ᓄᓕᐊᕐᓂᖅ ᑐᑭᖃᕐᑐᖅ ᐊᒥᓱᓂ ᐊᔾᔨᒌᙱᑦᑐᓂᑦ. ᐃᓅᑉ ᓄᓕᐊᕐᐸᒃᓂᖓ ᑭᓱᓕᒫᓂ ᐃᓗᓕᓕᒃ ᑎᒥᖓᑕ ᑭᓲᓂᖓ, ᐃᒃᖠᒍᓱᖕᓃᑦ, ᑭᓇᐅᓇᓱᒋᓂᖅ ᓇᔾᔨᓂᖕᒧᑦ ᕿᑐᕐᖏᐅᕐᓂᖕᒧᓪᓗ. ᓄᓕᐊᕐᓂᖅ ᐱᒻᒪᕆᐅᕗᖅ ᐃᓚᒋᔭᐅᓪᓗᓂ ᐃᓄᓕᒫᓂ. ᓄᓕᐊᕐᓂᓕᕆᓂᖅ ᐃᓚᖃᕋᓗᐊᕐᖢᓂ ᐊᒥᓱᓂᑦ, ᑕᒪᖕᒥᒃ ᐊᑐᕐᑕᐅᔪᐃᓐᓇᐅᕙᙱᓚᑦ ᓴᖅᑭᑕᐅᓪᓗᑎᒃᓘᓐᓃᑦ. ᐃᓅᑉ ᓄᓕᐊᕈᓯᖏᑦ ᐃᓚᖃᕐᐳᖅ ᑎᒥᒥ, ᐃᓱᒪᒥ, ᐃᒃᐱᖕᓂᐊᓂᖕᒥᑦ, ᐃᓅᖃᑎᖃᕐᓂᖅ ᑕᕐᓂᒃᑯᓪᓗ ᖃᓄᐃᙱᑦᑎᐊᕐᓂᖕᒥᑦ. ᓄᓕᐊᕐᓂᒃᑯᑦ ᖃᓄᐃᙱᑦᑎᐊᕐᓂᖅ ᐱᒻᒪᕆᐅᕗᖅ ᑕᒪᐃᓐᓄ ᑎᒥᒧ ᖃᓄᐃᙱᑦᑎᐊᕐᓂᖕᒧᓪᓗ.
ᓄᓕᐊᕐᓂᖅ ᑐᑭᖃᐅᕈᓘᔭᕋᓗᐊᕐᖢᓂ ᑕᐅᔭᐅᔪᑦ ᖁᓛᓂ, ᐃᓚᖃᕐᒥᔪᖅᑕᐅᖅ ᓄᓕᐊᖕᓂᖕᓂᑦ − ᖁᔭᒃᓗᓂ.
| ᓴᖁᓗᖕᓂᖅ | ᐃᓄᒃ ᐊᒃᑐᓗᓪᓗᓂ ᐃᒻᒥᒥ ᐊᖕᒪᓂᖏᓐᓂᑦ (ᐅᓗᐊᙳᐊᒃᑯ/ᐅᑦᑐᒃᑯ ᐅᓱᖕᒥᒍᓪᓘᓐᓃᑦ) ᓄᓕᐊᕐᓂᖕᒧᑦ. |
| ᐊᒡᒐᒥᓄ ᓄᓕᐊᕐᓂᖅ | ᐃᓄᒐᙳᐊᒥᓄ ᐊᒡᒐᒥᓄᓪᓘᓐᓃᑦ ᐊᑐᕐᖢᓂ ᐊᖕᒪᓂᖏᒍ (ᐅᓗᐊᙳᐊᒃᑯ/ᐅᑦᑐᒃᑯᑦ ᐅᓱᒃᒥᒍᓪᓘᓐᓃᑦ). |
| ᖃᓂᕐᒥᒍ ᓄᓕᐊᕐᓂᖅ | ᖃᓂᕐᒥᓄ, ᐊᑐᕐᖢᓂ ᐊᖕᒪᓂᖏᒍ (ᐅᓗᐊᙳᐊᒃᑯ/ᐅᑦᑐᒃᑯᑦ ᐅᓱᒃᒥᒍᓪᓘᓐᓃᑦ). |
| ᐅᒃᑐᒃᑯᑦ ᓄᓕᐊᕐᓂᖅ | ᐅᓱᓂ ᐴᕐᖢᓂᐅᒃ ᐱᙳᐊᒥᓪᓘᓐᓃᑦ ᓄᓕᐊᕈᑎᒥ ᐅᒃᑐᐊᓄᐊᕐᓯᓪᓗᓂ. |
| ᐃᑎᒃᑯᑦ ᓄᓕᐊᕐᓂᖅ | ᐴᕐᖢᓂᐅᒃ ᐅᓱᒃ ᓄᓗᐊᕈᑎᒥᓪᓘᓐᓃᑦ ᐱᙳᐊᒥ ᐃᑎᐊᓄ (ᐅᒃᐸᑖᓂ ᐊᖕᒪᓂᖅ). |
ᐱᒻᒪᕆᐅᕗᖅ ᐃᖅᑲᐅᒪᓂᐊᕐᓗᓂ ᓄᓕᐊᖃᑦᑕᕐᓂᖅ ᐊᐃᑦᑐᕐᓗᖃᑦᑕᕐᒪᑕ ᐅᕝᕙᓘᓐᓃᑦ ᐸᖕᓇᒃᓯᒪᙱᖦᖢᓂ ᓇᔾᔨᓂᖅ. ᓇᔾᔨᑦᑕᐃᓕᓛᖑᓐᓇᕐᑐᖅ ᖁᐱᕐᕆᑦᑕᐃᓕᓗᓂᓗ ᐱᖃᑎᖃᖃᑦᑕᙱᓪᓗᓂ − ᓄᓕᐊᙱᓪᓗᑎᒃ. ᓄᓕᐊᕐᓂᐊᕐᕈᕕᑦ, ᓴᐳᒻᒥᔾᔪᑎᕐᓯᒪᐃᓐᓇᐅᔭᕐᓗᑎᒃ (ᑲᓱᕐᕕᒃ ᐅᓗᕆᐊᓇᙱᑦᑐᒃᑯᑦ ᓄᓕᐊᕐᓂᖅ ᒪᒃᐱᒐᖓ).
ᓴᖁᓗᖕᓂᑦ ᐊᑦᑕᖕᓇᙱᓛᖅ ᓄᓕᐊᕐᓂᖕᒧᑦ ᐃᓄᒃ ᓇᔾᔨᓕᔾᔮᙱᒻᒪ ᖁᐱᕐᕆᔾᔮᓇᓂᓗ ᓴᖁᓗᒃᓗᓂ. ᓴᖁᓗᖕᓂᖅ ᓇᖕᒥᓂᖅ ᐃᓱᒪᖅᓲᑕᐅᕗᖅ. ᑕᐃᒪᐃᒐᔪᒃᑐᑦ ᐊᒥᓱᓪᓗ (ᑕᒪᖕᒥᒃ ᐊᖑᑎᑦ ᐊᕐᓇᓪᓗ) ᓴᖁᓗᖔᕈᒪᕙᒃᐳᑦ. ᓴᖁᓗᖃᑦᑕᕐᓂᕐᖅ ᖃᓄᐃᙱᑦᑐᖅ ᖃᓄᐃᓐᓇᓂᓗ ᐃᓄᖕᓄ ᖃᐅᔨᕙᓪᓕᐊᓕᕐᓗᓂᔾᔪᒃ ᓄᓕᐊᕈᓯᒥᓂ ᐃᓕᑦᑎᓗᑎᒃᓗ ᑭᓱ ᐊᓕᐊᓇᐃᒻᒪᖔ ᑭᓱᓗ ᐊᓕᐊᓇᐃᙱᒻᒪᖔᑦ.