Sexuality Is ... - ᐃᑦᓯᒎᕐᓂᖅ ᐃᒣᑦᑑᕗᖅ…

ᓄᓕᐊᕐᓂᖅ ᐃᓅᓯᑦᑕ ᐃᓚᒋᑐᐃᓐᓇᑐᖓ ᓄᓕᐊᓲᓕᐊᖑᓯᒪᒐᑦᑕ. ᐃᓄᓕᒫᑦ ᓄᓕᐊᓲᑦ ᑌᒪᖕᖓᓕᒫᕋᓗᐊᕈᑎᒃ ᑌᒪᖕᖓᓕᒪᖕᖏᑲᓗᐊᕈᑎᓪᓗ. ᓄᓕᐊᕐᓂᖅ ᐊᕐᑐᓱᒍ ᓄᓕᐊᕈᒪᓲᖏᓐᓇᐅᔪᒍᑦ.

ᑎᒥᐅᑉ ᓱᓇᐅᓂᖏᑦ ᐊᖑᑏᑦ ᐊᕐᓀᓗ ᑎᒥᒥᒍᑦ ᑎᓕᐅᕆᔨᓖᓐᓀᑦ ᓄᓕᐊᕈᑎᖃᕐᓱᑎᓪᓗ.
ᐃᑦᓯᒎᕐᓂᑯᑦ ᑭᓇᐅᓂᖅ ᓇᒻᒥᓂᖅ ᑕᐅᑐᒍᓯᕗᑦ; ᐊᖑᑕᐅᓂᕗᑦ ᐊᕐᓇᐅᓂᕗᑦ, ᑕᒪᒋᓐᓂᓗᓐᓃᑦ ᐊᓯᖓᓂᓗᓐᓃᑦ
ᑭᓇᐅᓂᕐᒥᓂᒃ ᓄᐃᑦᓯᓂᖅ ᐊᓐᓄᕌᕈᓯᕗᑦ ᐃᓄᓐᓂᓗ ᐅᖄᕕᖃᕈᓯᕗᑦ ᓇᒻᒥᓂᖅ ᓴᕐᕿᔮᕐᑎᒍᓯᕗᑦ
ᓄᓕᐊᕐᓂᑯᑦ ᐊᑑᑎᔭᕗᑦ ᐃᑉᐱᓂᐊᕐᓃᑦ, ᐊᓕᐊᓇᕐᑐᑦ, ᐃᑦᓯᒍᓱᓐᓂᖅ ᐃᑦᓯᒋᔭᐅᓂᕐᓗ ᐃᑦᓯᒋᔭᒥᓄᑦ
ᓄᓕᐊᕐᓂᑯᑦ ᖃᓄᐃᑦᑑᓂᖅ ᐊᕐᓇᐅᒍᑦᑕ ᐊᖑᑎᐅᒍᑦᑕᓗᓐᓃᑦ ᓄᓕᐊᕐᓂᑯᑦ ᖃᓄᐃᑦᑑᓂᕗᑦ
ᐃᑦᓯᒎᕐᓂᑯᑦ ᖃᓄᐃᖕᖏᓯᐊᕐᓂᖅ ᑎᒥᒃᑯᑦ, ᐃᓱᒪᒃᑯᑦ ᐃᓅᖃᑎᖃᕐᓂᑯᓪᓗ ᖃᓄᐃᖕᖏᓯᐊᕐᓂᖅ ᓄᓕᐊᕐᓂᑯᑦ; ᑎᒥᐅᑉ ᑕᐅᑦᑐᖓ - ᑎᒥᑦᑎᓂᒃ ᖃᓄᖅ ᐃᑉᐱᒋᔭᖃᕐᓂᕗᑦ; ᐁᑉᐸᖃᕐᓂᖅ ᖃᓂᑕᖃᕐᓂᓗ; ᖃᓄᖅ ᖃᓂᑕᕇᓲᖑᒻᒪᖔᑦᑕ, ᐊᑦᑑᔭᕐᓂᖅ, ᓇᓪᓕᓂᖅ, ᐊᓕᐊᓱᓐᓂᖅ, ᖁᕕᐊᓱᓐᓂᖅ ᐅᖁᒣᑦᓴᓂᕐᓗ.

ᐃᑦᓯᒍᓱᓐᓂᑎᓐᓂᒃ ᑕᑯᑦᓴᐅᑎᑦᓯᓲᖑᔪᒍᑦ ᐅᖄᓂᒃᑯᑦ, ᖁᖓᓐᓂᑯᑦ, ᓂᑯᕐᕋᒍᓯᑦᑎᒍᑦ, ᐃᑦᓯᕙᒍᓯᑦᑎᒍᑦ, ᐊᓐᓄᕌᑦᑎᒍᑦ, ᑖᓂᓯᕐᓂᑯᑦ, ᐃᔪᕿᑕᕐᓂᑯᑦ ᕿᐊᓂᒃᑯᓗ. ᐃᑦᓯᒍᕐᓂᖅ ᑭᓇᐅᓂᑦᑎᓂᒃ ᐱᑕᖃᓪᓚᕆᑦᑐᖅ, ᐅᑉᐱᕆᔭᑦᑎᓂ, ᐃᑉᐱᒋᔭᑦᑎᓂ ᑭᐅᑦᔪᓯᑦᑎᓂᓪᓗ.

ᐃᑦᓯᒎᕐᓂᑯᑦ ᖃᓄᐃᖕᖏᓯᐊᕐᓂᖅ

ᐃᑦᓯᒎᕐᓂᑯᑦ ᖃᓄᐃᖕᖏᓯᐊᕐᓂᖅ ᑎᒥᓐᓂ, ᐃᓱᒪᓐᓂ, ᐃᓅᖃᑎᖃᕐᓂᓂᓐᓗ ᐃᑦᓯᒎᖃᑎᓐᓂᒃ. ᐃᑦᓯᒎᕐᓂᑯᑦ ᖃᓄᐃᖕᖏᓯᐊᑐᐊᕋᒥᒃ, ᐃᓱᕐᕆᓯᐊᓲᑦ. ᐋᓐᓂᐊᖃᕋᑎᒃ, ᐱᓗᑲᑕᐅᒐᑎᒃ, ᐋᓐᓂᑎᕐᓯᒪᒐᑎᒃ, ᑲᑉᐱᐊᓱᒐᑎᒃ ᐅᑉᐱᓂᕐᓗᒐᑎᓪᓗ. ᑕᑎᖃᑦᓯᐊᕈᓐᓇᓱᑎᒃ ᐊᑦᑕᓇᕐᑐᒦᒐᑎᒃ.

ᐊᒥᓱᑦ ᐱᑦᔪᑎᐅᑎᓪᓗᒋᑦ ᐃᑦᓯᒎᕐᓂᐅᑉ ᖃᓄᐃᖕᖏᓯᐊᕐᓂᖓ ᐊᑑᑎᓲᖅ. ᐱᒻᒪᕆᐅᓂᕐᐹᖅ ᑎᒥᑦᑎᓂᒃ ᑕᐅᑐᒍᓯᕗᑦ. ᑎᒥᑦᑎᓂᒃ ᑕᐅᑐᒍᓯᕗᑦ ᐊᑐᓂᑦ ᑕᑯᓐᓇᕈᓯᕗᑦ ᐃᑉᐱᒍᓱᒍᓯᕗᑦ ᐃᓱᒪᑦᑎᓂ. ᑎᒥᐅᑉ ᑕᐅᑦᑐᖓ ᓱᕐᕃᓯᒪᓂᕐᓗᒍᓐᓇᑐᖅ ᐱᑦᓯᐊᓗᓂᓗᓐᓃᑦ ᑐᑭᑖᕐᓂᑎᓐᓂ ᐃᑦᓯᒎᕐᓂᒥᒃ ᖃᓄᕐᓗ ᐊᑐᕐᒪᖔᑦᑎᒍ.

ᐅᕕᒃᑫᑦ ᐱᐅᔫᔪᕆᓲᖑᖕᖏᑐᑦ, ᖁᐃᓂᓗᐊᕐᑐᕆᑦᓱᑎᒃ, ᓀᑦᑑᓗᐊᕐᑐᕆᑦᓱᑎᒃ, ᓄᑭᖃᑦᓯᐊᑐᕆᒐᑎᒃ, ᓯᕝᕕᐊᑭᑦᑑᔪᕆᑦᓱᑎᒃ ᐊᕐᓇᐅᓯᐊᕐᑐᕆᒐᑎᒃ ᐊᖑᑎᐅᑦᓯᐊᑐᕆᒐᑎᒃ, ᐊᓯᖏᓐᓂᓗ. ᑕᒪᓐᓇ ᑕᑯᓐᓇᓂᕐᓗᒍᓯᖅ “ᓈᒻᒪᑐᕆᖕᖏᓂᖅ” ᑐᑭᑖᓚᕿᒍᑎᐅᓲᖅ ᐅᕕᒃᑲᓄᑦ ᓈᒻᒪᖏᑦᑐᓂᒃ, ᑎᒥᒥᒍᑦ ᐱᐅᒋᓐᓂᕈᑎᒃ ᐊᑑᑎᒐᔭᖕᖏᑕᖏᓐᓂᒃ. ᓈᒻᒪᑐᕆᒐᑎᒃ ᐃᑉᐱᓂᐊᔭᒥᓂᒃ ᐊᓯᑦᔩᒐᓱᐊᕐᓱᑎᒃ.

ᐊᓯᖏᑦ ᐱᒻᒪᕆᐅᑦᓱᑎᒃ ᐊᐅᓚᑦᓯᒥᔪᑦ ᐃᑦᓯᒎᕐᓂᑯᑦ ᖃᓄᐃᖕᖏᓯᐊᕐᓂᒥᒃ, ᐁᑉᐸᕇᓐᓂᒥᒃ ᐊᑑᑎᓂᕗᑦ, ᖃᓂᑕᖃᕈᓯᕗᑦ ᓇᓪᓕᒍᓱᒍᓯᕗᓪᓗ. ᖃᓄᐃᖕᖏᓯᐊᕐᑐᒥᒃ ᐊᑐᕐᓯᒪᓴᑐᐊᕋᑦᑕ ᐃᑦᓯᒎᕐᓂᕗᑦ ᖃᓄᐃᖕᖏᓯᐊᕐᑑᓲᖅ. ᓈᒻᒪᖏᑦᑐᒥᒃ ᐱᓗᑲᑕᐅᓂᕐᒥᓗᓐᓃᑦ ᐃᑦᓯᒎᕐᓂᑯᑦ ᐊᑑᑎᓯᒪᑐᐊᕋᑦᑕ ᖁᓄᔪᕐᓂᐊᑕᐅᓂᕐᒥᒃ ᓱᒃᑯᑕᐅᒻᒪᕆᒍᓐᓇᑐᖅ ᐃᑦᓯᒎᕈᓯᕗᑦ. ᑌᒣᓕᕋᒥᓗ ᐊᑯᓃᕐᑐᒥᒃ ᐃᓅᓯᑦᑎᓂ ᓱᕐᕃᓯᒪᓂᖃᓲᖑᑦᓱᓂ. ᐆᑦᑐᕋᐅᑎᑦᓴᓯᐊᒻᒪᕇᑦ ᐃᓕᓐᓂᐊᕆᐊᕐᑎᑕᖃᑦᑕᓚᐅᕐᑐᕕᓃᑦ ᓱᒃᑯᔨᐊᖑᓯᒪᓂᖓ.

ᐱᒻᒪᕆᐅᔪᖅ ᐃᑦᓯᒎᕐᓂᑯᑦ ᖃᓄᐃᖕᖏᓯᐊᕐᓂᖅ, ᑭᓇᐅᓂᓪᓚᕆᒋᒐᑦᑎᒍ, ᐅᑉᐱᕆᔭᕗᑦ, ᐃᑉᐱᒋᔭᕗᑦ ᑭᐅᑦᔪᑎᕗᓪᓗ.