ᒪᒃᑯᒃᓯᕙᓪᓕᐊᑎᓪᓗᒋᑦ

ᐃᑲᔪᖅᓱᖅᑕᐅᓂᖅ

ᐱᕙᓪᓕᐊᔪᑦ

ᒪᒃᑯᒃᓯᕙᓪᓕᐊᑎᓪᓗᒋᑦ

ᓱᓕᙱᑦᑐᑦ ᐊᒻᒪ ᓱᓕᔪᑦ

ᐱᕙᓪᓕᐊᔪᑦ

ᒪᒃᑯᒃᓯᕙᓪᓕᐊᓪᓗᓂ ᓱᓕᙱᑦᑐᑦ ᐊᒻᒪ ᓱᓕᔪᑦ

ᓱᓕᙱᑦᑐᖅ: ᐊᕐᓇᖅ ᐊᐅᓈᖅᐸᑦ ᐳᐃᔾᔪᕌᕈᓐᓇᙱᑦᑐᖅ, ᐅᓪᓚᒍᓐᓇᙱᑦᑐᖅ, ᐊᓯᖏᓪᓗ.
ᓱᓕᔪᖅ: ᐊᐅᓈᖅᑎᓪᓗᒍ, ᐊᕐᓇᖅ ᖃᓄᑐᐃᓐᓇᑦᑎᐊᖅ ᐱᓕᕆᐊᕆᕙᒃᑕᒥᓂᒃ ᐱᓕᕆᔪᓐᓇᖅᑐᖅ. ᐃᖃᐃᓕᓴᖃᑦᑕᖅᐸᑦ ᐊᑯᐊᙳᙱᓐᓂᖅᓴᐅᔪᓐᓇᖅᑐᖅ ᐱᐅᓯᕐᒥᓄᓪᓗ ᐊᑲᐅᓯᕚᓪᓕᕐᓇᖅᖢᓂ. ᐴᕆᐊᓕᖕᓂᒃ ᐅᕝᕙᓘᓐᓃᑦ ᐊᐅᓈᕐᕕᖕᒧᑦ ᐴᕆᐊᓕᖕᓂᒃ ᐊᑐᖅᐸᒡᓗᓂ ᐳᐃᔾᔪᕌᕐᓂᐊᕌᖓᑦ.

ᓱᓕᙱᑦᑐᖅ: ᐊᐅᓈᕐᓂᖅ ᐃᑉᐸᒃᑐᐊᓗᒃ.
ᓱᓕᔪᖅ: ᐊᐅᓈᖅᖢᓂ ᐊᐅᒃ ᐊᔾᔨᒋᑐᐃᓐᓇᖅᐸᐅᒃ ᕿᖓᒃᑯᑦ ᐊᒻᒪ ᑭᓕᕐᓂᒃᑯᑦ ᐊᐅᓈᕐᓂᕐᒥᒃ. ᑎᒥᒥᙶᖅᖢᓂ ᐊᐅᓈᕐᓂᐅᕐᒪᑦ ᐊᕐᓇᓄᑦ.

ᓱᓕᙱᑦᑐᖅ: ᓈᒻᒪᙱᑦᑐᐊᓗᒃ ᐊᖑᑎᑦ ᓯᓂᒃᑎᓪᓗᒋᑦ ᖃᐸᒥᒃ ᐊᓂᐊᑎᑦᑎᔪᑦ.
ᓱᓕᔪᖅ: ᖃᓄᐃᙱᑦᑎᐊᖅᑐᖅ ᐱᐅᓯᑐᐃᓐᓇᐅᖕᒪᑦ−ᐅᓐᓄᐊᒃᑯᑦ ᐱᓂᐊᕐᓂᐅᔪᑦ ᐅᕝᕙᓘᓐᓃᑦ “ᓯᓇᒃᑐᖅᑕᐅᔪᑦ ᓄᓕᐊᖅᑐᓂᒃ”. ᑕᒪᓐᓇ ᐊᑐᖅᑕᐅᒐᔪᒃᐳᖅ ᐊᖑᑎᑦ ᓄᓕᐊᕐᓂᕐᒥᒃ ᓯᓐᓇᒃᑐᕌᖓᑕ.

ᓱᓕᙱᑦᑐᖅ: ᐊᕐᓇᖅ ᓯᖓᐃᓕᕈᓐᓇᙱᑦᑐᖅ ᐊᐅᓈᖅᑎᓪᓗᒍ ᓄᓕᐊᖅᑕᐅᒐᓗᐊᖅᐸᑦ.
ᓱᓕᔪᖅ: ᐊᕐᓇᖅ ᖃᖓᑐᐃᓐᓇᑦᑎᐊᖅ ᓄᓕᐊᖅᑕᐅᑎᓪᓗᒍ ᓯᖓᐃᓕᕈᓐᓇᖅᐳᖅ ᓇᔾᔨᔾᔭᐅᒃᑯᑎᒥᒃᐊᑐᙱᑐᐊᖅᐸᑦ. ᐃᔭᕈᕙᐅᔭᐃᑦ ᓄᑕᕋᓛᒃᓴᑦ ᐅᓪᓗᓄᑦ ᑕᓪᓕᒪᓄᑦ ᑎᑭᓪᓗᒍ ᐆᒪᔪᓐᓇᕐᒪᑕ ᒪᓐᓂᖕᒧᐊᑐᐃᓐᓇᕆᐊᖃᖅᖢᑎᒡᓗ ᐊᐅᓈᕋᓗᐊᖅᑎᓪᓗᒍ. ᐃᔭᕈᕙᐅᔭᐃᑦ ᓄᑕᕋᓛᒃᓴᖅ ᒪᓐᓂᒡᓗ ᑲᑎᑐᐃᓐᓇᕆᐊᖃᖅᑎᐊᓲᖑᖕᒪᑕ. ᐊᐃᑉᐸᕇᒃ ᓄᓕᐊᕋᔪᒃᑑᒃ− ᐊᖑᑦ ᐊᒻᒪ ᐊᕐᓇᖅ, ᓯᖓᐃᓕᖁᔨᙱᑐᐊᖅᐸᑎᒃ, ᓇᔾᔨᔾᔭᐃᒃᑯᑎᒥᒃ ᐊᑐᖃᑦᑕᕆᐊᖃᖅᐳᖅ.

ᓱᓕᙱᑦᑐᖅ: ᐊᕐᓇᖅ ᐊᑐᖃᑦᑕᖅᐸᑦ ᐴᕆᐊᓕᖕᒥᒃ ᐊᐅᓈᖅᑎᓪᓗᒍ ᓄᓕᐊᓚᐅᖅᓯᒪᙱᓐᓂᓂ ᐊᓯᐅᔨᓇᔭᖅᐹ.
ᓱᓕᔪᖅ: ᓄᓕᐊᓚᐅᖅᓯᒪᙱᑦᑐᖅ ᐊᖑᑦ ᐊᕐᓇᕐᓘᓐᓃᑦ ᓄᓕᐊᓚᐅᖅᓯᒪᙱᑦᑐᒥᒃ ᑕᐃᔭᐅᕗᖅ. ᐴᕆᐊᓕᖕᒥᒃ ᐊᑐᖅᐸᒃᑲᓗᐊᖅᐸᑦ ᓄᓕᐊᕐᓂᕐᒧᑦ ᐊᔾᔨᒋᙱᑦᑎᐊᖅᑕᖓ.

ᓱᓕᙱᑦᑐᖅ: ᐅᓱᒃ ᐃᓗᐊᒍᑦ ᓴᐅᓂᓕᒃ.
ᓱᓕᔪᖅ: ᐃᓛᓐᓂᒃᑯᑦ ᐅᖃᖅᐸᒃᑲᓗᐊᖅᑎᓪᓗᑕ ᐅᓱᒃ ᑎᒃᓴᑎᓪᓗᒍ “ᓴᐅᓐᓇᕆᒃᑐᖅ” ᐅᓲᑉ ᐃᓗᐊᒍᑦ ᓴᐅᓂᖅᑕᖃᙱᑦᑐᖅ. ᐊᐅᖕᒥ ᑕᑕᒃᑳᖓᑦ ᑎᒃᓴᓕᓲᖑᖕᒪᑕ.

ᓱᓕᙱᑦᑐᖅ: ᐊᖑᑎᑦ ᐅᓱᖏᑦᑕ ᐊᖏᓂᖏᑦ ᒪᓕᑐᐃᓐᓇᐳᑦ ᐃᓯᒐᖅᑯᖅᑐᓂᖏᓐᓄᑦ ᐊᒡᒐᖅᑯᖅᑐᓂᖏᓐᓄᓪᓗ.
ᓱᓕᔪᖅ: ᐅᓱᐃᑦ ᐊᖏᓂᖏᑦ ᒪᓕᙱᑦᑎᐊᖅᑐᑦ ᐊᖑᑦ ᐃᓯᒐᖅᑯᖅᑐᒐᓗᐊᖅᐸᑦ ᐊᒡᒐᖅᑯᖅᑐᒐᓗᐊᖅᐸᓪᓘᓐᓃᑦ.

ᓱᓕᙱᑦᑐᖅ: ᓰᐸᔪᖕᓂᒃ ᑕᒧᓗᑲᑕᒃᐸᒃᖢᓂ/ᑯᑯᒃᑐᑲᑕᒃᐸᒃᖢᓂ ᐅᕕᓂᕐᓗᓕᕐᓇᖅᑐᖅ.
ᓱᓕᔪᖅ: ᒪᒃᑯᒃᓯᕙᓪᓕᐊᑎᓪᓗᑕ, ᑎᒥᑦᑕ ᓱᔾᔪᑎᖏᑦ ᐅᕕᓂᑦᑕ ᐃᓗᐊᒍᑦ ᐅᖅᓱᐊᕿᓂᖅᓴᐅᓕᓲᖑᖕᒪᑕ, ᐅᕕᓂᕐᓗᓕᕐᓇᖅᑐᓂᒃ, ᓰᐸᔪᐃᑦ ᑕᒧᓗᒐᑦ ᑕᐃᒪᐃᓐᓇᙱᑦᑐᑦ ᑭᓱᑐᐃᓐᓇᓪᓘᓐᓃᑦ ᓂᕆᕙᒃᑕᕗᑦ. ᖃᐅᑕᒫᑦ ᓯᐸᔪᖕᓂᒃ ᑕᒧᓗᒃᐸᒃᖢᓂ ᐊᓯᐊᒍᑦ ᑎᒥᑦᑎᓐᓂ ᓈᒻᒪᙱᓪᓕᐅᕈᑕᐅᓕᖅᐸᒃᐳᑦ, ᑕᐃᒪᐃᓐᓂᖓᓄᑦ ᓂᕿᑦᑎᐊᕙᖕᓂᒃ ᓂᕈᐊᖔᖅᐸᒡᓗᓯ.