ᑐᑭᓯᒋᐊᕆᐊᓪᓚᕕᒃᐱᐊᕋᕐᑖᓂᖅ ᐱᒻᒪᕆᐅᑦᓱᓂ ᑐᑭᑖᕈᑎᐅᒋᐊᓕᒃ. ᐱᐊᕋᖅ ᐃᓅᓯᕐᓂᒃ ᓱᕐᕃᓚᕆᓲᖑᒻᒪᑦ. ᐱᐊᕋᑖᖃᑎᖃᕈᕕᑦ ᐃᓄᑑᑦᔨᒍᕕᓪᓘᓃᑦ, ᐅᑯᐊ ᐃᓱᒪᑦᓴᓯᐅᕈᑎᒋᒋᐊᓕᑎᑦ.
ᕿᑐᕐᖓᑖᕐᓂᒨᑦ ᐊᑐᐃᓐᓇᐅᕗᖓ ?
ᐁᑉᐸᕋᓘ ᓇᓪᓕᒋᐅᑎᑦᓯᐊᖁᒍᒃ ᐊᓕᐊᓱᑦᓯᐊᖁᒍᒃ ? ᓴᐳᒻᒥᔭᐅᒍᓐᓇᓯᐊᓚᖓᕗᖔ ᓇᓪᓕᒋᔭᐅᓗᖓ ?
ᐱᐊᕃᑦ ᐁᑉᐸᕇᓐᓂᒥ ᐅᖁᒣᓪᓕᐅᕈᑎᐅᓲᑦ. ᑲᖐᒋᖏᓐᓇᕆᐊᖃᕐᓱᑎᒃ ᖃᖓᓕᒫᖅ ᐅᓪᓗᑯᑦ ᐅᓐᓄᐊᑯᓪᓗ.ᐅᖁᒣᓪᓕᐅᓕᕈᑎᐅᒍᓐᓇᑐᑦ, ᐁᑉᐸᕇᑦᓯᐊᑑᒐᓗᐊᓂ.
ᐃᓄᑑᑦᔨᒍᕕᑦ ᐱᐊᕋᕐᓂᒃ, ᓴᐳᒻᒥᔨᖃᕆᐊᖃᕐᑐᑎᑦ ᓲᖑᔪᓂᒃ - ᐃᓚᓐᓈᑎᓐᓂᒃ, ᐃᓚᑎᓐᓂᒃ ᓴᐳᒻᒥᒍᓐᓇᑐᓂᒃ ᐃᑲᔪᕐᓗᑎᓪᓗ ᐃᓕᓐᓂᐊᒃ ᐱᐊᕋᕐᓂᓗ.
ᐱᐊᕋᕋᓃᒃ ᐆᒪᑦᓯᒍᓐᓇᖁᖓ ?
ᐱᐊᕃᑦ ᐃᓂᖃᕆᐊᖃᕐᐳᑦ ᐊᓕᐊᓇᕐᑐᒥᒃ, ᖃᓄᐃᖕᖏᓯᐊᕐᑐᒥᒃ ᐊᑦᑕᓇᖕᖏᑐᒥᒃ ᐊᓂᕐᕋᖃᕐᓗᑎᒃ. ᓂᕆᑦᓯᐊᖃᑦᑕᕆᐊᖃᕐᑐᑦ, ᖁᐃᖏᓕᑕᖃᑦᓯᐊᓗᑎᒃ, ᐱᖕᖑᐊᖃᕐᓗᑎᒃ ᐊᓐᓄᕌᖃᑦᓯᐊᓗᑎᓪᓗ. ᐊᖓᔪᕐᖄᕆᔭᐅᔫᒃ ᑭᓇᐅᔭᓕᐅᕈᓐᓇᓯᐊᕆᐊᓖᒃ ᑕᒪᒃᑯᓂᖓ ᐱᖃᕐᑎᓯᒍᑎᒋᓂᐊᕐᑕᒥᓂᒃ.
ᐱᐊᕃᑦ ᑲᒪᒋᒋᐊᖃᓲᑦ ᐱᔭᕆᐊᑐᔫᑦᓱᑎᓪᓗ. ᑕᒑ ᐱᕕᑦᓴᖃᑦᓯᐊᕿᑦ ᐱᐊᕋᓕᕆᑦᓯᐊᕈᓐᓇᓚᖓᓗᑎᑦ ᐃᓅᓯᕐᓂ ᐊᑑᑎᔭᑎᑦ ᑕᑯᑦᓱᒋᑦ?
ᐃᓅᓯᕋᓃ ᐊᓯᑦᔨᑕᐅᒐᓗᐊᕐᐸᑦ ᐱᐊᕋᕐᒧᑦ ᐊᑐᐃᓐᓇᐅᕗᖓ ?
ᐃᓅᓯᖅ ᐱᐊᕋᕐᑖᑐᐊᕋᒥ ᐊᓯᑦᔨᓚᕆᓲᖅ. ᐊᖓᔪᕐᖄᕆᔭᐅᔫᒃ ᐱᕕᑦᓴᖃᕈᑎᖕᖏᓂᕐᓴᕈᓲᑦ - ᐃᓚᓐᓈᒥᓄᑦ, ᐱᖕᖑᐊᓂᕐᒧᑦ, ᓯᓂᓐᓂᒧᑦ ᐊᓂᕐᕋᐅᔪᒐᕐᒥᓄᓪᓗ ᐃᓕᓐᓂᐊᕕᒻᒥᓂ. ᐊᖓᔪᕐᖃᕆᔭᐅᔫᒃ ᑭᓇᐅᔭᖃᑦᓯᐊᕈᓐᓀᓲᒃ ᓇᒻᒥᓂᖅ ᐱᑖᕈᑎᑦᓴᒥᓂᒃ.
ᐊᕐᓇᐅᑉ ᑎᒥᖓ ᐊᓯᑦᔨᒪᕆᓲᖅ ᐱᐊᕋᑦᓴᖃᕐᓂᒥᓂ - ᐊᓇᕐᖃᔦᒪᖃᑦᑕᓱᓂ, ᖁᓖᓕᕆᑦᓱᓂ ᖁᐃᓪᓛᖃᑦᑕᓱᓂᓗ ᐃᔪᓕᕋᒥ, ᖁᐃᕐᑐᓕᕋᒥ ᑕᒋᐅᑦᓴᑐᐊᕋᒥᓗ. ᐃᓚᖏᑦ ᐊᕐᓀᑦ ᐱᐊᕋᕐᑖᓯᒪᓕᕐᓱᑎᒃ ᑭᑦᓴᒐᓚᑫᓐᓇᓲᑦ ᐃᓚᖏᓪᓗ ᑭᑦᓴᒪᕆᐊᓗᑦᓴᓱᑎᒃ.
ᐊᖓᔪᕐᖃᕆᔭᐅᔫᒃ ᐃᑉᐱᓂᐊᕐᑕᖏᑦ ᓇᓗᓇᕐᓯᓲᑦ - ᐊᓕᐊᓱᑦᓱᑎᒃ, ᑲᑉᐱᐊᓱᑦᓱᑎᒃ, ᑕᖃᓪᓘᒥᑦᓱᑎᒃ, ᐊᓕᐊᓱᐊᑦᓱᑎᒃ ᓯᕘᕋᑦᓱᑎᓪᓗ.