Nuliarnikkut aanniqtiqtuiniq

Nuliarnikkut aanniqtiqtuiniq taamnauyuq quyaginnaq angiqtauhimangittuq nuliarnikkut huliniq. Pitjutiyauvaktuq malruuknik inukni ilihimatjutiyukni.

Nuliarnikkut piyauhimaniit Inuk pipkaivaktuq piyauyumangittuni nuliarnikkut hulinirnik aallamun inungmun, inuup angiqhimangittaanik—talvannga kuyangnikkut aallanikluunniit piyauyumangittuni nuliarnikkut hulinirnik. Pimmarluktiuyuq hakugikhaaqpaktuq, irhitaaqpaktuq, atummarlukhuniluunniit inungmik. Nuliarnikkut piyauhimanirniit ihuinaarutauyuq.
Nuliarnikkut uumilruhaiyuq Inuk piyumayaungittunik nuliarnikkut ingutaarutinik uqautinikluunniit, piyumayaungittunikluunniit nuliarnikkut kahagarutinik mamianaqtut kannguhuktirutigiyauyulluunniit kinamik. Naunaitkutaq ilaqaqtuq imaatut patikhunik kinamik nullungani, nulliqinikkut-uqarutinik kuummiuhaarnirnikluunniit, ukuallu nuliarnikkut ingutaarutinik uqautinikluunniit. 
Nutaqqani nuliarnikkut pimmarlungniq

Quyaginnait nuliarnikkut hulinirniit nutaraqmun—kinaliqaaq ukiuqaqtuq ataani 18-nik ukiunik.

  • Piksaliurniq tunirhainiqluunniit nuliarnikkut piksanik piksasuunikluunniit nutaraqmik; qunngiaqtipkainiq nuliarnikkut piksanik piksasuunikluunniit nutaraqmun 
  • Havilraaniq nutaraqmik nuliarnikkut; apiriniq nutaraqmik havilraaquplugu nuliarnikkut pimmarluktiuyimik aallamikluunniit inungmik nuliarnikkut
  • Uqarnikkut nulliqinikkut hivayautikkut qaritauyakkuurutikkulluunniit
Inungnik niuvvaaniq Inuk amiriyuq aallanik inungnik niuvvaayait himmautigiyailluunniit aallanun nuliarnikkut hulitjutikhainnun.
Pipkainginniq qayangnaittunun nuliarnirnun Inuup qanuriliurutait pipkaqtitpaktaa aippaa inuk qayangnarnirmun nulialiraangamik. Naunaitkutauluni, pimmarluktiuyuq aturumayuittuq puurmik, aippaa apirigaluarhuni atuquilugu, qinngivaktulluunniit ihivriuqtaunikkut STI-nik.