ᐃᒥᐊᓗᒃ, ᑐᐹᑭ, ᐋᖓᔮᓐᓇᑐᓪᓗ

ᐃᒥᐊᓗᓐᓂᖅ, ᑐᐹᕿᓐᓂᖅ ᐋᖓᔮᓐᓇᑐᕐᑑᒪᓂᕐᓗ ᑎᒥᑦᑎᓂᒃ ᓱᒃᑯᐃᒍᓐᓇᐳᑦ, ᐃᓱᒪᑦᑎᓂᒃ ᐃᓅᖃᑎᑦᑎᓂᓪᓗ.

ᐃᓄᐃᑦ ᐃᒥᓲᑦ, ᑐᐹᑭᓲᑦ ᐋᖓᔮᓐᓇᑐᕐᑐᓱᑎᓪᓗ ᐊᑦᔨᒌᖕᖏᑐᓂᒃ ᐱᑦᔪᑎᖃᕐᓱᑎᒃ.

  • ᐃᕿᐊᖕᖑᓱᑎᒃ
  • ᑌᒣᒃᑯᐊᒥᓄᑦ ᐊᔭᐅᕐᑕᐅᓱᑎᒃ
  • ᐃᓚᒥᓂᒃ ᐃᓚᓐᓇᒥᓂᒃ ᑕᑯᖃᑦᑕᓱᑎᒃ ᐊᑐᕐᑐᓂᒃ ᑕᒪᒃᑯᓂᖓ
  • ᐅᖁᒣᓪᓕᐅᓂᕐᒥᓂᒃ ᐋᓐᓂᐊᓂᕐᒥᓂᒃ ᐊᒡᒋᐅᒪᒍᑎᒋᑦᓱᒍ
  • ᑕᓚᕖᓴᖅ, ᑕᕐᕋᓕᔮᒉᑦ, ᓂᑦᔭᓗᑦᑖᑏᑦ “ᐊᓕᐊᓇᕈᓇᐅᑎᑦᓯᒪᑕ” “ᐃᑦᓯᓇᕐᑎᓯᑦᓱᓂᓗ”

ᐃᒥᐊᓗᒃ ᓱᒃᑫᓕᑎᑦᓯᓲᖅ ᖃᕆᑕᐅᑉ ᐱᒻᒪᕆᓐᓂᒃ ᐃᖏᕐᕋᒍᑎᖏᓐᓂᒃ ᑎᒥᐅᓪᓗ.

  • ᑐᑭᑖᑦᓯᐊᕈᓐᓇᖏᑦᑐᖅ
  • ᑎᒥᒥᓂᒃ ᐊᐅᓚᑦᓯᓯᐊᕈᓐᓇᖏᑦᑐᖅ
  • ᐃᑉᐱᓂᐊᕐᓂᖏᑦ ᐅᖓᑖᓄᓗᐊᕐᑐᑦ
  • ᑕᐅᑐᑦᓯᐊᕈᓐᓀᑐᖅ
  • ᐅᖄᑦᓯᐊᕈᓐᓀᑐᖅ
  • ᑐᓵᑦᓯᐊᕈᓐᓀᑐᖅ

ᐃᒥᐊᓗᒻᒧᑦ ᓱᒃᑯᑕᐅᓂᖅ ᐊᑑᑎᓲᖑᕗᖅ ᐅᖓᑖᓄᓗᐊᖅ ᐃᒥᐊᓗᑦᑐᖃᑐᐊᕐᒪᑦ.

  • ᒥᕆᐊᑎᒋᕖᖕᖓᓕᕐᓱᓂ
  • ᖃᐅᔨᒪᒍᓐᓀᓱᓂ ᓯᓂᒍᒪᓕᕐᓱᓂ
  • ᐊᓂᕐᑎᕆᑦᓯᐊᖃᔦᕐᓱᓂ
  • ᕿᕐᓱᓱᓂ
  • ᑐᖁᑦᓱᓂ

ᐃᒥᐊᓗᖕᖏᒍᑎᑦᓭᑦ:

  • ᐅᐃᕆᒪᓂᕐᓗᓂ - ᑎᒥᒥᒍᑦ ᐃᓱᒪᒥᒍᓪᓗ ᐅᐃᕆᒪᒍᑎᑖᕐᓗᓂ, ᓄᕐᖃᖃᔦᒪᓕᕐᓗᓂ ᓱᕐᕋᑕᐅᖕᖏᓗᓂ.
  • ᑐᑭᑖᑦᓯᐊᖏᓐᓂᓴᐅᒐᔭᕐᑐᖅ ᓱᕐᕋᑕᐅᓚᕿᓗᓂ - ᓄᓕᐊᖃᑦᑕᓗᓂ ᓴᐳᒻᒥᓯᒪᒐᓂ, ᓄᓕᐊᕐᓂᑯᑦ ᐋᓐᓂᐊᑖᓚᕿᒍᓐᓇᓗᓂ ᐱᐊᕋᑦᓴᑖᕐᓗᓂᓗᓐᓃᑦ; ᐋᓐᓂᑕᐅᒍᓐᓇᑐᖅ ᑐᖁᓚᕿᒍᓐᓇᓱᓂᓗ ᐃᒫᕐᓗᓂ, ᐃᖏᕐᕋᑎᓂᒃ ᐊᑐᕐᓗᓂ ᐊᕐᖁᓴᕈᓐᓇᑐᖅ, ᐹᓗᓂ ᐃᒻᒥᓂᐊᕐᓗᓂᓗᓐᓃᑦ.
  • ᑎᒥᒧᑦ ᐱᐅᖕᖏᑐᖅ - ᖁᐃᑦᑎᓇᕐᑐᖅ, ᐊᐅᑉ ᓯᖑᔭᓐᓂᖓᓂᒃ ᑭᖏᑦᓯᑕᕐᑎᓯᓲᖅ ᑎᖑᒻᒥ, ᐆᒻᒪᑎᒥᒃ ᖃᕆᑕᕐᒥᓗ ᓱᒃᑯᐃᒍᓐᓇᑐᖅ.
  • ᐱᐊᕋᑦᓴᖃᕐᓗᓂ ᐃᒥᐊᓗᖃᑦᑕᕈᓂ ᐱᐊᕋᕐᑖᕈᓐᓇᑐᖅ ᐃᒥᐊᕐᓗᒻᒧᑦ ᓱᕐᕋᑕᐅᓯᒪᔪᒥᒃ.

ᑐᐹᑭ ᑎᒥᐅᑉ ᓱᓇᓕᒫᑦᓯᐊᖓᓂᒃ ᓱᕐᕃᓲᖅ ᐋᓐᓂᐊᒪᕆᑦᑖᕈᑎᐅᒍᓐᓇᓱᓂᓗ. ᑐᐹᑭᓐᓂᒥ ᓱᕐᕋᑕᐅᓲᑦ ᓄᐃᑕᓪᓗᕆᑦᑐᑯᑦ:

  • ᑭᒍᑎᖏᑦ ᖁᕐᓱᓯᑦᓱᑎᒃ
  • ᖃᓂᕐᓱᓂᐅᑦᓱᓂ
  • ᐅᕕᓂᖓ ᑕᐅᑦᑐᖃᑦᓯᐊᕋᓂ
  • ᐃᒧᓪᓗᑖᕐᓇᓱᓂ
  • ᖁᕐᓱᓯᓂᐅᑦᓱᑎᒃ ᐃᓄᒐᖏᑦ

ᐱᖁᔭᑎᒍᑦ ᐊᖏᕐᑕᐅᓯᒪᖕᖏᑐᓂᒃ ᐊᖏᕐᑕᐅᓯᒪᔪᓂᓪᓗ ᐋᖓᔮᓐᓇᑐᖃᕐᑐᖅ. ᐃᓄᒃ ᐅᐃᕆᓯᒪᒍᓐᓇᑐᖅ ᓇᓪᓕᑐᐃᓐᓇᖏᓐᓄᑦ ᓄᕐᖃᕋᓱᒋᐊᒥᓪᓗ ᐱᔭᕐᓃᓕᐅᕋᔭᕐᓱᓂ. ᐊᖓᔮᓐᓇᑐᑦ ᐃᓄᒻᒧᑦ ᐊᓕᐊᓱᑫᓐᓇᕈᑎᐅᓲᑦ ᐊᑯᓃᖕᖏᑐᒥᒃ. ᐊᑐᑯᑖᖃᑦᑕᓕᑐᐊᕋᒥ ᑭᑦᓴᓕᓲᖅ ᑲᑕᖓᓕᕐᓱᓂ ᐋᖓᔮᓐᓇᑐᕐᑐᓗᓂ ᑭᓯᐊᓂᐅ ᐊᓕᐊᓱᒍᓐᓇᑑᔮᓕᕐᓱᓂ. ᐊᓕᐊᓱᒍᒪᒍᕕᑦ, ᕿᑦᑌᖓᔮᑦᓯᐊᓗᑎᑦ ᐱᒐᓱᐊᕈᒪᓂᖃᑦᓯᐊᓗᑎᑦ ᐋᖓᔮᓐᓇᑐᕐᑐᑌᓕᖃᑦᑕᕆᑦ.

ᐱᖁᔭᑎᒍᑦ ᐊᖏᕐᑕᐅᓯᒪᖕᖏᑐᑦ

  • ᐅᔭᕋᖅ/ᓄᓇᔭ/ᓱᐴᕈᑎᕐᓗᒃ
  • ᐅᔭᕋᖅ
  • ᐅᔭᕋᖅ ᖃᐅᒪᔪᖅ
  • ᐊᐳᑎ
  • Heroin ᕿᐊᕈᒋᓐ ᑲᐴᑎᒨᓲᖅ
  • Methamphetamine (“meth”) ᑲᐴᑎᒨᓲᖅ
  • ᐄᕐᖃᒐᖅ Ecstasy

ᐊᖏᕐᑕᐅᓯᒪᔪᑦ ᐱᖁᔭᑎᒍᑦ ᐊᖓᔮᓐᓇᑐᑦ

  • ᐋᓐᓂᐊᓯᐅᕐᑕᐅᒍᑏᑦ (ᐋᓐᓂᐊᒌᒃᑯᑎ OxyContin)
  • ᐋᓐᓂᐊᓯᐅᑏᑦ ᓂᐅᕕᐊᖑᒍᓐᓇᑐᑦ (ᓂᐊᖁᕐᓯᐅᑏᑦ, ᓴᓗᓴᐅᑏᓪᓗ)

 

ᖃᓄᐃᓘᕐᓗᑎᑦ ᐱᒍᒪᖕᖏᓂᕋᕈᓐᓇᕿᑦ

ᐃᓚᓐᓈᑎᑦ ᐃᓚᑎᓪᓗ ᐋᖓᔮᓐᓇᑐᕐᑐᑎᓪᓗᒋᑦ ᕿᐱᓗᒋᐊᒥᒃ ᐱᔭᕐᓃᓕᐅᕋᔭᕐᑐᑎᑦ ᑭᓯᐊᓂ ᐱᖃᑎᐅᒋᐊᑐᖕᖏᑐᑎᑦ.

ᐃᓚᖏᑦ “ᐊᐅᑲ” ᓚᑐᐃᓐᓇᓲᑦ

  • ᐊᐅᑳᑐᐃᓐᓇᓗᑎᑦ
  • ᐱᑦᔪᑎᓕᐅᕐᓗᑎᑦ. “ᐃᓕᓐᓂᐊᕈᑎᓕᕆᒋᐊᖃᕋᒪ/ᐯᒋᐊᖃᕋᒪ/ᐊᓈᓇᑦᓯᐊᑯᒃᑲᓕᐊᕆᐊᖃᕋᒪ. ᐃᒥᕐᓂᕈᒪ/ᐋᖓᔮᓐᓇᑐᕐᑐᓂᕈᒪ ᓱᕐᙯᔦᓛᕐᒥᒐᒪ.”
  • ᑲᑎᖃᑎᒌᑦᑐᓂ ᐃᒥᐊᓘᖕᖏᑐᒥᒃ ᐃᒥᕐᓗᑎᑦ.

ᐊᔭᐅᕐᑕᐅᒍᕕᑦ ᐅᑯᐊ ᐅᖃᐅᓯᕆᒍᓐᓇᑕᑎᑦ

  • ᐅᖃᓲᑦ “ᑭᓇᓕᒫᒃᑯᑦ ᐋᖓᔮᓐᓇᑐᕐᑑᒪᔪᑦ.”
    ᑭᐅᓗᒋᑦ, “ᑭᓇᓕᒫᒃᑯᑦ ᐋᖓᔮᓐᓇᑐᕐᑐᓲᖑᖕᖏᑐᑦ. ᐃᓚᐅᖕᖏᑐᖓ.”
  • ᐅᖃᓲᑦ “ᐋᖓᔮᓐᓇᑐᑦ ᐊᓕᐊᓱᓕᕐᓇᑐᑦ.”
    ᑭᐅᓗᒋᑦ “ᐊᓕᐊᓱᒌᕐᖁᖓ, ᑕᒪᓐᓇᓗ ᓱᕐᕋᕈᒪᓇᒍ.”
  • ᐅᖃᓲᑦ “ᐃᓚᓐᓈᕆᑐᐊᕈᕕᖕᖓ, ᐊᖓᔮᕐᓇᑐᕐᑐᖃᑎᒋᓚᖓᕙᕐᒪ.”
    ᑭᐅᓗᒍ “ᐊᓕᐊᒋᓪᒪᕆᑦᑕᒋᑦ. ᐊᖓᔮᓐᓇᑐᓂᒃ ᐊᓕᐊᒋᔭᖃᖕᖏᑐᐃᓐᓇᖁᖓ.”
  • ᐅᖃᓲᑦ “ᑖᒃᑯᐊ ᐱᐅᔪᐊᓗᐃᑦ.”
    ᑭᐅᓗᒍ “ᖃᐅᔨᒪᕗᖓ ᖃᓂᒻᒪᓲᒥᒃ, ᑕᒪᓐᓇ ᐱᐅᔫᒐᓛᖕᖏᑐᖅ.”
  • ᐅᖃᓲᑦ “ᖃᐅᔨᔭᐅᓚᖓᑦᔭᖏᓪᓚᑎᑦ”
    ᑭᐅᓗᒍ “ᖃᐅᔨᔭᐅᓚᕿᒍᒪᖕᖏᓚᖓ, ᐊᓂᑎᑕᐅᕐᖃᔦᕈᓐᓇᕋᒪ ᑎᒍᔭᐅᓗᖓᓗᓐᓃᑦ.”

ᓱᖃᑦᓯᒍᑎᑦᓴᑖᕐᓗᑎᑦ

  • ᐊᓯᖓᓂᖔᖅ ᓱᖃᑦᓯᒍᑎᖃᕐᓗᑎᑦ - ᐊᑐᐊᕐᓯᒍᓐᓇᑐᑎᑦ, ᑕᕐᕋᓕᔭᕈᓐᓇᑐᑎᑦ, ᓱᖃᑦᓯᖃᑎᒌᑦᑐᓄᑦ ᐃᓚᒋᔭᐅᒍᓐᓇᑐᑦ.

ᐃᓕᓐᓂᐊᕆᑦ ᑐᑭᓯᒪᓂᐊᕋᕕᑦ

  • ᑐᑭᓯᒐᓱᑦᓯᐊᓗᑎᑦ ᖃᐅᔨᓴᕐᓗᑎᓪᓗ ᑐᑭᑖᑦᓯᐊᓂᐊᕋᕕᑦ ᖃᓄᐃᖕᖏᓯᐊᕐᓂᕆᒋᐊᓕᓐᓂᒃ. ᑐᑭᓯᒋᐊᓪᓚᒍᓐᓇᑐᑎᑦ ᐅᕙᖕᖓᑦ TeensHealth - Drugs and Alcohol.