TaiguqhimmaaritPikpagiyat ayukhaliqqat, aannigumi ayukhaqtitaugumi, ihumarlirnigamiluunniit, amigaittut qanuqtun ikayuqtaaqtutin.
| Tuhaklutin | Aadlanut kangiqhipkailimaittaangginni ihumagiyainnik atuqpaktainniklu pilutik humilikaaq. Ikayuqlugit upalunggaiyaidjutikhaanik ikayuqtauyaamingnik nakuuhiyaamingnik. |
| Ayuikhalutik | Ayuikhalutin aadlatkiiqnik ayukhautainnik inuuhiringnikkut, takudjutigiyauyutlu havautikhainniklu. Taapkuat ikayuutauniaqtut ilitturiyaangni qanuqtun inuuvaktuq inuuhiringnaiktuq qanuqlu ikayuqtaaqtan. |
| Ilvit piutigittailugu | Inuk ihumaiktuq avalittumaniaqtuq ayukhautaalu akhuugutigilugu inmi ninggahuktutun piluni. Taimaatun pigumi aanniktitiniaqtuq inungnut ihumainnut. Taapkuat takudjutigiyauyut aanniarunmut – una pidjutiginggitat. |
| Apikhilutin qanuqtun ikayuqtaaqtutin | Ubluk tamaat pidjutiniagungnakhiuq taapkuayut halummakhilutin igalutinluunniit. Ikayuqtauyumanggittungnakhiyut ilingnit, apikhugaluaqtillutin. |
| Ikayuqtaudjavutin | Munagilutin ilingnik ikayuqtaulutinlu ikayuqtauyumaguvit. |
| Uqaqvigilugu ihumaqatiaqnikhamik havaktut ayuitiaqhimayuq | Qiniqhialutin ikayuqtighangnik uvalu kinamun piqpagiyangnun. Ihumaqatiaqnikhamik havaktut ayuitiaqhimayuq itut tamaini nunalaani uvalu ayuiqhaqhimayut tunilutik ikayuutinik uvlau ikayuqhugitlu. Hivayaqtaaqtatlu Kamatsiaqtut Ikayuqvighat uvaluuniin Nutaqqanut Ikayuqtiuyit. |