ᐃᑭᐊᖅᑭᕕᒃᑯᒃ ᑐᑭᓯᒋᐊᕐᕕᖕᒥ ᑎᑎᕋᖅᓯᒪᔪᑦ ᓴᖅᑭᑎᑕᐅᓯᒪᕗᑦ ᐊᒻᒪ/ᐅᕝᕙᓘᓐᓃᑦ ᑲᑎᑕᐅᓯᒪᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓪᓗ ᓄᓇᕗᑦ ᒐᕙᒪᖓᓂ ᓄᓇᕗᒻᒥᐅᓄᑦ ᑐᕌᖓᔪᓂᒃ ᑐᑭᓯᒋᐊᕐᕕᒃᓴᖃᖁᓪᓗᒋᑦ ᐱᓕᕆᐊᒃᓴᐃᑦ ᐱᔨᑦᑎᕋᐅᑏᓪᓗ ᒥᒃᓵᓄᑦ ᓄᓇᕗᑦ ᒐᕙᒪᒃᑯᓐᓄᑦ ᐊᑐᐃᓐᓇᐅᑎᑕᐅᔪᓂᒃ.
ᑕᕝᕙᓂ ᑐᑭᓯᒋᐊᕐᕕᖕᒥ ᑎᑎᕋᖅᓯᒪᔪᑦ ᒪᓕᒋᐊᓕᖕᓂᑦ ᒪᓕᒃᐳᑦ ᐃᔾᔪᐊᖅᑕᐅᔭᕆᐊᖃᙱᑦᑐᓄᑦ ᐱᖁᔭᕐᒥ ᑲᓇᑕᒥᐅᑦ ᒪᓕᒐᖏᓐᓂ, ᐊᑐᐊᒐᖏᓐᓂ, ᒪᓕᒋᐊᓕᖏᓐᓂ ᓄᓇᕐᔪᐊᓕᒫᒥᓗ ᐊᖏᖃᑎᒌᒍᑕᐅᓯᒪᔪᓂᒃ. ᒪᓕᒋᐊᓖᑦ ᓇᓗᓇᐃᖅᓯᔾᔪᑕᐅᖃᑦᑕᖅᐳᑦ ᑐᑭᓯᒋᐊᕐᕕᐅᓯᒪᔪᓂᒃ ᐊᒻᒪ, ᐱᓗᐊᖅᑐᒥ, ᑎᑎᕋᖅᓯᒪᔪᓂᒃ ᐃᔾᔪᐊᓯᔪᒪᔪᓄᑦ ᐊᔪᖅᑎᑦᑎᓂᕐᒥᒃ ᑎᑎᖅᑲᒥᒃ ᐊᖏᕈᑎᖃᙱᑦᑐᓄᑦ. ᐊᔾᔨᙳᐊᓂᒃ ᐊᑐᕐᓂᐊᖅᑐᑦ, ᐊᔾᔨᙳᐊᒥᒃ ᐱᕝᕕᐅᔪᕕᓃᑦ ᐃᓕᓴᕆᔭᐅᖃᑦᑕᕐᓂᐊᖅᐳᑦ. ᑎᑎᕋᖅᓯᒪᔪᓂ ᑐᑭᓯᒋᐊᕈᑎᒃᓴᓂᒃ ᐱᕝᕕᐅᔪᑦ ᐱᓕᕆᕝᕕᒋᔭᐅᔪᑦ ᑖᒃᑯᓂᖓ ᐱᓕᕆᐊᒃᓴᓖᑦ ᐃᓕᓴᕆᔭᐅᖃᑦᑕᕐᓂᐊᖅᐳᑦ, ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᑦ ᒪᒃᐱᖅᑐᒐᕐᓂ: ᐊᔾᔨᖁᑎᓂᒃ ᑎᑎᕋᖅᓯᒪᔪᓂᓪᓘᓐᓃᑦ ᐊᑐᕈᒪᒍᕕᑦ ᐊᖏᕈᑎᑖᓚᐅᕐᓗᑎᑦ ᐊᑐᕈᓐᓇᕋᔭᖅᐳᑎᑦ.
ᑮᓇᐅᔭᓕᐅᕈᑕᐅᙱᑦᑐᓄᑦ ᑕᕐᕋᓕᐅᕐᓂᖅ
ᑐᑭᓯᒋᐊᕈᑎᒃᓴᐃᑦ ᑕᕝᕙᓂ ᑐᑭᓯᒋᐊᕐᕕᖕᒦᑦᑐᑦ ᓴᖅᑭᑎᑕᐅᓯᒪᕗᑦ ᒪᓂᒪᑎᑦᑎᕙᒌᕈᒪᓪᓗᑎᒃ ᐃᓄᖕᓄᑦ ᑭᒃᑯᑐᐃᓐᓇᓄᓪᓗ ᑮᓇᐅᔭᓕᐅᕈᑕᐅᙱᑦᑐᓄᑦ ᐊᑐᕈᒪᔪᓄᑦ ᑕᕐᕋᓕᐅᖅᑕᐅᑐᐃᓐᓇᕆᐊᖃᖅᖢᓂᓗ, ᐃᓚᐃᓐᓇᖓᓂ ᑕᒪᐃᓐᓂᒡᓘᓐᓃᑦ ᖃᓄᑐᐃᓐᓇᕐᓗ, ᐊᑭᓕᒐᒃᓴᖅᑖᖅᑎᑦᑎᙱᓪᓗᑎᒃ ᐊᖏᕈᑎᑖᒃᑲᓐᓂᕆᐊᖃᙱᓪᓗᑎᒡᓗ ᓄᓇᕗᑦ ᒐᕙᒪᖓᓂᑦ.
ᑐᑭᓯᒋᐊᕈᑎᒃᓴᓂᒃ ᖃᐅᔨᑎᑦᑎᓂᐊᕌᖓᒥᒃ ᑕᕐᕋᓕᐅᕐᓂᐊᕌᖓᒥᒡᓘᓐᓃᑦ ᐃᒪᐃᓕᐅᖁᔨᓇᔭᖅᐳᒍᑦ:
- ᐊᑐᖅᑏᑦ ᐊᑐᕆᐊᖃᖅᐳᑦ ᐅᔾᔨᖅᓱᑦᑎᐊᕐᓗᑎᒃ ᑕᒻᒪᖅᓯᒪᙱᑦᑐᓂᒃ ᑎᑎᕋᖅᓯᒪᔪᓂᒃ ᑕᕐᕋᓕᐅᖁᓪᓗᒋᑦ;
- ᓄᓇᕗᑦ ᒐᕙᒪᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓪᓗ ᓇᓗᓇᐃᖅᑕᐅᓗᑎᒃ ᖃᐅᔨᒋᐊᕐᕕᐅᓯᒪᓂᖏᓐᓂᒃ; ᐊᒻᒪᓗ
- ᑕᕐᕋᓕᐅᖅᑕᐅᔪᑦ ᐅᖃᐅᓯᐅᓯᒪᙱᓪᓗᑎᒃ ᐅᖃᐅᓯᐅᓯᒪᓪᓚᑦᑖᕐᓂᖏᓐᓂᒃ ᑎᑎᕋᖅᓯᒪᔪᓂ ᑕᕐᕋᓕᐅᖅᑕᐅᔪᓂᒃ, ᐋᖅᑭᒃᑕᐅᓯᒪᙱᓐᓂᖏᓐᓂᒡᓗ, ᐊᒃᑐᐊᓂᖃᖅᖢᑎᒃ ᐃᑲᔪᖅᑕᐅᓪᓗᑎᒡᓘᓐᓃᑦ ᓄᓇᕗᑦ ᒐᕙᒪᖓᓂᑦ.
ᑮᓇᐅᔭᓕᐅᕐᓂᕐᒧᑦ ᑕᕐᕋᓕᐅᕐᓂᖅ
ᑐᑭᓯᒋᐊᕐᕕᖕᒥᙶᖅᑐᓂᒃ ᑎᑎᕋᖅᓯᒪᔪᓂᒃ ᐅᓄᖅᑐᓂᒃ ᑕᕐᕋᓕᐅᕈᒪᔪᑦ, ᑕᒪᒃᑭᕐᓗᒋᑦ ᐃᓚᐃᓐᓇᖏᓐᓂᓪᓘᓐᓃᑦ, ᑮᓇᐅᔭᓕᐅᕈᑎᖃᕋᓱᒡᓗᑎᒃ ᑐᓂᐅᖅᑲᐃᔾᔪᑎᒃᓴᖏᓐᓂᒃ ᐊᔪᖅᑎᑕᐅᕗᑦ ᑭᓯᐊᓂ ᑎᑎᕋᖅᓯᒪᔪᒥᒃ ᐊᖏᕈᑎᖃᕐᓗᑎᒃ ᓄᓇᕗᑦ ᒐᕙᒪᒃᑯᓐᓂ ᐃᔾᔪᐊᖅᑕᐅᔭᕆᐊᖃᙱᑦᑐᑦ ᐊᐅᓚᑦᑎᔨᖓᓄᑦ. ᐊᖏᕈᑎᑖᖅᑎᑕᐅᓚᐅᕐᓗᓂ, ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐃᑲᔪᖃᑦᑕᖅᐳᖅ ᐃᓄᖕᓂᒃ/ᑲᑐᔾᔨᖃᑎᒌᓂᒃ ᑕᕐᕋᓕᐅᖅᓯᔪᒪᓇᔭᖅᑐᓂᒃ ᓄᓇᕗᑦ ᒐᕙᒪᒃᑯᑦ ᑎᑎᕋᖅᓯᒪᔪᖁᑎᖏᓐᓂᒃ ᑮᓇᐅᔭᓕᐅᕈᑎᖃᕈᒪᓗᑎᒃ ᐊᑐᕈᓐᓇᖅᑎᑕᐅᕗᑦ ᑕᒻᒪᖅᓯᒪᙱᓐᓂᖅᐹᓂᒃ, ᐅᓪᓗᒥᒧᑦ ᑐᕌᖓᔪᓂᒃ ᓇᓗᓇᐃᔭᖅᓯᒪᔪᓂᒃ. ᑎᑎᕋᖅᓯᒪᔪᓂᒃ ᑕᕐᕋᓕᐅᕈᒪᓗᑎᑦ ᐊᖏᕈᑎᑖᕋᓱᒍᒪᒍᕕᑦ ᑕᕝᕙᙵᑦ ᑐᑭᓯᒋᐊᕐᕕᖕᒥᙶᖅᑐᓂᒃ ᑮᓇᐅᔭᓕᐅᕈᑎᖃᕈᒪᓗᑎᑦ ᐅᑯᓄᖓ ᖃᐅᔨᒋᐊᕈᓐᓇᖅᐳᑎᑦ:
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ, ᓄᓇᕗᑦ ᒐᕙᒪᖓ
ᑎᑎᖅᑲᒃᑯᕕᐊ 1000, ᐃᓂᖓ 1000, ᐃᖃᓗᐃᑦ, ᓄᓇᕗᑦ ᑲᓇᑕ X0A 0H0 ᐅᕝᕙᓘᓐᓃᑦ (867) 975-5700
ᓯᓚᑖᓂᙶᖅᓯᒪᔪᑦ ᑎᑎᕋᖅᓯᒪᔪᑦ
ᐃᓚᖏᑦ ᑎᑎᕋᖅᓯᒪᔪᑦ ᑎᑎᕋᐅᔭᖅᓯᒪᔪᓪᓗ ᐃᓗᓕᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖏᓐᓃᑦᑐᓂᒃ ᒪᓕᒋᐊᖃᖅᐳᑦ ᐃᔾᔪᐊᖅᑕᐅᔭᕆᐊᖃᙱᑦᑐᓄᑦ ᐊᓯᖏᓐᓄᑦ ᑲᑐᔾᔨᖃᑎᒌᓄᑦ ᒪᓕᒃᑕᐅᔪᓄᑦ. ᑕᒪᓐᓇ ᑐᑭᓯᒋᐊᕐᕕᖕᓄᑦ ᐊᑐᓗᐊᙳᐊᕆᐊᖃᖅᐳᖅ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂ ᑲᑐᔾᔭᐅᓪᓗᑎᒃ ᐊᐅᓚᑕᐅᔪᓂᒃ ᐊᒻᒪ ᓯᓚᑖᓂᙶᖅᑐᓂᒃ ᑲᑐᔾᔨᖃᑎᒌᓂᒃ ᐋᖅᑭᒃᓱᐃᖃᑕᐅᔪᕕᓂᕐᓄᑦ. ᐃᓚᖏᓐᓂ, ᐊᔪᖅᑎᑦᑎᔪᖃᑐᐃᓐᓇᕆᐊᖃᖅᐳᖅ ᑎᑎᕋᖅᓯᒪᔪᓂᒃ ᑕᕐᕋᓕᐅᕈᒪᔪᓂᒃ ᐅᕝᕙᓘᓐᓃᑦ ᑎᑎᕋᐅᔭᖅᓯᒪᔪᑦ ᐃᓗᓕᒋᓐᓂᒃ ᐱᓇᔪᒍᓐᓇᑐᐃᓐᓇᕆᐊᖃᖅᐳᑦ ᐊᖏᕈᑎᑖᕋᓱᒍᓐᓇᖅᐳᓪᓘᓐᓃᑦ ᐱᔪᓐᓇᐅᑎᓕᖕᒥᒃ ᑎᑎᕋᖅᓯᒪᔪᓂᒃ ᑕᕐᕋᓕᐅᓚᐅᙱᑎᓪᓗᒋᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᔾᔪᐊᖅᑕᐅᔭᕆᐊᖃᙱᑦᑐᓄᑦ ᓇᖕᒥᓂᖃᖅᑏᑦ ᒥᒃᓵᓄᑦ ᐊᔪᖅᑎᑕᐅᔪᓪᓗ ᒥᒃᓵᓄᑦ ᑐᑭᓯᒋᐊᕐᕕᖕᒥᙶᖅᑐᓂᒃ ᑕᕐᕋᓕᐅᖅᑎᑦᑎᔪᒪᓂᐊᕐᓗᓂ, ᐅᑯᓄᖓ ᖃᐅᔨᒋᐊᕈᓐᓇᖅᐳᑎᑦ:
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ, ᓄᓇᕗᑦ ᒐᕙᒪᖓ
ᑎᑎᖅᑲᒃᑯᕕᐊ 1000, ᐃᓂᖓ 1000, ᐃᖃᓗᐃᑦ, ᓄᓇᕗᑦ ᑲᓇᑕ X0A 0H0 ᐅᕝᕙᓘᓐᓃᑦ (867) 975-5700