ᐱᖁᔨᕗᖔᕈᑦ

ᐊᐱᕆᓂᖅ ᐱᖁᔨᕗᖔᕈᒻᒥᑦ ᖁᕕᐊᓇᕈᓐᓇᖅᑐᖅ ᑕᑯᒥᓇᖅᑑᓪᓗᓂᓗ. 

• ᑖᓐᓇ ᐱᐅᒋᕕᐅᒃ?
• ᐅᓇ ᐆᒃᑐᕆᐊᕈᒪᕕᐅᒃ?
• ᑖᓐᓇ ᐃᓗᐊᖅᐸ?
• ᖃᓄᖅ ᐊᑯᓂᐅᑎᒋᔪᖅ ᐱᔪᒪᕕᑦ?

ᑲᒪᒋᔭᕆᐊᖃᖅᑕᑦ ᐊᐱᕆᓗᒍ ᐱᖃᑎᒋᔭᑦ ᐱᖁᔨᖕᒪᖔᑦ ᐱᒋᐊᕐᓂᐊᕐᓗᓂ ᖃᓄᑐᐃᓐᓇᖅ ᐊᐃᑉᐸᕇᖕᓂᒃᑯᑦ ᖃᓄᐃᓕᐅᕐᓂᕐᒥ−ᑯᓂᒃᓴᕐᓂᖅ, ᐊᒃᑐᖅᓯᓂᖅ, ᐊᐃᑉᐸᕇᖕᓂᖅ.

ᖃᓄᖅ “ᐄ!” ᓂᐱᖃᖅᑰᔨᕙ?

• ᑕᐃᒪᐃᓪᓚᑦᑖᖅᑐᖅ ᓇᓗᓇᙱᖦᖢᓂᓗ “ᐄ”.
• “ᐊᑏᓗ!”
• “ᑕᐃᒪᐃᑦᑐᒪᑦᑎᐊᖅᑐᖓ.”
• “ᐆh-h-h-h-h ᐄ!”

ᖃᓄᖅ ᐋᒃᑲ ᑕᐅᑦᑐᖃᑉᐸ ᓂᐱᖃᖅᑰᔨᕙᓗ?

• “ᐋᒃᑲ.”
• ᓄᖅᑲᕆᑦ.”
• “ᓇᓗᔪᖓ.”
• “ᓇᓗᒐᒪ.”
• “ᒫᓐᓇᐅᙱᑦᑐᖅ.”
• “ᐊᓕᐊᓇᐃᒋᓚᐅᖅᑕᕋ ᑭᖑᓪᓕᕐᒥ, ᑭᓯᐊᓂ ᒫᓐᓇ ᐊᑐᕈᒪᙱᑕᕋ.”
• “ᐊᓯᐊᓂᒃ ᐱᓕᕆᖔᕐᑖ?”
• “ᐊᓕᐊᓇᐃᒋᔭᕋ ᑖᓐᓇ, ᑭᓯᐊᓂ ᐃᖕᓇᐅᙱᑦᑐᖅ.”
• ᑭᓇᑭᐊᖅ ᐋᖓᔮᖅᑐᖅ, ᓄᑭᖃᙱᑦᑐᖅ, ᓯᓂᒃᑐᕐᓘᓐᓃᑦ.
• ᑭᓇᑭᐊᖅ ᕿᐊᔪᖅ, ᓂᐱᖃᙱᑦᑐᖅ, ᐊᔭᒃᓯᕆᓗᓂᓘᓐᓃᑦ. 

ᑐᓴᕈᕕᑦ “ᐄ” ᐊᐱᕇᓐᓇᕐᓗᑎᑦ ᐱᖁᔨᖕᒪᖔᑦ ᐊᑕᐅᓯᐅᑦᑕᕐᓗᒋᑦ ᐊᐃᑉᐸᕇᖕᓂᒃᑯᑦ ᖃᓄᐃᓕᐅᕈᑎᓂᒃ. ᐱᖃᑎᒋᔭᑦ ᐱᔪᓐᓇᐅᑎᖃᖅᑐᖅ ᐊᓯᔾᔨᕐᓗᓂᐅᒃ ᐃᓱᒪᒋᔭᖓ ᖃᖓᑐᐃᓐᓇᒃᑯᑦ, ᐃᒃᐱᒋᑦᑎᐊᕆᐊᖃᖅᑕᓪᓗ ᐃᒪᐃᑦᑐᒪᓂᖓ. 

ᑕᑯᒍᕕᑦ ᑐᓴᕈᕕᓪᓘᓐᓃᑦ “ᐋᒃᑲ” ᓄᖅᑲᕐᓗᑎᑦ ᖃᓄᐃᓕᐅᕐᑕᕐᓂ ᐃᒃᐱᒋᑦᑎᐊᕆᐊᖃᖅᑕᓪᓗ ᐃᒪᐃᑦᑐᒪᓂᖓ.

ᐱᖁᔨᕗᖔᕈᑦ ᐱᔭᕆᐊᖃᒻᒪᕆᒃᑐᖅ—ᑕᒪᕐᒥᒃ ᐃᓄᐃᑦ ᑕᒪᕐᒥᒃᓗ ᐊᑐᖅᑐᓕᒫᑦ. 

• ᖃᓄᑐᐃᓐᓇᖅ ᐅᑭᐅᓖᑦ, ᑭᓲᓂᖏᑦ, ᐊᐃᑉᐸᕇᖕᓃᓪᓗ
• ᐃᓅᑉ ᐊᓐᓄᕌᖓ ᐱᔪᒪᓕᖅᑎᑦᑎᒃᐸᑦ ᐋᒃᑲᓘᓐᓃᑦ
• ᐃᓄᒃ ᐊᓂᓯᒪᒃᐸᑦ ᐅᓐᓄᓗᐊᒃᑯᑦ ᐅᓐᓄᓗᐊᖑᙱᑦᑐᒃᑯᓪᓘᓐᓃᑦ
• ᐃᓄᒃ ᐱᖃᓐᓇᕆᒍᕕᐅᒃ. ᐱᖃᑏᑦ, ᐃᒡᓗᒥᐅᖃᑎᒋᔭᑦ, ᐅᐃᒋᔭᑦ, ᐱᖃᓐᓇᕆᕕᒃᔪᐊᕐᑕᑦ, ᐊᕐᓇᖅ ᐱᖃᓐᓈᑦ, ᐊᖑᑦ ᐱᖃᓐᓈᑦ, ᓄᓕᐊᑦ, ᐊᕕᖃᑦᑕᖅᑕᑦ, ᑕᑯᓚᐅᓱᖓᓲᑦ, ᖃᐅᔨᒪᙱᑕᑦ, ᐱᖃᑎᒋᔭᑦ, ᐊᓂᖃᑎᒋᔭᑦ
• ᐃᓄᒃ ᐊᓯᔾᔩᒃᐸᑦ ᐃᓱᒪᒥᓂᒃ ᐊᐃᑉᐸᕇᖕᓂᒃᑯᑦ ᖃᓄᐃᓕᐅᖅᑎᓪᓗᓯ
• ᐃᓄᒃ ᐅᖃᖅᐸᑦ “ᐄ” ᐊᑕᐅᓯᕐᒧᑦ ᐊᐃᑉᐸᕇᖕᓂᒃᑯᑦ ᖃᓄᐃᓕᐅᕐᓂᕐᒥ ᐊᒻᒪ “ᐋᒃᑲ” ᐊᓯᖓᒍᑦ ᖃᓄᐃᓕᐅᕐᓂᕐᒧᑦ 

ᐊᐃᑉᐸᕇᖕᓂᒃᑯᑦ ᖃᓄᐃᓕᐅᕐᓂᖅ ᐱᖁᔨᕗᖔᕈᑎᖃᙱᓪᓗᓂ ᐊᐃᑉᐸᕇᖕᓂᒃᑯᑦ ᐱᑦᑎᐊᙱᓐᓂᐅᔪᑦᖅ. ᒪᓕᒐᒃᑯᑦ ᐊᑐᖁᔭᐅᙱᑦᑐᖅ. 

• ᐱᔭᐅᔪᒪᙱᑦᑐᒥᒃ ᑯᓂᒃᓴᕐᓂᖅ ᐊᒃᑐᐃᓂᕐᓘᓐᓃᑦ
• ᒪᓕᖕᓂᖅ ᓇᐅᑦᑐᖅᓱᕐᓂᕐᓘᓐᓃᑦ
• ᐊᑐᕐᓂᖅ ᐊᐃᑉᐸᕇᖕᓂᕐᒥ ᐅᖃᐅᓯᓂᒃ
• ᐱᓂᖅ ᑕᑯᑎᑦᑎᑲᑕᖕᓂᕐᓗ ᐊᐃᑉᐸᕇᖕᓂᕐᒥ ᐊᔾᔨᙳᐊᓂᒃ
• ᐱᑎᑦᑎᑲᒻᒪᒐᓱᖕᓂᖅ ᐊᐃᑉᐸᕇᖕᓂᕐᒥ (ᖁᓄᔪᕐᓂᐊᕐᓂᖅ), ᐃᓚᐅᓪᓗᓂ ᐊᐃᑉᐸᖃᕐᓂᖅ ᑭᓇᒥᑭᐊᖅ ᐋᖓᔮᖅᑐᒥᒃ, ᓄᑭᖃᙱᑦᑐᒥᒃ, ᓯᓂᒃᑐᒥᒃᓘᓐᓃᑦ
• ᖃᓄᑐᐃᓐᓇᖅ ᐊᐃᑉᐸᕇᖕᓂᕐᒥ ᖃᓄᐃᓕᐅᕈᑎᓯ ᑭᓇᒥᑭᐊᖅ ᓯᓚᑖᓃᑦᑐᒥᒃ ᐅᑭᐅᒋᔭᕆᐊᖃᖅᑕᖓᑕ ᐱᖁᔭᐅᔫᑉ