Angirutikhamut

Apiqhigaangat angikuvlugit alianaqtaaqtuq pihukhaaqtutullu ittuni.

• Una nakuugiyat?
• Una uukturumaviuq?
• Imaa nakuuva ilingnut?
• Qanuq pipkarumavinga?

Pidjutigiyakhat apirilugu piqatikhat angiriangani nuliaktinnatit-kuniklutik, kahagaktuq, nuliarnirmullu.

Qanuq una “IHI!” qanuq itpa?

• Itquumayuq naunaittunilu “ihi”.
• “Allallu!”
• “Taimaa piyumayunga.”
• “Taki IHI!”

Qanuq IMANNAQ itpa tuhaayaamilu?

• “Imannaq.”
• Nutaqarit.”
• “Ihumaliungittunga.”
• “Ilihimangittunga.”
• “Tadjaungittuq.”
• “Nakuugiyara pigaluarapta, tadja kihimi piyumangittunga.”
• “Aallamik pittaaqqita?”
• “Una nakuugiyara, kihimi taamna nakuugingitara.”
• Inuk imingayuq, qauhimangittuq, hiniktuqluunniit.
• Inuk qiayuq, nipaitpat uqaqhimaittuni, tatikpataluunniit piumangittumik.

Tuhaagungni “IHI” → apiqhikattarlutit angiriakhainut nuliariami. Piqatit aallamut ihumaliuqtaaqtuq qanuqlikaak, ihumaliurutaa ihumagiyakhariyat.

Takugungni tuhaagungniluunniit “IMANNAQ” → nutqaqlutit piyangnik ihumaliurutaillu ihumagilugu.

Angirut ihuaqtuq—TAMAINNUT inungnut TAMAINNULLU pidjutauyumut.

• Qanuqlikaak ukiunga, angut/arnaq, qanuridjutaalu nuliarnikkut
• Inuuup aannuraangait tautungnaqpallaakata uviniit tautungnaitkaluaqtillugillunniit
• Inuk unnukpallaaraluaqtillugu hanguyuq ublaannuamiluunniit
• Inuk ilannaukpat, aippanga, aippakhaa katuhikhimaittumik katimayuk, aippaa, ilannarikpianga, angnautaa, angutautaa, nulianga, katiqattaqhutik kimakattakhutik, takuhimayaa, tuungmiak, piqatinga, takukattarhimayaa
• Inuk aallamut ihumaliuqqat nuliaktillutik
• Iuk uqaqqat “ihi” atauhiqmut nuliarutikhamut “qingivluni” aallamut nuliarutimut

Nuliarniq angiqhimaittumik nuliarnikkut pimmaruluuyuq. Ihuangittuq maligatigut.

• Piyumangittumik kuniktut kahagaktulluunniit
• Malikhugu iiktuqlunilu
• Nuliarnikkut uqaqhuni
• Uqaqhuni tautuktittunilu nualiarnikkut piksanik
• Piyumangitkaluaqtillugu nuliaktut (nuliarnikkut pimmarlukhutik), unalu quyakpata inungmik hiniktumik, qauhimangittumik, hiniktumikluunniit
• Hunalikaak nuliarniq inungmut qaangiutihimaittumut ukiunganut angiqtaaktunut