ᓱᓇᐅᕙ ᑎᒥᐅᑉ ᐱᕈᕐᐸᓕᐊᓂᕐᒧᑦ ᐊᓯᑦᔨᓂᖓ ?

ᐱᐊᕃᑦ ᐅᕕᒃᑲᕈᕐᐸᓕᐊᓯᑐᐊᕋᒥᒃ, ᑎᒥᖓ ᐊᓯᑦᔨᐸᓪᓕᐊᓯᓲᖅ, ᐃᓄᒻᒪᕆᐅᓂᑦᓴᖓᓄᑦ ᐊᑐᐃᓐᓇᕈᕐᑎᓯᑦᓱᓂ. ᑕᒪᓐᓇ ᐊᓯᑦᔨᓂᖅ - ᑎᒥᐅᑉ ᐊᓯᑦᔨᓂᖓ - ᐊᕐᕌᒍᓂ ᐊᒥᓱᒐᓚᓐᓂ ᐊᑑᑎᓲᖅ.

ᐃᓚᖓᓂᒃ ᑎᒥᒥᒍᑦ ᐱᕈᕐᐸᓕᐊᓂᕐᒥᓂ ᐱᔭᕐᓃᓕᐅᓲᑦ ᓇᓗᓕᖃᑦᑕᓱᑎᓪᓗ, ᑭᓯᐊᓂ ᐱᕈᕐᐸᓕᐊᓂᐅᑉ ᐃᓚᖓ. ᐃᓘᓐᓇᓯᐊᖏᓐᓄᑦ ᐊᑑᑎᔭᐅᓲᖅ - ᐊᖑᑎᓄᑦ ᐊᕐᓇᓄᓪᓗ. ᐃᓚᖏᑎᒍᑦ ᐊᓯᑦᔨᕈᑎᖏᑦ ᐊᑦᔨᒌᒐᓓᑦ ᓱᕈᓯᕐᓂ ᓂᕕᐊᕐᓯᐊᓂᓗ ᐃᓚᖏᓪᓗ ᐊᑦᔨᒌᖕᖏᑐᓪᓚᕆᐅᑦᓱᑎᒃ. ᓂᕆᑦᓯᐊᖃᑦᑕᕆᐊᖃᕐᑐᑦ, ᐃᙯᓕᓴᕐᓗᑎᒃ ᓯᓂᑦᓯᐊᖃᑦᑕᓗᑎᓪᓗ, ᐃᓅᓯᓕᒫᒥᓂ.

ᓱᕈᓰᑦ ᑎᒥᖏᑦ ᐊᓯᑦᔨᐸᓪᓕᐊᓯᓲᑦ ᐅᑭᐅᖃᓕᕋᒥᒃ ᖁᓕᐅᖕᖏᒐᕐᑐᓂᑦ 15-ᒧᑦ. ᐊᖑᑎᐅᑉ ᑎᒥᖓᑕ ᑎᓕᐅᕆᒍᑎᖏᑦ ᑎᒥᖓᓂᒃ ᐊᓯᑦᔩᓲᑦ. ᐃᑦᔪᒋᑦ ᑎᒥᖓᑕ ᑎᓕᐅᕆᒍᑎᖓᓂᒃ ᓴᓇᓯᑦᓱᑎᒃ.

ᑎᒥᐅᑉ ᐊᓯᑦᔨᓂᖓ ᐅᑭᐅᖃᑎᒌᖕᖏᑐᓂ ᐊᑑᑎᓲᖅ. ᐊᑐᓂᑦ ᓱᕈᓰᑦ ᐊᓯᑦᔨᐸᓪᓕᐊᒍᓯᓖᑦ. ᐃᓘᓐᓇᑕ ᐊᑦᔨᒌᖕᖏᑐᐃᓐᓇᐅᒐᑦᑕ.

ᓄᔭᖏᑦ ᑎᒥᖓᑕᓗ ᑎᐱᖓ
  • ᓇᐅᒃᑯᑐᐃᓐᓇᖅ ᒥᕐᖁᑖᓲᑦ: ᓴᕝᕕᒥᒍᑦ, ᑮᓇᕐᒥᒍᑦ, ᖁᓖᕐᒥᒍᑦ, ᓂᐅᒥᒍᑦ, ᐅᓂᕐᒥᒍᑦ ᓇᓕᒃᑳᒥᒍᓪᓗ.
  • ᐊᐅᒃᑲᓂᓂᕐᓴᐅᓕᕐᓱᑎᒃ ᑎᐸᖓᓗ ᐊᓯᑦᔨᓱᓂ.
ᑕᑭᓂᖓ ᐅᖁᒣᓐᓂᖓᓗ
  • ᑕᑭᓕᐅᒥᓲᑦ
  • ᓄᒃᑭᓱᑎᓪᓗ.
ᓂᐱᖓ
  • ᐃᒡᒋᐊᒥᒍᑦ ᓄᒃᑭᓲᑦ; ᖃᑎᑦᑐᓱᑎᒃ. ᐃᓚᖏᑦ ᓱᕈᓰᑦ “ᕿᖓᖕᖑᐊᑖᓲᑦ” ᖁᖓᓯᕐᒥᒍᑦ ᖃᑦᓯᑐᕐᑖᓲᑎᒃ ᐃᒡᒋᐊᒥᒍᑦ.
ᐅᕕᓂᖓ
  • ᐅᕕᓂᖓ ᐅᕐᓱᖃᓯᓲᖅ ᖁᐱᕐᕈᑖᕈᓐᓇᓱᓂ - ᖁᓖᕐᒥᒍᑦ, ᑭᓇᕐᒥᒍᑦ ᖁᖓᓯᕐᒥᒍᓪᓗ.ᖁᐱᕐᕈᓂᒃ ᐱᐅᖕᖏᓕᐅᒥᑎᑦᓯᓲᑦ ᓱᓇᒐᓓᑦ.
    • ᖁᐱᕐᕈᓂᒃ ᖄᕐᓯᓂᖅ - ᕿᓕᕈᕐᑖᓇᕐᑐᖅ
    • ᑮᓇᕐᓯᐅᑏᑦ ᐅᕐᓱᐃᔭᕈᑏᑦ
    • ᓯᕿᓐᓂᕌᕐᑕᐅᓗᐊᕐᓂᖅ
    • ᐅᖁᒣᓪᓕᐅᓂᖅ
  • ᐃᓚᖏᑦ ᖁᐱᕐᕈᓂᒃ ᐱᐅᓯᐅᒥᑎᑦᓯᓲᑦ
    • ᐅᓪᓛᑯᑦ ᐅᓐᓄᑯᓪᓗ ᑮᓇᕐᓂᐊᖃᑦᑕᓗᑎᑦ ᐅᕝᕙᐅᑎᓕᒻᒧᑦ
    • ᐅᖁᒣᓪᓕᐅᓗᐊᕐᑌᓕᓗᑎᑦ (ᓯᓂᑦᓯᐊᖃᑦᑕᓗᑎᑦ, ᓂᕆᑦᓯᐊᓗᑎᑦ ᐃᙯᓕᓴᖃᑦᑕᓗᑎᓪᓗ)
    • ᐋᓐᓂᐊᓯᐅᕐᑎᒧᑦ ᐅᖄᓗᑎᑦ (ᒥᖑᐊᕈᑎᖃᕐᒪᑦ ᐊᑦᔨᒌᖕᖏᑐᓂᒃ ᐋᓐᓂᐊᓯᐅᑎᓂᓪᓗ ᐃᑲᔪᕐᓯᒍᓐᓇᑐᓂᒃ)
ᐊᖑᑎᐅᒍᑎᖏᑦ
  • ᐅᓱᖓ ᐃᑦᔪᒋᓪᓗ ᐊᖏᓕᐅᒥᓲᒃ
ᐃᓱᒪᖏᑦ ᐃᑉᐱᓂᐊᒋᔭᖏᓪᓗ
  • ᐃᑉᐱᓂᐊᕐᓂᖏᑦ ᐊᓯᑦᔨᑕᕐᓱᑎᒃ; ᐃᑉᐱᒋᔭᖏᑦ ᐱᓗᐊᖕᖑᐊᑑᔮᕐᓱᑎᒃ
  • ᓄᓕᐊᕈᒪᓂᕐᒥᒃ ᐃᓱᒪᖃᖃᑦᑕᓱᓂ ᐃᑉᐱᓂᐊᕐᓱᓂᓗ
  • ᐃᑉᐱᒍᓱᓐᓂᖏᑦᑕ ᐊᓯᑦᔨᓂᖏᑦ ᐱᐅᓯᑐᐃᓐᓇᐅᔪᑦ, ᐃᓚᖓᓂᒃ ᐊᑦᔨᐅᖏᑦᑐᔫᔮᕐᓱᑎᒃ ᓵᖕᖓᒋᐊᖏᓪᓗ ᐅᖁᒦᑦᑑᓱᑎᒃ. ᑎᒥᖓᑕ ᐊᓯᑦᔨᐸᓪᓕᐊᓂᖓᓂ ᓱᖏᐅᑎᕙᓪᓕᐊᓲᖅ, ᐃᑉᐱᓂᐊᕐᑕᒥᓂᒃ ᐊᐅᓚᑦᓯᒍᓐᓇᓂᕐᓴᐅᓕᕐᓱᓂ.
ᑎᑦᓴᓂᖅ
  • ᐅᓱᒃ ᐊᕿᑦᑑᓲᖅ. ᐊᖑᑎ ᑎᑦᓴᓕᓲᖅ ᐅᓱᖓ ᐊᐅᑦᑕᓯᑐᐊᕐᒪᑦ ᐊᖏᓕᑦᓱᓂ ᓯᑎᓕᓲᖅ.
  • ᖃᖓᓕᒫᒃᑯᑦ ᑎᑦᓴᓕᕈᓐᓇᑐᖅ, ᓱᓇᑐᐃᓐᓇᒥᒃ ᐱᑦᔪᑎᖃᕐᓗᓂ. ᐃᓚᖓᓂᒃ ᑎᑦᓴᓲᖅ ᐊᑯᓂᐅᖕᖏᑐᐊᐱᒃ.
  • ᐱᕈᕐᐸᓕᐊᓂᕐᒥᓂ ᐊᖑᑎᐅᑉ ᑎᒥᖓᑕ ᑎᓕᐅᕆᒍᑎᖏᑦ ᖃᐸᓕᐅᕈᑎᐅᓲᑦ (ᖃᐸᖓ ᐃᒪᖃᕐᓱᓂ ᐅᐊᕈᑎᖓᓂᒃ). ᖃᐯᓲᖅ ᐅᓱᒻᒥᒍᑦ ᐊᓂᑦᓯᓱᓂ.
ᖃᐯᕐᑎᓂᖅ
  • ᐱᕈᕐᐸᓕᐊᓂᕐᒥᓂ ᐊᒥᓱᑦ ᓱᕈᓰᑦ ᓂᕕᐊᕐᓯᖓᓗ ᖃᐯᕐᑎᓲᑦ - ᓇᓕᒃᑳᒥᓂᒃ ᐊᑦᑑᔭᕐᓱᑎᒃ. ᑕᒪᓐᓇ ᐱᐅᓯᑐᐃᓐᓇᖅ ᖃᓄᐃᒐᓂᓗ ᐊᓕᐊᓇᕐᑑᓱᓂ.

ᓂᕕᐊᕐᓯᐊᑦ ᐱᕈᕐᐸᓕᐊᓲᑦ ᓯᑕᒪᐅᔪᖕᖏᒐᕐᑐᓂᒃ ᐅᑭᐅᖃᕐᓱᑎᒃ 13-ᓄᑦ. ᐊᕐᓇᐅᑉ ᑎᒥᖓᑕ ᑎᓕᐅᕆᖑᑎᖓ ᐊᓯᑦᔨᐸᓪᓕᐊᒍᑎᒋᓲᖓ ᑎᒥᒥᓂ. ᒪᓐᓂᖃᐅᑎᒋᒃ ᑎᓕᐅᕆᒍᑎᖓ ᐃᖏᕐᕋᓯᑦᓱᓂ.

ᑎᒥᐅᑉ ᐊᓯᑦᔨᓂᖓ ᐅᑭᐅᖃᑎᒌᖕᖏᑐᓂ ᐊᑑᑎᓲᖅ. ᐊᑐᓂᑦ ᓂᕕᐊᕐᓯᐊᑦ ᐊᓯᑦᔨᐸᓪᓕᐊᒍᓯᓖᑦ. ᐃᓘᓐᓇᑕ ᐊᑦᔨᒌᖕᖏᑐᐃᓐᓇᐅᒐᑦᑕ.

ᐃᕕᐊᒋᒃ

ᐃᕕᐊᒋᒃ ᐱᕈᕐᐸᓕᐊᓯᓲᒃ, ᐳᓪᓕᖃᑦᑕᓯᑦᓱᑎᒃ ᐋᓐᓂᐊᓕᕐᓱᑎᒃ. ᒧᓕᖃᐅᑎᖓ ᕿᕐᓂᓯᐅᒥᑦᓱᓂ. ᐃᕕᐊᖓᑕ ᐃᓪᓗᐊ ᐊᖏᓂᕐᓴᐅᓲᖅ. ᐃᓚᖏᑦ ᐊᒫᒣᓕᑕᕐᓯᒪᓲᑦ ᐊᓯᖏᑦ ᐊᑐᕐᒥᑎᓐᓇᒋᑦ.

ᓄᔭᖏᑦ ᑎᒥᖓᑕᓗ ᑎᐱᖓ

  • ᒥᕐᕿᓲᖅ ᐅᓂᕐᒥᒍᑦ ᓇᓕᒃᑳᒥᒍᓪᓗ
  • ᐊᐅᒃᑲᓂᖓᓂᐅᕐᓴᐅᓕᕐᓱᓂ ᑎᐸᖓᓗ ᐊᓯᑦᔨᓱᓂ
ᑕᑭᓂᖓ ᐅᖁᒣᓐᓂᖓᓗ
  • ᑕᑭᓕᐅᒥᓲᖅ; ᓯᕝᕕᐊᒋᓪᓗ ᓯᓕᑦᓯᐅᒥᑦᓱᑎᒃ
  • ᓯᕝᕕᒋᒃ ᓯᓕᑦᓯᐅᒥᑦᓱᑎᒃ, ᐅᑉᐸᑎᒋᓪᓗ ᓂᐅᒋᓪᓗ.
  • ᐃᓚᖏᑦ ᓂᕕᐊᕐᓯᐊᑦ ᓴᓗᓴᕆᐊᖃᕐᑐᕆᓯᓲᑦ, ᑭᓯᐊᓂ ᓯᓕᑦᓯᒋᐊᕐᓂᖅ ᓯᕝᕕᒥᒍᑦ ᐱᐅᓯᑐᐃᓐᓇᖅ ᐃᓄᒻᒪᕆᖕᖑᐸᓪᓕᐊᓂᕐᒥ.
ᓂᐱᖓ

ᓂᐱᖓ ᖃᑎᑦᑑᒥᓲᖅ

ᐅᕕᓂᖓ
  • ᐅᕕᓂᖓ ᐅᕐᓱᖃᓯᓲᖅ ᖁᐱᕐᕈᑖᕈᓐᓇᓱᓂ - ᖁᓖᕐᒥᒍᑦ, ᑭᓇᕐᒥᒍᑦ ᖁᖓᓯᕐᒥᒍᓪᓗ. ᖁᐱᕐᕈᓂᒃ ᐱᐅᖕᖏᓕᐅᒥᑎᑦᓯᓲᑦ ᓱᓇᒐᓓᑦ.
    • ᖁᐱᕐᕈᓂᒃ ᖄᕐᓯᓂᖅ - ᕿᓕᕈᕐᑖᓇᕐᑐᖅ
    • ᑮᓇᕐᓯᐅᑏᑦ ᐅᕐᓱᐃᔭᕈᑏᑦ
    • ᓯᕿᓐᓂᕌᕐᑕᐅᓗᐊᕐᓂᖅ
    • ᐅᖁᒣᓪᓕᐅᓂᖅ
  • ᐃᓚᖏᑦ ᖁᐱᕐᕈᓂᒃ ᐱᐅᓯᐅᒥᑎᑦᓯᓲᑦ
    • ᐅᓪᓛᑯᑦ ᐅᓐᓄᑯᓪᓗ ᑮᓇᕐᓂᐊᖃᑦᑕᓗᑎᑦ ᐅᕝᕙᐅᑎᓕᒻᒧᑦ
    • ᐅᖁᒣᓪᓕᐅᓗᐊᕐᑌᓕᓗᑎᑦ (ᓯᓂᑦᓯᐊᖃᑦᑕᓗᑎᑦ, ᓂᕆᑦᓯᐊᓗᑎᑦ ᐃᙯᓕᓴᖃᑦᑕᓗᑎᓪᓗ)
    • ᐋᓐᓂᐊᓯᐅᕐᑎᒧᑦ ᐅᖄᓗᑎᑦ (ᒥᖑᐊᕈᑎᖃᕐᒪᑦ ᐊᑦᔨᒌᖕᖏᑐᓂᒃ ᐋᓐᓂᐊᓯᐅᑎᓂᓪᓗ ᐃᑲᔪᕐᓯᒍᓐᓇᑐᓂᒃ)
ᐃᓱᒪᖏᑦ ᐃᑉᐱᓂᐊᒋᔭᖏᓪᓗ
  • ᐃᑉᐱᓂᐊᕐᓂᖏᑦ ᐊᓯᑦᔨᑕᕐᓱᑎᒃ; ᐃᑉᐱᒋᔭᖏᑦ ᐱᓗᐊᖕᖑᐊᑑᔮᕐᓱᑎᒃ
  • ᓄᓕᐊᕈᒪᓂᕐᒥᒃ ᐃᓱᒪᖃᖃᑦᑕᓱᓂ ᐃᑉᐱᓂᐊᕐᓱᓂᓗ
  • ᐃᑉᐱᒍᓱᓐᓂᖏᑦᑕ ᐊᓯᑦᔨᓂᖏᑦ ᐱᐅᓯᑐᐃᓐᓇᐅᔪᑦ, ᐃᓚᖓᓂᒃ ᐊᑦᔨᐅᖏᑦᑐᔫᔮᕐᓱᑎᒃ ᓵᖕᖓᒋᐊᖏᓪᓗ ᐅᖁᒦᑦᑑᓱᑎᒃ. ᑎᒥᖓᑕ ᐊᓯᑦᔨᐸᓪᓕᐊᓂᖓᓂ ᓱᖏᐅᑎᕙᓪᓕᐊᓲᖅ, ᐃᑉᐱᓂᐊᕐᑕᒥᓂᒃ ᐊᐅᓚᑦᓯᒍᓐᓇᓂᕐᓴᐅᓕᕐᓱᓂ.
ᖃᐯᕐᑎᓂᖅ
  • ᐱᕈᕐᐸᓕᐊᓂᕐᒥᓂ ᐊᒥᓱᑦ ᓱᕈᓰᑦ ᓂᕕᐊᕐᓯᖓᓗ ᖃᐯᕐᑎᓲᑦ - ᓇᓕᒃᑳᒥᓂᒃ ᐊᑦᑑᔭᕐᓱᑎᒃ. ᑕᒪᓐᓇ ᐱᐅᓯᑐᐃᓐᓇᖅ ᖃᓄᐃᒐᓂᓗ ᐊᓕᐊᓇᕐᑑᓱᓂ.

ᖃᐅᔨᒪᓇᓪᓚᕆᒍᑎᐅᓲᖅ ᓂᕕᐊᕐᓯᐊᖅ ᑎᒥᒥᒍᑦ ᐱᕈᕐᐸᓕᐊᓂᕐᒥᒃ ᐊᑑᑎᓯᑐᐊᕐᒪᑦ ᐊᐅᖃᖃᑦᑕᓯᓲᖑᒻᒪᑦ.

ᓱᓇᐅᕙ ?

ᒪᓐᓂᖃᐅᑎᒋᒃ ᑎᓕᐅᕆᒍᑎᑕᖏᑦ ᐃᖏᕐᕋᓯᓲᑦ ᒪᓐᓂᑕᖃᖃᑦᑕᓯᑦᓱᑎᒃ. ᑎᒥᖓᑕ ᑎᓕᐅᕆᒍᑎᖏᑦ ᒪᓐᓂᖓᓂᒃ ᐱᕈᕐᑎᓯᓲᑦ. ᑕᕐᕿᑕᒫᑦ, ᒪᓐᓂᖃᐅᑎᒋᒃ ᒪᓐᓂᒥᒃ ᐲᕐᓯᓲᒃ ᒪᓐᓂᖃᐅᑎᐅᑉ ᐊᕐᖁᑎᖓᓄᑦ. ᑎᒥᖓᑕᓗ ᑎᓕᐅᕆᒍᑎᖏᑦ ᐃᓪᓕᐊᖓᑕ ᑕᖃᖏᓐᓂᒃ ᐱᕈᕐᑎᓯᒍᑎᐅᑦᓱᑎᒃ. ᑖᒃᑯᐊ ᑌᔭᐅᓲᑦ ᐃᓪᓕᐊᑉ ᐊᒥᐊᕐᓂᖓᓂᒃ. ᐊᕐᓇᖅ ᐱᐊᕋᑦᓴᑖᑐᐊᕐᒪᑦ, ᑕᒡᒐᓂ ᐱᐊᕋᑦᓴᖓ ᐱᕈᕐᓴᓯᓲᖅ.

ᐊᕐᓇᖅ ᐱᐊᕋᑦᓴᑖᖕᖏᑐᐊᕐᒪᑦ, ᐃᓪᓕᐊᖓᑕ ᐊᒥᐊᕐᓂᖓ ᐲᓲᖅ ᒪᓐᓂᖓᓗ. ᑕᒪᓐᓇ ᐊᐅᖃᕐᓂᖅ. 

ᖃᓄᖅ ᐊᑯᓂ ?

ᐊᕐᓇᐅᑉ ᐊᐅᖃᕐᓂᖓ ᐱᒋᐊᕐᓂᖓᓂᑦ ᐃᓱᐊᓄᑦ - 25 ᐊᒻᒪᓗ 35 ᐅᓪᓗᐃᑦ ᐊᑯᓐᓂᖓᓂ ᐊᑑᑎᖃᑦᑕᓲᖅ.

ᐊᑐᓂᑦ ᓂᕕᐊᕐᓯᐊᑦ ᐊᑦᔨᒌᖕᖏᑐᑦ ᐊᐅᖃᓲᑦ ᐅᓪᓗᓂᒃ ᐱᖓᓱᓂᑦ ᓯᑕᒪᐅᔪᖕᖏᒐᕐᑐᓄᑦ. ᐊᑐᖕᖓᔪᑦᑐᑎᒍᑦ, ᓂᕕᐊᕐᓯᐊᑦ ᐊᐅᖃᓲᑦ ᐅᕐᕕᐅᔮᓘᓐᓂᒃ ᒪᕐᕈᓗᐊᓐᓂᒃ.

ᖃᖓᐅᓕᕐᒪᑦ ᓂᕕᐊᕐᓯᐊᑦ ᐊᐅᖃᓯᓲᖑᕙᑦ?

ᐊᐅᖃᕐᓂᖅ ᐱᕈᕐᐸᓕᐊᓂᕐᒥ ᐱᒋᐊᓲᖅ. ᖃᖓᓪᓚᕆᐅᓂᖓ ᖃᐅᔨᒪᓇᕋᓂ - ᐊᑐᓂᑦ ᓂᕕᐊᕐᓯᐊᑦ ᐊᑦᔨᒌᖕᖏᑐᑦ. ᐃᓚᖏᑦ ᓂᕕᐊᕐᓯᐊᑦ ᑭᓈᓗᓯᓲᑦ ᖁᕐᓱᑕᒥᒃ ᖃᑯᕐᑕᒥᓪᓘᓃᑦ, ᖃᐅᔨᒪᓇᕈᑎᐅᑎᓪᓗᒍ ᐊᐅᖃᕐᓂᖓᑕ ᐱᒋᐊᕆᐊᕕᓐᓂᖓᓂᒃ.

ᐋᓐᓂᐊᓂᖅ

ᐊᐅᓈᕐᓂᖅ ᐋᓐᓂᓇᖕᖏᑐᖅ. ᐃᓚᖏᑦ ᓈᓕᕆᓲᑦ ᐊᐅᖃᓚᐅᕋᑎᒃ ᐊᐅᖃᕐᓂᒥᓂᓪᓗ. ᐋᓐᓂᐊᒍᓂ ᐃᒣᑦᑐᑐᕈᓐᓇᑐᖅ:

  • ᐋᓐᓂᐊᒌᒃᑯᑎᑐᕈᓐᓇᑐᖅ
  • ᐆᓇᕐᑐᒥᒃ ᐊᑯᐊᕐᒥᒍᓐᓇᑐᖅ
  • ᐃᙯᓕᓴᖃᑦᑕᖁᓐᓇᑐᖅ
  • ᓄᓪᓚᑎᑦᓯᐊᕈᓐᓇᑐᖅ ᑕᙯᕆᐊᕐᓗᓂ

ᐊᐅᓈᕐᓂᒥᒃ ᐊᐅᓚᑦᓯᓂᖅ

ᓂᕕᐊᕐᓯᐊᖅ ᐃᓱᐊᕆᔭᒥᓂᒃ ᐊᑑᑎᖑᓐᓇᑐᖅ. ᐊᐱᕆᒍᒪᒍᓂ ᐋᓐᓂᐊᓯᐅᕐᑎᒧᑦ ᐊᕐᓇᒧᓪᓘᓃᑦ ᐃᓄᒻᒪᕆᒻᒧᑦ ᐅᖄᕕᖃᕈᓐᓇᑐᖅ.

ᐊᐅᓈᕈᑎ ᐃᓪᓕᐊᑉ ᐹᖓᓃᓲᖅ

Tampon

ᒥᑭᔫᑦᓱᓂ ᒥᓗᑦᓯᒍᓐᓇᑐᖅ ᐊᐅᒻᒥᒃ ᐃᓪᓕᐊᑉ ᐹᖓᓅᓲᖅ.

  • ᐅᑦᓱᒦᒍᓐᓇᑐᖅ ᑫᕙᓪᓚᒍᓯᕐᓂᒃ 4-ᓂᒃ 6-ᓄᑦ, ᐊᐅᓈᕐᓂᖓ ᒪᓕᓪᓗᒍ.
  • ᐊᖏᓂᖏᑦ ᓴᓇᒻᒪᖏᓪᓗ ᐊᑦᔨᒌᖕᖏᑐᑦ, ᐊᐅᓈᕐᓂᖓ ᒪᓕᓪᓗᒍ ᐊᑐᕐᑕᐅᒍᓐᓇᑐᑦ.
  • ᒪᓕᒐᖏᑦ ᐊᑐᕐᑕᐅᓯᐊᕆᐊᓖᑦ ᑌᒪᖕᖓᓕᒫᖅ.
  • ᓂᐅᕕᐊᖑᒍᓐᓇᑐᑦ ᓂᐅᕕᕐᓂᐊᕕᓐᓂ ᐋᓐᓂᐊᓯᐅᑎᑕᕐᕕᓂᓪᓘᓃᑦ.

ᐊᐅᖃᕐᑐᑦ ᓇᖏᖏ

ᒥᓗᑦᓯᒍᓐᓇᑐᖅ ᖃᕐᓕᑲᓪᓛᓄᑦ ᓂᐱᖕᖓᒍᓐᓇᓱᓂ ᓇᖏᖅ ᐊᐅᓈᕐᑐᒧᑦ ᐊᑐᕐᑕᐅᓲᖅ:

  • ᐊᖏᓂᖏᑦ ᓴᓇᒻᒪᖏᓪᓗ ᐊᑦᔨᒌᖕᖏᑐᑦ.
  • ᓂᐅᕕᐊᖑᒍᓐᓇᑐᑦ ᓂᐅᕕᕐᓂᐊᕕᓐᓂ ᐋᓐᓂᐊᓯᐅᑎᑕᕐᕕᓂᓪᓘᓃᑦ.

ᐊᑐᕐᑕᐅᒋᐊᓪᓚᒍᓐᓇᑐᑦ ᓇᖐᑦ

Re-usable pads

ᐊᓐᓄᕌᑦᓴᔭᖅ ᒥᓗᑦᓯᒍᓐᓇᓱᓂ: ᖃᕐᓕᑲᓪᓛᓄᑦ ᐃᒧᔭᐅᓲᖅ ᓅᕐᖃᔭᖕᖏᑐᓕᐊᕆᑦᓱᒍ.

  • ᐊᖏᓂᖏᑦ ᓴᓇᒻᒪᖏᓪᓗ ᐊᑦᔨᒌᖕᖏᑐᑦ.
  • ᐅᕝᕙᓗᒍ ᐊᑐᕐᑕᐅᒋᐊᓪᓚᒍᓐᓇᑐᖅ; ᑮᓇᐅᔦᖕᖓᓴᕐᓇᖏᑦᑐᖅ.
  • ᖃᕆᑕᐅᔭᒃᑯᑦ ᓂᐅᕕᐊᖑᒍᓐᓇᑐᖅ ᐊᓂᕐᕋᒥᓗᓐᓃᑦ ᓴᓇᓗᒍ. Tutorial

ᐊᐅᓇᕐᑑᑉ ᐃᕐᖑᓯᖓ

Menstrual cup

 

ᐅᑦᓱᒧᑦ ᓈᒻᒪᑐᖅ ᐃᕐᖑᓯᐊᐱᒃ:

  • ᐅᑦᓱᒦᒍᓐᓇᑐᖅ 12-ᓂ ᑫᕙᓪᓚᒍᓯᕐᓂ
  • ᐅᕝᕙᓚᐅᑲᑦᓱᒍ ᐊᑐᕐᑕᐅᒋᐊᓪᓚᓲᖅ
  • ᐊᖏᓂᖏᑦ ᓴᓇᒻᒪᖏᓪᓗ ᐊᑦᔨᒌᖕᖏᑐᑦ ᓂᕕᐊᕐᓯᐊᓯᐅᑏᑦ/ᐊᕐᓇᓯᐅᑏᓪᓗ.
  • ᖃᕆᑕᐅᔭᒃᑯᑦ ᓂᐅᕕᕈᓐᓇᑌᑦ: Diva cup, Lunette cup, Eva cup.