Aallakkiit qanurittut piqatigiikniit

Taamaani inuuhiptiknik, atuqhimavaktugut aallakkiiknik pitqaqtigiiknirnik. Tamaita pitqaqtigiiknirniit nakuuyaaqtut nakuungittaaqtulluunniit. Ilangit pitqatigiiknirniit piqaqtut tamainnik.

Piqpagittiarniq Ihumagittiarutiqariigutiqaqtuq kinamun. Nuliaqatigiiklutik nuliaqhimaittumikluunniit.
Ilannariik Kina uppiriyait, ihumagittiariyat, nakuugiyallu.
Ilaruhit Ukuat (munaqti) maamaa, paapaa, aniqatigiyait, anaanattiat, atatattiat, arnaviit, angait, arnaqatigiit/angutiqatigiit, munaqtia, aallallu ilaruhiit.
Atannguyauyut Ilihaiyi, uqautjiyi, nutaqqiqiyi, ulapqipkaiyi, paliihimaq, atanniq, munarhi/taakti, angayuqqaaq, minihitaq, aallallu. Kinami ikayuqtigiyat; atanniqtuitjutiqaqtuq ilingnun.

Idjuhiit Ihuitumik Piqatigiit

Hangiaqniq Kinaliqaaq ihuiguhuktuq nayugupkit aalat inuit.
Ighinagumayungnaiqhutit Kinaliqa nayugumainaliqhuni tamaat uvalu pipqagungnaiqhutit nanminiqni nayugahangni.
Qaniinaliqhuni Malguuk innuk qaniinaliqtuk.
Ilihimayungnaqhugit mihingnautit Kinaliqaa ihumagiyungnaiqhugit mihingnautitit uvalu ihumaalungituni ihumaaluutiqnun.
Ikhitaaqhuni Kinaliqaa uumilguhaibluni uvalu ilingnun akhuuqhuni pipkagahuaqhutin piyumangitangnik.
Akhuuqhuni Kinaliqaa "qingiyauyumangituq" uvalu akhuuqhuni pipkaqlutit hulipkaiyumayuq.
Ihuinaaqtuq naunaituq Kinaliqaa ihuigiyaatit "qingigavin" uvaluuniin angiqatiginginangni.

Nakuungittumi piqatigiigutimi, atauhiq inuk—pimmarluyuktuq—amiriqpiaqtaa aippaa inuk tahapkunuuna naliinni pimmarluktiutjutikkut.

Timikkut pimmarlungniq

Inuk miluqpaktaa, pinguvaktaa, tiklukpaktaa, patikpaktaa, tigukaallakpaktaa, kiivaktaa, qimitiqpaktaa, itingmikpaktaa, imaalu/imaaluunniit atuqpakhuni kiyuaqtuutinik inungmun.

Mihinnarutinun pimmarlungniq

Una pitjutilik amigaittuni qanuriliurutinik takunnaryuangittuqlu. Takunnarhittialimaittuq naunaitkutainnik mihinnarutinun pimmarlungnirnik taimaatut inuk pautunguyaanginmat, kiliqtauhimanginmat, navyihimanginmat, qiliruqanginmallu.

  • Pimmarluktiuyuq irialaaqpaktut inunmun, atiruaqhugit, alianaigiplugillu.
    “Tamaryangaqpiaqtutit pinniitpiaqtutillu! Aallamin piqpagiyaulimaittutit!”
  • Pimmarluktiuyuq aanniqtirumavaktaa inuk, ilaruhiilluunniit, inminikluunniit.
    “Qimakkungma, aanniqtirniaqtunga uvamnik!”
    “Huliyuitkuvit uqarhiyamnik, unniutiniaqtatka tamaita uqaqtailiyatit tamainnun!”
  • Pimmarluktiuyuq pipkalimaiqtitaa inuk takuyaami ilannaminik ilaminiklu, kituniklu aannuraanik atimayakhainnik, malikpakhugu, hivayaraanginnaqhugu, avaliingaqtihuirhugu.
    “Piqpagigungma, takuyaqturiaqangitatit ilannatit ilatillu. Avaliittunga ihariagiyakhangma.”
    “Kinamik quviahugitquyauliravit taaffumuuna qitauyaqmun? Aallamik aannuraarit!”
  • Pimmarluktiuyuq hangiakyuayuktuq hulivaktuqluunniit aippa inuk hangiaktinnahuarlugu.

Manikkut pimmarlungniq

Inuk ihuarhaivaktuq aalla inuk pitjutiqangittaangani manikhanun; ihariagipkaiplunilu manikhanik qimaktaungittaamini.

  • Pimmarluktiuyuq amirivaktaat maniup tutquumavia, aqhaaqhimavaktaa inuup akiliuhiarutaa, atunirlukhugulu manik—piannaqpakhuni, akiliqtungithugit akiliqtauyukhat.

Qaritauyakkuurutitigut pimmarlungniq

Facebook, Instagram, titiraqnikkullu hivayautikkut ayurnairutigiyaa uqaqatigiyaami ilannani ilaruhinunlu. Ayurnairutiyuqlu aturiami qaritauyakkuuqtaaqtunik pimmarlungnikkut inungnik. Kinami atunirluktaa aallaup inuup inmikkuurutaa—amiriplugit hivayautaa qaritauyakkuurutikkut tuhaumapkaitjutait.

  • “Kinauyuq Manny? Huuq nakuugiliqtait FB-mi piksatit?”
  • “Kaitjuk hivayautivut kiluuttairutaa.” “Huuq?” “Huuqtauq? Hunamik iiraqtuurutikhaqaraviit?”
  • “Aipparma tuyuqtaanga uuminnga uhinngayumik piksamik. Tuyuqnialiqtara tamainnun ilannamnun.!” “Ilihimavaa?” “Ha ha imannaq!”

Tuniqhainiq nuliarnikkut piksanik aallanun ihuinaarutauyuq piksa piqaqqat nutaraqmik. Ihuinaarutauyuklu tuyuqti pihimangitpat angirutaanik inungmin piksamiittumin.

Naunaitkutait nakuuyuni piqatigiigutini:

Ihumagittiarniq

Ihumagittiarniq tunngavigiyauyuq tamainni piqatigiiknirni. Ihumagittiarniq pitjarighaarutauyuq inungnun tautuktillugillu anginiqarutiqaqtut pittiarutigilugillu kinaugaluarhutik.
Uppiriniq Inuk ihumagittiarniqaqtuq taamna inuk ikayuinnaqtaaqtuq uppirnaqtuqlu.
Itquumayuq Tamarmik innuk uqaqtaaqtuk ihuinaarumik niriuktuklu aippaa taimailiuqtaaqtuqlu. Tamarmik uqaqtaaqtait ihumagiyamiknik, niriuklunilu aippaminin alianaigiyaungilluni.
Ikayurniit Tamarmik innuk tahamaniitjutigiyaa aippani, quvianarnirni quvianainnirnilu.
Aajikkiikniqarnikkut Taapkuak malruuk inuk ihumaliuqatigiikpaktuk huliyaakhamiknik kinamunlu pulaaqtakhamiknik. Atauhiinnaq tamainnik ihumaliuriaqangittuq.
Ilikkuuqtukkut kinauniq Tamarnik innuk inmiknik inuuhiqaqtut—ilannait, ilaruhiit, hulilukaarutiit—ilikkuuqtut aippaminin. Tamarmik ihuariyuk hulimaami avaliittumik, ilaqaqtut nutaat utuqqaillu hulilukaarutit, aallaniklu piqatigiigutinik.
Uqaqatigiittiarutikkut Uqaqatigiyaaqtat taamna inuk quyaginnanik, ilihimalutillu ihumagiliurutilimaittaatit. Ihumayutit inuup tuhaayaatit uppiriyaatillu.
Aliahuqatigiingniq Aliahukpaktutit katimaplutik, aliahukpaktutik atauttikkut.
Qayangnainniq Quviagiyat katimayaami taamna aalla inuk; ilihimayutit aanniqtilimaittaatit.