ᓄᓕᐊᓚᖓᒋᐊᒥᒃ ᑐᑭᑖᑐᐊᕈᕕᑦ, ᓴᐳᒻᒥᓯᒪᑦᓯᐊᖏᓐᓇᓕᒫᕆᐊᖃᕐᖁᑎᑦ ᓄᓕᐊᕐᓂᑯᑦ ᐋᓐᓂᐊᑖᕆᔭᐅᒍᓐᓇᑐᓂᑦ. ᓴᐳᒻᒥᒋᐊᖃᕐᓱᑎᓪᓗ ᐱᐊᕋᑦᓴᑖᕐᑌᓕᓗᑎᑦ ᐱᐊᕋᕐᑖᓂᕐᒧᑦ ᐊᑐᐃᓐᓴᐅᖏᓐᓂᓕᒫᕐᓂ.
ᐅᓲᑉ ᐴᖏᑦ ᖃᓂᐅᓪᓗ ᐴᖏᑦ - ᑎᒥᒃᑯᑦ ᐱᔭᐅᒌᒃᑯᑏᑦ - ᓴᐳᒻᒥᓯᐊᕈᓐᓇᓂᕐᐹᑦ ᓄᓕᐊᕐᓂᑯᑦ ᐋᓐᓂᐊᑖᖑᒍᓐᓇᑐᓂᑦ. ᐅᓲᓪᓗ ᐴᖓ ᐱᐊᕋᑦᓴᑖᕇᒃᑯᑎᐅᒍᓐᓇᓱᓂ.
ᐊᒥᓱᓂᒃ ᐱᐊᕋᕐᑖᕇᒃᑯᑎᖃᕐᒥᔪᖅ ᑭᓯᐊᓂ ᓄᓕᐊᕐᓂᑯᑦ ᐋᓐᓂᐊᑖᕇᒃᑯᑎᐅᖕᖏᑐᑦ. ᑕᑯᒋᐊᕈᓐᓇᑐᑎᑦ ᑕᒃᑯᐊ ᐊᑐᐊᒌᑦ ᐃᓱᐊᓂ. ᐊᒥᓱᑦ ᐱᐅᓂᕐᐸᐅᓂᕃᓲᑦ ᑎᒥᒃᑯᑦ ᐱᔭᐅᒌᒃᑯᑎᓂᒃ ᐃᓱᐊᕐᓂᐸᐅᓂᕃᑦᓱᑎᒃ ᐋᓐᓂᐊᑖᕐᑌᓕᓂᕐᒧᑦ ᐱᐊᕋᑦᓴᑖᕐᑌᓕᓂᕐᒧᓗ.
ᐅᑯᐊ ᐊᖑᑎᐅᑉ ᐴᖓᓂᒃ ᐊᑐᕈᓰᑦ ᓇᓗᓇᖕᖏᑐᑦ:
ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.
ᐅᓱᒃ ᓯᑎᓕᑉᐸᑦ (ᑎᑦᓴᓕᕐᐸᑦ) ᐱᒋᐊᕐᓗᑎᑦ. ᐅᕕᓂᖓ ᐅᓲᑉ ᓄᓱᓪᓗᒍ, ᑭᐱᔭᐅᓯᒪᖕᖏᑐᐊᕐᐸᑦ.
ᐅᓲᑉ ᐴᖓ ᑲᐅᑎᑎᓪᓗᒍ.
ᐅᓱᓕᒫᖅ ᐴᕐᓗᒍ ᒥᓕᑕᐅᑎᑦᓯᐊᓗᒍ ᐊᒡᒐᐱᑦ ᐃᓪᓗᐊᓄᑦ.
ᖃᐯᕇᕈᕕᑦ, ᐅᓲᑉ ᐴᖓ ᑎᒍᒥᐊᕐᓗᒍ ᐅᑦᓱᒥᑦ ᐲᓯᒍᕕᐅᒃ ᓈᕕᔨᐊᕆᑦᑌᓕᓗᒍ. ᐲᕐᓗᒍ ᖃᐸᑦᑕᖃᕐᓂᖓ ᑎᒍᒥᐊᕐᓗᒍ.
ᐅᓲᑉ ᐴᖓ ᐊᑐᕇᕈᕕᐅᒃ ᓴᓂᖃᐅᑎᒨᕐᓗᒍ, ᖁᕐᕕᒨᖕᖏᑐᖅ. ᑖᑦᓱᒥᖓᑦᓭᓇᖅ ᐅᓲᑉ ᐴᖓᓂᒃ ᐊᑐᕆᐊᓪᓚᒍᓐᓇᖏᑦᑐᑎᑦ.
ᐅᓲᑉ ᐅᑦᓲᓗ ᐴᖏᑦ ᐊᑐᕐᓂᖃᑦᓯᐊᕈᓐᓇᑐᑐᐊᑦ ᐊᑐᑦᓯᐊᑕᐅᑐᐊᕋᒥᒃ. ᐅᑯᐊ ᒪᓕᓪᓗᒋᑦ ᐱᐊᕋᑦᓴᑖᕐᑌᓕᒍᓐᓇᑐᑎᑦ ᓄᓕᐊᕐᓂᑯᓪᓗ ᐋᓐᓂᐊᑖᕐᑌᓕᓗᑎᑦ.
ᐃᓄᐃᑦ ᐃᓚᖏᑦ ᖁᓄᓪᓕᓲᑦ ᕿᓪᓕᑐᔭᖓᓄᑦ. ᖁᓄᓪᓕᑐᐊᕋᒥᒃ ᖃᓯᓕᓕᓲᑦ, ᐅᖏᓚᓕᕐᓱᑎᒃ ᐳᓪᓕᓕᕐᓱᑎᓪᓘᓃᑦ ᐴᕐᒥᒃ ᐊᑐᕐᑐᕕᓂᐅᑦᓱᑎᒃ. ᖁᓄᓪᓕᕈᕕᑦ ᐁᑉᐯᓗᓐᓃᑦ ᖁᓄᓪᓕᐸᑦ ᐆᑦᑐᕈᓐᓇᑐᑎᑦ ᐊᓯᐊᓂᒃ. ᐋᓐᓂᐊᓯᐅᕐᑎᒧᑦ ᓇᓪᓕᑳᑎᓪᓗᑎᑦ ᐃᑲᔪᕐᑕᐅᒍᓐᓇᑐᑎᑦ.
ᐊᕐᓇᐅᑉ ᐴᖓ ᖃᐅᓯᓕᕐᑎᓯᒪᒌᕐᑐᖅ ᐱᐊᑦᑑᒌᕐᑐᖅ, ᐃᓱᒋᒃ ᑕᒪᒋᒃ ᐊᑕᒍᑎᖃᕐᓱᑎᒃ. ᖃᐯᕐᕆᐅᒍᓐᓇᑐᖅ ᓄᓕᐊᕐᓂᒥᓂ ᖃᐯᕐᑎᓗᒍᓗ.
ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.
ᖃᐅᓯᓕᕐᑎᕈᑎᒋᐊᓪᓚᑕᑦᓯᒍᓐᓇᑌᑦ.
ᐊᑕᒍᑎᖏᑦ ᐃᓕᑦᓯᐊᓗᒋᑦ.
ᐅᑦᓲᑉ ᐴᖓ ᐅᑦᓱᒋᑦ ᐃᓗᐊᓅᕐᓗᒍ.
ᐃᓅᒑᒃᑭᓄᑦ ᐴᖅ ᑐᕐᖁᓗᒍ ᐊᕗᖓᐅᓕᒍᓐᓇᕕᓕᒫᖓᓄᑦ ᑲᐅᑎᑎᑦᓯᐊᓗᒍ. ᐴᖅ ᐊᐅᓚᑦᔭᕈᓇᐅᑎᑦᑌᓕᑦᓯᐊᓗᒍ. ᓯᓚᑖᓂ ᐊᑕᒍᑎᖓ ᐅᑦᓲᑉ ᓯᓚᑖᓃᒋᐊᓕᒃ.
ᓄᓕᐊᕐᓂᓂ ᐅᓱᒃ ᐴᑉ ᐱᓗᐊᓃᑎᑦᓯᐊᓗᒍ. ᐅᓱᒃ ᑕᐅᒪᙰᓐᓵᑎᑦᑌᓕᓗᒍ. ᐅᓱᒻᒧᓗ ᐴᑦ ᑫᒥᑕᐅᓪᓗᐊᑌᓕᓗᓂ ᐅᑦᓲᑉ ᐃᓗᐊᓂ.
ᓄᓕᐊᕐᑕᐅᒌᕈᕕᑦ ᐴᖅ ᐲᕐᓗᒍ. ᓯᓚᓪᓕᖓ ᐊᑕᒍᑎᖓ ᒪᑐᕐᖄᓗᒍ ᐊᒧᓯᓗᒍ.
ᐴᖅ ᐊᑐᑫᓐᓇᑌᑦ ᓴᓂᖃᐅᑎᒨᕐᓗᒍ ᖁᕐᕕᒨᖕᖏᑐᖅ. ᑖᑦᓱᒥᖓᑦᓭᓇᖅ ᐊᑐᕈᓐᓇᖏᑦᑐᑎᑦ.
ᐅᑦᓲᑉ ᐴᖓᓂᒃ ᐊᑐᕆᐅᕐᓴᕈᓐᓇᑐᑎᑦ ᓄᓕᐊᕐᓗᑎᑦ ᐊᑐᒪᐅᕐᓇᒃ. ᐃᓱᐊᕆᔭᕐᓂᒃ ᐋᕐᕿᖃᕐᓗᑎᑦ - ᐅᑯᖓᓗᑎᑦ, ᓇᓚᓗᑎᑦ ᓂᑯᕐᕋᓗᑎᓪᓘᓃᑦ ᓂᐅᑉᐱᑦ ᐃᓪᓗᐊ ᐃᑦᓯᕙᐅᑕᒦᑦᑎᓗᒍ. ᐅᑦᓲᑉ ᐴᖓᓂᒃ ᐊᑐᕈᓐᓇᑐᑎᑦ ᑫᕙᓪᓚᒍᓰᑦ ᓯᑕᒪᐅᔪᕐᑐᑦ ᓯᕗᓂᖓᒍᑦ ᓄᓕᐊᓚᐅᕐᓇᒃ.
ᐅᓲᑉ ᐅᑦᓲᓗ ᐴᖏᑦ ᐊᑐᕐᓂᖃᑦᓯᐊᕈᓐᓇᑐᑐᐊᑦ ᐊᑐᑦᓯᐊᑕᐅᑐᐊᕋᒥᒃ. ᐅᑯᐊ ᒪᓕᓪᓗᒋᑦ ᐱᐊᕋᑦᓴᑖᕐᑌᓕᒍᓐᓇᑐᑎᑦ ᓄᓕᐊᕐᓂᑯᓪᓗ ᐋᓐᓂᐊᑖᕐᑌᓕᓗᑎᑦ.
ᐃᓄᐃᑦ ᐃᓚᖏᑦ ᖁᓄᓪᓕᓲᑦ ᕿᓪᓕᑐᔭᖓᓄᑦ. ᖁᓄᓪᓕᑐᐊᕋᒥᒃ ᖃᓯᓕᓕᓲᑦ, ᐅᖏᓚᓕᕐᓱᑎᒃ ᐳᓪᓕᓕᕐᓱᑎᓪᓘᓃᑦ ᐴᕐᒥᒃ ᐊᑐᕐᑐᕕᓂᐅᑦᓱᑎᒃ. ᖁᓄᓪᓕᕈᕕᑦ ᐁᑉᐯᓗᓐᓃᑦ ᖁᓄᓪᓕᐸᑦ ᐆᑦᑐᕈᓐᓇᑐᑎᑦ ᐊᓯᐊᓂᒃ. ᐋᓐᓂᐊᓯᐅᕐᑎᒧᑦ ᓇᓪᓕᑳᑎᓪᓗᑎᑦ ᐃᑲᔪᕐᑕᐅᒍᓐᓇᑐᑎᑦ.
ᖃᓂᐅᑉ ᐴᖓ ᓄᓕᐊᕐᓂᑯᑦ ᐋᓐᓂᐊᑖᕇᒃᑯᑎᐅᒍᓐᓇᑐᖅ. ᐅᑦᓱᒥᒃ ᐃᑎᕐᒥᓗ ᒥᓕᑦᓯᒪᑎᑦᓯᓱᓂ ᖃᓂᕐᒥᓄᑦ ᓄᓕᐊᕐᓂᒥᓂ. ᐅᑯᐊ ᒪᓕᓪᓗᒋᑦ ᓇᒻᒥᓂᖅ ᓴᓇᒍᓐᓇᑐᑎᑦ. ᑭᑦᔭᐅᑏᖃᕆᐊᖃᕐᑐᑎᑦ ᐊᖑᑎᓯᐅᑎᒥᓪᓗ ᐅᓲᑉ ᐴᖓᓂᒃ.
ᖃᖓ ᐊᑐᕐᙯᔭᕆᐊᖃᕐᒪᖔᑦ ᖃᐅᔨᒐᓱᐊᑦᓯᐊᓗᒍ ᒪᑐᐃᑦᓯᐊᓗᒍᓗ.
ᑭᑦᔭᐅᑏᓐᓄ ᐃᓱᐊ ᓇᑲᓪᓗᒍ ᓄᕗᐊᓗ, ᓯᒃᑭᑕᓕᐊᕆᓗᒍ.
ᖃᓂᐅᑉ ᐴᖓ ᐅᑦᓱᒥᒃ ᒥᓖᑎᓪᓗᒍ ᐃᑎᕐᒥᓗᓐᓃᑦ ᐊᔭᑉᐹᓯᓗᒍ. ᐃᕝᕕᑦ ᓄᓕᐊᖃᑏᓪᓘᓃᑦ ᐊᑕᑎᑦᓯᓯᐊᕆᐊᓕᒃ ᑎᒍᒥᐊᑦᓯᐊᓗᒍ ᐊᑐᑦᓯᐊᓚᖓᖕᖏᒪᑦ ᑌᒣᖕᖏᑯᓂ. ᑖᑦᓱᒥᖓᑦᓭᓇᖅ ᖃᓂᕐᓂᒃ ᐴᖃᕐᑎᓯᒍᓐᓇᖏᑦᑐᑎᑦ ᒧᒥᑎᒍᓐᓇᓇᒍᓗ.