒍᓱᑦᑐᖅ ᑌᔭᐅᓲᑦ ᙯᔪᐊᑦᑎ ᒪᓃᓪᓚᑎ.
ᑕᒪᓕᒃ ᑕᒪᒋᓐᓂᒃ ᐃᑦᓯᒋᔭᓕᒃ - ᐊᖑᑎᐅᒍᓂ ᐊᕐᓇᓂ - ᐊᖑᑎᓂᓪᓗ ᐃᑦᓯᒍᓱᑦᑐᖅ, ᐊᕐᓇᐅᒍᓂ ᐊᖑᑎᓂᒃ ᐊᕐᓇᓂᓪᓗ ᐃᑦᓯᒍᓱᑦᑐᖅ. ᑌᔭᐅᓲᖑᒻᒥᔪᖅ ‘ᒪᕐᕉᒃ’
ᐃᑦᓯᒋᔭᖃᖕᖏᑐᖅ ᓇᐅᒥᓪᓘᓃᑦ ᐃᑦᓯᒋᔭᖃᖕᖏᑐᖅ
ᓱᓇᒥᑕᓕᒃ ᐃᓘᓐᓇᓯᐊᖏᓐᓂᒃ ᐃᑦᓯᒋᔭᓕᒃ ᓱᓇᐅᒐᓗᐊᕐᐸᑕ ᐃᑦᓯᒎᕐᓂᒥᒍᑦ ᖃᓄᐃᑦᑑᓂᖏᑦ.

ᐱᕈᕐᐸᓕᐊᓂᕐᒥᓂ, ᐅᕕᒃᑫᑦ ᐃᑦᓯᒍᓱᓕᓲᖑᒻᒪᑕ. ᐅᕕᒃᑲᖅ ᐃᑉᐱᓂᐊᕐᓂᒥᓂᒃ ᖃᐅᔨᒐᓱᐊᕐᓂᒥᓂ, ᐊᖑᑎᐅᖃᑎᒥᓂᒃ ᐊᕐᓴᐅᖃᑎᒥᓂᓪᓘᓃᑦ ᐃᑦᓯᒍᓱᒍᓐᓇᑐᖅ ᐊᕐᓇᐅᒍᓂ ᐊᖑᑎᒥᒃ ᐊᖑᑎᐅᒍᓂ ᐊᕐᓇᒥᒃ ᐃᑦᓯᒍᓱᒍᓐᓇᒥᔪᖅ. ᑭᓯᐊᓂ ᑕᒪᓐᓇ ᑐᑭᖃᖕᖏᑐᖅ ᙯᕋᔪᐊᑦᑎᐅᓂᖓᓂᒃ ᒪᓃᓪᓚᑎᐅᓂᖓᓂᒃ ᐅᕝᕙᓗᓗᓐᓃᑦ ᒪᕐᕈᓕᐅᓂᖓᓂᒃ. ᐃᓄᒻᒪᕆᖕᖑᐸᓪᓕᐊᓂᑦᑎᓂ, ᖃᐅᔨᑦᓯᐊᓲᖑᔪᒍᑦ ᐃᑦᓯᒎᕐᓂᑎᒍᑦ ᖃᓄᐃᑦᑑᒫᖔᑦᑕ ᑐᑭᓯᑦᓱᒍᓗ.

ᐃᓄᖃᕐᒥᔪᖅ ᐃᑦᓯᒎᓲᖑᖕᖏᑐᓂᒃ. ᑖᒃᑯᐊ ᓄᓕᐊᕈᒪᓲᖑᖕᖏᑐᑦ, ᐃᓅᖃᑎᒥᓂᒃ ᖃᓂᑕᖃᕋᓗᐊᕐᓱᑎᒃ ᑕᒪᒋᓐᓂᒃ ᐊᕐᓇᓂᒃ ᐊᖑᑎᓂᓪᓗ. ᐃᓚᖏᓪᓗ ᓱᓇᒥᑕᓖᑦ, ᓇᓪᓕᑐᐃᓐᓇᖏᓐᓂᒃ ᐃᑦᓯᒎᖃᑎᖃᕈᓐᓇᓱᑎᒃ, ᐊᕐᓇᓗᑰᖕᖏᑐᓂᒃ ᐊᖑᑎᓪᓗᑰᖕᖏᑐᓂᒃ. ᓯᐱᓯᒪᔪᑦ ᓇᓪᓕᑐᐃᓐᓇᖏᐅᒍᓐᓇᒥᔪᑦ ᐊᖑᑎᐅᒍᓂ ᐊᕐᓇᒦᓐᓗᓂ, ᐊᕐᓇᐅᒍᓂ ᐊᖑᑎᒦᓪᓗᓂ, ᐊᕐᓇᐅᒍᓂ ᐊᕐᓇᒦᓪᓗᓂ, ᐊᖑᑎᐅᒍᓂ ᐊᖑᑎᒦᓪᓗᓂ, ᒪᕐᕈᓕᐅᓗᓂ ᐅᕝᕙᓗᓗᓐᓃᑦ ᐃᑦᓯᒎᕐᖃᔭᖕᖏᑑᓗᓂ.

ᐃᓄᒃ ᓇᓪᓕᑳᓲᖑᖕᖏᑐᖅ ᐃᑦᓯᒎᕐᓂᒥᒍᑦ ᖃᓄᐃᑦᑑᓂᐊᕐᓂᒥᓂᒃ; ᐃᓅᓕᕐᓯᒪᒐᒥ ᑌᒣᓕᖓᒌᕐᓱᓂ.