ᑐᑭᓯᒋᐊᕆᐊᓪᓚᕕᒃᐅᑉᐱᕈᓯᖕᖑᐊᖅ: ᐃᒥᐊᓗᓐᓂᖅ ᓄᓪᓚᖓᒍᑎᑦᓯᐊᖅ ᐊᓕᐊᓇᕐᓱᓂᓗ ᑲᑎᖃᑎᒌᑦᑐᓂ.
ᓱᓕᔪᖅ: ᐃᒥᐊᓗᒃ ᐅᖃᕋᔭᖕᖏᑕᑎᓐᓂᒃ ᐅᖃᓚᕿᒍᑎᒋᓲᑦ ᐱᐅᓯᖃᕈᑎᒋᓚᕿᑦᓱᒍᓗ. ᐆᑦᑐᕋᐅᑎᒋᓗᒍ: ᐹᓕᕐᓱᑎᑦ, ᓄᓕᐊᕐᓱᑎᑦ ᓴᐳᑎᓯᒪᓇᒃ ᐃᓅᓯᕐᓂᒃ ᐊᑦᑕᓇᕐᑐᒦᑎᑦᓯᓱᑎᑦ, ᐱᐅᓯᖃᕐᓱᑎᑦ ᐊᑦᑕᓇᕐᑐᒥᒃ.
ᐅᑉᐱᕈᓯᖕᖑᐊᖅ: ᐃᒥᐊᓗᑐᐊᕋᒪ “ᐱᐅᔫᔪᖓ”
ᓱᓕᔪᖅ: ᑕᕐᕋᓕᔮᒉᑦ, ᑕᓚᕖᓴᖅ ᓂᑦᔭᓗᑦᑖᕈᑏᓪᓗ “ᐱᐅᖕᖏᑑᑎᑦᓯᖏᑦᑐᑦ” ᐃᒥᐊᓗᓐᓂᒥᒃ - ᒥᕆᐊᑎᕆᓂᖅ, ᓯᓂᓰᓐᓇᓂᖅ, ᖁᐃᑦᑎᓂᖅ, ᐹᓪᓚᑲᑦᑕᓂᖅ, ᐅᐃᕆᒪᓂᕐᓘᑎᑖᕐᓂᖅ ᐃᓅᓯᕐᓂᒃ ᐊᓯᑉᐱᓗ ᐃᓅᓯᖏᓐᓂᒃ ᓱᒃᑯᐃᓂᖅ.
ᐅᑉᐱᕈᓯᖕᖑᐊᖅ: ᐃᒥᐊᓗᒃ ᐊᓯᖏᓐᓂᑦ ᐋᖓᔮᓐᓇᑐᓂᑦ ᓱᒃᑯᓇᖕᖏᓂᕐᓴᖅ
ᓱᓕᔪᖅ: ᐃᒥᐊᓗᒃ ᐊᒥᓱᓂᒃ ᐋᓐᓂᐊᑖᓚᕿᒍᑎᐅᒍᓐᓇᑐᖅ ᑐᖁᒍᑎᐅᒍᓐᓇᑐᓂᒃ ᐊᓯᖏᓐᓂᑦ ᐋᖓᔮᓐᓇᑐᓂᑦ. ᐋᓐᓂᒪᕆᒍᓐᓇᑐᑎᑦ, ᕿᕕᑦᑐᖃᓲᖅ, ᐃᒫᕐᑐᖃᓲᖅ ᐃᓄᐊᕐᑐᖃᓲᖅ ᐃᒥᐊᓗᑦᑐᓂᒃ. ᐃᒥᐊᓗᓗᐊᕐᓂᖅ ᓱᑲᑦᑐᒥᒃ ᓱᒃᑯᕈᑎᐅᒍᓐᓇᑐᖅ, ᑐᖁᓚᕿᒍᑎᒋᒍᓐᓇᑌᑦ.