ᑎᒥᒐ ᓇᐅᑐᐃᓐᓇᒧᑦ ᕿᒥᕐᕈᒐᑦᓴᐅᖏᑦᑐᖅ

ᐊᑦᑑᔭᕐᓂᖅ ᐱᐅᔪᖅ ᐊᒻᒪᓗ ᐊᑦᑑᔭᕐᓂᖅ ᐱᐅᖕᖏᑐᖅ

ᐊᑦᑑᔭᕐᓂᖅ ᐱᐅᔪᖅ ᐃᓱᐊᕐᑐᖅ. ᐆᑦᑐᕋᐅᑎᒋᓗᒍ ᑯᓂᑦᑕᐅᒍᕕᑦ ᐊᓈᓇᑦᓯᐊᓄᑦ ᐊᑖᑕᑦᓯᐊᓄᑦ ᐃᕿᑕᐅᒍᕕᓪᓘᓃᑦ ᐃᓚᓐᓈᓄᑦ ᖃᑕᖕᖑᑎᓐᓄᓗᓐᓃᑦ. ᐊᑦᑑᔭᕐᓂᖅ ᐱᐅᖕᖏᑐᖅ ᐃᓱᐊᕐᑐᖏᑦᑐᖅ ᓇᓗᓇᕐᓱᓂᓗ.

ᓇᒻᒥᓂᖅ ᐊᑦᑑᔭᕈᓐᓇᑐᑎᑦ ᐊᓯᑎᓐᓄᑦ ᐊᑦᑑᔭᕐᑕᐅᖃᔭᖕᖏᑐᑎᑦ. ᐊᖏᕐᑎᓇᒃ ᐊᑦᑑᔭᕐᑕᐅᒍᓐᓇᖏᑦᑐᑎᑦ. ᐃᓄᒻᒪᕆᒻᒥᒃ ᐱᐊᕋᕐᒥᒃ ᐊᑦᑑᔭᑐᖃᑐᐊᕐᒪᑦ 16 ᐊᑖᓂ ᐅᑭᐅᓕᒻᒥᒃ ᖁᓄᔪᕐᓂᐊᓂᐅᔪᖅ.

ᐱᐊᕃᑦ ᐅᕕᒃᑫᓗ ᖃᐅᔨᒪᒋᐊᖃᕐᑐᑦ ᐃᓅᓯᕐᒥᓂ ᐃᓄᓕᒫᓃᒍᓐᓇᑐᓂᒃ ᓱᓀᓪᓗ ᐃᓄᓕᒫᓄᑦ ᕿᒥᕐᕈᔭᐅᒍᓐᓇᖏᒻᒪᖔᑕ. ᑌᒣᒍᑎᒃ ᐊᑦᑕᓇᕐᑐᒦᒐᔭᖕᖏᑐᑦ ᐊᓯᖏᓪᓗ ᐊᑦᑕᓇᕐᑐᒦᒐᔭᕋᑎᒃ. 

ᐃᓄᓕᒫᑦ ᓇᔪᒐᖏᑦ

  • ᐃᓕᓐᓂᐊᕕᒃ, ᐃᓕᓐᓂᐊᑎᑦᓯᕕᒃ
  • ᑐᑦᓯᐊᕕᒃ
  • ᖁᐃᔭᕐᑐᕖᑦ
  • ᐱᖕᖑᐊᕕᒃ
  • ᐊᑐᐊᒐᖃᐅᑎ
  • ᓂᐅᕕᕐᓂᐊᕕᒃ

ᐃᓄᓕᒫᓄᑦ ᓇᔪᒐᐅᖕᖏᑐᑦ

  • ᖃᕆᐊᖅ/ᐃᓪᓗᐊᕈᓯᑦ
  • ᐃᓘᓐᓇᓂᐊᕐᕕᒃ ᐅᕝᕙᕕᒃ

 

ᐃᓄᓕᒫᓂ ᐱᐅᓯᕆᔭᐅᓲᑦ

  • ᐃᒐᓂᖅ
  • ᑕᓚᕖᓴᕐᓂᖅ
  • ᐃᓕᓐᓂᐊᕆᐊᕐᓂᖅ
  • ᓂᐅᕕᕐᓂᐊᓂᖅ
  • ᐱᖕᖑᐊᓂᖅ

ᐃᓄᓕᒫᓄᑦ ᑕᑯᔭᐅᓲᖑᖕᖏᑐᑦ ᐱᐅᓰᑦ

  • ᖁᐃᔭᕐᑐᕕᓕᐊᕐᓂᖅ
  • ᒥᕐᖑᐃᔭᕐᓂᖅ
  • ᐅᕝᕙᓂᖅ
  • ᐊᓐᓄᕌᕐᓂᖅ ᐅᓯᕐᑎᓂᕐᓘᓃᑦ
  • ᓇᒻᒥᓂᖅ ᐊᑦᑑᔭᕐᓂᖅ/ᖃᐯᕐᑎᓂᖅ

ᐃᓄᓕᒫᓄᑦ ᑕᑯᔭᐅᒍᓐᓇᑐᑦ ᑎᒥᓐᓂ

  • ᐃᓄᓕᒫᓄᑦ ᑕᑯᔭᐅᒍᓐᓇᑐᑦ - ᓂᐊᖁᐃᑦ, ᐊᒡᒐᑎ, ᑕᓖᒃᑭᒃ
  • ᐊᑦᑐᑕᐅᒐᓗᐊᕐᐸᑕ ᖃᓄᐃᖕᖏᑐᖅ(ᓭᒨᕐᓂᖅ, ᒥᖏᑎᒥᓂᒃ ᐊᑦᑑᑎᖃᑎᖃᕐᓂᖅ, ᖁᓖᒃᑯᑦ ᐸᑎᑦᑕᐅᓂᖅ)
  • ᐊᑐᓂᑦ ᐊᑦᑐᑕᐅᒍᑎᑦᑎᓂᒃ ᐃᓱᐊᕆᔭᓖᓐᓇᐅᔪᒍᑦ ᖃᐅᔨᒪᑦᓱᑕ ᖃᓄᐃᑦᑑᔪᑦᓴᐅᒪᖔᑦ. ᐱᐅᓂᕐᐸᐅᓲᖅ ᐊᐱᕆᕐᖄᕆᐊᒥᒃ.

ᐃᓄᓕᒫᓄᑦ ᑕᑯᔭᐅᒍᓐᓇᖏᑦᑐᑦ ᑎᒥᓐᓂ

  • ᐳᐃᑦᔪᕋᐅᑎᐅᑉ ᖃᕐᓕᑲᓪᓚᐱᓪᓘᓃᑦ ᐃᓂᖏᑦ - ᐊᕐᓇᐅᑉ ᐊᖑᑎᐅᓪᓗ ᕿᑐᕐᖏᐅᕈᑎᖏᑦ
  • ᐃᓅᑉ ᓇᐅᒃᑯᑐᐃᓐᓇᖅ ᐊᑦᑐᑕᐊᐅᒍᒪᖕᖏᓂᖓ
  • ᑎᒥᑉᐱᑦ ᑕᑯᔭᐅᒋᐊᖃᖕᖏᓂᖏᑦ ᐃᓄᓕᒫᓂ ᓄᐃᑕᒋᐊᖃᖕᖏᑐᑦ
  • ᐊᖏᕐᓯᒪᖕᖏᓗᑎᑦ ᐊᑦᑐᑕᐅᒍᓐᓇᖏᑦᑐᑎᑦ ᑕᑯᔭᐅᒍᓐᓇᓇᓪᓗ ᑕᑯᔭᐅᒋᐊᖃᖕᖏᑐᒃᑯᑦ