ᓯᖓᐃᓂᖅ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

ᓯᖓᐃᓂᖅ

ᐊᕐᓇᐃᑦ ᓇᔾᔨᖃᑦᑕᖅᑐᑦ ᐊᔾᔨᒌᙱᓕᕇᑦᑐᓂᑦ ᐅᑭᐅᖃᖅᑎᓪᓗᒋᑦ ᐊᒻᒪᓗ ᐃᓅᓯᖏᑦ ᓇᐅᒃᑰᖓᓕᖅᑎᓪᓗᒋᑦ. ᑭᒃᑯᓕᒫᑦ ᐊᔾᔨᒌᙱᑦᑐᑦ; ᐊᔾᔨᒌᙱᑦᑐᓂᑦ ᐊᑐᖃᑦᑕᖅᑐᑦ ᐃᓅᓯᖏᓐᓂᒃ ᐊᒻᒪᓗ ᐊᔾᔨᒌᙱᑦᑐᓂᑦ ᐱᒍᒪᓂᖃᓲᖑᓪᓗᑎ. ᑭᖑᓪᓕᕐᒥᑦ ᖃᓄᐃᓕᐅᕐᓂᐊᕐᒪᖔᖅᐱᑦ ᐃᓕᓐᓄᑦ ᐊᑦᓱᕈᓐᓇᑐᐃᓐᓇᕆᐊᓕᒃ ᐅᕝᕙᓘᓐᓃᑦ ᐊᔪᑦᓱᕈᓐᓇᙱᑐᐃᓐᓇᕆᐊᓕᒃ ᐃᓱᒪᓕᐅᕆᓂᐊᖅᑎᓪᓗᑎᑦ.

ᓇᔾᔨᒍᕕᑦ, ᐊᔾᔨᒌᙱᑦᑐᓂᑦ ᓂᕈᐊᕋᑦᓴᖃᖅᑐᑎᑦ:

  • ᓇᔾᔩᓐᓇᕈᓐᓇᖅᑐᑎᑦ ᐊᓈᓇᒋᔭᐅᓕᕐᓗᑎᓗ.
  • ᓇᔾᔩᓐᓇᕈᓐᓇᖅᑐᑎᑦ ᑎᒍᐊᖅᑕᐅᑎᒍᓐᓇᖅᑐᒍᓪᓗ.
  • ᓇᔾᔨᐊᖏᖅᑕᐅᒍᓐᓇᖅᑐᑎᑦ (ᐊᑦᑕᕐᓇᙱᑦᑐᒃᑯᑦ ᐊᒻᒪᓗ ᒪᓕᒐᖅᑎᒍᑦ ᓇᔾᔨᒍᓐᓃᕐᓇᖅᑐᖅ)

ᐃᕝᕕᑐᐊᖅ ᐃᓱᒪᓕᐅᕈᓐᓇᖅᑐᑑᒐᕕᑦ ᓇᓪᓕᐊᒃ ᐱᐅᓛᖑᒪᖔᑦ ᐃᓕᓐᓄᑦ ᓂᕈᐊᕈᓐᓇᖅᑕᕐᓂ. ᐃᓄᐃᑦ ᐃᓚᖏᑦ ᖃᐅᔨᒪᑦᓯᐊᓲᑦ ᖃᓄᐃᓕᐅᕈᒪᒻᒪᖔᕐᒥ. ᐊᓯᖏᑦ ᓇᓗᓈᕿᓪᓗᑎ ᐃᓱᒪᑐᐃᓐᓇᕆᐊᓖᑦ ᓇᔾᔨᓂᕐᒧᑦ ᐊᒻᒪᓗ ᓂᕈᐊᕋᑦᓴᓂᑦ ᐊᑐᐃᓐᓇᐅᔪᓂᑦ, ᑕᐃᒪᐃᓐᓂᖓᓄᓪᓗ ᐃᓱᒪᓕᐅᕆᓂᕐᒥᑦ ᐊᑦᓱᕈᓐᓇᑐᐃᓐᓇᕆᐊᓕᒃ. ᐃᓕᓐᓄᑦ ᐃᑲᔪᕈᑕᐅᑐᐃᓐᓇᕆᐊᓕᒃ ᐅᖃᖃᑎᖃᕈᕕᑦ ᐃᓄᒻᒥᑦ ᑕᑎᒋᔪᓐᓇᖅᑕᕐᓂ (ᐱᖃᑎᓐᓂ, ᐃᓚᒋᔭᓐᓂ, ᐃᓄᑐᖃᕐᒥ, ᐃᓅᓯᓕᕆᔨᒥ, ᐋᓐᓂᐊᓯᐅᖅᑎᒥ ᐅᕝᕙᓘᓐᓃᑦ ᐃᓕᓴᐃᔨᒥ). 

ᓇᓖᕋᕈᑎᑦᓴᓐᓄᑦ ᐊᐱᖅᑯᑎᑦᓴᖃᕈᕕᑦ, ᐅᖄᓚᒍᓐᓇᖅᑐᑎᑦ ᐱᓕᕆᔨᐅᔪᑦ ᑲᓇᑕᒥ ᓄᓕᐊᕐᓂᓕᕆᓂᕐᒥᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᓂᒃ (Action Canada for Sexual Health and Rights): 1-888-642-2723 (24 ᐃᑲᕐᕋᑦ, 7 ᐅᓪᓗᐃᑦ ᐱᓇᓱᐊᕈᓯᕐᒥ).

ᓇᔾᔩᓐᓇᕐᓂᐊᕈᕕᑦ, ᐱᐊᕋᑦᓯᐊᕆᒍᓐᓇᖅᑐᑎᑦ ᖃᓄᐃᙱᑦᓯᐊᖅᑐᒥᑦ ᓇᒻᒥᓂᖅ ᑎᒦᑦ ᑲᒪᒋᑦᓯᐊᖃᑦᑕᕈᕕᐅ. ᐃᓂᑦᓴᓕᐅᕐᓗᑎᑦ ᐋᓐᓂᐊᖅᑐᓕᕆᔨᒥ ᑕᑯᔭᐅᓂᐊᕋᕕᑦ ᓇᔾᔨᓂᕐᒧᑦ ᑲᒪᒋᔭᐅᓂᕐᒧᑦ ᐊᒻᒪᓗ ᐃᑲᔪᖅᓱᖅᑕᐅᓂᕐᒧᑦ. ᓯᕘᕋᔫᔮᕈᕕᑦ ᐅᕝᕙᓘᓐᓃᑦ ᐃᑲᔪᖅᓱᖅᑕᐅᒍᒪᒍᕕᑦ ᐃᓂᑦᓴᓕᐊᕆᓯᒪᔭᓐᓄᑦ ᓇᑦᓴᕈᓐᓇᖅᑎᑕᐅᔪᑎᑦ ᐱᖃᓐᓇᕆᔭᓐᓂ, ᐃᓚᒋᔭᓐᓂ, ᐅᕝᕙᓘᓐᓃᑦ ᓄᓇᓕᒻᒥᐅᑕᐅᔪᒥᑦ ᑕᑯᔭᐅᓕᕈᕕᑦ. ᑕᐃᒫᒃ ᐱᐅᒐᔭᖅᑐᖃᐃ ᐊᑲᐅᓂᖅᓴᐅᒐᔭᕋᕕᑦ ᐊᐱᖅᓱᕐᓂᐊᖅᑎᓪᓗᑎᑦ ᐊᒻᒪᓗ ᐃᖅᑲᓇᐅᒪᔪᓐᓇᕐᓂᐊᕋᕕᑦ ᖃᓄᖅ ᐅᖃᐅᔾᔭᐅᓐᓂᕐᒪᖔᖅᐱᑦ ᑕᑯᔭᐅᑎᓪᓗᑎᑦ.

ᐱᐊᕋᖅ ᐱᓯᒪᓂᐊᕈᕕᐅᒃ ᐅᕝᕙᓘᓐᓃᑦ ᑎᒍᐊᖅᑕᐅᑎᓐᓂᐊᕈᕕᐅᒃ, ᓇᔾᔨᓂᕐᒧᑦ ᑲᒪᒋᔭᐅᓂᖅ ᐱᒻᒪᕆᐅᔪᖅ ᐃᕝᕕᑦ ᑎᒥᖓᓄᑦ ᐊᒻᒪᓗ ᐱᐊᕋᐅᑉ ᑎᒥᖓᓄᑦ. ᐋᓐᓂᐊᖅᑐᓕᕆᔨ ᐊᐱᖅᓱᑐᐃᓐᓇᕆᐊᓕᒃ ᐊᒻᒪᓗ ᖃᐅᔨᓴᕈᑎᑦᓴᓂᒃ ᑲᒪᒋᔭᖃᑐᐃᓐᓇᕆᐊᓕᒃ. ᐃᓕᓐᓂ ᐃᑲᔪᕋᔭᖅᑐᑦ ᐸᕐᓇᓂᕐᒧᑦ ᐃᕐᓂᓛᕐᓂᕆᔭᓐᓄᑦ ᐊᒻᒪᓗ ᐊᐅᓪᓚᕆᐊᖃᕐᓂᕐᒧᑦ, ᑕᐃᒪᐃᒋᐊᖃᖅᑲᑕ.

ᑎᒦᑦ ᖃᓄᐃᙱᑦᓯᐊᕋᓗᐊᕐᒪᖔᖅ; ᐊᐅᓐᓂᒃ ᖃᐅᔨᓴᑐᐃᓐᓇᕆᐊᓖᑦ, ᐃᑎᕈᕐᓂᒃ ᖃᐅᔨᓴᑐᐃᓐᓇᕆᐊᓖᑦ, ᐊᒻᒪᓗ ᖁᐱᕐᕆᓯᒪᙱᒃᑲᓗᐊᕐᒪᖔᖅᐱᑦ ᖃᐅᔨᓴᑐᐃᓐᓇᕆᐊᓖᑦ. ᒪᑯᓂᖓ ᐃᓕᓐᓄᑦ ᐅᖃᐅᓯᖃᑐᐃᓐᓇᕆᐊᓖᑦ:

  • ᓂᕆᖃᑦᑕᕐᓂᕐᒧᑦ ᐊᒻᒪᓗ ᐃᖃᐃᓕᓴᖃᑦᑕᕐᓂᕐᒧᑦ.
  • ᖃᓄᐃᑦᑐᓂᑦ ᓂᕿᓂᑦ, ᖃᓄᐃᓕᐅᕈᑎᓂᑦ ᐊᒻᒪᓗ ᓱᕐᕈᓐᓇᖅᑐᓂᒃ ᐊᑐᖁᔨᙱᒻᒪᖔᑦᑕ.
  • ᐃᓕᓐᓂ ᑲᔪᖏᖅᓴᐃᑐᐃᓐᓇᕆᐊᓖᑦ ᓇᔾᔨᔪᖅᓯᐅᑎᓂᒃ ᑎᒥᒧᑦ ᐃᑲᔫᑎᓕᓐᓂᒃ ᐄᔭᒐᖁᔨᓗᑎ.

ᓘᒃᑖᕆᔭᐃᑦ ᐅᕝᕙᓗᓂᑦ ᐋᓐᓂᐊᓯᐅᖅᑎᒋᔭᐃᑦ ᐅᖃᐅᔾᔨᒍᓐᓇᕐᒪᑦ ᐊᓯᕈᕐᓂᐅᒐᔭᖅᑐᓂᒃ ᓂᕆᐅᒋᒍᓐᓇᖅᑕᓐᓂᒃ: ᑎᒥᒃᑯᑦ, ᐃᓱᒪᒃᑯᑦ ᐊᒻᒪᓗ ᐃᑉᐱᒋᔭᒃᑯᑦ, ᓇᔾᔨᓂᕐᓂ. ᐃᓕᓐᓂᒃ ᐃᑲᔪᕈᓐᓇᕐᒪᑕ ᑭᓱᓂᒃ ᖃᐅᔨᒪᒋᐊᕆᐊᖃᕐᒪᖔᖅᐱᑦ. ᓲᕐᓗ, ᐱᑕᖃᑐᐃᓇᕆᐊᖃᕐᒪᑦ ᖃᐅᔨᒍᑕᐅᒍᓐᓇᖅᑐᓂᒃ ᐃᕐᓂᓱᓕᓚᐅᖏᓐᓂᕐᓂ ᓄᒫᓱᓐᓂᕐᒥᑦ ᐅᕝᕙᓗᓂᑦ ᑎᒥᒃᑯᑦ ᖃᓄᐃᔾᔪᑕᐅᔪᓂᒃ ᐃᕝᕕᑦ ᐋᓐᓂᐊᖅᑐᓕᕆᔨᖓᓄᑦ ᐅᖃᐅᓯᕆᔭᕆᐊᓕᓐᓂᒃ.

ᐋᓐᓂᐊᓯᐅᖅᑎᒧᑦ ᑕᑯᔭᐅᓴᕋᐃᔾᔫᒥᖃᑦᑕᕐᓗᑎ ᓇᔾᔨᓂᓕᒫᓐᓂ. ᑎᒦᑦ ᖃᓄᐃᑉᐸᓪᓕᐊᓂᖓᓂ ᐊᒻᒪᓗ ᐱᐊᕋᐅᑉ ᑎᒥᖓᑕ ᖃᓄᐃᑉᐸᓪᓕᐊᓂᖓᓂ ᖃᐅᔨᓴᕆᐊᖃᕐᒪᑕ. ᐊᐱᖁᑎᒃᓴᖃᑐᐊᕈᕕᑦ ᐅᕝᕙᓘᓐᓃᑦ ᐃᓱᒫᓘᑎᖃᕈᕕᑦ, ᓯᕘᕋᑦᑕᐃᓕᒋᑦ ᐊᐱᕆᒋᐊᑦᓴᖅ ᑕᐃᒃᑯᓂᖓ—ᑕᐃᑲᓃᒻᒪᑕ ᐃᓕᓐᓂᒃ ᐃᑲᔪᕈᒪᓪᓗᑎᒃ.

ᒪᑯᓂᖓ ᐊᑐᖅᑕᐃᓕᒪᒋᐊᖃᖅᑐᑎᑦ ᓇᔾᔨᓂᕐᓂ

ᓯᒡᒐᓕᐊᖅᑐᕐᓂᖅ, ᐃᒥᐊᓗᒻᒥ ᐃᒥᖃᑦᑕᕐᓂᖅ, ᐋᖓᔮᕐᓇᖅᑐᓂᒃ ᐊᑐᖃᑦᑕᕐᓂᖅ ᐅᓗᕆᐊᓇᕈᓐᓇᖅᑐᑦ ᓇᔾᔨᐊᕆᔭᐅᔪᒧᑦ. ᓇᔾᔨᓕᕈᕕᑦ, ᐱᒻᒪᕆᐅᕗᖅ ᓄᖅᑲᐅᑎᓗᒋᑦ ᐅᕝᕙᓘᓐᓃᑦ ᐱᖏᓐᓂᖅᓴᐅᖃᑦᑕᓕᕐᓗᑎ ᐊᔪᖏᒃᑯᕕᑦ. ᐃᑲᔪᖅᑕᐅᒋᐊᖃᕈᕕᑦ, ᐋᓐᓂᐊᓯᐅᖅᑎᓯ ᐅᖃᖃᑎᒋᓗᒍ ᓄᓇᓕᑦᓯ ᐋᓐᓂᐊᕕᖓᓂ.

ᓯᒡᒐᓕᐊᖅᑐᕐᓂᖅ, ᐃᒥᐊᓗᒻᒥ ᐃᒥᖃᑦᑕᕐᓂᖅ, ᐋᖓᔮᕐᓇᖅᑐᓂᒃ ᐊᑐᖃᑦᑕᕐᓂᖅ ᐅᓗᕆᐊᓇᕈᓐᓇᖅᑐᑦ ᓇᔾᔨᐊᕆᔭᐅᔪᒧᑦ. ᓇᔾᔨᓕᕈᕕᑦ, ᐱᒻᒪᕆᐅᕗᖅ ᓄᖅᑲᐅᑎᓗᒋᑦ ᐅᕝᕙᓘᓐᓃᑦ ᐱᖏᓐᓂᖅᓴᐅᖃᑦᑕᓕᕐᓗᑎ ᐊᔪᖏᒃᑯᕕᑦ. ᐃᑲᔪᖅᑕᐅᒋᐊᖃᕈᕕᑦ, ᐋᓐᓂᐊᓯᐅᖅᑎᓯ ᐅᖃᖃᑎᒋᓗᒍ ᓄᓇᓕᑦᓯ ᐋᓐᓂᐊᕕᖓᓂ.

ᑐᐹᑭ

ᓯᒡᒐᓕᐊᑉ ᐳᔪᖓ ᐊᔪᕐᓇᕐᓂᖅᓴᐅᓕᖅᑎᑦᓯᓲᖑᒻᒪᑕ ᓇᔾᔨᐊᕆᔭᐅᔪᑦ ᐱᕈᑦᓯᐊᕈᓐᓇᕐᓂᖏᓐᓄᑦ, ᐊᒻᒪᓗ ᓱᕋᐃᒍᑕᐅᓂᖅᓴᐅᓲᖑᓪᓗᓂ. ᓯᒡᒐᓕᐊᖅᑐᙱᓐᓂᖅᓴᐅᓕᕈᓐᓇᖅᑐᑎᑦ ᐅᕝᕙᓘᓐᓃᑦ ᓯᒡᒐᓕᐊᖅᑐᙱᑦᑎᐊᒻᒪᕆᓕᕐᓗᑎᑦ, ᐊᒻᒪᓗ ᐃᓄᓐᓃᑦᑕᐃᓕᒪᓗᑎᑦ ᓯᒡᒐᓕᐊᖅᑐᖅᑎᓪᓗᒋᑦ, ᐱᐊᕋᐃᑦ ᐃᒪᐃᓕᖓᓂᐊᕐᒪ:

  • ᐃᕐᓂᐊᖑᓗᓂ ᐃᕐᓂᐊᖑᕕᑦᓴᖓᒍᑦ—ᐃᕐᓂᐊᖑᓴᕋᐃᓗᐊᖏᓪᓗᓂ
  • ᓈᒻᒪᑦᓯᐊᖅᑐᒥᑦ ᐃᓅᕋᑖᖑᓕᖅᑲᑦ ᐅᖁᒪᐃᓐᓂᖃᕐᓗᓂ - ᒥᑭᔪᑯᓘᓗᐊᖏᓪᓗᓂ
  • ᐅᓗᕆᐊᓇᖅᑐᒦᙱᓐᓂᖅᓴᐅᓗᓂ ᐱᐊᕋᐃᑦ ᓯᓂᑦᑎᓪᓗᒋᑦ ᐊᓂᕐᓂᖃᕈᓐᓃᑲᓪᓚᓂᕐᒧᑦ (SIDS)
  • ᐅᓗᕆᐊᓇᖅᑐᒦᙱᓐᓂᖅᓴᐅᓗᓂ ᐊᓂᖅᑎᕆᓂᕐᒧᑦ ᐊᑲᐅᙱᓕᐅᕈᑎᖃᕐᓂᕐᒥᑦ
  • ᐅᓗᕆᐊᓇᖅᑐᒦᙱᓐᓂᖅᓴᐅᓗᓂ ᓯᐅᓯᕆᖃᑦᑕᓂᕐᒧᑦ.

ᐃᒥᐊᓗᒃ

ᐊᑦᑕᕐᓇᙱᓐᓂᖅᐹᖑᔪᖅ ᐃᒥᐊᓗᒻᒥ ᐃᒥᖃᑦᑕᖏᑦᓯᐊᒻᒪᕆᓪᓗᓂ ᓇᔾᔨᓂᕐᓂ. ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᖅᑐᑦ ᐅᓗᕆᐊᓇᖅᑐᒦᑦᑐᑦ ᑖᑦᓱᒧᖓ ᓇᔾᔨᐊᖑᑎᓪᓗᒍ ᐃᒥᐊᓗᒻᒧᑦ ᐃᑦᓴᖅᓯᒪᓂᖅ [FASD].

ᓇᔾᔨᐊᖑᑎᓪᓗᒍ ᐃᒥᐊᓗᒻᒧᑦ ᐃᑦᓴᖅᓯᒪᓂᖅ (FASD) ᑕᐃᒎᓯᐅᔪᖅ ᓇᓗᓇᐃᖅᓯᓪᓗᓂ ᐊᔾᔨᒌᙱᑦᑐᓂᑦ ᐊᑦᑐᖅᑕᐅᓯᒪᓂᖓᓄᑦ ᐱᐊᕋᐅᑉ ᓇᔾᔨᔪᖅ ᐃᒥᐊᓗᒻᒥ ᐃᒥᖃᑦᑕᕈᓂ ᓇᔾᔨᓂᖓᓂ. ᑖᒃᑯᐊ ᐊᑦᑐᖅᑕᐅᓯᒪᓃᑦ ᐃᓚᖃᑐᐃᓐᓇᕆᐊᓖᑦ ᑎᒥᒃᑯᑦ, ᐃᓱᒪᒃᑯᑦ, ᐃᓕᖅᑯᓯᒃᑯᑦ, ᐊᒻᒪᓗ/ᐅᕝᕙᓘᓐᓃᑦ ᐃᓕᑉᐸᓪᓕᐊᓂᕐᒧᑦ ᐱᒡᒐᕈᑎᖃᕐᓂᕐᒥᑦ.

ᐊᑦᓱᕈᓐᓇᕈᓐᓇᖅᑐᖅ, ᑭᓯᐊᓂ ᐃᓄᒋᐊᑦ ᓄᖅᑲᐅᑎᒍᓐᓇᖅᑐᑦ ᐅᕝᕙᓘᓐᓃᑦ ᐊᑐᙱᓐᓂᖅᓴᐅᓗᑎ ᓱᕐᕋᕐᓇᖅᑐᓂᒃ ᖃᐅᔨᒐᐃᒻᒪᑕ ᓇᔾᔨᓕᕐᓂᖏᓐᓂᒃ. ᓄᖅᑲᕈᓐᓇᙱᑦᓯᐊᒻᒪᕆᒃᑯᕕᑦ, ᖃᐅᑕᒫᑦ ᐊᑐᙱᓐᓂᖅᓴᐅᒐᓱᖔᖃᑦᑕᕐᓗᑎᑦ. ᐅᖃᖃᑎᖃᕐᓗᑎ ᐱᖃᑎᓐᓂ, ᐃᓚᒋᔭᓐᓂ, ᐅᕝᕙᓘᓐᓃᑦ ᐋᓐᓂᐊᖅᑐᓕᕆᔨᒥ ᐃᕝᕕᑦ ᑕᑎᒋᔪᓐᓇᖅᑕᖓᓂ ᐃᒥᐊᓗᒻᒥ ᓄᖅᑲᐅᑎᒍᒪᒍᕕᑦ ᐅᕝᕙᓘᓐᓃᑦ ᐃᒥᙱᓐᓂᖅᓴᐅᒍᒪᒍᕕᑦ ᐃᑲᔪᖅᑕᐅᒋᐊᖃᕈᕕᓪᓗ.

ᐱᕈᖅᑐᕕᓂᖅ

ᐊᑦᑕᕐᓇᙱᓐᓂᖅᐹᖑᔪᖅ ᓇᔾᔨᔪᓄᑦ ᐊᒻᒪᓗ ᐃᕕᐊᙱᕐᒥᓂᒃ ᐊᒫᒪᑎᑦᓯᔪᓄᑦ ᐱᕈᖅᑐᕕᓂᖅ ᐊᑐᖃᑦᑕᖏᓪᓗᑎ. ᖃᐅᔨᒪᔭᐅᙱᑦᑐᖅ ᖃᓄᖅ ᐊᑦᑕᕐᓇᙱᒃᑲᓗᐊᕐᒪᖔᖅ ᐱᕈᖅᑐᕕᓂᖅ ᐊᑐᖃᑦᑕᕐᓗᓂ ᓇᔾᔨᓂᕐᓂ. ᐱᕈᖅᑐᕕᓂᖅ ᐊᑐᕐᓗᓂ ᓇᔾᔨᓂᕐᓂ ᐱᐊᕋᖅ ᐃᓅᑐᐃᓐᓇᕆᐊᓕᒃ ᒥᑭᔫᓗᓂ ᐊᒻᒪᓗ ᕿᑐᕐᖓᕆᔭᐅᔪᖅ ᐊᑲᐅᙱᓕᐅᕈᑎᖃᓕᕐᓗᓂ ᐃᖅᑲᐅᒪᑦᓯᓂᕐᒧᑦ, ᓈᓚᑦᓯᐊᕐᓂᕐᒧᑦ, ᖃᓄᖅᑑᕐᓂᕐᒥᑦ, ᐊᒻᒪᓗ ᐃᓕᖅᑯᓯᖓᓂ

ᐄᔭᒐᐃᑦ

ᐋᓐᓂᐊᖅᑐᓕᕆᔩᑦ ᐅᖃᐅᑎᓗᒍ ᖃᓄᐃᑦᑐᓂᑦ ᐄᔭᒐᖃᑦᑕᕐᒪᖔᖅᐱᑦ ᐊᒻᒪᓗ ᖃᖓᒃᑯᑦ ᐄᓯᖃᑦᑕᕐᒪᖔᖅᐱᑦ ᐄᔭᒐᐃᑦ ᐃᓚᖏᑦ ᐊᒻᒪᓗ ᐄᖅᑲᖅᑕᐅᖁᔭᐅᔪᑦ ᐃᓚᖏᑦ ᐅᓗᕆᐊᓇᕈᓐᓇᖅᑐᑦ ᓇᔾᔨᐊᖑᔪᓄᑦ. ᐄᔭᒐᐃᑦ/ᐋᖓᔮᕐᓇᖅᑐᑦ ᐃᓚᖏᑦ ᐅᓗᕆᐊᓇᕈᓐᓇᖅᑐᑦ ᐱᐊᕋᕐᒪᑦ ᐃᓅᓯᒪᓕᖅᑐᒧᑦ, ᐃᕕᐊᙱᐅᑉ ᐃᒻᒧᖓᑎᒍᑦ.

  • ᐋᖓᔮᕐᓇᖅᑐᑦ ᐊᑐᖅᑕᐅᒋᐊᖃᙱᑦᑑᒐᓗᐊᑦ ᒪᓕᒐᖅᑎᒍᑦ — ᕼᐃᐊᕈᐃᓐ, ᐱᕈᖅᑐᕕᓂᖅ, ᑰᑲᐃᓐ, ᒪᑦ, ᐊᓯᖏᓪᓗ.
  • ᒪᓕᒐᖅᑎᒎᖅᑐᑦ ᐊᒻᒪᓗ ᐋᓐᓂᐊᕕᑎᒍᑦ ᐄᔭᒐᖅᑖᕆᔭᐅᓲᑦ,
  • ᐱᕈᖅᑐᒥᓃᑦ ᐄᖅᑲᖅᑕᐅᓲᑦ ᐊᒻᒪᓗ ᑎᒥᒧᑦ ᐃᑲᔫᑎᓖᑦ ᐄᔭᒐᑦ

ᐃᑲᔪᖅᓱᖅᑕᐅᓂᖅ

ᐃᓚᖏᑦ ᐊᑐᖃᑦᑕᖅᑐᑦ ᐃᒥᐊᓗᒻᒥ, ᑐᐹᑭᒥ, ᐊᒻᒪᓗ ᐋᖓᔮᕐᓇᖅᑐᓂᒃ ᐊᑦᓱᕈᖃᑦᑕᖅᑐᑦ ᓄᖅᑲᕋᓱᐊᕐᓂᕐᒥᑦ.

ᐃᕝᕕᓘᓐᓃᑦ ᐅᕝᕙᓘᓐᓃᑦ ᐃᕝᕕᑦ ᖃᐅᔨᒪᔭᖓᓂ ᐊᑦᓱᕈᖅᑐᖃᖅᑲᑦ ᓄᖅᑲᐅᔾᔨᓂᕐᒧᑦ ᐅᕝᕙᓘᓐᓃᑦ ᐊᑐᙱᓐᓂᖅᓴᐅᒍᒪᔪᓂᒃ ᑕᒪᒃᑯᓂᖓ: ᓯᒡᒐᓕᐊᖅᑐᕐᓂᕐᒥᑦ, ᐃᒥᐊᓗᒻᒥ ᐃᒥᖃᑦᑕᕐᓂᕐᒥᑦ ᐅᕝᕙᓘᓐᓃᑦ ᐋᖓᔮᕐᓇᖅᑐᓂᒃ, ᐃᑲᔪᖅᑕᐅᓇᖅᑐᖅ ᐊᒻᒪᓗ ᐃᑲᔪᖅᓱᖅᑕᐅᓐᓇᖅᑐᖅ. ᐅᖃᖃᑎᒋᓗᒍ ᐋᓐᓂᐊᖅᑐᓕᕆᔨᓯ, ᐃᓱᒪᓕᕆᔨᓯ, ᐅᕝᕙᓘᓐᓃᑦ ᐃᓄᓕᕆᔨᓯ.

ᐅᑯᓄᖓ ᐅᖃᕈᓐᓇᕆᕗᑎᑦ: