ᐊᕐᓇᐅᑉ ᕿᑐᕐᖏᐅᒍᑎᖏᑦ

ᐃᕕᐊᖐᒃ

ᓄᓕᐊᕐᑕᐅᓂᖓᓂ ᓱᕐᕋᑕᐅᒍᐊᕐᑑᒃ; ᐃᒻᒧᑖᓲᒃ ᕿᑐᕐᖏᑐᐊᕋᒥ, ᕿᑐᕐᖓᒥᓂᒃ ᐊᒫᒪᑦᑎᓯᒍᑎᑦᓴᒥᓂᒃ.

ᐊᕐᓇᐅᑉ ᑎᒥᖓᑕ ᐃᓗᐊᓂ

• 1ᒪᓐᓂᖃᐅᑏᒃ

  ᐊᑐᓂᑦ ᐊᕐᓀᑦ ᒪᕐᕉᓂᒃ ᒪᓐᓂᖃᐅᑎᓖᑦ ᐃᓪᓗᒌᓐᓂᒃ. ᒪᓐᓂᖃᐅᑏᒃ ᒪᓐᓂᑕᖃᓲᒃ ᒥᑭᔪᓂᒃ ᑕᕐᕿᑕᒫᑦ ᐊᓂᖃᑦᑕᓲᓂᒃ ᒪᓐᓂᐅᑉ ᐊᕐᖁᑎᖏᒍᑦ ᐃᓪᓕᐊᓕᐊᕐᓱᑎᒃ.

• 2ᒪᓐᓂᐅᑉ ᐊᕐᖁᑎᒋᒃ

  ᒪᓐᓂᖃᐅᑎᒧᑦ ᐱᑐᑦᓯᒪᔫᒃ ᐃᓪᓕᐊᒧᑦ. ᓇᓪᓕᐊᒍᑦ ᒪᓐᓂᐅᑉ ᐊᕐᖁᑎᖏᒎᕐᓱᓂ ᒪᓐᓂᖅ ᐃᓪᓕᐊᓕᐊᓲᖅ.

• 3ᐃᓪᓕᐊᖅ

  ᐱᐊᕋᑦᓴᐅᑉ ᐃᓂᖓ ᐱᕈᕐᕕᒋᓲᖓ. ᒪᓐᓂᖅ ᑲᑎᓯᑐᐊᕋᒥ ᖃᐸᒻᒥᒃ ᐱᐊᕋᑦᓴᕈᓲᖅ.

• 4ᐃᓪᓕᐊᑉ ᐹᖓ

  ᐃᓪᓕᐊᑉ ᐹᖓ ᐅᑦᓱᒨᕐᑐᖅ.

• 5ᐅᑦᓱᒃ

  ᐅᑦᓱᒃ ᐃᓪᓕᐊᑉ ᐱᑐᒍᑎᖓ ᑎᒥᖓᑕ ᓯᓚᑖᓄᑦ. ᑕᒡᒎᓇ ᐊᕐᓀᑦ ᐊᐅᖃᓲᑦ ᑭᓈᓗᕝᕕᒋᑦᓱᓂᐅᓪᓗ. ᐅᓲᓪᓗ ᑐᕐᖁᕕᒋᓲᕆᑦᓱᓂᐅᒃ ᓄᓕᐊᕐᑕᐅᓕᑐᐊᕐᒪᑦ ᐊᕐᓇᖅ.

• 6ᖁᕐᕆᕕᒃ

  ᓇᑲᓱᒻᒥᑦ ᐱᔪᖅ ᐃᑎᕉᑉ ᐊᕐᖁᑎᖓ ᖁᐃᒍᑎ.

ᐊᕐᓇᐅᑉ ᑎᒥᖓᑕ ᓯᓚᑖᓂ - ᕿᑐᕐᖏᐅᒍᑎᖏᑦ

ᐊᕐᓇᖅ ᐱᖓᓱᓂᒃ ᐊᖕᒪᓂᓕᒃ ᓇᓕᒃᑳᒥᒍᑦ. ᖁᕐᕆᕕᒃ, ᐅᑦᓱᒃ ᐃᑎᕐᓗ.

• 1ᐅᑦᓱᒃ

  ᐊᕐᓇᐅᑉ ᕿᑐᕐᖏᐅᕈᑎᓕᒫᖏᑦᑕ ᑌᔭᐅᒍᓯᖓ ᓯᓚᑖᓃᑦᑐᓕᒫᑦ.

• 2ᐃᕐᖁᖅ

  ᒪᕐᕉᒃ ᐅᕕᓃᒃ: ᓯᓚᓪᓕᖓ ᐃᑦᔪᓂᕐᓴᖅ ᐅᑦᓱᓕᒫᖓᓂᒃ ᐅᓕᑦᓯᓯᒪᔪᖅ; ᐃᓗᓪᓕᖓ ᓵᓐᓂᓴᖅ ᐅᑦᓲᑉ ᐊᒻᒪᓂᖓ ᖁᕐᕆᕕᖓ.

• 3ᐅᓕᕝᕙᒃ

  ᑖᓐᓇ ᒥᑭᔪᐊᐱᐅᑦᓱᓂ ᐅᑦᓱᒦᑦᑐᖅ ᓄᓕᐊᓕᕋᒥ ᓱᕐᕋᑕᐅᒍᐊᕐᑐᖅ ᐊᓕᐊᓇᕐᑎᓯᒍᑎ.

• 4ᐅᑦᓲᑉ ᐊᒻᒪᓂᖓ

  ᐅᓲᑉ ᑐᕐᖁᕕᒋᓲᖓ ᓄᓕᐊᓕᕋᒥ; ᐊᕐᓇᐅ ᐊᐅᖃᕐᕕᒋᓲᖓ; ᐃᕐᓂᓱᓕᕋᒥ ᐱᐊᕋᕐᑖᕕᖓ.

• 5ᐃᑎᖅ

  ᐅᑉᐸᑏᒃ ᐊᑯᓐᓂᖓᓂ ᐊᒻᒪᓂᖅ (ᐊᓇᕐᕕᐅᓲᖅ).