ᐃᒥᐊᓗᒃ ᐱᔾᔪᑎᒋᓪᓗᒍ ᓱᓕᙱᑦᑐᑦ ᐊᒻᒪ ᓱᓕᔪᑦ

ᓱᓕᙱᑦᑐᖅ: ᐃᒥᐊᓗᒃᐸᒃᖢᓂ ᐱᐅᔪᖅ ᓴᐃᓕᓐᓇᕐᒪᑦ ᐹᑎᖅᑐᓂᒡᓗ ᖁᕕᐊᓱᖕᓇᖅᖢᓂ.
ᓱᓕᔪᖅ: ᐃᒥᐊᓗᒃᓯᒪᓪᓗᓂ ᖃᓄᑐᐃᓐᓇᑦᑎᐊᖅ ᐅᖃᓪᓗᐊᙱᑕᕐᒥᒃ ᐅᖃᕐᓇᖅᑐᖅ ᐊᒻᒪ ᐱᓕᕆᓪᓗᐊᖏᑕᕐᒥᒃ ᐱᓕᕆᓐᓇᖅᑐᖅ. ᓲᕐᓗ: ᐅᓇᑕᑲᑕᓕᕐᓇᖅᑐᖅ, ᐅᓲᑉ ᐴᖏᓐᓂᒃ ᐊᑐᖏᓪᓗᓂ ᓄᓕᐊᕐᓇᖅᑐᖅ, ᐅᕝᕙᓘᓐᓃᑦ ᐃᓅᓯᕐᓄᑦ ᐊᓯᕕᓪᓘᓐᓃᑦ ᐃᓅᓯᖏᓐᓄᑦ ᐊᑦᑕᕐᓇᖅᑐᒃᑰᕈᑎᒋᓐᓇᖅᑐᖅ ᐅᔾᔨᑦᑎᐊᙱᓐᓂᖏᓐᓄᑦ, ᐊᑦᑕᕐᓇᖅᑐᒥᒡᓗ ᐱᐅᓯᖃᓕᕐᓂᖏᓐᓄ.

ᓱᓕᙱᑦᑐᖅ: ᐃᒥᐊᓗᒃᓯᒪᓪᓗᖓ “ᐊᕐᓇᑦᑎᐊᕙᐅᓕᓲᖑᔪᖓ−ᐊᖑᑎᑦᑎᐊᕙᐅᓕᓲᖑᔪᖓ”.
ᓱᓕᔪᖅ: ᑕᕐᕆᔮᒃᓴᑦ, ᑕᓚᕖᓴᑦ, ᐊᒻᒪ ᑐᓴᕐᓈᒐᒃᓴᑦ ᑕᑯᒃᓴᐅᑎᑦᑎᓲᖑᙱᑦᑐᑦ “ᐊᕐᓇᑦᑎᐊᕙᐅᙱᔾᔪᑎᓂᒃ ᐊᖑᑎᑦᑎᐊᕙᐅᙱᔾᔪᑎᓂᒃ” ᐃᒥᐊᓗᒃᓯᒪᑎᓪᓗᒋᑦ−ᒥᕆᐊᒃᓴᑲᑕᒃᖢᑎᒃ, ᖃᐅᔨᒪᔪᓐᓃᖅᖢᑎᒃ, ᖁᐃᒃᑎᖦᖢᑎᒃ, ᐅᕐᕈᔮᖅᖢᑎᒃ, ᐅᐃᕆᑐᐃᓐᓇᕆᐊᖃᖅᖢᑎᒃ, ᓱᕋᒍᑎᒋᓗᒍᓗ ᐃᓅᓯᕐᒥᓄᑦ ᐊᓯᖏᑦᑕᓗ ᐃᓅᓯᖏᓐᓄᑦ.

ᓱᓕᙱᑦᑐᖅ: ᐃᒥᐊᓗᒃ ᓱᕋᒍᑕᐅᓐᓇᙱᓐᓂᖅᓴᖅ ᐊᓯᖏᓐᓂᒃ ᐋᖓᔮᕐᓇᖅᑐᓂᒃ.
ᓱᓕᔪᖅ: ᐃᒥᐊᓗᒃ ᑐᖁᓐᓇᖅᑐᓂᒃ ᐋᓐᓂᐊᖅᑖᕈᑎᒋᔪᓐᓇᖅᑕᑦ ᐊᓯᖏᓐᓂᒡᓗ ᐋᖓᔮᕐᓇᖅᑐᓂᒃ ᐊᑐᕈᑎᒋᔪᓐᓇᖅᑕᑦ. ᐱᕐᔪᐊᕌᓗᖕᓂ ᐋᓐᓂᕈᑎᒋᔪᓐᓇᖅᑕᑦ, ᐃᒻᒥᓃᕈᑎᒋᔪᓐᓇᖅᑕᑦ, ᑭᕕᔾᔪᑎᒋᔪᓐᓇᖅᑕᑦ, ᐃᓄᐊᖅᓯᔾᔪᑕᐅᔪᓐᓇᖅᖢᓂᓗ ᐃᒥᐊᓗᒃᓯᒪᔪᓄᑦ. ᐃᒥᐊᓗᒃᑐᑦ ᑐᐊᕕᓗᐊᖅᖢᑎᒃ ᑐᖁᓐᓇᖅᑐᖏᓐᓂᒃ ᓂᐅᖅᑲᓲᑦ, ᑐᖁᔾᔪᑎᒋᔪᓐᓇᖅᑕᖏᓐᓂᒃ.