ᐱᕙᓪᓕᐊᔪᑦᓇᔾᔨᐊᖏᖅᑕᐅᓃᑦ ᐊᑦᑕᕐᓇᙱᑦᑐᒃᑯᑦ ᐊᒻᒪᓗ ᒪᓕᒐᖅᑎᒍᑦ ᓇᔾᔨᒍᓐᓃᕐᓇᖅᑐᑦ. ᒪᕐᕈᓪᓗᐊᑕᕐᓂᒃ ᐋᓐᓂᐊᕕᑎᒍᑦ ᓇᔾᔨᐊᙱᖅᑕᐅᓂᕐᒥᑦ ᐱᑕᖃᖅᑐᖅ: ᐱᓚᑦᑐᐃᕕᒻᒥ ᓇᔾᔨᐊᖏᖅᑕᐅᓂᖅ (ᑎᒥᐅᑉ ᐃᓗᐊᒍᑦ ᐱᓕᕆᓲᑦ) ᐊᒻᒪᓗ ᐄᔭᒐᕐᓄᑦ ᓇᔾᔨᐊᙱᖅᑕᐅᓂᖅ (ᐄᔭᒐᕐᓂᒃ ᐊᑐᕐᓗᑎ).
ᐱᓚᑦᑐᐃᕕᒻᒥ ᓇᔾᔨᐊᖏᖅᑕᐅᓃᑦ ᐊᑐᖅᑕᐅᒐᔪᓐᓂᖅᐹᖑᓲᑦ ᑲᓇᑕᒥ.
ᐄᔭᒐᕐᓄᑦ ᓇᔾᔨᐊᖏᖅᑕᐅᓃᑦ ᒫᓐᓇᕈᓘᓚᐅᖅᑐᖅ ᐊᑐᖅᑕᐅᓕᕋᑖᕐᓂᑰᔪᑦ ᑲᓇᑕᒥ. ᒪᓂᒪᑎᑕᐅᓲᖅ ᓇᔾᔨᓕᕋᑖᖅᑐᖃᖅᑎᓪᓗᒍ — ᑎᑭᓪᓗᒍ 7-ᓄᑦ ᐱᓇᓱᐊᕈᓯᕐᓄᑦ ᐅᓪᓗᖓᓂ ᓯᕗᓪᓕᖅᐹᖓᓂ ᑭᖑᓪᓕᖅᐹᒥᑦ ᐊᐅᓈᖅᑐᖃᖅᑎᓪᓗᒍ.
ᑕᒪᒃᑮ ᐊᑦᑕᕐᓇᙱᑦᓱᑎᒃ ᐱᓕᕆᐊᕆᔭᐅᓲᒃ ᐊᒻᒪᓗ ᖃᐅᔨᒪᔭᐅᙱᑦᑐᑦ ᐊᑦᑐᖅᓯᒐᔭᕐᒪᖔᑦ ᓯᕗᓂᑦᓴᒥᑦ ᓇᔾᔨᓂᐅᔪᓄᑦ. ᑕᒪᒃᑭᑲᓴᑦ ᓇᔾᔨᐊᖏᖅᑕᐅᓃᑦ ᑲᒪᒋᔭᐅᓲᑦ ᓯᕗᓪᓕᖅᐹᖏᓐᓂᒃ 12-ᓂᒃ ᐱᓇᓱᐊᕈᓯᕐᓂᒃ ᓇᔾᔨᔪᖃᖅᑎᓪᓗᒍ.
ᐊᑭᖃᓲᖑᕚ ᓇᔾᔨᐊᖏᖅᑕᐅᓂᐊᕐᓗᓂ?
ᓄᓇᕗᒻᒥ, ᓇᔾᔨᐊᖏᖅᑕᐅᓃᑦ ᐊᑭᖃᙱᑦᑐᑦ ᓄᓇᑖᖃᑕᐅᓯᒪᔪᓄᑦ, ᐊᒻᒪᓗ ᓄᓇᑖᖃᑕᐅᓯᒪᙱᑦᑐᑦ ᐊᑭᓖᖃᑎᖃᕆᐊᓖᑦ ᖃᖓᑦᑕᐅᑎᑦᓴᓄᑦ ᐅᑎᐅᑎᓄᑦ.
ᐊᐅᓪᓚᕆᐊᖃᕋᔭᖅᑯᖔ ᓇᔾᔨᐊᖏᖅᑕᐅᒋᐊᖃᕈᒪ?
ᐃᓄᐃᑦ ᓄᓇᖓᓐᓂ, ᐊᒥᓲᓂᖅᓴᐃᑦ ᓇᔾᔨᐊᖏᖅᑕᐅᓲᑦ ᐋᓐᓂᐊᕕᒻᒥ. ᑕᒪᓐᓇ ᑐᑭᖃᖅᑐᖅ ᐊᐅᓪᓚᑐᐃᓐᓇᕆᐊᖃᖅᑐᑎᑦ ᓄᓇᓕᑉᐱᑦ ᐊᓯᐊᓄᑦ ᓇᔾᔨᐊᖏᖅᑕᐅᓂᐊᕋᕕᑦ. ᑕᑯᔭᑦᓴᐅᒍᒪᓐᓂᕈᕕᑦ, ᓄᓇᓕᑦᓯ ᐋᓐᓂᐊᕕᖓᓅᕐᓗᑎᑦ.
ᐃᑲᔪᖅᓱᖅᑕᐅᓂᖅ
ᐃᖅᑲᐅᒪᓗᑎᑦ, ᐃᕝᕕᑐᐊᑦᓯᐊᖅ ᐃᓱᒪᓕᐅᕆᒍᓐᓇᕋᕕᑦ ᓇᓕᐊᒃ ᓇᓖᕌᕈᑎᑦᓴᖅ ᐃᓕᓐᓄᑦ ᐱᐅᓛᖑᒻᒪᖔᖅ. ᓇᓖᕋᕈᑎᑦᓴᓐᓄᑦ ᐊᐱᖅᑯᑎᑦᓴᖃᕈᕕᑦ, ᐅᖄᓚᒍᓐᓇᖅᑐᑎᑦ ᐱᓕᕆᔨᐅᔪᑦ ᑲᓇᑕᒥ ᓄᓕᐊᕐᓂᓕᕆᓂᕐᒥᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᓂᒃ (Action Canada for Sexual Health and Rights): 1-888-642-2725 (24 ᐃᑲᕐᕋᑦ, 7 ᐅᓪᓗᐃᑦ ᐱᓇᓱᐊᕈᓯᕐᒥ).
ᐅᕝᕙᓘᓐᓃᑦ ᓄᓇᑦᓯᐊᕐᒥᐅᑕᐅᒍᕕᑦ ᐅᕝᕙᓘᓐᓃᑦ ᕿᑎᕐᒥᐅᓂ ᓄᓇᕗᒻᒥ, ᐅᖄᓚᒍᓐᓇᖅᑐᑎᑦ ᐅᑭᐅᖅᑕᖅᑐᒥ ᓇᓖᕌᕈᑎᑦᓴᓄᑦ ᐊᕐᓇᓄᑦ (Northern Options for Women – NOW) ᐅᕗᖓ 1-888-873-5710.