Angutit, arnat Kinauyaakhaanik Qanuqtut Uqaqtavut

Angutit, arnat kinauyaakhaanik ittuq qanuqtut uvaptiknik takuyavut—angutit, arnaq, tamarmik, tamarmiungittut, humiliqaak angutit, arnat pidjutingani. Angutit, arnat qanuqtut takuyakhaanik qanuqtut pitquhiyavut, aanuraaqtugut, uqaqtugullu naunaipkariami aadlat kinauyaakhaptiknik. Ilaani timit aadjikutariyaa angutit, arnat kinauyaakhaanik unalu angutit, arnat qanuqtut takuyakhaanik, ilaani pingittut.

Taimaa timit aadjikutaringitkumiu inuup angutit, arnat kinauyaakhaanik unaluuniit angutit, arnat qanuqtut takuyakhaanik, inminik tainiaqtut angutinguqhimayunik arnangurhimayunik. Una uuktuutigillaklugu, inuk piqaqtuq angutit timinganik kihimi takuyaa inminik arnamik; unaluuniit inuk piqaqtuq arnap timinganik kihimi takuyaa inminik angutimik. Angutinguqhimayunik arnangurhimayunik inuk mihigiuq inuuhimayut “timigingitaminik”.

Angutinguqhimayunik arnangurhimayunik inuknut, mihigiyut huna aadlangayuq mikkautilluni. Nutaqqat piliuliqpagait angutit, arnat kinauyaakhaanik mikkautillutik. Angutinguqhimayunik arnangurhimayunik inuulrammiit inuuyut ikayuqtauplutik pipkaihimaplutik naunaipkainginnaqtut ilamiknut, ilannamiknut, aadlanitlu humaagingitkumitku. Mamianaugaluaq, amihut inuulrammiit inirniitlu naunaipkayuittut naunaipkalimaitait nanminingit angutit, arnat kinauyaakhaanik mihigigamik/ilihimagamik ilangit, ilannangit, nunaqatigiyangit taimaatut pimmariktumik pilimainnamigit angiqhugillu.

Angutit, arnat kinauyaakhaanik pitquhigiyauyut qanuqtut inuit piyangit takuyangillu uuminnga “angutauyut” unaluuniit “arnauyuq”. Inuupluni, inuit takuyait kangirhiyaillu angutit, arnat kinauyaakhaanik ilamiknit, tuhaqtipkaiyunit, aadlanitlu nunaqatigiiktamiknit. Angutit, arnat kinauyaakhaanik ihuarhaqhimayut pitquhimit, taimaa ‘qangaraaluknitat’ angutit, arnat kinauyaakhaanik Inuknut inuinnaungittunullu aadlauyut amihunik qanurittunik. Angutit, arnat kinauyaakhaanik aadlanguqtuqlu qakunguraangat, pipkaidjutiyuq aadlangurniqmit nutaangurutiliriniqmut, qanuqtut pitquhivut ilumuurutiptiknillu, pitquhiptiknit uqauhiptiknik, aadlatlu pipkaidjutigiyaptiknit.

Inuulrammiutillugu, apirilihaaliqpaktut piumalluaqhugu aadlatqiit angutit, arnat kinauyaakhaanik. Piumalluaqniaqtait akiniariami unalluaq ‘qangaraaluknitat’ kinauyaakhaanik. Una uuktuutigillaklugu, inuulrammiit angutit naunaiqniaqtut aliagiyaat igagiami, mirhuriami, ulapqiqatigiamiluuniit nutaqqanut; inuulrammiit arnat nakuuyumik piniaqtut nalunaqtunik, ulapqiniqmi, angunahuaqtumiluuniit. 

Taimaa inuulrammiit mihigigumiuk akhuurutautimik hungiutigiami kitunut kinauyaakhaanik, naglikhaatqianiaqtuq in’ngummainnaqniqmit. Akhuurutauyuq inuulrammiit pigiami hulilukaarutit aliagiyaminiklu pipkaidjutiyuq inuuyuq. Angirumitku “angutauyuq” unaluuniit “arnauyuq” angutit, arnat kinauyaakhaanik pingittuq inukmut Nuliarniqmut Piyut.

Takuniaqtutit aadlatqiinik titiraqhimayuq una LGBTTQA. Ukuninnga naittumik taiyaulik Qairajuariik, Maniilititariik, angutinik arnanik nuliayuktuq, angutinguqhimayunik arnangurhimayunik, malruuknik ukpiriniq, apirhuqniq, piqatigiikniqlu.

Qairajuariik Nuliarniqmut Piyut talvani arnaq quviagilluaqtait aadlanut arnanut
Maniilititariik Nuliarniqmut Piyut talvani angutit quviagilluaqtait aadlanut angutinut
Angutinik arnanik nuliayuktuq Nuliarniqmut Piyut talvani inuk quviagilluaqtait tamarmiknut—angut arnamut angutimulluuniit; arnaq angutimut arnamulluuniit
Angutinguqhimayunik arnangurhimayunik angutauyumik arnauyumik ihumagiyut Inuk inuuhimayuq arnamik timinganik angutauyuq ihumagipluni; inuk inuuhimayuq angutimik timinganik arnauyumik ihumagipluni. Una ittuq angutit, arnat kinauyaakhaanik unalu angutit, arnat qanuqtut takuyakhaanik, unalluaqmik Nuliarniqmut Piyut. Arnaq ittuq angutit timingani aliagilluaqniaqtait angutinik aadlatluuniit arnat; angutit ittuq arnaq timingani aliagilluaqniaqtait arnat aadlatluuniit angutit.
Malruuknik ukpiriniq Allait inuit inniaqtut Qairajuariik, Maniilititariik, angutinguqhimayunik arnangurhimayunik, aadlatluuniit angutit, arnat.
Apirhuqtuq Inuk naluyuq nulialluarumayanginnik unalu/unaluuniit angutit, arnat kinauyaakhaanik.
Piqatigiyanganik LGBTTQ-ngungittuq inuk ikayuqtuq pilaarutinginnik LGBTTQ-nik.

Nunaptikni, LGBTTQ inuit mihiginiaqtuq akhuuqtut uuminngaugiamikni angutiinaqnut piyuq arnainnaqnut piyuq. Ilaani qin’ngiyait iiqhugilluuniit Nuliarniqmut Piyut unalu angutit, arnat kinauyaakhaanik taimaa pitquhiliriniqmut pittailiyaukmata inuillu qanuriliurutinginnik. Ilanginni ilagiiktuni nunagiyaminiklu inuit ihuigigamitku, aliagiyauplutik, iqhinaqtumiklu pikmata ukununnga LGBTTQ inuit. 

LGBTTQ inuulrammiit ihumaginiaqtuq mihiginnguaqtukhat mihigingitamiknik, kinauyaakhamikluuniit ingittumik. Imaatut, mihiginiaqtut inuuyukhaq iquluni; iiqtakhait inmilluarutigiyaanik, ilamiknit ilannaqminitlu.

Talvanilu, nunaqatikput ayuiliqtut pimmariktumik piyukhat angmaumalluaqluni aadlanut  Nuliarniqmut Piyut unalu angutit, arnat kinauyaakhaanik. Naunaipkaiyuq taimaa ittuq LGBTTQ inuit uqaraangamitku uuminnga Nuliarniqmut Piyut unalu angutit, arnat kinauyaakhaanik. Uqainnarniaqtait ilamiknut ilannariikpiaminullu, uqalimainniaqtaaluuniit.

Ikayuqtauyuq ilamiknit, ilannamiknit, inuknitlu ihariagiyauyuq. LGBTTQ inuulrammiit ikayuqtaungittut pilluaqniaqtut ukunanik sikuuruiqhutik, aangayaarnaqtunik atuliqluni imiqlunilu, in’ngumainnaqhimaluni, inminiirumayumikluuniit.

Ayuiqtukhauyugut pimmariktumik pilugit ikayuqlugitlu tamaita inuit, humaangittuq nulialluarumayanginnik unalu angutit, arnat kinauyaakhaanik.