ᐊᐃᑉᐸᕇᒍᓯᒃᑯᑦ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

  • ᐊᖏᕐᕋ
  • ᐃᓕᖕᓂ ᐅᐱᒋᓗᑎᑦ
  • ᖃᓄᐃᙱᑦᑎᐊᕐᓗᓂ ᐊᐃᑉᐸᕇᖕᓂᖅ

ᐊᐃᑉᐸᕇᒍᓯᒃᑯᑦ ᐅᓂᒃᑳᖅᑐᐊᑦ ᓱᓕᔪᓪᓗ

ᐅᓂᒃᑳᖅᑐᐊᑦ: ᖃᐃᕋᔪᐃᕇᒃ, ᒪᓃᓕᑎᑕᕇᒃ, ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᖅ, ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᖅ, ᒪᕐᕉᖕᓂᒃ ᐅᒃᐱᕈᓱᖕᓂᓕᒃ, ᐊᒻᒪ ᐊᐱᕆᔾᔪᑎᓕᒃ ᐃᓄᐃᑦ ᓈᒻᒪᖕᓂᕐᒦᖏᑦᑐᑦ.
ᓱᓕᔪᖅ: ᐃᓄᓕᒫᑦ ᐊᔾᔨᒌᖏᒻᒪᑕ; ᖃᓄᐃᑦᑑᓂᓕᒫᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ ᓈᒻᒪᒃᑐᖅ, ᐱᔭᕆᐊᖃᕐᖢᓂᓗ ᐃᒃᐱᒋᔭᐅᑦᑎᐊᕐᓂᕐᒥ. 

ᐅᓂᒃᑳᖅᑐᐊᑦ: ᐊᖓᔪᖅᑳᑦ ᐱᑎᑦᑎᓲᑦ ᓄᑕᖅᑲᖏᓐᓂ ᒪᓃᓕᑎᑕᕇᒃᑎᑦᑎᓪᓗᑎᒃ, ᖃᐃᕋᔪᐊᕇᒃ, ᐅᕝᕙᓘᓐᓃᑦ ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᑦ.
ᓱᓕᔪᖅ: ᐃᓄᐃᑦ ᓂᕈᐊᖃᑦᑕᙱᑦᑐᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᓂ. ᓈᒻᒪᒃᑑᓪᓗᓂ ᐃᓚᒋᔭᖓ ᑭᓇᐅᓂᑦᑎᓐᓂ. 

ᐅᓂᒃᑳᖅᑐᐊᑦ: ᐊᓯᔾᔨᕈᓐᓇᖅᑕᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑏᑦ.
ᓱᓕᔪᖅ: ᐃᓄᒃ ᐊᓯᔾᔩᔪᓐᓇᙱᑦᑐᖅ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᒥᒃ. ᐊᑕᐅᑦᑎᒃᑯᓪᓗ, ᐊᖑᒻᒥ ᐊᕐᓇᒧᑦ ᐃᒡᓗᐊᒍᓪᓘᓐᓃᑦ ᐃᓄᒃ ᓂᕈᐊᕈᓐᓇᖅᑐᖅ ᐊᐃᑉᐸᖃᕈᒪᓗᓂ ᑭᓇᒥᑭᐊᖅ ᐊᔾᔨᖓᓂ ᖃᓄᐃᑦᑑᓂᖓᓂᒃ; ᐅᕝᕙᓘᓐᓃᑦ ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᓂᖅ ᓂᕈᐊᕈᓐᓇᖅᑐᖅ ᐊᐃᑉᐸᖃᕈᒪᓗᓂ ᑭᓇᒥᑭᐊᖅ ᐊᔾᔨᒋᖏᑕᖓᓂᒃ ᑭᓲᓂᕐᒥ. 

ᐅᓂᒃᑳᖅᑐᐊᑦ: ᖃᓄᐃᙱᑦᑐᖅ ᐊᑐᕐᓗᓂ ᐅᖃᐅᓯᕐᓂ ᓲᕐᓗ ‘ᕚᒐᑦ” ᐊᒻᒪ “ᑕᐃᒃ”.
ᓱᓕᔪᖅ: ᑖᒃᑯᐊ ᐅᖃᐅᓰᑦ ᐊᒃᑐᖅᓯᑯᒻᒥᓲᑦ ᐋᓐᓂᕐᓇᕐᖢᑎᒃᓗ, ᐅᖃᙳᐊᕐᓂᕐᒥᒃᓘᓐᓃᑦ. ᐱᔭᕆᐊᖃᖅᑐᖃᙱᑦᑐᖅ ᖃᓄᖓᓴᖅᑕᐅᓂᕐᒥ. 

ᐅᓂᒃᑳᖅᑐᐊᑦ: ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑏᑦ ᐊᐃᑦᑐᐃᔭᑦᑐᑦ.
ᓱᓕᔪᖅ: ᐃᓅᓯᒪᔪᑎᑦ ᐊᐃᑉᐸᖃᕐᓂᕆᔪᒪᔭᕐᓄᑦ ᖃᐅᔨᖃᑎᒌᒍᑎᖃᕐᖢᑎᑦ. ᐱᔪᓐᓇᙱᑦᑐᑎᑦ “ᐊᐃᑦᑐᖅᑕᐅᓗᑎᑦ” ᓈᒻᒪᒃᓗᑎᑦ, ᖃᐃᔭᔪᐃᕇᖑᓗᑎᑦ, ᒪᓃᓕᑕᕇᖑᓗᑎᑦ, ᐅᕝᕙᓘᓐᓃᑦ ᑕᒪᒃᑮᓄᑦ ᐊᐃᑉᐸᖃᕈᒪᖃᑦᑕᖅᑐᑦ. 

ᐅᓂᒃᑳᖅᑐᐊᑦ: ᐃᓄᓕᒫᑦ ᖃᐅᔨᒪᔪᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᕐᒥ ᐃᒪᓐᓇ ᐅᑭᐅᖃᓕᕌᖓᑕ.
ᓱᓕᔪᖅ: ᐃᓚᖏᑦ ᐃᓄᐃᑦ ᖃᐅᔨᒪᔪᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᐅᑭᐅᑭᓐᓂᕐᒥᓂ. ᐊᓯᖏᑦ ᐃᓄᐃᑦ ᐊᑯᓂᐅᓂᖅᓴᐅᓲᑦ ᖃᐅᔨᓇᓱᒃᖢᑎᒃ. ᐅᓇᐅᓕᖅᐸᑕᖃᙱᑦᑐᖅ ᐃᓄᒃ ᖃᐅᔨᓗᓂ ᑭᒃᑯᓐᓄᑦ ᐱᔪᒪᓂᖃᕐᒪᖔᑕ ᑭᓱᓄᓪᓗ ᑭᓲᓂᕐᓄᑦ ᑕᑯᔭᖏᓐᓂ ᐱᔪᒪᔭᖏᓐᓂ. ᐃᓄᓕᒫᑦ ᐊᔾᔨᒌᖏᒻᒪᑕ, ᖃᓄᐃᙱᖦᖢᓂᓗ. ᒪᓃᓕᑎᑕᕇᒃ, ᖃᐃᕋᔪᐊᕇᒃ, ᐊᒻᒪ ᑭᓲᖃᑎᒋᔭᒥᓂᒃ ᐊᐃᑉᐸᖃᕈᒪᖃᑦᑕᖅᑐᑦ ᐃᓄᐃᑦ ᐱᙱᙳᐊᕈᓐᓇᖅᑐᑦ ᐃᔨᖅᓯᒪᓗᑎᒃᓘᓐᓃᑦ ᐊᐃᑉᐸᕇᖕᓂᕐᒥ ᖃᐅᔨᖃᑎᒌᒍᑎᖏᓐᓂ ᐊᒻᒪ ᐊᖒᖕᒪᖔᕐᒥ ᐊᕐᓇᐅᖕᒪᖔᕐᒥ ᖃᐅᔨᒪᓂᖅ ᐃᖕᒥᖕᓂᙶᕐᓗᑎᒃ ᐊᓯᖏᓐᓂᒃᓗ, ᓲᖃᐃᒻᒪ ᑐᓴᖃᑦᑕᕐᒪᑕ ᑕᑯᖃᑦᑕᕐᖢᑎᒃᓗ ᐱᐅᙱᑦᑐᓂᒃ ᐃᓕᖅᑯᓯᓂᒃ ᖃᑕᙳᑎᖏᓐᓂ, ᐱᖃᓐᓇᕆᔭᖏᓐᓂ, ᓄᓇᓕᖏᓐᓂᒃᓗ.