TaiguqhimmaaritUnipkaanguat: Taimaa arnaq aunaaliqqat naluuyalimaittuq, aqpalimaittuq, qanuqtulluuniit.
Itquumayut: Aunaaqtilluni, arnat hulilukaaqtaaqtut nutqangannaittumik. Hulilukaarumi ikikliyuumiqniaqtaa qiluiniq ihuarhilugulu qanuqtut qanuritaakhaanik. Aturluni iliurainiq iluanut aunaaqvikhaanik aunaarvikmikluuniit qallutimik naluuyalirumi.
Unipkaanguat: Auk halumaittuq.
Itquumayut: Auk aadjikutariyaa auk qingakkut auklaqiguvit kiliruvilluuniit. Timiknit aulapkaidjutinga arnanut.
Unipkaanguat: Nakuungittuq angutit anipkarumitku qapungit hiniktillugit.
Itquumayut: Una humaangitpiaqtuq—unnukmi anipkainiq unaluuniit “anipkainiq”. Taimailiuqpaktut angutit nuliarniqmut hinnakturaangamik.
Unipkaanguat: Arnat hingailimaittut nuliaqtaugumi aunaaqtillugu.
Itquumayut: Arnaq hingaittaaqtuq nuliaqtaugumi atungitkumi ihuaqtumik hingaiyaitkutinik. Qapungit inniaqtuq tallimanik ublunik iluani arnap timingani anitauninnga nutarannualiurutinganik igliaqmit aunaaqtillutit. Qapunga nutaraliurutingalu atauttimuuqniaruknaqhiyut. Nuliarutiyut—angut arnaqlu, hingaiyarumangittut, atuqtukhaugaluat hingaiyaitkutinik.
Unipkaanguat: Arnat atuqpaktut aunaarvik iliuraqhimayuq iluanut nuliarniqmut angmaqtauniq.
Itquumayut: Nuliaqtauvyakhimaittuq angut arnaqluuniit taimaa nuliayuittuq. Aturumi aunaarvikmik iliuraqhimayumik aadjikutaringitaa nuliarniqmut.
Unipkaanguat: Uhuk hauniqaqtuq.
Itquumayut: Ilaani taivakkaptigu uumaihimayuq uhuk “uumaiyuq”, tamna uhuk hauniqangittuq. Kayumiktumik auk uhukmungaqtuq uumaipkaivagaa.
Unipkaanguat: Aktikkulaanga angutip uhunga aadjikutariyaa algaminit itigaminitluuniit.
Itquumayut: Uhuup aktikkulaanga pingittuq aktikkulaanga angutip algangit itigangitluuniit.
Unipkaanguat: Nirigumi sikaqaqpallaaqtunik niqinik/chaaklakmikluuniit pukkuutinikpaktut.
Itquumayut: Pitilluni qiturngiurunnaqhiyuq, timiup aulajjayingit urhuqtitpaktuq ataanit uvinikni, talvuuna pukkuktitpaktuq, niriluni sikaqaqpallaaqtunik hunaluuniit niriyarnit pingittut. Nirivallaaqtuq sukaqaqpallaaqtunik ubluq tamaat aadlanik aaniarutipkaivaktuq, talvuuna nakuutqianik nirivaklutit.