TaiguqhimmaaritUnipkaanguat: LGBTQ inuit ihuangittut.
Itquumayut: Inuit tamaita aadlatqiiktut; tamaita qanurittut Nuliarniqmut Piyut unalu angutit, arnat kinauyaakhaanik humaangittuq, pimmariktumiklu piyakhat.
Unipkaanguat: Angayuqqaangit pipkaidjutiyut nutaraminik iliariamikni ukuninnga Maniilititariik, Qairajuariik, unaluuniit angutinik arnanik nuliayuktuq.
Itquumayut: Inuit tikkuangitait Nuliarniqmut Piyut. Inminik pikmat kinauyaakhaptiknik.
Unipkaanguat: Aadlanguqtaaqtat Nuliarniqmut Piyut.
Itquumayut: Inuk aadlangulimaitaat Nuliarniqmut Piyut. Talvanilu, Inuk angutaukpat arnanik aliagilluaqtut arnaugumikluuniit aliagilluaqtait angutinik tikkuaqtaaqtaa nuliarumayuq kinamik angutaugumi angutimik, arnaugumi arnamik; unaluuniit Angutit angutautiqalluarumayut arnat arnautiqalluarumayut tikkuanginnarilik kitumik nuliarumayuq angutimik, arnamik.
Unipkaanguat: Humaangittuq taigumi “faggot-mik” uuminngaluuniit “dyke-mik”.
Itquumayut: Hapkuat tainiit nakuungittuq ulurianaqtutlu, nangukaffukkumiluuniit. Inuit tamaita aliagiyauyakhaungittut.
Unipkaanguat: Nuliarniqmut Piyut iliknut pipkaidjutiinarialiuyuq.
Itquumayut: Inuuhimayutit iliknit Nuliarniqmut Piyut. Pilimaitat “pipkaidjutimik” ittumik angutiinaqnut piyuq arnainnaqnut piyuq, Qairajuariik, Maniilititariik, unaluuniit angutinik arnanik nuliayuktuq.
Unipkaanguat: Inuit tamaita ilihimayait angutit, arnat kinauyaakhaanik unalu Nuliarniqmut Piyut kitumik ukiuqalirumi.
Itquumayut: Ilangit inuit ilihimayait angutit, arnat kinauyaakhaanik unalu Nuliarniqmut Piyut mikkautillutik. Aadlat inuit akuniraalukmik mihigiliqtinnagu naunaiqpaktut. Piqangittuq ihuaqtumik taimaa inuk mihigilirumi kinauyaakhaanik aliagilluaqtait kitullu angutit, arnat takuyait piutigiyanginnik. Inuit tamaita aadlatqiiktut, tamna humaangittuq. Maniilititariik, Qairajuariik, unalu angutinguqhimayunik arnangurhimayunik inuit qin’nginiaqtut iiqluguluuniit Nuliarniqmut Piyut unalu angutit, arnat kinauyaakhaanik inmiknit aadlanitlu, tuhaakmata takugamiklu nakuungittunik pitquhingit ilamiknit, ilannamiknit, inuknitlu.