TaiguqhimmaaritAanniaqtailinirmut Havagviani havagumajun tunidjutikkut ihariagijaujunik aanniaqtailinirmut munaridjutinik, ilaujullu aallanguqtirnikut-pidjutilgit aanniaqtailirnirmut havagutit, talvungamun ilaujullu pilangniit, pittaaqtunun Nunavunmiunnun. Aallanguqtirnikut-pidjutilgit aanniaqtailinirmut havagutit taamnaujuq amigaittuni aanniaqtailinirmut munaridjutinik pijun talvannga ihumakkut aanniaqtailinikkut munaridjutinik, havauhiqtuutikkut ikajuutit, pilangnirniklu. Inuit angummadjutigijaa maliktakhanik ukununga aallanguqtirnikkut-pidjutilgit aanniaqtailinirmun havagutini pittaaqtun maniliqtuutiqaqtunik aallanguqtirnikkut-pidjutilginnun aanniaqtailinirmut havagutinun.
Pilangniit qanuriliurutigijauttaaqtuq ikajurnikkut aallanguqtirnirnun naammakharlugin Arnaunikkut/Angutaunikkut Ihuigidjutain mihigijain pikpata. Ilanginnun inungnun pilgit Arnaunikkut/Angutaunikkut Ihuigidjutiqaqtun, pilagutit pijukhat aanniaqtailinikkullu pijukhaujuq ikajurnikkut mihigijainnik uumani Arnaunikkut/Angutaunikkut Ihuigidjutainni. Tamaita inuit aallanguqtirutait aallangajun. Pilik qaffinik aallatkiingnik pilarutikhanik ikajurnikkut aallanguqtirutikhanun inuillu pijaaqtaaqtain pijumajatik qanuriliurutikhat, titiraqhimajun ataani, taimaatun nakuutqijaunikkut ikajurutainnik ihuigidjutainnun:
- Iviangikhanik iliurarutainnik
- Iviangiijarutainnik hatqaq ihuarharlugulu
- Igliangijarutimik
- Manniqautimik piijarniq
- Igjuijarniq
- Uhukhaliurniq angutinguqtirnikkut
- Uttukhaliurniq arnanguqtirnikkut
- Uhukhaliurniq angutinguqtirnikkut
Aallat akiliqtauhimajun havagutit ilaqaqtun, kihimi kikliqangittun ukununga:
- Endocrine (Hormone) timimun aulattiarutimi havautit
- Ihumakkut aanniaqtailinirmut havagutit
Uqaqatigidjavan nunallaarni aanniaqtailinirnun havaktit pijaami aallanik ilitturittiarutikhanik uvani aallanguqtirnikkut-pidjutilingni aanniaqtailinirmun havagutini.