Higaarnik Unipkaanguat unalu Itquumayut

Unipkaanguat: Higaarnik atuqtakhaq.
Itquumayut: Hivulliqpaami, hii. Talvannga higaaruvit qaffinik, mikiuq.  Higaaliurutit taimaalairiami pivaktuq qilaminnuaq. Taimaarahuariami ayurnaqhiniaqtuq. 

Unipkaanguat: Higaariami uukturiami atauhiinaqmik humaangittuq. 
Itquumayut: Atauhiinaqmik anirhaagiami tipaakup puyunnganik nakuungiutiniaqtaa timiknik. 

Unipkaanguat: Tipaakunik umilruknaitkutit higaariami nakuuhittiyaa.
Itquumayut: Tipaakunik umilruknaitkutit nakuuhitqiangutauyut. Pipkaidjutiyuq higaat mikkangutqiapkaqhugit. Taimaa tipaakunik umilruknaitkutit higariami ihuatqiyauyuq higaariami, angikliyuumiqtiqtuq higaaruilaitkutimik. 

Unipkaanguat: Qakunguqqat tuuliiqtuq taimaarahuariami, hukhaungirutiyuq.
Itquumayut: Aaniarutit ihuarhiyuq higaaruiruvit—humaangittuq qaffinik ukiuqaqtutit. Akuniraalukmik higaaruvit, hukhaungiyuumiqtitat timit.

Unipkaanguat: Naimagiami higaaqtumik nakuungittuq aadlanut inuknut, kihimi humaangittuq. 
Itquumayut: Inuit anirhaaktut naimagiami higaaqtumit anirhaaktaa qayangnaqtut puisiutinik higaaqtunit. Anirhaaktut higaaqtumit puyunganik kaansaqtittiinarialiklu aadlaniklu aaniarutinik—inuknullu higaayuittunut.

Unipkaanguat: Higaarnik higaarluknik/weed-nik/dope-nik nakuutqivyaktut higaarnit. 
Itquumayut: Higaarluknik higaariami hukhaungittiyuq puvaknik. Aturiami higaarluknik hivituyumik aaniarutipkainiaqtuq, ukunatitut ihumaiqluni, ihumagiamini, in’ngummakniq, hakuirutilunilu timiup aulapkaininnganik.